كروز2010 القير يفصل من الترس الخامس و السادس ويرفض يتعشق ،، بعد تثبيت السرعة ..!!؟

[Mr.SysteM]

بسم الله الرحمن الرحيم

السلام عليكم ورحمة الله وبركاته

يا اخواني انا سيارتي كروز 2010 وانا مسافر للجنوب كنت ماشي 180 ومثبت السرعه

وفجئه حسيت السياره تهدي بقوة وفصل مثبت السرعه

وصارت في الترس في الخامس

غيرت التحكم بالقير خليته يدوي واحاول اعشق لترس السادس رافضة تتعشق

رجعت خليت التحكم بالقير اتوماتيك وحسيت نفس التهدية الي اول وفصل الترس الخامس ورفض يتعشق ، غيرت التحكم يدوي وحاولت اعشق الخامس أو السادس ورافضه بالمره ؟؟


وقفت عند أقرب محطة وفتحت الكبوت وافصل البطارية واشبكها بعد 10 دقايق ومشيت بها 120/130 حتى وصلت الجنوب بدون مثبت السرعه .. وما صار معي شي؟؟ الحمدلله

ولما جيت راجع لرياض سوت معي نفس الحركة بعد ما ثبت السرعه ومشيت بها 160 .. وصار يطلع صوت صافرة من المكينة + التعشيق من الثالث لرابع ، ومن الرابع للخامس ينتع .!!

فصلت البطارية وركبتها ما ضبطت ؟؟ بس راح صوت الصافرة

وفصل علي الترس السادس فقط لكن الخامس شد حيله شوي على سرعة 140 ؟؟


ارجو من لديه خبره او خلفية عن هذي المشكلة يفيدني

[موتر 2008]

و عليكم السلام ورحمة الله وبركاته ..


شغلت القيور مهوب أي واحد يفتي فيها ,
عموماً قد تكون تحتاج ميكانيكي مختص بالقيور
و قد تكون المشكلة كهربائية بحتة .

عموماً إنتظر الخبراء لعلهم إن شاء الله يفيدونك

[ateeq7]

كم ماشية السيارة متى اخر مره مغير زيت الجير
مرعلى محل فحص الكومبيوتر او الوكالة يفحصولك و شوف الكود او الرقم الذي يطلعلك السيارات الحديثة تسجل كل خطاء في ذاكرة كومبيوتر السيارة

[الصيادالمليح]

عاين حساس القير يحتمل أنه يحتاج تثبيت أو تنظيف

[ابوراكان تبوك]

المشكلة غالبا في شريحة القير وهي مشكلة مشهورة في الكروز لانها عيب مصنعي

وان شاء الله ماتكون من الشريحة

[Mr.SysteM]

زيت القير لي فترة ما غيرته والله واحتمال يكون له تأثير في المشكلة ذي

وراح افحص السيارة كمبيوتر

واتذكر اخوي قالي ترى عندك تهريب في الكارتير لكن ما صدقته ؟؟ :(

طيب الحين اذا كان زيت القير ناقص ولا رايح فيها

هل القير بيخبط لو اغير لها زيت وكارتير وفلتر ؟؟

واذا كان في احتمال انه يخبط وش الخطوات الي اسويها قبل لا يخبط ؟؟ عشان ما تخبط ، او عشان يصير عمر القير اطول ؟؟

[أصيل حجآ زي]

.

.

.

يغلق الموضوع .

لأنك مــــــــــــــــــآشي 180 كلم بالسآعة .

وتنـــــــــــــــــآقـــــــــش سُرعة أكثر من 150 كلم بالسآعة .

.

.


ممنوع أنشاء موضوع ينآقش أي شيء

به سُرعة أكثر من 150 كلم بالسآعة .


.

.

:mad:

.

.

.