ظاهرة جديدة (حقيرة) تنتشر بين (الكلاب) سرّاقين الكلاب !!!

[ابو صاالح]

كما تلاحظون في الآونه الأخيره انتشار عادة دنيئه لم نكن نعرفها بالسابق الآ وهي سرقة كلاب الصيد (السلق) ودفعني إلى الكتابة عن هذا الموضوع هو انتشار هذه العادة بكثرة ، ووقاحة تعامل (حرامية السلق) مع ما يسرقونه من كلاب الصيد سواء بقتلها بدافع أنه يحقد على صاحبها وهذا يحدث بسبب وجود خلل عقلي عند (حرامي السلق) أو بدافع أستبدالها مع شخص بعيد عن المنطقة المتواجد بها والحصول على بديل ، فيتعب أحد الأشخاص بتربية وتدريب هذا (السلوقي) ويأتي بأحد الأيام ويجد (الشبك) قد حطم وكسر وليس بداخله شيء !! ، لهذا الحد وصلت الأمور ، بل لأشد من هذا أعرف أحد الأشخاص دخل في (استراحته) فوجد هذا الحيوان الضعيف مرميا على الأرض ودمائه تسيل على الأرض وعلى اجزاء من جسمه أثر الطلقات الناريه ، لماذا تحصل مثل هذه الأمور ، هل يعقل ان يفعل هذا الأمر شخص عاقل ، لا ، وتجده فعل هذا الشيء بسبب اختلاف بسيط أو تافه بينه وبين صاحب هذا الحيوان ، الكلام كثير حول هذا الموضوع ولكن ما الحل ؟؟ دعونا نفكر بحل حتى نصل ( على الأقل ) لتقليل هذه العادة السيئه ولو لشيء بسيط ،، وأنا ابدا بأول الحلول وهو عدم مبادلة أي شخص إلا اذا كنت تعرف أن هذا الشخص لا يحمل مثل هذه العادات أو أن تعرف مصدر (السلوقي) جيدا وتتأكد منه . وأترك لكم التعليق اخوكم أبو صالح .

[sasasasas]

مشكوووور يا اخوي ابو صالح على الموضوع
وانا من الذين تعرضو لاحد سرقات كلاب الصيد التي كنت اربيها
والله ياخي بصراحه قهر تتعب وبالاخير تجي وما تلقى الشي الي تعبت فيه
رايح عليك ببصاطه
ولا والقهر انه سرق سلق عندي مو لي وش الكلام الي يجي عليك من راعيها حتى ولو ما قالك يسد نظرات لك انك انت الي سارقها
وانك تكذب عليه انها انسرقت
ما اقول الا الله يعين
وما قصرت على الموضوع اخوي ابو صالح

[تربل999]

مشكور ابوصالح على اثارت الموضوع
انا من الذين عانو من المشكله نفسها
مثل السم واتشبيه بدون اذن والسرقه والى لخخخخخ
والحل طال عمرك عامل شقردي مايرد الراس الا لك
وهاذي الضاهره قديمه وزادت في الونه الخيره
ولا يعملها الى ضعيف النفس مش رجل جاهل كما قلت انت
((((((حرامي سلق))))))

[ابو صاالح]

حياااااااااااااكم الله ومشكورين على التفاعل وطلعو كل الشعب منضرين من هالعاده لكن الشكوى لله

[جارح العين]

المفروض تضعون الريش حق الطير بالسلق وتتبع الحراميه ونشاء الله ينمسكون( حرامية السلق)

[صياد الوعل]

اقترح ان يصور كل شخص سلوقيه ولو بالجوال , و في حالة فقدانه ,, اعتقد و بنسبه كبيره , لو تم النعاون فيما بيننا ,, على اقل تقدير سوف نتمكن من معرفة مكان السلوقي الضائع او المسروق ,,, لان الاخبار ستصل عنه , خاصة اذا كان سبوق ,, و لكوننا متوزيعين بين عدة مناطق و دول .كما اقترح وضع جوائز لمن يجده ,, لان هذه الطريقه مجربه و ناجحه ,,,,

[قناص الرمله]

السلام عليكم ورحمة الله وبركاته
شكرآ لك أخي العزيز
أبوصاالح
على طرحك هذا الموضوع الذي بدأ ينتشر في هذه الايام
وقد حصلت هذه القصة عندي في سلقه لاتقدرررررررررررر بثمن!!!
سالفتها أن السلقه وصلتني هدية من أحد الأخوان وفي ذاك اليوم مابقى شخص ألا وجاء يشوفها وماتت كبودهم عند السلقه وهي كانت وسط حوش زي الأستراحة جيت آخر الليل وعلفت السلقان كلها حوالي الساعة12 في الليل الوقت متأخر وجيت الا السلقان كلها موجوده ثم رحت للبيت يوم صليت الفجر جيت للحوش بآخذ السلقان أوديها للعزبة في البر
ألا السلقة ماهيب موجوده وأقعد أدورها يمين ويسار ومالقيتها دقيت على واحد من الشباب وجاء يدور معي ثم رجعت للحوش (مع العلم أن السلقه كانت مربوطة في عامود) يوم جيت لقيت الحبل مقطوع بسكين وفيه آثار ناس ماشين في الحوش المهم غطيت الآثار بقدر حق طبخ وجبت رجل له خبره وأخبرني بالأشخاص وأنا عرفتهم بدلوا السلقه بعدة سلقان ولكن وش تبوني أسوي أروح أتهاوش عشان كلب قلت خلها يمكن ربك يهديهم ويرجعون السلقه

لكن ماعليكم راح أرجع السلقه وأشرب من دم الحرامية واحد ورا واحد لا وبعد سلقانهم بأصادرها كلها واللي فيه خير يكلمني لأنهم رخوم ماقدرو ألا على الكلاب أعزكم الله ولايقدرون يواجهوني لاني لو أقابل واحد منهم دعست وجهه في الشارع!!!

[ابو تمام]

مشكور اخوي ابو صالح على الموضوع والله تعبنا أنا خلال شهر أنسرق من عندي سلقه معها 3 جرا كلهم تب وانسرق معهم الجرو رعد اللي نزلت صورته وقبلها بأربعه شهور أنسرق سلقين من عندي يسرقونهم ويبدلونهم مع ناس يعرفونهم من ديرة ثانية ... مانقول إلا الله يهديهم

[القـــناص]

اخوي هذا اللي يسرق كلاب الناس (( ضعيف نفس ))

وبعدين صدقني والله مايتوفق بالسلق اللي سرقها واللي عنده

وانا الظاهر اني اكثر واحد انسرقة كلابه بس مااقول الا

(( الله يعافيهم ولا يبتلينا )) اللي يسرقون الكلاب

وشكــرا لك اخوي :ابو صالح على هذا الموضوع ...

[سندهم]

مشكور ابو صالح على طرحك للموضوع ______________سالفة السرق

كان عندي سلق في بداية حياتي بحكم اني محب للسلق وكل ماتروح سلقة اقول يمكن هربت===ماعندي خبرة اول

بس يوم كبرت عرفت بالسرقة والنطل زادت خبرتي اكثر وصرت امسك الزين

ومرة من المرات عتدي ذيخ عليه العلم لقيته مفكوك حبله ومهوب فيه_______________راح الزين باحسافة

حزت بخاطري وزعلت قلت افا ياذى العلم 0ربيت كلب حراسة جيرمان ا لحراستهاء من السرقة



http://images.google.com.sa/images?q=tbn:E0R_CgA4q37EKM:http://www.kolumbus.fi/kuriirin/Ronja.jpg

[(القناص)]

والله مشكله من جد بس وش تبونا نسوي ما فيه الا ان حنا نكون يد وحده على هالحراميه الخساس
وانشاء الله اللله بيكون معنا

[القحطاني505]

والله مشكوور اخوي ابو صاالح وكلامك 100% وانشاء تتوقف هاذي المشاكل وانا والله اعرف ناس تركت الهوايه والسبب حركات السرقه والسم والله يهديهم ولاهنت

[ابو صاالح]

مرحبااااا فيكم جميعاااا
----
اخوي جارح العين زين اذاسرق وما طلع برى المملكة شلون تبي نحط ريشه ومشكورين على التفاعل
-----
أخوي صياد الوعل ، حل أكثر من رائع لو اتفق الجميع وحرصو على هالنقطه بأذن الله نقلل من هالأمور ومشكووور اخوي على التفاعل .
-----
اخي قناص الرمله ، اي والله هذا اللي يقهر والمشكله انك تعرفهم والله ما فكهم موعشان السلق عشان على الأقل دخولهم المكان بدون مبالات بصاحب المكان لكن يعوضك الله انشاء الله ومشكور على التفاعل
-----
ابو تمام - القنـاص - سندهم - (القناص) - القحطاني 505 ( الله يرحم الحال بس والكل متضرر من هالمشكله ومعوضين خير انشاء الله ومشكورين على التفاااعل ... وهذي بعض الحلول اللي لعلهااا تنفع لو شيء بسيط
1- اهم شيء مكان امن جداا سواء شبك ودبل الحديد مع قفل الباب بقفل حق البنوك حتى لو يصير قفلين بالباب الواحد ولو كان مكلف شوي بس اهم شيء التعب ما يروح ،، او غرفه مع باب حديد واحرص على قوة الباب وقفله بشكل صحيح
2- وضع علامه واااضحه بالسلوقي ولتكن الكي بالنااار حتى لو أبلغت عنه يسهل معرفته .(( وسمه يعني ))
3- حل اخونا صياد الوعل (( تصوير السلوقي )) صور واضحه تبين علامات السلوقي وتقاطيعه وتحتفظ بها للأحتياااط والتعاااااون بين أعضاء المنتدى بحرص كبير حتى نقضي على حرامية السلق .
4- لو جاء احد يبدلك ولا سمعت ان سلوقي فلان مبدل من ديره ثانيه احفظ اوصافه ولا صوره له عشان سبحااان الله يمكن كذا ولا كذا .
------------------------------
والباااااااااااااااااااااااااقي عندكم ويعطيكم العااافيه

[أبو معلا]

السلام عليكم ورحمة الله وبركاته


والله أهني كاتب الموضوع على هذه الفكره الرائعه ونشالله ننتظر منه المزيد بس أحب أقولكم شيء أني بعد أعاني من هذه المشكله بس جتني سلقه يحبها قلبكم ووليقه مرررررره معي بس أي واحد غيري تقطعه لدرجة أن في واحد من الشباب طلبها مني بيطلع للبر ويبيها قلنلها أن كانها تبيك رح خذها وراح جرب حظه وماقدر

وأتوقع أنها صارت شرانيه مع الغير بسبب أنب كنت أدربها الحالي ومتعوده علي بس أنا والراعي

فكرتي لكم يعني أنا أشوف بعض الاخوان عندهم أكثر من ثلاث سلقان وتوصل الى العشر طيب حطوا معهم ذيخ أوساقه مشرسه وخلها معهم ونشالله يكون هو الحل

وكمان نقطة الريشه حلوه في بعض الاطواق قويه جدا تثبت فيها الريشه الظاهر تلقونها عند راعين الصقور هم يعرفون كيف يثبتونها
وأول وأخيرا لا تورونها العالم ترى الناس ما فيها خير

وشكرا لكم
مع السلامه

[القناص القطري]

حطو السلق في خزنة وضملكم معاد تنسرق اول شي اذا جاء واحد يشبي سلقتة لحد يرتدة خلة يشبي ويتكل الشي الثاني اذا جاء واحد يطلب سلقة اذا فية زايدة يعطى اذا مافية يشبالة اما اذا جاء واحد يبغى ولاعطى رد ون بغى يشبي يقولة لا اي نعم بيحتر وبيفجر خشم راعيها في محلة وشكرا

[هاوي تحدي]

ابو صالح

هذي مشكله ومهوب بالسهل حلها وهذي للاسف كثرة والله يهديهم وياليت الواحد يحط نفسه بمحل راعي السلق اللي بيسرقها

وهذي دايم عادة ضعيف النفس وردي الاصل والله يكفينا شرهم ويبعدهم منا

[القـــناص]

نصيحه للاخوان اللي يملكون الانواع الاصيله من السلق



انهم يركبون نضام امني على الابواب حقت العزبه



وفيه محل في الرياض يركب انضمه امنيه لاي مكان



في السعوديه ويوجد هذا المحل على طريق خريص تقاطع الظباب



وعندهم انظمه امنيه اضمن لك ان المافيه ماراح تقدر تسرق بس



مرتفعه الاسعار بعض الشي ...وانشاء الله راح ادبر الرقم قريباً...

[فهد222]

ايوالله ضعوف نفس
جعلهم تسرق قلوبهم الله لايوفقهم ولا يعافيهم
ويرجع سلقنا سالمات غانمات
والله انا واحد من الي انسرقت سلقهم بس مهب لي (لواحد من اخوياي)
سرقوها الله لايوفقهم ولا يعافيهم
قووولو امين
الدليل انهم ضعوف نفس سرقوسلق(ولاستراحه مليانه غنم)
الله يعافيهم ولايبتلينا""
والله لايعيدها من ظاهره اي والله حقيره:no2:

[عاشق الخط]

جزاك الله خير يبو صالح لو جاني ولد سميته صالح عشان موديه للورشه كل يوم

[راعي الرام]

يا الربع ألن فية طريقة جديدة لملكية السلوقي والكلام صحيح ماهو هزل
حط شريح في السلوقي علشان تدخل في عين السارق اللة لا يوفقهم

[ابو صاالح]

الله يعطيييييييييييييييييييكم العافيه على المرور والتفاعل وما قصرتو على الردود الأكثر من رائعه اخوكم ابوصالح

[صياد الوعل]

تحيه طيبه للجميع

انا اتعجب بصراحه من بعض الاخوان المسروقه سلقانهم ,,, فمعروف ان المال المسرب يغلم السرقه ,, و معروف ان السلق عرضه للسرقه ,,, فكيف يوضع سلوقي بمكان واضح و يربط بحبل ,,, و الله مالكم حق و اخطيتو على نفسكم !!!
فعلى سبيل المثال انا عندي سلق ,, عامل لها حوش داخل مزرعه ,,, و المزرعه بها كلاب حراسه ,, و على جدار الحوش قزاز مكسر و يستحيل عبوره بسهوله ,, و بأعلى الجدار اسلاك شائكه ,,, قسما بالله هذه سواتي !! و رغم ذلك يوجد ما لايقل عن ثلاثة حراس بالمزرعه ,, ورغم كل ذلك اقوم باحتياطات اخرى ,,منها :-

الحضور في اوقات لا يتوقعها الحراس للتأكد من حرصهم .
تدريب السلق بعدم ركوب اي سياره سوى سيارتي .
عدم مدح سلقي امام الملأ قدر المستطاع .
و اخيرا قمت بتربية كلبه بوليسيه معها وبداخل حوشها .
و اعلم ان القدر نافذ و لكن ( اعقلها ,, اعقلها ,,, اعقلها و توكل )
و سامحوني على الاطاله ,, و الله لم ابالغ وهذه سواتي !!!!

[ابو صاالح]

هلا اخوي صياد الوعل واللي سويت مو بسيط بس مو الكل يقدر يسوي سواتك صح ولا لا وبعضهم يجتهد على قده يحط شبك ويقفله بس ما يقدر يوفر عامل وغيره وغيره بس البلا مو منهم البلااا من سراقين الكلابه هم الكلابه وبسسسسسس ومشكور اخوي وفعلاااا حرصك ذا اكثر من جيد والله يحفظ الجميع

[صياد الوعل]

تحيه طيبه و كل عام و انتم بخير
اخوي القناص ::::::رجاءا اشرح لنا النظام الامني الذي اشرت له ؟ وهل يحتاج الى كهرباء ؟ لان اغلب المزارع ليس بها كهرباء ,, ولو يحتاج كهرباء ,,,كم فولت التي تشغله ؟,,, و اخيرا ,, كمل جميلك و شوف اذا لهم فروع بمدينة جده ,,و اسم المحل ؟ , و عجل بالارقام الله لا يهينك و جميع المشاركين ,,,

[ابو صاالح]

نبي ننشط الموضووع نظراا لأهميته

[بوليدى]

الله يعافيهم ولا يبتلينا

[عاشق السلقان]

هههههههههههههههههههههههههههههههههههههههههههههههههه

[عبادي 91]

البلاء اذا انسرق منك سلقان ماهي لك<<<<<<<<<<هذا صارلي انا

اربع سلقان قبل شهر مولي رحت اقنص فيها ورجعت وحطيتها عند غنم الشايب رديت اليوم الثاني عشان اردها لاهله <<<<<مالقيت شي

سالت السوداني قال جو في الليل ناس ويقولون انها لهم وضاعت منهم قبل شهرين <<<<<<العبو على الزول.

والغبي حن قلبه وعطاهم.

مسكه اخوي الكبير ولعن ام امه والى الحين راعين السلق مايدرون انها انسرقت وانا اقول ابيها كل يوم اطلع فيها...

ولكن


جــــــــــــــاري الـــــــبـــــــــحـــــــــــث

[ابو صاالح]

يكووون الله بعوونك اخوي عبادي91 وتلقى اللي انسرق وعز الله انه موقف اقشرر

يالربع يالربع ابشررركم لقيت حل قووي انا اقترح انكم تجيبون مصيده حقت الذئاب اللي لا وطاها احد سكرت على رجله وكسرته كسر والله انها طريقه زينه ويستاهل ملعون الخير اللي بيسرق خله يصرخ يسمعه اللي حوووله كلهم (((( اقولكم تشري لك خمس او ست وتحطهن حوول الشبك عشان لا جاء الحرامي اللئيم تكسر رجله ولا وش رااايكم ماهوب حل زين ... لا تقولون يتعور خله يتعور الخبيث يستاهل سراق السلق .

[الرحال الحزين]

في اجهزه تتبع عن بعد تستخدم حاليا في حيوانات المها في اماره دبي

فهي متروكه في البراري

واذا حاولت صيدها يجون الي بيتكم حتي لوذبحتها ويغرمونك 10000 درهم

جهاز صغير يوضع تحت الجلد

[عاشق السلقان]

مرحبا
ابو صالح خوش حل والله بس مثلى ماقلت بلغ الناطور انا يسوي هاذي الحركه ويحاول انا يوزع المصيده حوالي الشبك وياحول انا يغطيه برمال حتى مايبين عدل وش رايكم ؟؟؟

[الهوى]

حطو السلق في خزنة وضملكم

[السمنوف]

أخوي شكرا علي الموضوع والله انة مهم جدا .... وانا صارت لي قصة مع سرقة السلقان يا جماعه الخير .. كان عندي سلق من سلالة طيبة وكان معروف با الديرة. ومعرف بقنصة وطرحة ما شاء الله علية . بس انسرق ههههه. والله يا ناس أني رابطة با البيت وبعدين واثق من مربطة زين .. المهم في يوم من الأيام طلعت للبر وقلت أبي أخلي السلق يرتاح الأسبوع هذا .شف كيف النصيب . قعدت خميس وجمعة .وقلت خلني أمر المزرعة علي طريقي وكان السلق هناك ويوم جيت مربط السلق ما حصلتة هو ومربطة .. وبعدين انا رابط السلق بسلسلة وبرميل وصاب با البرميل صبة أسمنت . وطبعا ما يقدرون يفكون السلسلة وأختصارنا للوقت . شالو السلق مع الصبة يعني مربطة كامل وماشين .. طبعا أنا يوم شفتهم مسوين كذا قعدت اضحك وبنفس الوقت مقهور هههههه... وش أسوي راح السلق والله يعوضني فية خيررر ...... وتقبلو تحياتي

[عبدالرحمن السالم]

والله ياجماعه اني انهبلت ماقريته من ردودكم يعني معقوله اطلب على مزرعه والا على بيت والا على استراحه عشان سلقه ..!
عجب عجاب والله .. وش بستفيد منها اذا سرقتها ..؟؟
لكن اتمني من حكومتنا الرشيده ان تهتم بهواه الصيد بالسلق بفتح مركز سلوقي مثل ابوظبي وتهتم بالنوعيه الاصيله للسلق
ويكون فيها عضويه ولك شبك خاص ولايدخل عليها الا انت ومحد يشوفها الا انت ..

بالتوفيق للجميع والله يحفظكم ويرعاكم ..

أخوكم / دحيم

[النمر السروي]

والله هاذي ظاهرة غريبة ومنتشرة فأنا انسرق مني ذيخ طيب وزين ولحوق وقد طرح له غزالين في يوم واحد ويوم الثلاثاء 9/10/1426هـ
يدق علي المصري ويقول الذيخ انسرق والله رحت الاستراحة واقتفيت الأثر وعرفت من سرقها وقلت أخليها ونشوف وبعد أيام يقول لي رجال أنه شاف الذيخ مع أصحاب الاستراحه الذين لقيت نهاية الأثر عندهم وقال لي أنهم يصيدون به ومعه سلقه قلت عاد إذا أنتجت أروح آخذ السلق والجراوة كلها وباقي والله ماجاني العام من الرجال أنها أنتجت ومع الأيام يرجع الذيخ مع جراوته إن شاء الله .

[ابو صاالح]

نشكركم على التفاعل والردود