كيف اخلي الارنب سبوووق ما تلحقه السلق ؟؟!!

[طير حوران 999]

اخواني (للافادة والاستفادة)
موضوع مهم !!
كيف نخلي الظبي سبوووووق ما تلحقه السلق خاصة اذا كان ظبي شبك (تربية) ؟؟
كيف تحافظ على الظبي انه مايتعور ويموت من الجروح في المهدات؟؟

[هاوي سلق]

بالنسبة اللي اشوفه انهم يهدون على الظبي سلق عمرها من 6-7 شهور على شان ماتصيد الظبي ويهدونها اكثر من مرة حتى الظبي يتعود وتجيه لياقة مو صاحية واذا شاف السلق وراه يقول اللي فيه خير يلحقني
وكيف تحافظ عليه انشاء الله طلو بيرد عليك لانه هو الخبير بالظبا
وسلامتك

[قناص الرمله]

السلام عليكم ورحمة الله وبركاته
أخوي
طيرحوران999
أذا أردت أن يكون الظبي سبوق هناك عدة شروط
منها
1 أن يكون عمر الظبي أكبر من سنة ونصف
2 يكون الظبي سليم من الكسور والأمراض
3 أن تكون (عنز)الأنثى!!! لأنها سبوق بالحيل!!! ولكن العنز غالية الثمن!!!
يحل محلها( التيس)الذكر وسبقه لابأس به!!!
4 الأرض التي تقام عليها المهدات تكون مستوية وصلبة
____________________________

طريقة لياقة الظبي وزيادة سرعته

1 أنك تطلقه 3مرات في الأسبوع!!!
يعني تهده وتخليه يفلي ثم تلحقه بالسيارة لين يتعب وتهد عليه سلوقي واحد فقط وعلى السلوقي (كمامه) لين يطرح الظبي بدون مايعقر الظبي!!! وتكون المسافة تدريجيه أول أسبوع 2كيلو ثاني أسبوع3كيلو وأنت ماشي
2 تجفل الظبي بسلوقي سبقه ردي وبعدين تهد عليه جراوة طبعآ كل السلقان عليها (كمامات) علشان ماتعقر الظبي
3 تحاول أنك تهد الظبي من بعيد شوي علشان يمديه يبعد عن السلقان
4 حاول أنك تهد الظبي في أرض صلبة100% لانها تزيد من سرعة الظبي وكما تعلم أن الظبي له حوافر!!! ولاتقرب المناطق الرملية لأن حوافر الظبي تغطس في الرمال وينطرح بسرعة!!!
5 كل ماكثرت المهدات على الظبي صار عند الظبي خبرة ولياقة تامه
6 قبل المهد بيوم ماتعطي الظبي علف وتقرب منه الماء فقط!!!



وأذا هناك أي سؤال؟؟؟ وأستفسار؟؟؟ أنا حاضر!!!

[طير حوران 999]

شكرا قناص الرملة
فيه تيس ظبي سوداني عند واحد من الاصدقاء ابو سنه ونص قرنه طول السبابة
المهم انه فيه مخوش من السلق ولكنه طيب هل فيه دوا او علف معين يفيده ؟؟
فيه طال عمرك سوال ثاني بعد اذا مافيه احراج ؟؟
انت جربت فكيت سلوقي وفيه كمامة لاني اعتقد ان الكمامة ما تخلي السلوقي يفتح فمه فيكون ما يقدر يلهث ويمكن انه يتعب ولا يقدر
يعني خطر عليه

[جارح العين]

مرحبا أخوي قناص الرملة انا تولعت بالسلق لاكن مالقيت سلق عندك سلق للبيع

[طير حوران 999]

انتظر فزعتكم يااخوان

[هاوي سلق]

كفيت ووفيت ياقناص الرملة

[طير حوران 999]

فيه طال عمرك سوال ثاني بعد اذا مافيه احراج ؟؟
انت جربت فكيت سلوقي وفيه كمامة لاني اعتقد ان الكمامة ما تخلي السلوقي يفتح فمه فيكون ما يقدر يلهث ويمكن انه يتعب ولا يقدر
يعني خطر عليه؟؟؟؟
ارجو التفاعل

[عروق الدهنا]

اخوي طير حوران ابي ارد بالنيابه عن اخوي قناص الرمله
الكمامه اللي تلبس لسلوقي احجام وانت اختار وحده للسلوقي ياخذ راحته بحيث انه يقدر يلهث واذا انت خايف انه يتضايق من الكمامه ولايركض زين ابد عادي جدا ولاتاثر على السلوقي ومحاكيك مجرب
ارجو اني ما اطلت عليك




والسلام خير ختام

[ابو صاالح]

أخوي طير حوران فيه كمامات تسد نفس السلوقي بحيث انه ما يقدر يلهث وهذي ابعد عنهااا ،، بس الليي انت ما تعرف انه فيه كمامات يقدر السلوقي يفتح زقمه متر كامل لو تبي وهذي هي اللي يقصده قناص الرمله وتلقاها في المحلات الكبيره بالرياض وعلى ما أظن في محل اسمه واحة الحيوان عاد رح خذ السلوقي ودور مقاسه لأنهااا مقاسات وبسس (( ولو اني ما احب خرابيط الكمامات بس الشكوى لله )) اخوك ابو صالح

[القحطاني505]

اخوي طير حوران مشكور على طرحك للمواضيع المهمه ومااقدر اقول انا شي بعد قناص الرمله في الموضوع الاول وفي الموضوع الثاني الشكر لبو صالح

[اقحطاني%]

اخوي طير حوران
خذ كمامة مقاس كبير وظيقها بطريقتك بحيث انها تكون اوكي على السلوقي
ولكن انا ما جربتها بدا
واسمحلي
اما الظبى فوالله ياخوك ماعندي خبرة فيها ابد

[صياد الوعل]

تحياتي للجميع

وعندي اضافه مهمه جدا للموضوع الاساسي ,,,

الا وهي استخدام ( عنز ) للمهدات بدلا من ( التيس ) لسبب مهم وهو ان العنز تستطيع البول ( عزكم الله ) اثناء الجري ,, بينما التيس لا يستطيع ان يبول ( عزكم الله) اثناء الجري بالتالي كلما ركض التيس كلما اعاقه تجمع البول بالمثانه و بالتالي تنخفض سرعته فيكون عرضه للسلق .

[الأصيل007]

السلام عليكم

ياشباب ويا أهل الخبره سؤال عن المهدات؟؟

أذا هديت الظبي ولاجابته السلق وش الطريقه المناسبه لمسك الظبي وودي بطريقه مجربه ولاتهونون؟؟؟

[طير حوران 999]

الرجاء التفاعل لكي نثري هذا المنتدى بالمعلومات وللنستفيد ونفيد جزاكم الله خير

[abo_dgsh]

اخوي والله مريت على موضوعك وقلت لازم اتفاعل عموما
أولا لازم يكون لها جحر لعشان تحس بمكان امن
ثانياً لازم يكون انثى لأنها اسرع من الذكر والأنثى اذرق من السحاح
وهي التي تحفر الجحر والله يعينك
واذا تعرف انه استجد شي تلقى نثيله قدام الجحر الأرنب بدأ
بالتعمق عرف ان محدن عليه يحن هههههههههه
ثم ذوق السلوقي منها خله يخربشها يجرحها
هذي مرتي منول الأن لا واذا انت في الرياض
تبي ارانب برية ابشر بعزك لاكن بعد شهر تقريباً
في مزرعة اخوي ارانب تجفل من ظلالها برية
الله يعيني اصيدهن لك سليمات

[صياد الارانب]

السلام عليكم عندي اقتراح كمم السلق بالكممات وخله يطرد فيها يوميا

[صياد الارانب]

اخوي الاصيل اطرده بسياره واحد على الرفرف ويمسكه

[صياد الارانب]

طير حوران 999 فيه مهد قريب طااااااال عمرك

[صياد الارانب]

اكرر شكلي اعرفك مير الله يستر دورلك سلق ماهي سبوق وفكهــــــــــــــــــا على الغــــــــــــزال وخلها مريتين اســـــبوعيا :j :what:

[القحطاني505]

اخوي طير حوران كلام اخوي صياد الارانب صحيح وهو من اسمه كل الخبره ويعطيك الف عافيه

[ابو بندر2755]

السلام عليكم ورحمة الله وبركاته

يا اخي العزيز تبغى الارنب سبوق اشتره من البدو اللي ساكنين في البر بشرط ان الارنب يكون طلق عندهم
وتبعد عنهم 3 كيلو واطلق الارنب شوف كيف يركض واذا السلق طيبه تجيبه

تــــــــ أبــوبـــنـــدر2755ـــــــحياتـــــــــــي

[طير حوران 999]

شكرا للجميع
ابودغش طول الله في عمرك كلمة هذي تسوى شي واجد وانا والله ماابغى ارانب ولكن الموضوع للفائدة
شكرا للجميع

[طير حوران 999]

وين المشاركات يا اخوان