اغراض كهربائية وين احصلهن؟

[.أبوأحمد]

بسم الله الرحمن الرحيم
السلام عليكم ورحمة الله وبركاته
اخواني ابسالكم عن كم غرض كهربائي للسيارة عندي جهاز ابركبة بالسيارة واول مرة اشتغل على سيارتي وينقصن كم من غرض علشان انجز الشغلة
1-بيت الفيوز اوعلبة الفيوز وهذي صورة له
http://store1.up-00.com/2015-06/1433190599281.jpg
2-راس السلك الدائري زي الي مشبوك بطرف السلك بالصورة
3-جرجور الاسود
4-العازل الحراري الي اذا حطيت عليه حرارة كمش
مكاني بريدة
طبعا بحثت باغلب المحلات الي ذكروهن الاخوان بالموضوع السابق ولاحصلت

وسؤال اخير الي عنده خبره بالكهرب ابي السلك الي استخدمه لجهاز بقوة 3.1 امبير

اعتذر اخواني على الاطالة

[Gassimy]

بيت الفيوز متوفر بالمحلات الي بالشارع التجاري
راس السلك متوفر بالكوم وطريقة كبسه حط السلك عاري وبالزراديه
الجرجور اذا تبي حجم ١٦ عند محلات الكهرب واذا تبي حجم صغير شف محلات الكهرب باسواق نجد واذا حاجتك بسيطه مر العثيم بالرواف وخذ منه
اما العازل ما اعرفه

[Bodi1]

تفضل عزيزي

https://www.amazon.com/dp/B00MMYDAQI/ref=cm_sw_r_awd_NzISvbZYF6YVP



https://www.amazon.com/dp/B008CVPE8C/ref=cm_sw_r_awd_ICISvbAKP320D


أرسلت بواسطة iPhone بإستخدام Tapatalk

[Bodi1]

بالنسبه للجرجور عن اي محل تحصله للكهرب اما السلك اقدر افيدك فيه لكن احتاج المسافة من الجهاز لمصدر الكهرباء عشان يطلع شغلك بالسليم


أرسلت بواسطة iPhone بإستخدام Tapatalk

[.أبوأحمد]

بالنسبه للجرجور عن اي محل تحصله للكهرب اما السلك اقدر افيدك فيه لكن احتاج المسافة من الجهاز لمصدر الكهرباء عشان يطلع شغلك بالسليم


أرسلت بواسطة iPhone بإستخدام Tapatalk

الله يعطيك العافيه اخوي لكن انا ابي محل في القصيم او الرياض
وبالنسبة للسلك تقريبا مترين الى ثلاثة من بطارية السيارة الى داخل السيارة

[Bodi1]

الله يعطيك العافيه اخوي لكن انا ابي محل في القصيم او الرياض

وبالنسبة للسلك تقريبا مترين الى ثلاثة من بطارية السيارة الى داخل السيارة


حياك يالذيب

للاسف انا من الطائف وسبق بحثت عنها وطفشت هههههه

لكن اذا مرره مالقيت خذها من امازون مع كم غرض خفافي عشان ماتخسر بشحنتك


وبالنسبة لجهازك 1,5 ملم هو المناسب لمسافة الجهاز مع 3,1 A


بالتوفيق


أرسلت بواسطة iPhone بإستخدام Tapatalk

[مسير عليكم]

اغراضك بالصناعيه القديمه 17 كلها والي تقول عنه يكمش بالحراره تلاقيه بالغرابي محلات الكهرب والكيبلات اسمه كيبل جوينت

[hamdi_chimie]

كم سنة بالضبط

[hamdi_chimie]

رائعة على ما أظن

[hamdi_chimie]

ذلك جيد لكن يجب معرفة المصنع

[hamdi_chimie]

لكن هناك مشكل، نعم

[قناص502]

اذا فيك حيل تجي للزلفي راسلني اوديك لواحد يسويلك اللي تبي وشغل ١٠٠٪ ماشاء الله
اما هل يبيعها ؟ ما اظن لانه يسلك للجيوب والسيارات الثانيه نظام مخفي ماتشوف سلك

[ابو البر]

الجرجور العازل اللي ينكمش بالحراره
انا اشتريه دائما من محلات الأجهزه الألكترونيه بالديره بجوار سوق الزل بالرياض
كل اغراضك بتحصلها هناااااااك .
انا اعني كلها .ما عدى بيت الفيوز بتلاقيه بالكوم بجوار كبري طريق الخرج ( الحديد) محلا با حليوه وبجواره محلات كثيره تبيع اللي تبي (طب وتخير) واذا احتجت من يدلك اتصل بي على الخاص .

[mmaamm123]

السلام عليكم
اخوي جميع متطلباتك تلقاها في محل سناء في شارع الملك عبدالله في حي الملز او فرع الغرابي وهو الافضل ولاكنه لا يبيع الجرجور الا بالرول ولا تنساني والمسلمين من خالص دعائك

[hamido]

في محل سنا ببريده تلقا اغلب اغراضك من الي ينكمش والراس اما بيت الفيوز ماعلم انا اخذه من عنيزه واكيد مانتب بلش