سحاب نجد راعي شقراء
23/07/2015, 05:46 AM
السلام عليكم ورحمه الله وبراكاته
اللهم اني اشهدك وااشهد حمله عرشك وملائكتك والناس اجمعين انك الله الواحد الاحد الذي لم تلد ولم تولد ولم يكن لك كفون احد
----
فيه هكا الواحد والواحد الله في سماه العالي وكل ابليس مخزيه الله
----
يالله تحييهم وليا حيا كثر وتنثر وتزبر بعد
بصغيركم وكبيركم وذكركم ونثاكم
اذكر مره يوم عيد وكانت الدنيا براااد الا جا الليل جيت لشعيب وادي الغدير الي قبال المستشفى ايام كان ابن معمر امير شقراء ترا بيت الاماره كان قبال الشعيب من جنوب في الباطن الجنوبي وقبال صنادق اللحوج
المهم جيت للشعيب ولقا الشباب كبار وصغار جالسين في الشعيب على الرمل قبال المستشفى وشابين ضو يعني نار يتدفون ويسولفون وكان معي واحد اقشر ههههه
قالي قوه من يم الله يكرمكم صندوق القمامه او الزباله الي قبال العيادات الخارجه للمستشفى ونت خابر كلها مليانه ابر وياخذ ابره ما استعملت ثمن قالي قوه نجلس عند العيال وثره ناوي نيه قشرا
وينطل الابره في وسط الضو وهم مايدرون وهي الي تنفجر كنها العاب ناريه هههههههههه ويتطامرون الي على الضو اقولك فيه قشر مهوب في احد ذاك الضاطور هههههههههه
ومرات يكب ملح في وسط الضو ثمن تقد ترمي ويحوس الي جالسين ههههههههههههه
المهم جلسنا مره ثانيه على الضو وشوف واحد جاي يمنا قلت للعيال خلوه علي وكل ما قلت شي قولو هو صادق هههههههههه
المهم وصلنا سلام عليكم السلام وجلس عندنا قلت له عسا
ماشر ياعبدالرحمن وش بلا عيونك حمر ووجهك اصفر عسا مافيك شي يوجعك
وذا العيال الي عندي ماصدقو بخبر كل ماقلت شي قالو هو صادق وشفيك ياعبدالرحمن
ههههههههههه وشوي ويلتفت يمي عبد الرحمن وقالي تمسك يدي توديني لبيتنا هههههههههههههههههههههههههههه صدق ضعيف :D
ثمن قلت له تراي امزح معك ولا طاع يصدق هههههههههههه
يقول انا احس منيب طيب هههههههههههه
وهو مافيه الا العافيه
ياليتهم ايام العيد يخلون اهل البيوت الطين الي جددوها يجون فيها العجيزات ويجلسن عند البيبان منداخل ومعهن شرط العيد من قريض وحلاو صعو وحلاو عسل وبرميت
ويشرطن على البزور وكل يوم ب 2000 ريال لكل عجوز من اللجنه المنظمه بس والله القروش عند راعي شقراء كايده تظهر :p
هما فيه واحد من شقراء وهو يمشي شات برجله ذيك الحصات ولا الظفرحق اصبعه الكبير طاير صاير كنه كبوت سياره انقشع ويوم شافه قال اشوا انها في الظفر ولا في النعله وتنقطع:D ههههههههههه
اذكر ايام العيد ونا توني صغييير رحت عند ناس عندهم عيد وبنتهم دبيبا يعني سمينه شوي وكبر مني طبعن بسنين قالت خل نلعب غزالا بزالا وكان عندنا بزور واااجد المهم تقول بنتهم غزالا بزالا هش ذبابا ليلا بلغتا در - قلت مافيه هش ذبابا غلط ههههههه المهم الله معطيها قدره خارقه في راسها وهي الي تنطحني بر اسها يوم قعدت الدنيا تدور عندي يجي ساعه قعدت على حيلي معاد قويت اقوم هههههههههه
وشذيك الدمجه معها شي خرافي وسبحان الله داريه ان راسها قوي ولا وشلون تجي تركض وتنطحني نطحها البلا صبح العيد وعلا طول جاالليل عندي كلش اظلم
يازينا ويازين عيدنا منول مغير البزور يجمعون العيد ونحن يالجذاعين نقمرق يعني نسرق عيدهم غصب وش ذيك الشوفه في البزور يوم العيد الا لحقناهم رعب بماتعنيه الكلمه ومعلمينهم اهلهم قايلين لهم الا سمعتو احد يقول قمرق تعالو اركضو للبيت لياهم ياخذون الي معكم
اذكر عجوز جعلها للجنه بيتها من يم المجباب والمجباب سوق قديم في شقراء فيه اربعه دكاكين والي يبيعون فيه اثنين عميان وثنين مفتحين ياملا الفردوس المهم والله يعينا على المهم :p يوم مريت منعندها قالت لي تعال اقعد في ذييا ابا اروح اجيب قريض زود ويوم جلست ولاها مخليه زبيل خوص صغير عند الباب وفيه باقي قريض وبسكوت ابو ميزان - وزق العطار هههههههههههههههه
انتم تذكرون زق العطار ههههههههههههه ورانا مسمينه كذا او لشكله
يسمونه هلحين سبال او السبال بس انحن نسميه في شقراء الله يكرمكم زق العطار
ونقوله لراعي الدكان عادي عندك زق العطار يقول ايه عندي كم تبون به :D
المهم قمت ومليت المخابي حقتي كلهن من زبيل العجوز وكل من مر منعندنا عطيته
وكان قبال باب العجوز عجوز ثانيه هي وبنتها الكبيره يشرطون للبزور وشافوني ونا املا المخابي وتقعد العجوز تنادي راعيه البيت الحقي يافلانه ترا ذا الظاطور تعانيني ترا ذا الظاطور ملا مخابيه كلهن من قريضك وكل من مر من البزور يعطيه وتجي راعيه البيت وهي تقول وشو وشو ونا الي انحاش وتقد العجوز تويق مع الباب متغطيه ماطلعت الا عين وحده وهي تقول هين يالسلوقي تعانيني طبعن هين يالسلوقي تراك معروف والله يالعلم ان ياصل امك ههههههههههههه
وين العيد منول وين العيد هلحين فرق السماء عن الارض
وصلى الله على نبينا محمد بس قضت السالفه
اللهم اني اشهدك وااشهد حمله عرشك وملائكتك والناس اجمعين انك الله الواحد الاحد الذي لم تلد ولم تولد ولم يكن لك كفون احد
----
فيه هكا الواحد والواحد الله في سماه العالي وكل ابليس مخزيه الله
----
يالله تحييهم وليا حيا كثر وتنثر وتزبر بعد
بصغيركم وكبيركم وذكركم ونثاكم
اذكر مره يوم عيد وكانت الدنيا براااد الا جا الليل جيت لشعيب وادي الغدير الي قبال المستشفى ايام كان ابن معمر امير شقراء ترا بيت الاماره كان قبال الشعيب من جنوب في الباطن الجنوبي وقبال صنادق اللحوج
المهم جيت للشعيب ولقا الشباب كبار وصغار جالسين في الشعيب على الرمل قبال المستشفى وشابين ضو يعني نار يتدفون ويسولفون وكان معي واحد اقشر ههههه
قالي قوه من يم الله يكرمكم صندوق القمامه او الزباله الي قبال العيادات الخارجه للمستشفى ونت خابر كلها مليانه ابر وياخذ ابره ما استعملت ثمن قالي قوه نجلس عند العيال وثره ناوي نيه قشرا
وينطل الابره في وسط الضو وهم مايدرون وهي الي تنفجر كنها العاب ناريه هههههههههه ويتطامرون الي على الضو اقولك فيه قشر مهوب في احد ذاك الضاطور هههههههههه
ومرات يكب ملح في وسط الضو ثمن تقد ترمي ويحوس الي جالسين ههههههههههههه
المهم جلسنا مره ثانيه على الضو وشوف واحد جاي يمنا قلت للعيال خلوه علي وكل ما قلت شي قولو هو صادق هههههههههه
المهم وصلنا سلام عليكم السلام وجلس عندنا قلت له عسا
ماشر ياعبدالرحمن وش بلا عيونك حمر ووجهك اصفر عسا مافيك شي يوجعك
وذا العيال الي عندي ماصدقو بخبر كل ماقلت شي قالو هو صادق وشفيك ياعبدالرحمن
ههههههههههه وشوي ويلتفت يمي عبد الرحمن وقالي تمسك يدي توديني لبيتنا هههههههههههههههههههههههههههه صدق ضعيف :D
ثمن قلت له تراي امزح معك ولا طاع يصدق هههههههههههه
يقول انا احس منيب طيب هههههههههههه
وهو مافيه الا العافيه
ياليتهم ايام العيد يخلون اهل البيوت الطين الي جددوها يجون فيها العجيزات ويجلسن عند البيبان منداخل ومعهن شرط العيد من قريض وحلاو صعو وحلاو عسل وبرميت
ويشرطن على البزور وكل يوم ب 2000 ريال لكل عجوز من اللجنه المنظمه بس والله القروش عند راعي شقراء كايده تظهر :p
هما فيه واحد من شقراء وهو يمشي شات برجله ذيك الحصات ولا الظفرحق اصبعه الكبير طاير صاير كنه كبوت سياره انقشع ويوم شافه قال اشوا انها في الظفر ولا في النعله وتنقطع:D ههههههههههه
اذكر ايام العيد ونا توني صغييير رحت عند ناس عندهم عيد وبنتهم دبيبا يعني سمينه شوي وكبر مني طبعن بسنين قالت خل نلعب غزالا بزالا وكان عندنا بزور واااجد المهم تقول بنتهم غزالا بزالا هش ذبابا ليلا بلغتا در - قلت مافيه هش ذبابا غلط ههههههه المهم الله معطيها قدره خارقه في راسها وهي الي تنطحني بر اسها يوم قعدت الدنيا تدور عندي يجي ساعه قعدت على حيلي معاد قويت اقوم هههههههههه
وشذيك الدمجه معها شي خرافي وسبحان الله داريه ان راسها قوي ولا وشلون تجي تركض وتنطحني نطحها البلا صبح العيد وعلا طول جاالليل عندي كلش اظلم
يازينا ويازين عيدنا منول مغير البزور يجمعون العيد ونحن يالجذاعين نقمرق يعني نسرق عيدهم غصب وش ذيك الشوفه في البزور يوم العيد الا لحقناهم رعب بماتعنيه الكلمه ومعلمينهم اهلهم قايلين لهم الا سمعتو احد يقول قمرق تعالو اركضو للبيت لياهم ياخذون الي معكم
اذكر عجوز جعلها للجنه بيتها من يم المجباب والمجباب سوق قديم في شقراء فيه اربعه دكاكين والي يبيعون فيه اثنين عميان وثنين مفتحين ياملا الفردوس المهم والله يعينا على المهم :p يوم مريت منعندها قالت لي تعال اقعد في ذييا ابا اروح اجيب قريض زود ويوم جلست ولاها مخليه زبيل خوص صغير عند الباب وفيه باقي قريض وبسكوت ابو ميزان - وزق العطار هههههههههههههههه
انتم تذكرون زق العطار ههههههههههههه ورانا مسمينه كذا او لشكله
يسمونه هلحين سبال او السبال بس انحن نسميه في شقراء الله يكرمكم زق العطار
ونقوله لراعي الدكان عادي عندك زق العطار يقول ايه عندي كم تبون به :D
المهم قمت ومليت المخابي حقتي كلهن من زبيل العجوز وكل من مر منعندنا عطيته
وكان قبال باب العجوز عجوز ثانيه هي وبنتها الكبيره يشرطون للبزور وشافوني ونا املا المخابي وتقعد العجوز تنادي راعيه البيت الحقي يافلانه ترا ذا الظاطور تعانيني ترا ذا الظاطور ملا مخابيه كلهن من قريضك وكل من مر من البزور يعطيه وتجي راعيه البيت وهي تقول وشو وشو ونا الي انحاش وتقد العجوز تويق مع الباب متغطيه ماطلعت الا عين وحده وهي تقول هين يالسلوقي تعانيني طبعن هين يالسلوقي تراك معروف والله يالعلم ان ياصل امك ههههههههههههه
وين العيد منول وين العيد هلحين فرق السماء عن الارض
وصلى الله على نبينا محمد بس قضت السالفه