المساعد الشخصي الرقمي

مشاهدة النسخة كاملة : مابعد التوضيب !؟


خبايا انسان
29/07/2015, 01:14 PM
السلام عليكم ورحمة الله وبركاتة

قدر الله علي يا اخوان ووضبت مكينه الجكسار بالكامل موديل 2001

الحمدلله على كل حال

الان في فترة التمرين

ماهي نصائحكم في هالفتره ؟

وانتوا عارفين قير عايدي وموتر بر

متى ابدا اجور على الموتر ؟


ومستقبلا هل المكينه الموضبه تتحمل الجور ؟ لو انزل عليه هدرز يضره ؟


ياليت تفيدونا بالتفصيل ولكم الشكر
الا سير
29/07/2015, 10:58 PM
اهم شيء الزيت والماء
وانتبه من التهريبات وعندك الرديتر
اذا هو منتهي غيره
وابي اسالك كيف عزمه بعد التوضيب
الا سير
29/07/2015, 11:00 PM
اهم شيء الزيت والماء
وانتبه من التهريبات وعندك الرديتر
اذا هو منتهي غيره
وابي اسالك كيف عزمه بعد التوضيب
خبايا انسان
30/07/2015, 04:18 AM
الاسير اقرا موضوعي زين ^^
hamido
30/07/2015, 08:15 AM
حاليا خف رجلك عليه تقريبا تعبيتين بنزين ولو حصل تخليه شغال وانت موقف السيارة افضل والتوضيب على حسب الموضب
الصيادالمليح
30/07/2015, 08:37 AM
أول شيء شغل السيارة و خليها واقفة لمدة ثلاثة ساعات أو أكثر .. و عاين بعدها المكينة هل فيها رجة غير طبيعية أو اصوات احتكاك أو لأ !!

و بعدها سوق السيارة ببطء حول الحي لمدة ساعة و أرجع و عاين المكينة هل فيها رجة أو صوت غير اعتيادي

و بعدها أمسك خط و خلي ممشاك أقل من 120 كلم\ساعة
و خلي تسارعك معتدل ..و امشي عليه خط 1000 كيلومتر اذا أمكن و خلي معاك مرافق بسيارة ثانية في حالة اي عطل يحدث للسيارة

وبعد التمرين عاين إذا فيه أي اصوات غريبة أو رجة في السيارة ما كانت موجودة

و راجع الورشة اللي وضبت فيها السيارة في حالة أي عطل

و مشكلة التوضيب أن القطع الجديدة اللي ركبتها احتمال قياسها غير مناسب لأن الابعاد و القياسات اختلفت بسبب طول عمر السيارة

و بعض ورش السيارات ما تاخذ في الحسبان التغيير في المقاسات و الابعاد .. مما يؤدي أن القطع تنفرط و تتحرك من مكانها بعد التوضيب و الاستخدام المباشر

صار لي مع سيارة كامري موديل 1994 و وضبت فيها القير و المكينة عام 2004 و صار لي مشكلة أن القير يفرط بسرعة و بعد المعاينة مع مهندس مختص بالقيرات لقينا أن القير قياساته اختلفت و الأبعاد تغيرت بسبب عمر السيارة و تم فك القير و اخذ القياسات الجديدة و تركيب القطع المطلوبة على حسب قياسات المهندس و صار القير ما يفرط

و أتمنى أكون أفدتك
NissaN 1990
30/07/2015, 08:51 AM
مثل ماتفضلو الأخوان انتبه من السرعة لاتعديها 120 لمسافة 1000 كيلو اضمن لك وريح الموتر بعد ماتقومة يعني لاتحبسه بنمره وهو يبي تغيير هذا كله اثناء الألف كيلو والأفضل تخليه شغال طول الوقت بدون مكيف حتى وهو واقف نطح وجهه البراد وافتح الكبوت وخله شغال
وبعد مايعدي الألف كيلو ارجع للورشة وخل الميكانيكي يشيك عليه إذا قالك تمام غير زيته وعايره واعرف عياره زين وامش عليه 4000 كيلو او 5000 كيلو وبعدها عاير الزيت وهو واقف وقت طويل يعني في اليوم الثاني إذا ناقص معناه ان الميكانيكي شغله مو تمام :no2: وإذا مضبوط معناه شغله تمام :good2: وانت خذ عليه فواتير ولو لاقدر الله صار مشكله تشتكية عند شيخ الصناعية
وبالنسبة للجور والهدرز من يعدي التمرين وحرارته تمام ولا ينقص خلاص يرجع موتر طبيعي وإذا حافظت على زيوته وحرارته يعيش معك بس اهم شيء تكون القطع اللي ركبتها اصليه
موتر 2008
30/07/2015, 09:52 AM
كان مع الوالد هدد 94 و توضب عام 2004 بسبب ضعف طرمبة البنزين
و سافر عليه بزيت ماشي أكثر من 5000 كيلو ..


الميكانيكي أول يوم بعد التوضيب ترك السيارة شغالة 24 ساعة
و بعدها طلب منا الاسبوع الاول ما نتعدى 60 كم/ساعة


بصراحة ما أذكر هل كان التوضيب كامل أو راس مكينة فقط ،
لكن اللي أذكره إن شغله أي كلام ..
كان فيه صوت طقطه خفيف من يوم توضب ..
و عرضته على ميكانيكي غيره و قال يبي لك وزن بلوف أو عصافير < ما أذكر بالضبط
ومرت 5 سنين و رجعنا نوضبه مرة ثانية ..


التوضيب إذا ما كان توضيب واحد فاهم يخاف الله
و القطع ما كانت أصلية ,, فهو راح يتكرر مرات و مرات


موفق عزيزي
خبايا انسان
30/07/2015, 03:45 PM
الله يجزاكم خير

بالنسبه للورشه تحريت عن الافضل والسمعه الزينه وباذن الله اني توفقت بالشفل الزين

مشكلة المكينه كانت ضعف بطرمبة الزيت خرب علي عمود الكرنك وغيرت عمود كرنك جديد

بالاضافه الى صدر مكينه كامل ،، وراح نبدا بالتمرين ان شاء الله ومانستغتي من نصائحكم

لكن سوالي بعد التغييره الاولى للزيت هل استعمل الموتر طبيعي ؟ او ازيد عليه بالتمرين واتدرج ف الاستعمال ؟
احمد النزهه
30/07/2015, 04:19 PM
نصيحه لك مني لاتسرع وخل مشيك 90 بس اذا مشى 1000غير زيت وبعد 2500زيت وسيفون
وحط له زيت بترومين اكسترا وسيفون اصلي سعره45ريال وشف الفرق وردي لي
موفق ان شاء الله