مشاهدة النسخة كاملة : مشرورتكم يالربع في النعيم المقنوي ....
الشريهي 810
22/07/2015, 08:33 PM
مساكم الله بالخير الجميع ابي مشورتكم ورايكم في النعيم المقنوي المئة من النعيم هل فيها ربح وهل تكد على روحة وتدخل شي في جيبي ...
وماهو المقنوي الممتاز للبداء بالتجارة (الحيل ام الدفيع ام المطافيل )
اهلاً عزيزي
متى ما حلت البركه بتعين خير حتى لو كان العدد 5
الـ 100 راس من تجربه منقوله مافيها فائده حتى لنفسها لابد ان تدعمها من جيبك
ولا حتى الـ 200 راس
الـ300 تعز نفسها وترد لك بأذن الله بحسن ادارتها في طرقة وكمية الاعلاف والتتبع المصاب والتحصينات اول بأول وحسن اختيار المكان ..
الحيل حيل
الدفيع ممتازه جداً
والمطافيل احسن واحسن لو ان سعرها مو مثل الدفيع ..
الله يفتح لي ولك وللجميع ابواب رحمته ورزقه ..
الحربي حاتم
11/08/2015, 03:09 AM
ودي أنفعك ولكن ماعندي خبرة وتجربه
راعي الشياه
11/08/2015, 02:06 PM
السلام عليكم
الاخ Gx ما قصر عطاك الزبده
احب اضيف
ال 300 تغطي مصاريفها
ال 500 تصرف على بيت معها
لكن المهم ان تكون متفرغ لها او شبه متفرغ وتقابلها خصوصا في مواسم الولادة سواء بالشتاء او الصيف وتحتاج متابعة يومية من تطعيمات وادوية وغيرها وتحرص على علفها ومائها ان لا ينقص عليها شيء
وان يكون عندك راعي امين ويخاف الله في الحلال
بالتوفيق
ابورايف
15/08/2015, 01:35 PM
وعليكم السلام
بالنسبة للمائة كابداية أعتبارها ممتازة جداً
وأول الغيث قطرة لكن لابد أن تعمل لها درسة جدوى بسيطة
مثل المراح للغنم هل هو ملك أم أيجار
والأفضل للغنم الصحراء لتقل الأمراض وتعيش بجو نقي
الدفيع والمطافيل ممتازة لكن تبي متابعه وعنايه من قبل الراعي ومالك الحلال
هنالك حسبة بسيطه
معدل أكل كل رأس فاليوم من 0.5 الى 1 ريال
لو أفترضنا أن لديك مائة رأس = 100رأس *1 =100
باقي الماء
وكذلك العلاجات لو أحتجت لها
لا تتردد اذ تجد في نفسك الهمة والعزيمة
فربما يكون باب رزق لك
توكل على الله
وتقبل مروري وتعليقي
ابومحمدالخرج
17/08/2015, 04:54 AM
ودي أنفعك ولكن ماعندي خبرة وتجربه ولاكن ان شاءالله الاخوان يفدونك
تربة الشمال
20/08/2015, 01:39 PM
الميه 100 راس حقة وناسه وتخسر عليه من جيبك ولا تستفيد منه الا الذبيحه لاكن الحلال لا صار من 300 راس وفوق يكد علئ نفسه اماء بالسبه لنوع الحلال 1ـ النعيمي 2ـ الحري ويفضل ان تكون دفيع لان الرغث الي معهاء عيالهاء تكون غاليه ،،، تقبل مروري ولكم جزيل الشكر
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir