يا هل الخبرة تكفون عطوني حل لمشكلة تقطيع الجيب

[جبل عوف]

السلام عليكم ورحمة الله وبركاته
عندي مشكلة في جيب موديل 2003
تقطيع عند سرعة 140 ولا يعدي هالسرعة مهما دعست له
ادلوني ياهل الخبره الله يجزاكم الجنة

[ateeq7]

اول شي تفحص كومبيوتر وتشوف تربل كود بدل ما تخسر فلوسك و اهم شي روح عند واحد مختص فحص بعض الاجهزه للفحص ما تبين المشكله
وهذا الجهاز افضلهم خصوصا لتويوتا
http://www.arabdiag.com/wpimages/wp77044876_05_06.jpg

[HSH.HSH]

افحص طرنبة البنزين

[ابو يوسف 2009]

اذا موترك نيسان مثل ما تفضل اخي HSH افحص الطرمبة ان حصلت فني عنده ساعة فحص ممتاز وان ما حصلت خله يفك لك لي الراجع وحاول تقفله بيدك بقوة تضع ابهامك على فتحة اللي وخل واحد يشغل السيارة او بس يدق سلف ان قدرت تمنع خروج البنزين فهذه المشكلة من الطرمبة 100% اما اذا ما قدرت تقاوم الدفع وطلع البنزين فهذا دليل ان الطرمبة ممتازة
طبعا هذا الاختبار عمله قدامي ميكانيكي لسفاري 1998 بس كان يبدأ التقطيع من سرعة 100كم /الساعه ولا يمشي اكثر من 120 قال غير الطرمبة بس لازم وكالة وغيرتها وانحلت المشكلة

[الصيادالمليح]

ما حددت لنا نوع سيارتك عشان نفيدك اكثر هل هو جيب نيسان , تويوتا , سوزوكي , رانجلر , ميتسوبيشي

و تقطيع السيارة على سرعة محددة لها اسباب كثيرة جدا

مثل ضعف طرمبة البنزين و البواجي و اسلاكها و انسداد مخارج الهواء من المكينة و فراغات في عامود الكرنك و فراغات في تروس القير

بما ان سيارتك موديلها قديم فضعف عزمها و التقطيع وارد جدا بسبب ان السيارة انتهى عمرها الافتراضي بشكل عام

[جبل عوف]

جزاكم الله خير جميعا
السياره لاندكروزر صالون
اسلاك البواجي والصفايه والبواجي كلها غيرتها وما زالت المشكله باقيه

[الجوكر حسن]

وعليكم السلام

صارت معي لاكن غير سالفتك على فكسار 98

عزم ماعندك احد ويقطع على ال80 ولا يتعدى 120 وديته لم كهربائي

فحصه غيرت البواجي وغيرت طرمبه البنزين وغيرت فلتر الهواء
وغيرت 4 كويل محترقات وشريت علبه منظف البنزين اصلي 45 ريال من القطع الغيار الاصلي مو من المحطه

والحمدلله ضبط الموتر

وبعد فتره نظفت البخاخات على جهاز

[جبل عوف]

الله يجزاكم الجنه جميع
ما قصرتو

[batrol2002]

يفيدونك الشباب