واثره ذبحها والهنا عنده الذبح...الحل...المنفاخ...حله...د/ناصر العلي...كغو

[عدم الانحياز]

السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة
خـــــــــــــفـــــــــــــيــــــــــــف




.................................................. .................................................. ................
.................................................. .................................................. ................
انشد عن الرجال كلٍ درابه
من موت غيره والفنى عنده الربح
ابها تجمل عقب صارت خرابه
غازل بها العذراء مع الليل والصبح
تزينت ثم صار شوفه طرابه
واثره ذبحها والهنا عنده الذبح
والصدق والله فيه جيد وذرابه
ينفع الا من هو هو الكلب بالنبح
وفيه الكرم يعطيك حوشة جرابه
فعله على زود ولا يعرف الكبح

.................................................. .................................................. ................


ودمــتــم سـالـمـيـن

[ابو ماجد 2]

صح لسانك يامن رشفنا من منهل بديعه
صح لسانك ملايين
مازلت تحت تاثير نشوة الطرب بالابيات
لكن لامانع من افتتاحيه
المخلب والزرع اذا طاب

[ابوماريا]

عليكم السلام ورحمة الله وبركاته

ماشاء الله تبارك الله
ابداااااااااع
صح السانك مليوووووون يالغالي

مرور تقدير ولنا عوده إن شاء الرحمن

[راعي الجيب2]

وعليكم السلام ورحمة الله وبركاته

سلمت على هاللغز المحبوك

رمعه \ النجر والبنت القهوه

[راعي العجراء]

صح السانك عدم الانحياز

ابيات قمة الروعه

ولغز محبوك

نحاول مع الربع

حبل الفتيل داخل الشمعه

او

الزناد والفشقه

[عدم الانحياز]

صح لسانك يامن رشفنا من منهل بديعه
صح لسانك ملايين
مازلت تحت تاثير نشوة الطرب بالابيات
لكن لامانع من افتتاحيه
المخلب والزرع اذا طاب



ياااااااااااااااااهلا كل الهلا يالقدوه
صح بدنك وكلك مليارات - الله لا يحرمك رشفة من حوض نبيك محمد صلى الله عليه وسلم
الطرب فيما تصوغه اناملك من نتاج فكرك المتوقد لا عدمناك
الله يفتح لك ابواب الرزق توجه طيب من حيث انها اداة وانتظر القاتلة
دمت بخير

[ابوماريا]

المنجل
لصرم النخل

[عدم الانحياز]

عليكم السلام ورحمة الله وبركاته
ماشاء الله تبارك الله
ابداااااااااع
صح السانك مليوووووون يالغالي
مرور تقدير ولنا عوده إن شاء الرحمن


حيااااااك اخوي الفاضل ابو فايز
ويصح كلك الى ما لانهاية - مرورك في حد ذاته انس
انتظر هجومك القاتل
دمت بخير

[عدم الانحياز]

وعليكم السلام ورحمة الله وبركاته
سلمت على هاللغز المحبوك
رمعه \ النجر والبنت القهوه


شرفتنا ياراعي الجيب - تسلم روحك وكلك الله يحبك لك شباك الخير
خطيييييييييييييييييييييير - اما ذبحت ادميت
لا حظ ان حياته من فنى غيره
انتظر القاتلة
دمت بخير

[عدم الانحياز]

[QUOTE=راعي العجراء;10518540]
صح السانك عدم الانحياز

صح السانك عدم الانحياز
ابيات قمة الروعه
ولغز محبوك
نحاول مع الربع
حبل الفتيل داخل الشمعه
او
الزناد والفشقه



يا حياك الله ياراعي العجراء شرفت اخوك
وصح لسانك وكل كيانك - وانت كذلك رائع ايه المحبوب رفيق الابتسامه
في انتظار القاتله وشف ردودي السابقه على الاحباب
دمت بخير[/center]

[عدم الانحياز]

المنجل
لصرم النخل



هلا بك يابو فايز
ما صابت ياخوي الفاضل لاحظ الله يكرمك متى ينبح الكلب وردودي السابقه - فيه معطيات كثير في اللغز
دمت بخير

[راعي العجراء]

طيب ياعم مايكون القصاب والذبيحه

[ف ف]

صح لسانك رميعه

الكلب اكرمكم الله ماينلح الا على جريمه او ماشابهه
وش رايك بالكلب البوليسي

[عدم الانحياز]

طيب ياعم مايكون القصاب والذبيحه


حياك ياراعي العجراء
ماصابت ياخالي مطلوبنا اداة كما سبق ان اوضحت للزعيم
دمت بخير

[عدم الانحياز]

صح لسانك رميعه

الكلب اكرمكم الله ماينلح الا على جريمه او ماشابهه
وش رايك بالكلب البوليسي


يامراحب اخوي ف ف
يصح بدنك وكلك وحياك يالغالي
الله يكرمك بطاعته - ولاحظ اخوي ان الكلب كذلك ينبح الضيف
دمت بخير

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ولله درك
محاولة
فنجان او فنجال القهوة

[عدم الانحياز]

وعليكم السلام ورحمة الله وبركاته
سلمت يالغالي
وصح لسانك
ولله درك
محاولة
فنجان او فنجال القهوة


يا حياك الله يابوعلي
يسلم راسك ويصح كلك والله يحفظك في الحل والترحال
سعادة الدكتور شف البيت الاول يقول انه يجي من موت غيره وهو بذلك ربحان من فنى غيره
ثم عاد الابيات الباقية اللي ما بعدها الا القاتلة
دمت بخير

[ناصر العلي]

نعاود المحاولة يالغالي
مايصير
المحماس
أو
الوجار

منقل الشوي او برميل المندي

[عدم الانحياز]

نعاود المحاولة يالغالي
مايصير
المحماس
أو
الوجار
منقل الشوي او برميل المندي



هلا بك يابو علي في كل وقت
ماصابت يالغالي العالي
دمت بخير

[عدم الانحياز]

السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة
خـــــــــــــفـــــــــــــيــــــــــــف




.................................................. .................................................. ................
.................................................. .................................................. ................
انشد عن الرجال كلٍ درابه
من موت غيره والفنى عنده الربح
ابها تجمل عقب صارت خرابه
غازل بها العذراء مع الليل والصبح
تزينت ثم صار شوفه طرابه
واثره ذبحها والهنا عنده الذبح
والصدق والله فيه جيد وذرابه
ينفع الا من هو هو الكلب بالنبح
وفيه الكرم يعطيك حوشة جرابه
فعله على زود ولا يعرف الكبح

.................................................. .................................................. ................


ودمــتــم سـالـمـيـن


يالربع ما تلتفتون على هالمزيون تراه بسيط - ونفكر بصوت عاليه - الله يذكر ابو ذيبان بالخير
رجال ينشاء من موت غيره علشان كذا الفنى عنه ربح
وهو يتجمل وتزين باللي فنيو ويبدا يغازل له بنت
البنت من مغازله تزينت هي بعد وصار شوفها ونسه
لكن يا للاسف ماتت واثر زينها موت لها والسبه هو وهذا هو طبعه فيها دائما
والحقيقه برغم كل ذلك هو جيد وينفع وقت الزنقه
واللي في جوفه يعطيك اياه مامنه فرامل العلم عندك
دمتم طيبين سالمين

[أبوعبدالرحمن99]

صح لسانك على هالطرق الكايف ،
اعجبتني عبارة : ليا من هوهو الكلب :D
محاولة ممكن شاطحة البارود الملون في الالعاب النارية ، اشكاله جميلة في السماء ،
اعذرني هذا اللي طلع معي و اللياقة صفر على الشمال.

[عدم الانحياز]

صح لسانك على هالطرق الكايف ،
اعجبتني عبارة : ليا من هوهو الكلب :D
محاولة ممكن شاطحة البارود الملون في الالعاب النارية ، اشكاله جميلة في السماء ،
اعذرني هذا اللي طلع معي و اللياقة صفر على الشمال.

ياهلا بك يابوعبدالرحمن وكل الهلا
صح بدنك وهذا بعض من بعض ما عندك
اخوي حنا نتكلم عن شي تقوم حياته على موت غيره كذا من الاخر
وليتك ترجع لشرحي السابق - فالامر اقرب مما تتصور لا حظ انه انه يغازل مزيونه ويتسبب في ذبحها
ولا تعتذر في الرمع الحال الحال اخوك ميح
دمت بخير

[راعي الجيب2]

ركزت بالرمعه الاولى على النجر والقهوه مستند على هالبيت
ينفع الا من هو هو الكلب بالنبح
وهو دليل قدوم ضيف او شخص وهو وصف رهيب ودقيق ما شاء الله ولن ابتعد عن المعاميل
مفواح القهوه والعذرا الدله
ودمت سالم وغانم ان شاء الله

[عاشق السبق]

السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة
خـــــــــــــفـــــــــــــيــــــــــــف




.................................................. .................................................. ................
.................................................. .................................................. ................
انشد عن الرجال كلٍ درابه
من موت غيره والفنى عنده الربح
ابها تجمل عقب صارت خرابه
غازل بها العذراء مع الليل والصبح
تزينت ثم صار شوفه طرابه
واثره ذبحها والهنا عنده الذبح
والصدق والله فيه جيد وذرابه
ينفع الا من هو هو الكلب بالنبح
وفيه الكرم يعطيك حوشة جرابه
فعله على زود ولا يعرف الكبح

.................................................. .................................................. ................


ودمــتــم سـالـمـيـن


السلام عليكم ماشاءلله عليك يالغالي لغز دسم و أقول الصيد بالبندق و لنا رمعات جايه

[عدم الانحياز]

ركزت بالرمعه الاولى على النجر والقهوه مستند على هالبيت
ينفع الا من هو هو الكلب بالنبح
وهو دليل قدوم ضيف او شخص وهو وصف رهيب ودقيق ما شاء الله ولن ابتعد عن المعاميل
مفواح القهوه والعذرا الدله
ودمت سالم وغانم ان شاء الله


ياهلا وسهلا براعي الجيب
اسأل الله باسمه الاعظم أن يزيح ما أهمك بما يرضيك ويرضه عنك
حلو حلو - وهذي ما صابت - وحياك الله في كل وقت
دمت بخير

[عدم الانحياز]

السلام عليكم ماشاءلله عليك يالغالي لغز دسم و أقول الصيد بالبندق و لنا رمعات جايه


ارحب ارحب ياعاشق السبق
وعليكم السلام مازاد دسمه الا بمرور الطيبين شرواك عليه
خلها وزل - وحياك في كل وقت
دمت بخير

[مريسان]

صح لسانك ياعديم الانحياز
محاوله
صميل

[ف ف]

رميعه
وش رايك بالصاج او التنور





مدري مدري

[عدم الانحياز]

صح لسانك ياعديم الانحياز
محاوله
صميل

صحت حياتك وكلك اخوي الفاضل مريسان
ما صابت وافضل محاوله من ناحية انطباق بهض معطيات اللغز
دمت بخير

[عدم الانحياز]

رميعه
وش رايك بالصاج او التنور





مدري مدري

ما صابت يابو ثامر
الا تدري تدري
تلفت يمين يسار وتلقا
دمت بخير

[ف ف]

جر القوس ع الربابه يشبه الذبح
وش رايك بالربابه

رمعه تقرقع براسي خلني افتك منها لاعدمتك

[عدم الانحياز]

جر القوس ع الربابه يشبه الذبح
وش رايك بالربابه

رمعه تقرقع براسي خلني افتك منها لاعدمتك


هلا بك اخوي ابو ثامر وعذرا على التاخير
وانتبه نصيحه بناء على نصائح شيبانا - لا تخلي رمعه الا وترميها اما صابت ولا مشروع لغز جديد
ما صابت - لكن احذف القوس ودور شبيه للربابه ولو شوي
في الشكل والمكونات تقريباً ولا هو يختلف اختلاف كلي
دمت بخير

[ذيب الفقارة]

طيب يمكن

القوس والسهم

تحياتي

[عدم الانحياز]

طيب يمكن

القوس والسهم

تحياتي


حياك يابوعدنان
الله يرضى عليك اقول لبو ثامر احذف القوس وشبه على الربابه وتعيد القوس مع السهم
ما صابت وعموماً الذبح حاصل حاصل به وبلياه لكن هو يعجل الامر نسبياً
والمطلوب اقرب من ذلك ومستخدم اكثر على الاقل الى وقت قريب
دمت بخير

[ناصر العلي]

طيب ياابوحمد
مايصير
المقلى

[عدم الانحياز]

طيب ياابوحمد
مايصير
المقلى


هلا ثم هلا بالدكتور
ابوعلي لاعدمتك - حياته من موت غيره ويكتسي بها ومن هنا تبداء رحلته مع البنت
تكفى يابوعلي
دمت بخير

[ف ف]

والله مدري لكن تصنع من الجلد بعد دبغه القربه او العكه

[عدم الانحياز]

والله مدري لكن تصنع من الجلد بعد دبغه القربه او العكه


ابو ثامر - الله وكبر ما غير هي والربابه وشهي منه ;)
دمت بخير

[عدم الانحياز]

صح لسانك.
صح لسانك
،


هلا بك اخوي وحياك
صحت حياتك وليتك رمعت لعل وعسى يالغالي
دمت بخير

[ذيب الفقارة]

صباح الخير

يمكن الخنجر

تحياتي

[ذيب الفقارة]

أو البندق أول يلبسون عرقوبها جلد الغزال

[مريسان]

محاوله
قرص :f جمريه

[عدم الانحياز]

صباح الخير
يمكن الخنجر
تحياتي


حيا وبا يابوعدان
والله يصبحك ويمسيك بالخير والمسرات
ما صابت وخلك في المعامليل وحولها يابعدي
دمت بخير

[عدم الانحياز]

أو البندق أول يلبسون عرقوبها جلد الغزال


وهذي بعد يابوعدنان ومثل ماقلت له في اللي قبلها لا عدمت طلتك البهيه
دمت بخير

[عدم الانحياز]

محاوله
قرص :f جمريه


الله يحييك يامريسان
والله يا هالرمعه كايفه من ناحية ذبحه لها وغيره
لكن مطلوبنا يموت غيره ويحيا من بواقيه ثم يشتغل البنيه ومن ثم تموت وهو حي
دمت بخير

[ف ف]

رمعه ضلعاويه


وش قولك بالخور والجمر والمدخنه

مدري مدري

[عدم الانحياز]

رمعه ضلعاويه
وش قولك بالبخور والجمر والمدخنه
مدري مدري


هلابك يابو ثامر
ويالله صبحة بالخير والسعادة
حلو ناخذ المدخنه : هي من موت غيرها بحيث انها من الخشب
وما يجي الا بموت الاشجار لكن ما هي سبب في موت غيرها
لا ن القاتل فيها الجمر وهو دخير عليها ولا تنطبق عليها معطيات اللغز كذلك
اما البخور فهو مقتول في كل حال .
مطلوبنا يالغالي يعيش من موت غيره ويداعب البنية فتزين وزينها موت لها وهم على ذالحال
الا انه هو يتكرر فعله وهي اذا ماتت ما تعود
آمل اني وفقت في التوضيح - ولا تروح بعيد والله انه اقرب من كثير من الرمعات لكن سبحان الله
دمت بخير

[ناصر العلي]

طيب يالغالي
مايصير
المنفاخ
مصنوع من جلد وخشب

[ف ف]

الله يبيض وجهك ماقصرت شراح وافي من وافي

هذي الالغاز لو انها قريبه تصد الرمعه عنها هههههه

[ذيب الفقارة]

طيب يا الغالي :

نجلس عند المعاميل ونبدا من الاول هههههههه

الزند والصوانة والشرارة

[ف ف]

رمعة الدكتور كايفه المنفاخ يزين النار ويخليها تولع
وبالنهايه تموت وتصير رماد
واذا لفى الضيف يعجل لك المنفاخ بشب النار والله مدري مدري

بانتظارك

وكانه سلم

خذ الحطب من الاشجار ويولع النار او الفحم

[عدم الانحياز]

طيب يالغالي
مايصير
المنفاخ
مصنوع من جلد وخشب



حياك وبياك وحيا ما جبت اخوي الفاضل ابو علي
يصح لسانك ويسلم فكرك ويعيش راسك وكلك
ما شاء الله وبارك يالغالي الله يزيد من فضله

كفو كفو كفو كفو كفو كفو كفو كفو كفو كفو كفو كفو كفو
نعم اخوي الفاضل عميدنا الدكتور ناصر العلي الحل هو كما تفضلت
المنفاخ
وسبق ان تم الشرح لكن اعيد المنفاخ من جلد وخشب وهي بقايا ما كان حي ومات من شجر واغنام ثم يزين بها ويكون اداة لشب النار وهي بوجود تزدهر وتزين شبتها ولكن هذا يكون على طريق هلاكها كما انه جيد في وقت الزنقه بتسريع شبة النار والتي كانت نصف القرى عن الاولين وعلامة تدل على الكرم ثم انه اثناء استخدامه يعطيك كل ما في جوفه من هواء والمنع والزياده من قبلك
كفو كفو كفو كفو كفو كفو كفو كفو كفو كفو كفو كفو كفو
دمت طيباً سالماً موفقاً وكل اخواني

[عدم الانحياز]

الله يبيض وجهك ماقصرت شراح وافي من وافي

هذي الالغاز لو انها قريبه تصد الرمعه عنها هههههه


ياحياك يابوثامر
ووجهك ابيض يالغالي والوفاء نشوفه من الطيبين امثالك
الله يسعدك سعادة الدارين
دمت بخير

[ف ف]

هههههه صح لسانك يالغالي الحين عرفت ايه تقول الله اكبر يوم اقول مصنوع من جلد وخشب ههه


الله يسعدك


وصح لسان الدكتوور كفوو

[عدم الانحياز]

طيب يا الغالي :
نجلس عند المعاميل ونبدا من الاول هههههههه
الزند والصوانة والشرارة

هلا والله وغلا بابوعدنان
المعاميل راح ابها الدكتور ههههههههههههه
الله يسعدك ولا هنت يالغالي عزالله ما قصرت ولا كل اخواني بالرمع
دمتم سالمين

[عدم الانحياز]

رمعة الدكتور كايفه المنفاخ يزين النار ويخليها تولع
وبالنهايه تموت وتصير رماد
واذا لفى الضيف يعجل لك المنفاخ بشب النار والله مدري مدري
بانتظارك
وكانه سلم
خذ الحطب من الاشجار ويولع النار او الفحم

هلا بك يابوثامر
وتأييد موفق وكفو يالطيب عزالله ما قصرت
دمت بخير

[عدم الانحياز]

هههههه صح لسانك يالغالي الحين عرفت ايه تقول الله اكبر يوم اقول مصنوع من جلد وخشب ههه
الله يسعدك
وصح لسان الدكتوور كفوو

ههههههههههه ايي والله يابو ثامر كل ما دخلت الخيمه ولقيت مشاركه جديده
قلت خلاص انتهى وارتحنا منه طول حيل - اتشوف ولا الرمعه يمينه شماله حوله حواليه
وهو ماله طاري سبحان الله لو اللغز على غيره كان صار اول رمعه باعتبار انه معروف اكثر
من كثير من الرمعات - صح لسانك يالغالي والله يرعاك وياقاك ومن احببت وشكرا لتفاعلك المميز
دمت بخير

[ذيب الفقارة]

كفووووووووووووو كفووووووووووووووو كفووووووووووووو


دكتورنا الغالي

د / ناصر العلي

الحل هو ما ذكرت :

المنفاخ

وصح لسانك ملايين أخي الغالي

عدم الانحياز

تحياتي

[عدم الانحياز]

كفووووووووووووو كفووووووووووووووو كفووووووووووووو
دكتورنا الغالي
د / ناصر العلي
الحل هو ما ذكرت :

المنفاخ
وصح لسانك ملايين أخي الغالي
عدم الانحياز
تحياتي


حياك يابو عدنان وهلا كل الهلا
صحت حياتك يالغالي ومن احببت الى مالانهاية
والله لا يخلينا من هالختم وراعية
دمت بخير