مشكلة احترت فيها ... باثفندر الجيل القديم

[majid1983]

السلام عليكم
عندي باثفندر 2005 سعودي توماتيك بس فيه مشكلة احترت فيها وغيرت كل انظمة التبريد في السيارة من مروحة الى رديتر الى بلف ..... الخ
المشكلة اولا : اني لما اطلع اي مرتفع عالي وخصوصا الهدا يرتفع امبير الحرارة بحدود النص مع ان المكيف مو شغال.
وثانيا : بعز الظهر الحرارة تكون كويسة بس لما اطفي السيارة وارجعلها بعد مدة قصيرة يكون امبير الحرارة على النص وبعدين ينزل الى الوضع الطبيعي.

مشورتكم وجزاكم الله خير

[SS2012]

في اعتقادي ان الوضع طبيعي في كلا الحالتين. أهم شيء ما تتعدى الحرارة النصف.
في بعض السيارات مثل اليوكن تزيد الحرارة مع الطلوع الى قريب ثلاثة أرباع. وطبيعي في كتلوج الوكالة وأكثر من سيارة
مجربة ونفس الطريقة.

أهم شيء شيك على الموية كل جمعة اذا ما عندك نقص والحرارة ما تتعدى النص في جميع الأحوال فالأمور طيبة. ما عدا التطعيس فحتى لو تتجاوز النص بشيء بسيط فالوضع طبيعي أهم شيء اذا تجاوزت النص امش على هونك الين ما تنزل الى مستواها. تحياتي

[فتك 11]

اخوي بالنسبه للمشكله الثانيه عادي جدا جدا
وحاصله معي بموترين جدد
فتك 11
وحاليا
فتك 15
المشكله الاول يمكن تزر على الموتر بالطلعه يعني تفحمه بنمره

[F34666]

السلام عليكم ورحمة الله

السيارة ليست حرارتها طبيعية والمشكلة تكمن عندك في بلف الحرارة الثاني حيث ان الباثفيندر يوجد فيه بلفين حرارة وليس كل الناس يعرف بوجود البلف الثاني حيث انه موجود خارج المكينة ويكون مكانة تحت كرسي الراكب اسفل السيارة من الخارج عند الشاصي او تحت كرسي السائق والله اني نسيت بالضبط وين يمين او يسار الاكيد انه تحت ولازم يتغير

[أبونجم]

السلام عليكم ورحمة الله

السيارة ليست حرارتها طبيعية والمشكلة تكمن عندك في بلف الحرارة الثاني حيث ان الباثفيندر يوجد فيه بلفين حرارة وليس كل الناس يعرف بوجود البلف الثاني حيث انه موجود خارج المكينة ويكون مكانة تحت كرسي الراكب اسفل السيارة من الخارج عند الشاصي او تحت كرسي السائق والله اني نسيت بالضبط وين يمين او يسار الاكيد انه تحت ولازم يتغير

كلامك صحيح وكنت أعاني من المشكله في باثفندر 2005 تماتيك وبعد ماغيرد البلف الأمامي الأديتر ومويه بيرستون الأصليه ترتفع الحراره .

وبعد جهد جهيد ونصح من الميكانيكي قال لي شيل البلف الخلفي ماله أي فايده .

وفعلا شلناه والحمد لله الأمور ممتازه والحرارة على الربع في الطلوع وفي الزحمه .
طبعا مكانه خلف المكينه من جهه الطبلون ولازم تفك الثلاجه حقت المكينه كلها علشان تشيله أو تغيره .

تحياتي للجميع ...


بالنسبه ياشباب الباثفايندر القير العادي ماهو مثل القير التماتيك .
العادي حرارته عاديه بالنادر ترتفع .
القير التماتيك ترتفع على الربع وفوق الربع بخط واحد أحياننا .
من واقع تجربه .

[majid1983]

شكر لكم جميعا ............ راح اشيك على البلف الثاني

[majid1983]

السلام عليكم
البلف الثاني شلناه مثل ما تمت التوصية والحرارة كما هي ما تغيرت على الطلوع

[أبونجم]

أنا مثلك بالضبط ماخليت شي ماغيرته .

باقي عندك تماتيك المروحه والأديتر .

[majid1983]

أنا مثلك بالضبط ماخليت شي ماغيرته .

باقي عندك تماتيك المروحه والأديتر .

غيرتهم من مدة ونفس الشي مافي اي فايده

[salih100]

البلف الثاني ما تشيله تغيره
وتفرغ المكينه من الهواء مع الماصروه الصغيره الي فيها سداده سوداء شفها تطلع من خلف الثلاجه وتتاكد ان جميع الخراطيش سليمه ما فيها تنسيم وخاصه قطع خرطوش صغيره موقعها فوق القزوز من جهة الراكب

[SGL]

المعروف إنه طبيعي في المرتفعات ترتفع الحرارة وعلى حسب النمرة اللي معشقها وطالع فيها وهذي يفيدونك فيها مجربين القير الأتوماتيك
أما يوم تطفي الموتر وترجع تشغله تلقى الإمبير مرتفع هذي طبيعيه ﻻتشيل هم