عاد عيد اهل الغطو جعله سعيد..الحل..مصمك..حله..ابو ماجد..كفو [الأرشيف]

مشاهدة النسخة كاملة : عاد عيد اهل الغطو جعله سعيد..الحل..مصمك..حله..ابو ماجد..كفو

عدم الانحياز

16/07/2015, 08:23 PM

السلام عليكم ورحمة الله وبركاتة
الى الأحبة في هذه الخيمة الطيبة
مع ارق واجمل وارقى التهاني بالعيد السعيد
جعلنا الله واياكم من المقبولين المعتقين وكل مسلم

.................................................. .................................................. ................
.................................................. .................................................. ................

اسأل الله راحم للعبد حاني
ضاعف الصالح من المد الزهيد
ايتجاوز ذنب عاصي له وجاني
الضعيف الغافل لنفسه يكيد
يالله انك تاهبه لاهل الحساني
يشمله لطفك عن الحال النكيد
ارحم المملوك مخلوق وفاني
مقبل بكره على قبره وحيد
واشكرك يالله في وجبة تهاني
شارعٍ الفرح في العيد المجيد
والتهاني اقبلت معها الاماني
بالعمل صالح مع العمر المديد
وسط خيمتنا وزان البدع زاني
عاد عيد اهل الغطو جعله سعيد
اسأل الله واطلبه وأرجي واثاني
يغفر التقصير والحسنى يزيد
واسأل الرماع عن صرح وشاني
العلم والرمز من ساده يسيد
انتهى عصره وهو من حيث كاني
بالمعزه شامخ طودٍ وطيد
اوله لتلاه شرح به يباني
والاسم معناه ذا المحكم جويد
ذاك ياصف ذا وذا شده عواني
الردايف تجتمع علم وكيد
وان عكسته شفت عكس له دهاني
اوله يمنع صدور واخره يمنع وريد
والسلام ختمام يالفذ الحصاني
رامع للغطو يجعلها بديد

.................................................. .................................................. ................
.................................................. .................................................. ................

ودمــتــم سـالـمـيـن[/QUOTE]

النبهاني

17/07/2015, 02:14 AM

وعليكم السلام والرحمه
صح لسانك ملايين
مرور للمتعه اللي نكمل بها فرحة العيد
وكل عام ودوم وانت بالف خير
الله يذكرك بالخير يارمضان

عدم الانحياز

17/07/2015, 06:52 AM

وعليكم السلام والرحمه
صح لسانك ملايين
مرور للمتعه اللي نكمل بها فرحة العيد
وكل عام ودوم وانت بالف خير
الله يذكرك بالخير يارمضان

يالله حيه واحيه ومتعه ومتع به
صح كلك يابو جارالله وياجعل عيدك سعيد بعمر مديد وصحه وسلامه ومن احببت
وهذا المنى متعتك وكل اخواني في هالخيمه المباركه
الله يلحقنا خير وياكم وكل مسلم ، شرفت ولا كلفت وياحياااااااك
دمت بخير

ابو ماجد 2

17/07/2015, 11:25 AM

عدم الانحياز

17/07/2015, 03:15 PM

يازينك ويازين ماجبت
نهل نرتوي من عذبه
لله درك لله درك لله درك
محاوله
يمكن
مصمك
مص مك
مص مرادفه لمك مع كون المك درجة اكبر يعني مصه بشراهه وبشده وحتى تفاوت المعنى موجود بالفصحى

مَكَّ: ( اسم )
مَكَكْتُ ، أَمُكُّ ، مُكَّ ، مصدر مَكٌّ مَكَّ العَظْمَ : مَشَّ ، مَصَّ جَمِيعَ مَا فِيهِ مِنْ مُخَاخَةٍ

مَصَّ :
مَصَّ الشَّرابَ مَصَّ ُ مَصّاً : شَرِبَهُ شُرْباً رفيقاً .
كم صم

كَمَّ الإِنَاءَ : غَطَّاهُ وَسَتَرَهُ
كَمَّ الدَّنَّ : شَدَّ رَأْسَهُ
صَمَّ الْجُرْحَ : ضَمَّدَهُ
صَمَّ الْقَارُورَةَ : سَدَّهَ

حياك وبياك وحيا ما جبت يالقدوة
يصح لسانك ويسلم فكرك ويعيش راسك وكلك
زانت ايام وسنينك والله يرويك من حوض رسول الله صلى الله عليه وسلم
وكل عام وانت وكل اخواني بخير وتقبل الله منا ومنكم صالح الاعمال
ولله درك لله درك لله درك يالفذ الحصاني اشهد انك جعلته بديد

كفو كفو كفو كفو كفو كفو كفو كفو كفو كفو كفو كفو كفو
نعم يالقدوة الحل هو كما تفضلت
المصمك
والمصمك قصر الرياض المعروف وهو لا يزال علم من معالم الرياض واسمه يعطي معنى محكم ومجود ويتكون من مص ومك وهي مترادفتين واتت ورى بعض كانها تشرح بعض والمك اشد من المص واذا عكسته نجد كم وصم واقرب مثال لها كم فاه وصم اذنه وهنا منع لصادر ووارد
كفو كفو كفو كفو كفو كفو كفو كفو كفو كفو كفو كفو كفو
دمت طيباً سالماً موفقاً وكل اخواني[/QUOTE]

ابو ماجد 2

18/07/2015, 07:49 AM

حياك وبياك وحيا ما جبت يالقدوة
يصح لسانك ويسلم فكرك ويعيش راسك وكلك
زانت ايام وسنينك والله يرويك من حوض رسول الله صلى الله عليه وسلم
وكل عام وانت وكل اخواني بخير وتقبل الله منا ومنكم صالح الاعمال
ولله درك لله درك لله درك يالفذ الحصاني اشهد انك جعلته بديد

كفو كفو كفو كفو كفو كفو كفو كفو كفو كفو كفو كفو كفو
نعم يالقدوة الحل هو كما تفضلت
المصمك
والمصمك قصر الرياض المعروف وهو لا يزال علم من معالم الرياض واسمه يعطي معنى محكم ومجود ويتكون من مص ومك وهي مترادفتين واتت ورى بعض كانها تشرح بعض والمك اشد من المص واذا عكسته نجد كم وصم واقرب مثال لها كم فاه وصم اذنه وهنا منع لصادر ووارد
كفو كفو كفو كفو كفو كفو كفو كفو كفو كفو كفو كفو كفو
دمت طيباً سالماً موفقاً وكل اخواني
[/QUOTE]

صح بدنك
وكفوك الطيب
ماهو جود يمكن من شان كد سويت لغز فيه اصبحت رمعته قريبه للذهن
سويت لغز قديم ولكن ماشاء الله لغزك اعمق ناهيك عن الحبكة الشعريه الله لايخلينا منك
لغزي يقول

اللغز يامن دايم اللغز تتناه=لغزٍ ولا ظنيت يالهيل يغدي
لغزي عن اللي بالجزيره عرفناه=لغزٍ يدور قايل الحل عندي
اسمه اليامن يارماته نصفناه=نصفٍ يرادف نصف والزود مبدي
وليابغيت شرحٍ عن اللي قصدناه=يعني مثل ماتقول مسٍ وشدي
المس يعني في ليونه سحبناه=والشد سحبٍ واضحٍ فيه جهدي
وقد رمعه حبيبنا الغائب ابو ذيبان
لاهنت ياللي بالزعامة رضيناه=ياللي لغوزه تبتهج لي وسعدي
الرمعة الرمعة تـنبه رميناه=لماح والبندق على جال زندي
المصمك المصمك عزيزٍ بنيناه=ماهو بحنا بس جدك وجدي
وبالجهد مع دمٍ حمر قد حميناه=قبل الحضارة قبل رائد وجندي
مص ابرفاقه من دمانا رضعناه=ومك العرق كله بقوة تحدي

مسيرs

18/07/2015, 01:52 PM

زادكما الله من فضله

صقر السديرات

18/07/2015, 04:54 PM

صح لسانك ملايين
وجعلك من عايد العيد
ابيات تطرب مليئة بالدعوات الصالحة
يسلم منطوقك
وكفو يا ابو ماجد
دمت بخير

عدم الانحياز

19/07/2015, 10:44 AM

صح بدنك
وكفوك الطيب
ماهو جود يمكن من شان كد سويت لغز فيه اصبحت رمعته قريبه للذهن
سويت لغز قديم ولكن ماشاء الله لغزك اعمق ناهيك عن الحبكة الشعريه الله لايخلينا منك
لغزي يقول

اللغز يامن دايم اللغز تتناه=لغزٍ ولا ظنيت يالهيل يغدي
لغزي عن اللي بالجزيره عرفناه=لغزٍ يدور قايل الحل عندي
اسمه اليامن يارماته نصفناه=نصفٍ يرادف نصف والزود مبدي
وليابغيت شرحٍ عن اللي قصدناه=يعني مثل ماتقول مسٍ وشدي
المس يعني في ليونه سحبناه=والشد سحبٍ واضحٍ فيه جهدي
وقد رمعه حبيبنا الغائب ابو ذيبان
لاهنت ياللي بالزعامة رضيناه=ياللي لغوزه تبتهج لي وسعدي
الرمعة الرمعة تـنبه رميناه=لماح والبندق على جال زندي
المصمك المصمك عزيزٍ بنيناه=ماهو بحنا بس جدك وجدي
وبالجهد مع دمٍ حمر قد حميناه=قبل الحضارة قبل رائد وجندي
مص ابرفاقه من دمانا رضعناه=ومك العرق كله بقوة تحدي [/QUOTE]

الله يحييك يابوماجد والله يحيي نباك
ما تجي الا والزين معك وين مني وذكر ابو ذيبان يعطر هالمتصفح
الله يذكرك ويذكره بالخير والله انا نحبه في الله وان في القلب عليه حسرة حسوفه وندامه
ولكن (احببت من شئت فانك مفارقه) من غير شر للجميع
دمت بخير

عدم الانحياز

19/07/2015, 10:45 AM

زادكما الله من فضله

ياهلا ومسهلا باخوي ابو معاذ
لا هنت على مرورك والله يزيدك من كل خير وفضل يسرك ميداه وعقباه
دمت بخير

عدم الانحياز

19/07/2015, 10:47 AM

صح لسانك ملايين
وجعلك من عايد العيد
ابيات تطرب مليئة بالدعوات الصالحة
يسلم منطوقك
وكفو يا ابو ماجد
دمت بخير

يا حياك الله يابو فيصل
صح بدنك وكلك ملايين وعاد عيدك الله يطربك بما يسرك ويسعدك
دمت بخير