المساعد الشخصي الرقمي

مشاهدة النسخة كاملة : حل عطل يوكون


خالد الحفر
29/07/2015, 09:42 PM
السلام عليكم ورحمة الله وبركاته

يالربع ماشي بالطريق من الدمام للجنوب وخرب علي الموتر احس بتنتيعه مع دعسة البنزين الموتر تمام من يوم مشيت من الدمام لين وصلت الرياض ولفيت مع لفه عاديه ودعسة بنزين وجلس ينتع >> تقل درباوي اعوذ بالله

يوكون ٢٠١١

الموتر بالمختصر ( فيه نتعه مع دعسة البنزين كل الورش تقول قير )
القير تبديله سليم وتمام وقفته بصناعية السلي لين برد ورجعت له شغلته اشتغل ومشيت عادي مابه شي
اذا احد مر عليه هالمشكله وحلها يبلغنا نشوف الحل قبل مانكمل الطريق
جيب ربع
29/07/2015, 10:01 PM
وعليكم السلام ورحمة الله وبركاته

أول شيء إبدأ بالاسهل من الناحية المادية
نظف الثروتل وشيك على البواجي وإسلاك البواجي
دقسونة
30/07/2015, 02:38 AM
البواجي واسلاكها قد تعمل كذا وأسوأ من كذا
1824
30/07/2015, 03:37 AM
اذا الموتر ماشي كثير حان وقت الصيانة العامة من بواجي واسلاك بواجي وفلتر هواء وغيره
موتر 2008
30/07/2015, 09:17 AM
صارت مع أخوي بنفس السيناريو تقريباً بس ع ارمادا ..

و طلعت المشكلة في طرمبة البنزين ..


الله يهديه ترك البنزين يصفر للأخير و بعدين عبى بنزين أخضر
و الأرمادا مايصلح له الأخضر بس لأنه انحد ..


و بالتوفيق إن شاء الله
خالد الحفر
30/07/2015, 11:40 AM
اولاً اشكركم واحد واحد كلن باسمه
الحمد لله وصلت الجنوب بالسلامه والموتر ماسويت فيه اي شي وصلني الجنوب ولكن احتمال كبير الطنجره البواجي واسلاكها باغيرها العصر طرمبة البنزين ع طول تخرب بكل السيارات
آخر العنقود
31/07/2015, 10:44 AM
هلا احوي لا تسوي بموترك اي شي افحص بالكمبيوتر واذا موترك فيه مشكله بيطلع بالفحص كود ويفيدك اللي بيفحص السياره بالكمبيوتر وش الخلل.
almo3jl
31/07/2015, 01:49 PM
سؤالك انت مجاوب عليه بنفسك مع اللفه حصلت المشكله

الحل طرنبه البانزين او العوامه اذا البانزين تحت الربع يمكن تعلق اذا لفيت ومال البانزين لجهه والعوامه مانزلت معاه

بس اغلب الظن طرنبه لان فيه تقطيع
R I V A L
31/07/2015, 01:56 PM
سؤالي فقط
عندما لفيت بالموتر وين كان مؤشر البنزين ؟؟
1_ فوق الربع
2_ تحت الربع

وعلى ضوء الاجابة تتحدد المشكلة
وشكرا ،
وين الصيد
31/07/2015, 03:43 PM
اخوي عندك احتمالين لاثالث لهم

اذا ماكان من طرمبة البانزين
برمجة القير لازم تعيد البرمجة
خالد الحفر
02/08/2015, 08:26 AM
فحصت كمبيوتر طلع عندي
طرمبة الزيت و صبابات المكينه ويقول يمكن عمود التايمن

مواشر البنزين كان النص
طرمبة البنزين مافيها شي لان مع التشغيل مافيه تعليق مع الدقه
زياد علي
02/08/2015, 04:24 PM
اذا النتعة مع اول وثاني تبديلة للقير هاذي من زيت القير
اابو مياس
03/08/2015, 01:52 AM
السلام عليكم اخوي افحص ضغط طرمبه البنزين عند اي كهربائي عن طريق الساعه بشرط تكون السياره حاميه والافضل بعد مشوار
بالنسبه لطرمبه الزيت والصبابات اذا ماتسمع صوت طقطقه بلوف والسياره واقفه والا موشر الزيت منخفض لاتسمع كلام الفني
بالنسبه للسيارات الامريكيه الحديثه بعضها ينصح باستخدام زيوت تخليقيه خفيفه عيار30/5 طبعا الزيوت التخليقيه تمشيك اكثر من عشر الاف كيلو
خالد الحفر
03/08/2015, 09:58 PM
اذا النتعة مع اول وثاني تبديلة للقير هاذي من زيت القير


السلام عليكم اخوي افحص ضغط طرمبه البنزين عند اي كهربائي عن طريق الساعه بشرط تكون السياره حاميه والافضل بعد مشوار
بالنسبه لطرمبه الزيت والصبابات اذا ماتسمع صوت طقطقه بلوف والسياره واقفه والا موشر الزيت منخفض لاتسمع كلام الفني
بالنسبه للسيارات الامريكيه الحديثه بعضها ينصح باستخدام زيوت تخليقيه خفيفه عيار30/5 طبعا الزيوت التخليقيه تمشيك اكثر من عشر الاف كيلو

بكرا نجربها ان شاء الله هي النتعه فعلاً مع اول وثاني تعشيقه سواً مع التهديه او المشي