أفضل مقاس ثلاجة تبريد للسيارة [الأرشيف]

أبومحمدالشهري

27/07/2015, 07:17 AM

السلام عليكم ورحمة الله وبركاته

كيفكم يالربع وكل عام وأنتم بخير وسلامة وعافية

خويكم وده بثلاجة تبريد للسيارة ، ويرغب بأفضل مقاس الغالبية يفضلوه

بصراحه إذا خيمت في أي مكان لاتقل مدة طلعتي عن يومين

فودي بأفضل مقاس يشيل ذبيحه كامله لا يقل وزنها صافي عن 15_20 كيلو ، وعلب مويه

وعصيرات أيضا لايقل عددها عن 20 ، وكم كيلو من الخضار والفواكه ، وأيضا الحجم المناسب هل هو الطولي أم العرضي للثلاجة

لأن بصراحه أغراضي كثيرة وماودي إذا طلعت أضطر لقلص أو سله علويه

طبعا سيارتي أف جي ، وأيضا إيش تنصحوني بنوعية الثلاجة بصراحه لا أرغب بالنوعية الغالية

جدا ولا الرخيصة جدا ، الوسط والعملية ، واستخدامي لها بالسنة ماراح يتعدى تقريبا 5 مرات

فلا تبخلون على أخوكم بالنصيحة بارك الله فيكم ، وفق الله الجميع لما يحبه ويرضاه

albara

27/07/2015, 07:37 AM

وعليكم السلام ورحمة الله وبركاته

مرحبا بك

*بصراحة طلبك صعب جداً لأن محتويات الثلاجة اللي تطلبها بتجي كبيرة على ال (اف جي )واصغر مقاس ينفع لموترك هو ال 80 لتر .

*اللي ينفع لموترك بما ان خلفيته قصير اتوقع الثلاجة الواقفة .

*والنوعية اللي استخدمها أنا وجايزه لي هي ثلاجة الرماية جربت منها ال 80 ثم ال 60 وكل ربعي معهم الرماية.

*عموما" ال 80 تاخذ ( 1 ) ذبيحة كبيرة مقطعة مع نص كرتون ماء ابو نص وشوية عصير وشوية خضار .

*اما ال 60 تاخذ ( 1 ) ذبيحة وسط مقطعة مع شوية ماء وشوية عصير وقليل من الخضار .

اهم شي :

1 - تسليك الثلاجة مباشر من بطارية احتياطية

2- سلك الثلاجة لا يقل عن 6 ملم مع فيوز

3- حاول تطلع سلك مباشر من الثلاجة واترك مشبكها لأنه مع العمر والمطبات يبدأ يشبك ويفصل وانت ما تدري

4- تثبيت الثلاجة مهم جداً

5- تشغيل الثلاجة على كهرباء البيت بفترة 6 ساعات أو زيادة قبل الطلعة

7- تبريد الذبيحة قبل حفضها في ثلاجة السيارة
وموفق خير

أبومحمدالشهري

27/07/2015, 07:53 AM

الله يعطيك العافية على التعليق على موضوعي

يعني من وجهة نظرك وتجربتك أقل من 60 لتر ما أفكر أبدا

طيب فيه مجموعة ثلاجات أفكر بإقتنائها

1_ راكو
2_ كوداما
3_ سونيكو

لأنها تقريبا الثلاجات المعقوله أسعارها لحجم 60 لتر فما فوق مقارنة بأسعار الطمره والويكو وال ARB

أبوصالح9

27/07/2015, 02:46 PM

بالنسبة لثلاجة سونيكو ما فيه مقاس 60 - اكبر شي 49 لتر - واعتقد على طلبك مالك الا من 60 لتر وفوق

وانا ارشح لك 3

1- ARB
2- الرماية
3- الرميح

أبو شيري

27/07/2015, 05:13 PM

بالنسبة لثلاجة سونيكو ما فيه مقاس 60 - اكبر شي 49 لتر - واعتقد على طلبك مالك الا من 60 لتر وفوق

وانا ارشح لك 3

1- ARB
2- الرماية
3- الرميح

1- ARB ===== ممتازه من حيث الحجم لكن غاليه ناااار بالسعر
2- الرماية ===== ممتازه بالسعر والكفاءه ومتوفرة أحجام 60 و 80 و 100 لتر
3- الرميح ===== تجي 50 لتر و 70 لتر لكن منقطعه حسب علمي

أبومحمدالشهري

27/07/2015, 07:11 PM

قناص الوعول

27/07/2015, 07:25 PM

انصحك بثلاجة ARB حيث فيها تقنيات وجودة افضل من غيرها ما يعادلها في الجوده الا الويكو سفك ولا تطع عنهن وانصحك بمقاس ٦٠ لتر وفوق حسب طلبك تاخذ الذبيحه والبارد لاكن اكثرالصيادين والي يكشتون في البر يفضلون مقاس ٦٠ لتر

قناص الوعول

27/07/2015, 07:34 PM

واذا تفضل الرخيص خذ ثلاجة الرمايه كمبرسر دانفوس جيده لاكن ليست مثل الثلاجات التي ذكرتها لك

batrol2002

27/07/2015, 07:38 PM

يفيدونك الشباب

batrol2002

27/07/2015, 07:40 PM

يفيدونك الشباب ومابقصرون

أبو شيري

27/07/2015, 11:08 PM

جزاكم الله خير يابو صالح ويابو شيري

لكن بغيت أسألكم ثلاجة الرميح كذا إسمها أم وكيلها اسمه الرميح

وماعطيتوني رأيكم في raco اللي وكيلها الراشد لأني شفت أسعار لها قبل شهرين أو أكثر مقاس 75 لتر بي 2700

وثلاجة كوداما أيضا كيف وضعها

إيش رايكم في اللي مجربها أو مجربينها أصحابه

نعم ثلاجة الرميح وكيلها الرميح

وهذا موضوع عنها ايام كانت متوفره وسعرها بالسابق

ثلاجة الرميح (مواصفاتها وكل ما تريد معرفته عنها) (http://www.mekshat.com/vb/showthread.php?t=435288)

أبومحمدالشهري

28/07/2015, 02:57 AM

بيض الله وجوه الجميع وماقصرتم

بصراحه ينشرح قلب الشخص ويثلج صدره بانضمامه لعائلة موقع مكشات

حقيقة يجد كل مفيد له وكل يوم عن يوم يكسب منه معلومه جديدة

على كذا تقريبا الأغلبية ينصحون بمقاس 60 لتر فما فوق وأيضا ينصحون بشركات معينة مثل :

الرميح _ ARB _ الرماية

الشركات الباقية استبعدها من خياراتي ومنها : الويكو _ الطمره

طبعا مايمنع شراء نوعية قديمة إذا كانت نظيفة وجيدة وسعرها مناسب

ورد الربيع

28/07/2015, 05:22 AM

يالحبيب كان طلعاتك خفيفة حافظة وقوالب ثلج وليسها خيشة ورشها ماء
وخلها بالظلال اما ثلاجات تتعب !
خذ لك حافظة كبيرة افضل ولبسها

أبومحمدالشهري

28/07/2015, 06:44 AM

عندي حافظتين وأنا خوك وليس حافظه واحده
تصلح فقط للي جلستهم بمكان بعيد عن الخدمات والناس لمدة 12 ساعة أو يوم بالكثير وبعدها تبدأ تصفق في يديك وخاصة إذا كان معك ذبيحة أو أكثر وتخييمك لمدة يومين فأكثر
إضافة لذلك اللحم يبدأ بتغير طعمه وشكله إذا ذاب الثلج وصار مويه ، أنا ماطلبت الثلاجة إلا لحاجتي الماسه لها لأني إذا خيمت أنا والشباب نروح أماكن بعيدة جدا عن الخدمات
فشكرا لك على النصيحة وإن دل ذلك فإنما يدل على توفير المال لنفسي
واستخدامها مثل ماقدمت ماراح يكون إلا للضرورة القصوى ، أما الطلعه الخفيفة فالحافظة تأدي الغرض وأكثر

فارس المصارير

28/07/2015, 06:49 AM

من جرب الثلاجة عاف الثلج ومقابله

ساري بريدة

28/07/2015, 09:37 AM

افضل مقاس من 40الى45 والسبب تحمل بطارية السياره

أبومحمدالشهري

28/07/2015, 10:42 AM

ليش مقاس 60 فما فوق ماتتحمله البطارية حتى ولو كان مركب وحدة إضافية

Mohammed5d

28/07/2015, 10:52 AM

انصحك بثلاجة ARB حيث فيها تقنيات وجودة افضل من غيرها ما يعادلها في الجوده الا الويكو سفك ولا تطع عنهن وانصحك بمقاس 60 لتر وفوق حسب طلبك تاخذ الذبيحه والبارد لاكن اكثرالصيادين والي يكشتون في البر يفضلون مقاس 60 لتر
انا عندي 35 arb ياليت توضح لنا تقنايتها لاني شريتها بناء على اسم الشركه

أبومحمدالشهري

29/07/2015, 12:47 PM

ياشباب رحت اليوم لمحل الرماية بخميس مشيط
ووجدت عندهم وحده صناعه صيني 60 لتر ضمان سنة عند الرماية مع توفير القطع
قيمتها بي 2500 ووحده نفسها مقاس 80 بي 2650
كيف وضعها إذا أحد جربها أو شراها
لأني وجدت ARB مقاس 60 لتر بي 4500 المبلغ مرتفع شوي
وش شوركم

قناص الوعول

29/07/2015, 04:18 PM

ARBتفرق في تصميم الخارجي حيث انها ما تاخذ مساحه كبيره والجسم القوي نضام توزيع التبريد فيها من زي الخليه في جدار الثلاجه الداخلي وفي اسفل الثلاجه ومحول الكمبرسر من اكبر نوع واجودها واغلاها طريقة فك باب الثلاجه ... والشرح يطول وترجع الى ذوق الشخص ناس تبي الرخيص وناس تبحث عن المواصفات والجوده

قناص الوعول

29/07/2015, 04:21 PM

٦٠ لتر ARB خابر سعرها من ٦ شهر في الرمايه بالرياض ٣٨٠٠ تقريبا

أبومحمدالشهري

30/07/2015, 02:39 AM

السعر المفترض للويكو 60 لتر أو ARB ال60 لتر أيضا

مايتجاوز سعرها 3500 ريال ، لأن أسعارهم الحالية أشوفها مبالغ فيها وبقوة

طيب وش رأيكم في الموديل القديم للويكو بس مو فرار ، لأني حصلت وحده عند ساكو 50 لتر بي 2440 ريال

تنصحوني فيها أو في الموديلات القديمة للويكو بس مو فرار اللي تجيك شاشة ومقباض الحمل فيها ثابته وخارجه على برى

أبو شيري

30/07/2015, 06:07 AM

أبومحمدالشهري

31/07/2015, 05:53 AM

لك رسالة على الخاص يابو شيري

أبو فراس

31/07/2015, 06:07 AM

ما دام ان سيارتكم اف جي
يعني ما راح تكونون اكثر من اربعة
يعني ثمانية كيلو لحم تكفيكم والباقي عصير وماء
يعني خمسين لتر تكفيكم
اما اذا كنتم اكثر من اربعة فلابد انكم سيارتين فحطوا ثلاجة ثانية او حافظة للماء والعصيرات في السيارة الاخرى

سليمان VIP

31/07/2015, 02:47 PM

بعض الثلاجات فيها قسم تبريد وقسم تثليج وهذي لازم تاخذها بالحسبان اذا كنت راح تاخذ بعض الخضار و الفواكه

انا عندي الطمره ام فرار القديمة 40 لتر والسفرات الخفيفة او الكشته يوم بالكثير اخذها
الطلعات الطويلة اخذ الرماية 60 لتر وكلهم ما شاء الله ترتاح من هم الاغراض لا تخرب
بلا حافظة بلا ثلج ( مع احترامي لهم ))
وفعلاً من جرب الثلاجات ما يفكر بالحافظات والثلج نهائياً

أيضاً الثلاجة باذن الله لو طلعتك مره بالسنة لن تندم على شرائها
والأهم اذا ركبت بطارية اضافية ان تكون عند مركز متخصص فيها ويكون فيه منظم بين البطاريتين ولا يمنع تركيب بعض لمبات الإضافة في السيارة LED ومحول كهرباء 220 فولت

مواضيع للإف جي

http://www.mekshat.com/vb/showthread.php?t=118059

http://www.mekshat.com/vb/showthread.php?t=266819

أبومحمدالشهري

01/08/2015, 12:34 AM

مشكور يابو فراس أنت وسليمان على الإيضاح وإبداء تجاربكم

الويكو القديمة CF اللي نزلت قبل CFX أزرار بدون فرار ، إيش رأيكم فيها ?? هل هي جيدة

أبومحمدالشهري

10/08/2015, 05:43 PM

شكرا لكل من أبدى نصيحته وتجربته بخصوص ثلاجة السيارة ، وبالأخص الأخ أبو شيري كان وسيع الصدر والبال

للإجابة على تساؤلاتي فجزاه الله خير وجزى الجميع كل خير

والحمد لله تم شراء سونيكو مقاس 35 لتر بي 1700 ريال من الراشد ببريدة وتم شحنها لي عن طريق زاجل ، بصراحه

رجل خلوق وأمين ويشهد الله علي إني مابيني وبينه أي علاقة ، بس حبيت أوضح هذا الشي للي يرغبوا بشراء هذه

الثلاجة

حقيقة كان ودي مقاس 50 أو 60 لتر ، لكن للأسف لم تتناسب مع حجم شنطة سيارتي وبالأخص أن عندي خيمة

وشنطة عزبة وتانكي ماء وطبق السنيدي لترتيب أغراضي وأشياء بسيطة يعني مايتناسب معي غير هذا المقاس 35 لتر