مشكلة ضعف عزم الفتك ؟

[ابو يوسف 2009]

السلام عليكم ورحمة الله وبركاته . وأسعد الله جميع اوقاتكم مشرفين وأعضاء هذا المنتدى الشامخ .
ارجوا ممن لديه خبره مساعدتي في حل هذه المشكلة .وهي ضعف في عزم الفتك م 2009 قير اوتوماتيك لحد ما يتعدى الضغط 2.5 وبعد ذلك يشد الموتر واحيانا واذا دعست له اسمع صوت قرقره بالمكينة طبعا ظهرت هذه المشكلة بعد ما غيرت طرمبة الماء مع الصدر وكنت احس اول ان الموتر مكتوم وبعض الأحيان يأخذ الدعسة الفجائية باستمرار
وقمت بعمل الأتي :
1_ قمت بتغيير صفاية النزين ولا نفع
2_ قمت بتغيير 2 من الكتاوت اللي بجنب الرفرف الأيسر وتحسن الموتر لمدة يوم ورجع
3_ قمت بتغيير طرمبة البنزين ولا نفع
4_ قمت بإزالة اللهاث الصغير مع تغيير ا ولا نفع

[ابو يوسف 2009]

صباح الخير
وين اهل الخبره ما فيه احد مر على الموضوع؟

[واثق الخطوه-]

صباح النور والسرور غير فلتر الهواء وبالنسبه للقرقره عندي مثل مشكلتك واتوقع بلوف لأن موتري ماشي 370

[ابو يوسف 2009]

صباح النور والسرور غير فلتر الهواء وبالنسبه للقرقره عندي مثل مشكلتك واتوقع بلوف لأن موتري ماشي 370

شكرا اخي واثق الخطوة لردك السريع
بالنسبة لفتر الهواء مغيره قبل سنة تقريبا وانظفه باستمرار
اما القرقرة فأتوقع والعلم عند الله انها بسبب ضعف العزم

[ابو يوسف 2009]

قمت بتغيير دبة التلوث بواحده مفرغه قبل قليل ولكن لا زال ضعف العزم وخصوصا بعد ما امشي على الموتر اكثر من نصف ساعه .مع ملاحظة ان تانكي البنزين يحشر هواء كثير حتى لو فرغته ومشيت 10 دقائق افتحه مره ااخرى احصله محشور

[الاطار]

نيسان .....الله يعينك ....انا تبت منه والشاهد الله .....مايجي فيه خراب الا يكون معه الف خراب

[باترول8880]

السلام عليكم ابو يوسف فحصته بالكمبيوتر

[salih100]

شيك ولا تغير الا اذا تاكدت

شيك على حساسات دبات التلوث
شيك على اسلاك السالب في السياره الي من البطاريه للبدي ومن المكينه للبدي وادبلها

[ابو يوسف 2009]

اشكر كل من قام بالرد بالنسبه لفحص الكمبيوتر فحصته اكثر من مره في البدايه كان يعطيني حساس الكم شفت بوزشن وزنه الميكانيكي وفحصته ماطلع شي والان الميكانيكي يقول اكيد عطله كهرباء بس المشكله ان لمبة شك انجن ما ولعت معي

[ابو فهد...]

شيك على فلتر الهوا قد صارت لي نفس مشكلتك وطلع من فلتر الهوا ماخذه من البنشري الله لايوفقه اشتر اصلي من موزع معتمد

[واثق الخطوه-]

غير فلتر الهوا سبق وحصلت لي مثلك وغيرته جديد وضبط

[أبو الوليد 14]

شيك على الحساس حق الهواء
شيك على الفلتر حق الهواء
شيك على الخراطيش اللي بين الحساس والدعسة
شيك على الليات اللي راكبة في طرمبة النزين


ايضا زيت القير وش وضعه عندك ؟

[ابو يوسف 2009]

شيك على الحساس حق الهواء
شيك على الفلتر حق الهواء
شيك على الخراطيش اللي بين الحساس والدعسة
شيك على الليات اللي راكبة في طرمبة النزين


ايضا زيت القير وش وضعه عندك ؟

بالنسبة لزيت القير مغيره قبل 4 اشهر في الوكالة
بالنسبة للحساسات أتوقع لو فيها مشكلة تظهر في فحص الكمبويتر او تولع لمبة شك انجن
قبل ساعه تقريبا مسيته خط 20 كم بسرعة 180 لكن لاحظت بدت ترتفع الحراره فوق الثلث وهديت ل 150 ونزلت

[ابو يوسف 2009]

هل استبعد طرمبة البنزين او اركب طرمبة BMW

[فتك08]

قبل ساعه تقريبا مسيته خط 20 كم بسرعة 180 لكن لاحظت بدت ترتفع الحراره فوق الثلث وهديت ل 150 ونزلت

هذي مشكلة الفتك من يوم توصل درجة حرارة الجو40 تقريبا
يحتر مع السرعة فوق 140 لان اديتره صغير بالنسبة لمكينته
و اضافة على ذلك مبرد زيت القير داخل الاديتر
اعتقد الحل الانسب بنظري ازالة المراوح الكهربائية الامامية و استبدالها
بمراوح اقوى مثل مراوح سيبال مثلا او اي مراوح اقوى مثل مراوح المرسدس
او غيرها من السيارات

[البواردي5]

المشكله عندك من الديلكو يبغا وزن ..... بس تبي شخص فاهم

[ابو يوسف 2009]

المشكله عندك من الديلكو يبغا وزن ..... بس تبي شخص فاهم

وهذا اللي انا خايف منه طبعا ديلكو في الفتك لا يوجد وانما يوجد الحساس اللي ظهر لي في الفحص اول مره (حساس الكم شفت) وحاولت اعدل فيه مع الميكانيكي حتى استقر الوضع على ماهو عليه الان
السؤال الان . هل يوجد طريقة معينة لوزن حساس الكم شفت بوزشن ؟
ارجو الإفادة ممن لديه معلومة مؤكدة
واشكر كل من ادلى بدلوه :good::good:

[ابو يوسف 2009]

السلام عليكم ورحمة الله وبركاته
يا اخوان وين مكان بلف تنسيم هواء تانكي البنزين في الفتك 2009 بالضبط ؟

[نجمة سهيل]

كامات الفتك ماتفتح الا اذا وصل الأر بي ام على 2.5 موترك طبيعي مافيه الا العافيه لحد يحوسه عليك. وبالنسبة للقرقرة الي تطلع، غالبا من بنزين 91 تطلع.

الحل الوحيد اذا تبي عزمه يكون شاد من البدايه تركب لك كمبيوتر موتك بنظام السيفتي تشبكه متى ماتبي.

[واثق الخطوه-]

السلام عليكم ورحمة الله وبركاته
يا اخوان وين مكان بلف تنسيم هواء تانكي البنزين في الفتك 2009 بالضبط ؟

وعليكم السلام مافيه بلف فيه علبه سودا فيها حبوب فحم جنب القربه حقت الماء اللي عند الشمعه

[ابوسند9]

وعليكم السلام
انت تقول انك مغير طرمبة الماء مع الصدر؟ السؤال اللي يطرح نفسه انت فاك الصدر ومغير جنزير او من ها القيبل؟ او في حد محرك الديلكو ؟
بعدين فلتر الهواء تقوله له سنه ,اذا له سنه كثر خيره غيره واذا تسكرت مسامات الفلتر ما ينفع فيه التنظيف ,ولا تستهين با الفلتر وتراه يسوي بلاوي
برضو فك خرطوش الفلتر من جهة المكينه ,وراح تحصل لهات دائريه نظفها كويس ,وبعده ضع شوي زيت با العمود اللي ما سكها مع تحريكها بيدك
صوت البلوف اللي ذكرت ,اذا السيارة شغاله وهي واقفه ولها صوت كانه صوت بلوف ,فهذي سهله يتم فك غطاء الراس ,وفي كل راس بلف ورده صغيره احينا تتوسع احد الورد ويتم استبدلها , وبا العاده ورده الى وردتين با الكثير ,
اما اذا الصوت يضهر مع الدعس والممشى فا احتمال يكون عندك وزن ديلكو
اما طرمبة البنزين اذا انت مركب طرمبة فتك ,فما انصحك بطرمبة ال بي ام ,لان طرمبة الفتك امن بعد الله وافضل واطول عمر من الغير
اما الحراره فا اذا انت من زمان ما سويت تسييخ للاديتر انصحك تصيخ الاديتر وتغير طبلات الاديتر وبلف حراره بشرط تكون القطع اصليه

[يآسر]

قرقره ويكتم ويرمي وبعد واحد ونص تقريبا يظبط .
كد صارت لى وبكل بساطه افصل سلك البطاريه الموجب وعد لين 8 وبعدين ركبه وان شالله بتختفي

[gmc 1991]

اخوي مشكلتك
ف الربله اللي ماسكه الثروتل وجايه من فلتر الهواء
تراها منشقه من الحراره
غيرها ويضبط معك ب اذن الله
او ركب فلتر رياضي لانك ماراح تحصلها ف الوكاله

[5200]

مشكلتك من جنزير المكينة يبيله وزن ومن اعراضه اللي قلت انه يشد بعد ما يصير ضغط المكينه 2.5 او 3 ويمكن يكون جنزير المكينه متوسع ( منمغط) اذا كان الموتر ماشي 350 الف كم وزياده طبعا اللي غيرلك طرمبة الماء ما قدر يرجع وزنية الجنزير على ما كانت عليه لذلك رح لواحد فاهم بمكاين الفتك وخله يوزن الجنزير زين صوت القرقره من الجنزير بس لا تلعب بوزنية الديلكو واذا بغيت تلعب بوزنية الديلكو حط علامه على الديلكو علشان تقدر ترجع لوزنية الديلكو القديمة وبالله التوفيق