يا أهل الخبرة .. ثقل في السيارة من 80 الين 110

[موتر 2008]

بسم الله الرحمن الرحيم



السلام عليكم ..

^ ترا سلمت ..



يا أخوان عندي ارمادا 2009 LE و فيه مشكلة محيرتني ,

السيارة تثقل من 75 أو من 80 الين 110

طبعا ضغط المكينة يكون قبل ال80 مثلاً على 2000rpm و اذا
وصلت لهالسرعه ينزل الين 1000rpm . و بعد 110 تمشي طبيعي
و يزيد الrpm .

و لأن المشكلة هذي تطلع من 80 فهي تصادف تبديل القير للنمرة الثالثة ..
بمعنى وانا ماشي و السرعه توصل 80 القير يعشق للنمرة الثالثة و هذا خلاني
اخاف المشكلة تكون بالقير !

وديتها لموزع الوكالة اللي عندنا وهو سيء من أيام الحمراني .
قلت للموظف ابي اشيك ع حساسات القير احس عندي مشكلة في النمرة الثالثة او الرابعة << لاحظوا ما علمته ان المشكلة في ثقل السيارة ! ..
قال غير زيت القير ممكن يكون هو السبب ..
قلت له طيب و إذا ما طلع السبب ؟ قال هذا اللي اقدر اقولك عليه .
قلت له ابي افحص كمبيوتر و اشوف وش العطل منه .. قال ماعندنا
للأسف .


لكن طلع معاي و كلم المهندس و قال المهندس لازم نشيك ع زيت القير
و فحص زيت القير طلع الحمدلله تمام .

الموظف سألني هل المشكلة مثل الكتمة في السيارة من 80 الين 110 ؟
انصدمت لأنها جابها صح و قلت له ايوا .. سألني اول مرة تستخدم نيسان ؟
قلت له بصراحه ايوا قال هذي بكل سيارات النيسان حتى بسيارتي باثفندر 2008 .




شباب أحد لاحظ هالمشكلة بسيارته ؟
ياليت يوصف لي اياها مع ذكر نوع سيارته ؟

و إذا أحد عنده حل للمشكلة ياليت يفيدني الله يجزاكم خير

[موتر 2008]

رفع
رفع
رفع
رفع

[موتر 2008]

يا أخوان من يرد علي الله يجزاكم خير

[الوسم]

عذر أقبح من ذنب

طيب ... وراه ما يصلحها ؟؟

يوم إنه عرف العلله !!!

ليييييش ما يصلحها ؟؟؟

[موتر 2008]

أخوي الوسم ..

الموزع هذا سيء جداً في خدماته و صيانته و ما يهمه العميل ,
حتى مرة كنت أبي أغير طرمبة البنزين عندهم و قالوا لي قيمة
دخول السيارة 200 غير قيمة شغل اليد و القطعه .. قلت سلامات !
ال200 حق ايش ؟؟!
قال رسوم دخول .. قلت طيب السيارة نفس شركتكم ما جبت تويوتا ..
قال هذا النظام والله .. قلت أمري لله و دفعت الرسوم
قال لي خلاص هات المفتح و انت استريح هنا .. قلت ابي اشوف الشغل !
قال ممنوع عندنا .. قلت وش هالنظام الغبي اللي عندكم ؟ وش يدريني انكم بتلعبون بموتري ؟
قال مثل ما قلت لك .. و هذا نظامنا و إذا تحس إننا غلطانين تقدر تتصل بوزارة التجارة ..


طبعاً طرمبة البنزين خربت عندي قبل ما أسافر بيوم و اضطريت اصلحها عندهم
و دفعت رسوم الدخول لأن ما أحد متخصص عندنا بنجران غيرهم ..
و مريت كذا ميكانيكي و كهربائي و كلهم سباكين يفتون م روسهم ..

و الحمدلله من بعد ما غيرتها راحت التفتفة

[موتر 2008]

للرفع .. ما نستغني عن نصائح الاخوان

[الوسم]

الله يعيييييينك

[هاوي بلادي]

نيسان حتى بعد استلام العيسى يحتاج شغل جبار لي اعادة هيبه الشركه
خاصه موضوع الصيانة وتوفر القطع الغيار نركز على موضوع القطع !

[SGL]

إذا البنزين أخضر حول البنزين أحمر وجرب
هل يوجد نفضه بالمكينة؟

[موتر 2008]

أخوي sgl البنزين أحمر من يومه ..

لكن إنحد أخوي مرة و هو مسافر بالخط و لا به محطات
و كان العداد 5 كيلو متبقي ..
وقف عند أقرب محطة و قالوا مافيه أحمر قالهم عبوا أخضر ..


من بعده ب50 كيلو لاحظ تفتفه و تقطيع إستمرت شهر إلين غيرنا
طرمبة البنزين .


مابه نفضه ولله الحمد ..

[SGL]

تأكد من فلتر الهوا إنه أصلي ونظيف أو شبه جديد وإنه مطابق لموترك مع التشيك على خرطوش قربة فلتر الهواء وشيك على كلتش المروحة ﻻيكون مجيم ويسبب ثقل على المكينة والقير
وأحيان البواجي إذا قديمة أو الكويلات فيها خلال يسوون حركات مشابهه لمشكلتك في بعض المواتر

[almo3jl]

طبعا انت ماوضحت الامر مثل لمبه التشييك او لا

ان كان كلامك بدون ماتولع لمبه المكينه فان كلام المهندس صحيح وقت الظهريات او بالصيف غالب الوقت تكون كذا سيارات نيسان كافه

لاكن اذا انك ملاحظ هالشي بعد ماشتغلت لمبه التشييك هذا حساس بلف تبخير التانكي واحتمال يتعطل بدون ماتشتغل لمبه التشييك هذي الحاله تصير في الامريكي مرات مادري عن نيسان

[موتر 2008]

sgl ..

الله يجزاك خير فلتر الهواء جديد و وكالة و كلتش المروحة ممتاز ماشاء الله ..
و البواجي راح أفحصها بإذن الله و أشوف .

almo3jl

ما اشتغلت عندي لمبة التشييك أو لمبة التشيك انجن ..

و اللي قال لي المعلومة موظف فقط مهوب فني أو مهندس ..
و المشكلة ما تجي وقت الظهرية فقط .. 24 ساعة .

[اابو مياس]

السلام عليكم اخوي هل الارمادا نظام دفع رباعي يفصل من بعد سرعه 80 نفس الامريكي والا لا لاني بصراحه ماستخدمته
اخوي شيك علئ حساسات القير خصوصا حساس التبديله الي يثقل عندها سوا كانت التبذيله الرابعه او الثالثه ايضا حساس TPS الموجود في الثروثل له علاقه بتبديلات القير ونعومتها اخيرا اذا بتسمع شوري نفس مشكلتك لها احتمالات واجد وقد تكلفك الكثير ويمكن ماتظبط خصوصا عندنا خيره الفنيين الي ينشد بهم الظهر كلهم تعلمو عندنا والفاهم مايجي من ديرته عند اهله ومرتاح
نطلع من سالفه السياره شوي في واحد من خويانا عنده حلال وكان عنده راعي سوري جلس عنده سنه وبعده روح لاهله الكلام هذا من زمان الحاصل بعد مامشئ السوري بسنه خبطت الماكينه عنده ويشيلها بسطحه لميكانيكي توظيب مكاين تدري من هو الميكانيكي طلع الراعي السوري الي عنده اول هههههههههههههههههه ماهو تقليل من حق احد يعلم الله لاكن ماعندنا ناس تصلح من فهم ودراسه اسف للاطاله

[موتر 2008]

السلام عليكم اخوي هل الارمادا نظام دفع رباعي يفصل من بعد سرعه 80 نفس الامريكي والا لا لاني بصراحه ماستخدمته
اخوي شيك علئ حساسات القير خصوصا حساس التبديله الي يثقل عندها سوا كانت التبذيله الرابعه او الثالثه ايضا حساس TPS الموجود في الثروثل له علاقه بتبديلات القير ونعومتها اخيرا اذا بتسمع شوري نفس مشكلتك لها احتمالات واجد وقد تكلفك الكثير ويمكن ماتظبط خصوصا عندنا خيره الفنيين الي ينشد بهم الظهر كلهم تعلمو عندنا والفاهم مايجي من ديرته عند اهله ومرتاح
نطلع من سالفه السياره شوي في واحد من خويانا عنده حلال وكان عنده راعي سوري جلس عنده سنه وبعده روح لاهله الكلام هذا من زمان الحاصل بعد مامشئ السوري بسنه خبطت الماكينه عنده ويشيلها بسطحه لميكانيكي توظيب مكاين تدري من هو الميكانيكي طلع الراعي السوري الي عنده اول هههههههههههههههههه ماهو تقليل من حق احد يعلم الله لاكن ماعندنا ناس تصلح من فهم ودراسه اسف للاطاله



و عليكم السلام .. ارحب يبو مياس :)


الدبل ماني مشغله 2WD و أظن سالفة الدبل ينفصل بعد الـ80 في نظام الـAWD .

هو هذا اللي متوقعه أنا إما سالفة بواجي أو حساسات ..
و راح أشيك ع حساس TPS إن شاء الله .



أما سالفة الراعي .. ههههههه :D

والله واجدين بنفس الطريقة ،

أذكر يمني كان منتهي الصلاحية :D
و كان يشتغل بمطبخ أعتقد يصلخ أو إنه طباخ ..

المهم معاد شفناه بالمطبخ ممكن 3 شهور
و أنقز مرة لورشة قريبة من المطبخ و ألقاه فني هناك ههههههههه :D


أذكر جاه واحد يشتكي يقول يا أخوي أنتوا ما تعرفون تصلحون السيارات ..

قال له بثقة : إذا بتلوم لا تلومنا حنا .. لوم الشركة اللي تصنع شي يتعطل .



هههههههههه الله يوفقه :D

[باش مكشات]

السلام عليكم ورحمة الله وبركاته نفس الحركة صارت معي بس موتري فورد أكسبيد شن ماخليت ورشة وكلن يقول توضيب قير وبالأخير...طلع من الشكمان كان متسكر .لحام شكمانات نضفه والحمد لله رجع الموتر لوضعه الطبيعي

[ابو يوسف 2009]

السلام عليكم والله يعينك
موتري فتك نفس مشكلتك بالضبط وما خليت شيء ما سويته والميكانيكي يقول احتمال من حساس الثروتل TPS بكره ان شاء لله يغيره ويجرب

[موتر 2008]

السلام عليكم ورحمة الله وبركاته نفس الحركة صارت معي بس موتري فورد أكسبيد شن ماخليت ورشة وكلن يقول توضيب قير وبالأخير...طلع من الشكمان كان متسكر .لحام شكمانات نضفه والحمد لله رجع الموتر لوضعه الطبيعي



و عليكم السلام و الرحمة يا هلا ..


ههههههههه ياخي هل القيور هذولا يبي لهم جلد :mad:

الحمدلله دام رجع الموتر طبيعي , أشوف وش في الشكمان ممكن يبي تنظيف دبة التلوث .


يعطيك العافية أخوي باش :)

[موتر 2008]

السلام عليكم والله يعينك
موتري فتك نفس مشكلتك بالضبط وما خليت شيء ما سويته والميكانيكي يقول احتمال من حساس الثروتل TPS بكره ان شاء لله يغيره ويجرب




هلا ابو يوسف و عليكم السلام ..

يعين الجميع إن شاء الله ..

و بالنسبة للحساس فذكره لي واحد من الشباب وراح اشيكه ..

ألف شكر لك ياغالي :)