استفسار لأصحاب الأف جي الأمريكي والخبراء

[شخص مميز]

بعد التحية والسلام ��

مشكله وخلل فني مسبب لي ازمة وكل ميكانيكي يقول لي
شي ..
سيارتي اف جي 2007 امريكي وظاهر عندي لمبه الانجن
ومعاها 3 لمبات تحتها كلهم اشتغلو التراكشن وال vcs ومدري اش بعد

المهم ان الكود اللي يظهر بالكمبيوتر p0430
وانا كل يومين اسوي اعادة برمجة بالكمبيوتر ويرجع نفس الكود

بعد الاستفسارات من الورش
الميكانيكي الاول يقول السنسرات اللي تحت دبة التلوث يبيلهم تبديل
والثاني يقول السنسرات اللي فوق الدبة اللي قرب المنفول
والثالث يقول لازم تبديل دبات التلوث

احد الاشخاص اقترح علي اني اشيل الدبات مال التلوث
واركب مكانهم ماصورة والحساسات اللي تحت ارفعهم عن المستوى الطبيعي

وابي اعرف هل في احد جرب هذي الحركة على اف جي امريكي وهل اشغلت لمبة الانجن عنده او طفت لأن اتوقع مو على كل سيارة تضبط معاها حركة ازالة دبات التلوث .

أو ما هو الحل برايكم .. انا خلاص مخي قفل ولا عارف اش اسوي

والسلام خير ختام .

[1824]

اسمع كلامي يمكن تحل المشكلة ويمكن لا نظف حساس الهواء حساس الماف MAF SENSOR
بمنظف الخاص حقه تلقاه عند ساكو اسمه ماف سينسور كلينر ونظفه زين وارجع ركبه طبعا والبطارية مفصولة طوال وقت العمل على السيارة وشيك على تهريبان في القزوز والشكمان تسبب هذا الكود اذا مافي ضعف عزم او ارتفاع حرارة دبات التلوث سليمة بالتوفيق لك ورد لنا خبر طبعا لازم تكون الصيانة العامة مسوية للسيارة من قبل البواجي وفلتر الهواء وغيره لازم تكون جديدة اذا ما تغيرت من مدة واثناء العمل دائما البطارية تكون مفصولة بالتوفيق لك

[الوعب]

شوف لك حد لغته الانجليزيه جيده و يقدر يترجم لك هذا الرابط في الاسفل .

لاتعتمد على كلامي ولكن سويت بحث و لقيت واحد اجنبي حاط نفس المشكله و هي متعلقه بالدبه ولكن مادري اي دبه يقصد لانه يقول cat هذا كلامه
Good news. The dealer did some tests and replaced the plugs last week. The same
P0430 code appeared after about 5 days(I have a Scangage). They told me today that the Cat is defective and that they will replace it free under warranty. The cat is to be installed tomorrow. I hope this is the end of the issue. I'm happy that the dealer is now making a serious attempt to solve the problem

وهذا رابط الموضوع

http://www.fjcruiserforums.com/forums/problems-dealer-service/123176-p0430-codes.html

[شخص مميز]

طيب وهل في احد من ملاك الاف جي الامريكي صار له نفس المشكله من قبل واذا الغيت دبات التلوث وركب مكانها ماصورة هل راح يشتغل علامة الانجن

وبخصوص حرارة السيارة عندي العداد على النص تقريبا عل هذا شي طبيعي بالأف جي الامريكي مع العلم ان الحرار ثابته بالنص

[م س س]

طيب اذا فحص الكمبيوتر طلعلك مشكلة حساس الأكسجين او حساس الشكمان مثل ما يسمونه البعض فيه اجراء بسيط تسويه انك تنظف الحساسات اللي على الشكمان بعض محلات الشكمانات يشتغلون مثل هذي الشغلات .
بالنسبة لدبة التلوث اذا هي مسدودة بسبب الكربون المتراكم داخلها بتلاحظ ان عزمه ضعيف ومنكتم . واذا شغلت السيارة ودعست بنزين وهي واقفة بتلاحظ ان الهواء الطالع من الشكمان ضعيف مع الدعسه القوية فقط أما وهي شغالة بدون ما تدعس بنزين بيكون الهواء الطالع من الشكمان ضعيف وهذا طبيعي . دبة التلوث لا تلغيها ابداً إلغائها يسبب ارتفاع في صوت الشكمان وصرفية بنزين اكثر وعزم اقل اذا فيها كربون ومسدودة فيه محلول تصبه مع البنزين اسمه ( ماكس 44 ) ينظف الكربون اللي في البخاخات وينظف دبة التلوث معها بس يبيله خط تمشي عليه مكتوب على العلبة طريقة الاستخدام او انك تفك الدبة وتنظفها ببخاخ أي سي دلكو وتشطفها بالبنزين وتنفخها بالهواء المظغوط حتى يتحلل الكربون منها واذا فتحات دبة التلوث ملتوية ومتسكرة فما ينفع لها التنظيف يلزم تغييرها .

[شخص مميز]

طيب اذا فحص الكمبيوتر طلعلك مشكلة حساس الأكسجين او حساس الشكمان مثل ما يسمونه البعض فيه اجراء بسيط تسويه انك تنظف الحساسات اللي على الشكمان بعض محلات الشكمانات يشتغلون مثل هذي الشغلات .
بالنسبة لدبة التلوث اذا هي مسدودة بسبب الكربون المتراكم داخلها بتلاحظ ان عزمه ضعيف ومنكتم . واذا شغلت السيارة ودعست بنزين وهي واقفة بتلاحظ ان الهواء الطالع من الشكمان ضعيف مع الدعسه القوية فقط أما وهي شغالة بدون ما تدعس بنزين بيكون الهواء الطالع من الشكمان ضعيف وهذا طبيعي . دبة التلوث لا تلغيها ابداً إلغائها يسبب ارتفاع في صوت الشكمان وصرفية بنزين اكثر وعزم اقل اذا فيها كربون ومسدودة فيه محلول تصبه مع البنزين اسمه ( ماكس 44 ) ينظف الكربون اللي في البخاخات وينظف دبة التلوث معها بس يبيله خط تمشي عليه مكتوب على العلبة طريقة الاستخدام او انك تفك الدبة وتنظفها ببخاخ أي سي دلكو وتشطفها بالبنزين وتنفخها بالهواء المظغوط حتى يتحلل الكربون منها واذا فتحات دبة التلوث ملتوية ومتسكرة فما ينفع لها التنظيف يلزم تغييرها .


اشكر الحميع على المرور الطيب بس عندي بعد استفسار وله عليك امر
هل في طريقة اعرف اذا الدبة خربانة أو السنسر

[ms662]

http://auto-tech.com.sa/blog/دبة-التلوثدبة-الرصاصالشكماندبة-الشك/

شف الموضوع هذا