غبنه قسم بالله (أفيدونا بالله في حادث)

[Tmemy]

السلام عليكم , يا اخوان الوالد سوا حادث

إلي صدمه صدمه على دخله الوالد للدوار , سيارة الوالد كان الجزء الأمامي منها بالدوار
وصدمه مع باب الراكب الخلفي يمين , و قبل الدوار من جهة الصادم يوجد مطب يعني إلي صدم الوالد كان مسرع , المرور طلب من الوالد ييقدر الحادث عند شيخ المعارض طلعت التكلفه 6500 ريال , المهم لما راح الوالد بعده بفتره للمرور قالو لـه نسبة الخطأ عليك 100% ولا أخذ شيء والطرف الثاني أخذ 8500 ريال

والله يا اخوان أحس في الموضوع إنا ووسطات

وشلون يعطون الوالد ورقه تقيم الحادثو نسبة الخطأ عليه 100% ؟ يعني المفروض ما يعطونة , ومعقوله مع كل الملابسات هذاي الوالد مخطيء بنسبة 100% ؟

يا اخوان بالله أفيدوني كيـف أخذ حق الوالد لإن الموضوع غبنه , الله لا يحرمكم الأجر

[Tmemy]

أنا في أحد المحافظات في القصيم تابعين لبريده , والمحافظة مافيها نجم المرور هو إلي يقيم

[ابوراكان تبوك]

اولا الحمد لله ع السلامه
يقدر يعترض عن طريق لجنة ماني عارف طريقتها والمفروض وهم معطينة ورقة تقييم معناه ان الخطا ليس عليه 100%
وحسب معرفتي ان الصدمه في الباب مايطلع عليه 100% غالبا لانه ليس في مقدمة السيارة
خلية يقدم معروض لمدير المرور ويشرح فيه جميع الامور

[Tmemy]

http://toyota.montada.haraj.com.sa/imgdir/55b83c69c2fcb.png

رسم تقريبي للحادث

[ناصح]

فعلا غريب الحادث حطوه عليكم 100%100
عموما فيه قسم خاصة في المرور للاعتراض

أنت اعمل خطاب لمدير مرور المنطقة التي أنت فيها واشرح فيها كل شيء مع الرسم

وهو سيشر عليها ثم يحيلها للجهة المختصة في المرور

[امير المشاعر]

اخوي اذا على النظام فالاولويه للي في الدوار لاينظر لسرعه او لغيرة
اما اذا حس الوالد انه مظلوم يقدر يرفض انه يعطيهم المبلغ ويطالب بلجنه فنيه مكونه من ظباط وافراد وهم اللي يحددون
لاكن انت تقول انكم سلمتوهم المبلغ اذاً بكذا لن ينظر لاعتراضكم هذا ما اعرفه
والله يعوض عليكم وقبل ذالك الحمد الله على سلامة الوالد

[عمرين العمري]

السلام عليكم ورحمة الله وبركاته
أخوي أنا سأقول لك عن حادث حصل معاي وحادث حصل مع أخوي ولن أتكلم عما سمعت من غيري
حصل معي حادث من فترة والمرور جاء وقدر الخطأ خمسين بخمسين ويوم رحنا المرور خوي جاب واسطة وصارت مئة بالمئة علي ولا أحد سمع مني
وقبلها دخل دباب وصدم سيارة أخوي والسواق شكله جديد لا عربي ولا انجليزي ولا اشارة ولااي اسلوب تفاهم وجاء المرور وحط الخطأ مئة بالمئة عليه وراح أخوي للبيت
والعصرية اتصلوا عليه وراح لهم وقالوا في خطأ بالتقدير وتم تعديله وعليك 75 وعلى الدباب 25 وطلع الدباب لأخو ضابط في المرور
حبيبي الموضوع كله وفي كل الدوائر الحكومية واسطات وشرهات وما شابه ولا حق ولا مستحق
والله المستعان فلا تستغرب وإسأل الله العافية

[عمرين العمري]

والحمد لله الي سلم لك الوالد والله يطول لك بعمره في الطاعة

[ateeq7]

الله يحفضلك الوالد و الحمدلله على سلامته و من راي الصلح زين و مناسب لطرفين اطلبو من الطرف الاخر الاجتماع مع ابوك و المتسبب فقط و نصيحه حاول لا تكون موجود عشان ابوك ان شاء الله بحكمتة يقدر يتفق مع الطرف الثاني و ممكن يتسوى الموضوع بدون تعب ولا عصبيه و ما محبة الا بعد عداوه و الاستغفار سيد الادعيه
قاعدة مروريه دوليه تقول (( افسح الطريق للقادم من اليسار )) و جلا من لا يسهو و الناس معرضة بقفلة و سهو و عدم الانتباه يشمل الطرفين و ان شاء الله تنحل وديا

[فتك 11]

الافضليه دائما للي بادخل الدوار لكن

حسبي الله ونعم الوكيل

من شفنا التامين وصار الوضع ورعان طايره بين السما والارض

ولا همه دام التامين موجود

الله يعجل بساهر بكل زاويه

والخطه الجديده عند كل دوار توقف 5 ثواني

الزامي وبعدها تمشي

[م.سعيد]

نظام السير على مستوى العالم..الاولوية لمن هو داخل الدوار..

[مسير عليكم]

الحمد لله على سلامه الوالد والحديد يتعوض
ولا تضيق صدرك دام الوالد سالم