هل اسعار لوازم الرحلات مبالغ فيها

[وادي الصحراء]

مع كثرة اغراض الرحلات ولوازمها وكمالياتها
وتباين اسعارها من محل الى محل
وتنوع مصادرها
وتفاوت استعمالتها والحاجة اليها
هل برايكم ان الاسعار مرتفعه
وهل حان الوقت ليقوم اصحاب المحلات بمراجعة اسعارهم وخصوصا الكبرى منها
وهل نحن مالزمين بشراء هذه الاغراض ام ان الكثير منها فقط للتباهي وليس للحاجة
رايك مهم واعتز بردود الجميع

[jesus]

مبالغ فيها بالحيل واغلبها ما نحتاجها

[أبومحمدالشهري]

أشوف أسعار البعض منطقي والبعض الآخر لا

بس التكلفة تكمن في الفكرة وتنفيذها

ومن وجهة نظري أشوف أسعار محلات الرحلات بالمملكة أفضل من بقية الدول في الأسعار وكثرة الخيارات الموجودة

وكل شخص يعرف اللي يحتاجه واللي مايحتاجه وأغلب الكشاته يحاولوا التوفير قدر المستطاع عشان الوزن والمساحة

وبالنسبة للمحلات فيه أسماء عريقة بالسوق السعودي ومنها :

السنيدي _ عروق الشمال _ الرماية _ البرية _ برق الحيا _ القاضي

[وادي الصحراء]

مبالغ فيها بالحيل واغلبها ما نحتاجها

انت قريب من رايي بشكل كبير
شكرا لك

[وادي الصحراء]

أشوف أسعار البعض منطقي والبعض الآخر لا

بس التكلفة تكمن في الفكرة وتنفيذها

ومن وجهة نظري أشوف أسعار محلات الرحلات بالمملكة أفضل من بقية الدول في الأسعار وكثرة الخيارات الموجودة

وكل شخص يعرف اللي يحتاجه واللي مايحتاجه وأغلب الكشاته يحاولوا التوفير قدر المستطاع عشان الوزن والمساحة

وبالنسبة للمحلات فيه أسماء عريقة بالسوق السعودي ومنها :

السنيدي _ عروق الشمال _ الرماية _ البرية _ برق الحيا _ القاضي

مشكور على الرد الوافي لكن اختلف معك بشان الاسعار

[شيخ بني تميم]

والله غالين ومافيه ذاك الجوده الي تستاهل

[وجعين]

فيه اشياء مبالغ فيها العزبه الفاضية الي مابه الا كرتون رازه شريته من محل مشهور بالقصيم اكبر محل لرحلات فوق الميه وصدفة رحت لرياض للغرابي تصدقون لقيت محل فيه هنود يخطيون بالجمله قلت كم الحبه ماصدقت يوم قالي25 اخذت حبتين والله ماتفرق عن الي اخذت الى بزود سحاب فقط

[al-khaldi]

في اغلب البلدان سواء البلدان العربية او الاجنبية وحسب مارئيت المحلات المتخصصة اسعارها مرتفعة ولكن في محلات تسوق بضاعه جودتها عاليه وفي محلات اسعارها مرتفعه على بضاعه جودتها رديئه

[خالد الخطير]

سابقاً :

الجوده = ١٠٠٪
السعر = مقبول جداً ومقدور عليه من جميع الطبقات
ويدوم سنوات طويله جداً وممكن تورثها لعيالك

حالياً :

الجوده = صفر ٪
السعر = نار
وللاسف مايدوم سنه بالكثير

لكن هناك مشكله عندنا ، اغلب الناس عندها مشكلة الكمال !! والكمال لله وحده !!
اي شي يشوفه يبي يشتريه ، وفي الاغلب يشتري اشياء مالها فايده كبيره !!
لذلك على الانسان ان ياخذ الشئ بقدر حاجته الماسه له
واذا قدر على الاستغناء عن شي غير مهم او كمالي فهو الافضل

بالمختصر على الشخص تثقيف وتوعية نفسه بمشترياته في كل احواله مو بس باغراض الكشته

[خالد الخطير]

القماش التنزاني انتهى

الاواني و ادواتها ذات الصناعات الاوروبيه او الكوريه انتهت

المواقد السويديه انتهت

كل شي انتهى تحت قوة الصين الي غزت الصناعات وحولتها الى ماضي قد لا يعود ابداً

[مطول صبري]

اشوف الاسعار المحلات المعروفه والمشهوره غاليه روح الغرابي تحصل محلاته كثير واسعار اقل منهم

[ابوخلف..]

مبالغ فبها
لو ذهبت لمحلات غير مخصصة للرحلات
تجد فيها بعض اللوازم البرية ارخص من محلات لوازم الرحلات
والمفروض العكس

[فرخ قطا]

صدقت الاسعااار مبااالغ فيها جداً

والجوده صيني ماينفع ابدد

افضل شي انك ماتشتري من محلات الرحلات رح محل غير متخصص بالرحلات تشوف الفرق بالاسعار

الدله تباع بمحل مشهور حق الرحلات ب١٨٠ وتباع برا بالاسواق ب١٢٥ هذا اقرب مثال وغيره اشد

[ورد الربيع]

من واقع تجربة
شناط العزبة لو تفصلها برا وتبطنها تاخذ جودة وقوة
شناط محلات الرحلات اول مايتقطع اذان الشنطة اللي
تشيلها فيها واخص محل مشهور بالقصيم ملاحظها عليه والخامة نفس الخامة مافي تنزاني كله صيني
وفي حاجات كبالغ بسعرها ماهو شوي بقوووه مثل القدور وحبال السحب والمراكيب
والتريكات والفرشات الارضية المدات لقيتها بنصف السعر او اقل بنسبة 25 بالمية برا
لكن الناس استغرب تعبي العربيات وتاخذ ماهب ودب اللي يستخدمه واللي فترة ويضيع بحوسة البيت
ويرجع يشتري !!
ارى ان الانسان لابد يكون عنده ثقافة تسوق وفهم بالجودة عيبنا نصدق كل مايمدحه البايع وهذا غلط
حقك تدقق وتسال وان تضايق البايع طش بضاعته وامش هم يستخدمون طريقة الضغط النفسي يعني
يحاول ماياخذ ويعطي معك وان دققت بالسؤال كانه يستهزىء بك وهذا اسلوب دخيل على بلدنا
يقوم به حثالة من الاجانب لاستنفاد ما بجيوبنا فلازم تخلي بالك اطول منه وتنشب له لين تضمن جودة
المنتج وتحذره انك ترجعه وهذا نظام وزارةالتجارة حقك ترجع ان لم تكن القطعة حسب المواصفات
والجودة المطلوبة لكن بصراحة نحن شعب يستهلك كل شي الا من رحم الله
وابضيف نقطة قبل تشتري قارن الاسعار تلقى فرق شاسع مثلا كرسي الجلوس حق الظهر سعره وشوف
عند السنيدي وعند غيره وهو نفسه تلقى الاجابة

[بدران الدوسري]

رأي الجميع على العين والراس

لكن رأيي الشخصي بخصوص شنطه العزبه وبحكم تجربه أن محلات الرحلات خامتها افضل بمراحل بالي تباع في الغرابي

شريت ثلاث شناط من محلات الغرابي وكلها ودعت وجودتها سيئه جدا وخياطتها اسوء من الازم

والشتى الي راح شريت شنطه تنزا من برق الحيا وشنطه ثانيه من عروق الشمال تصميم صغير وسعره نفس الغرابي وجودته ماشاء الله عالية

بالمختصر الشناط افضل شي انك تشتريها من محلات الرحلات
وباقي الاغراض انت مخيير فيها

[وادي الصحراء]

اشكر الجيمع على المرور والتفاعل
واهم شىء ان المعاناة من اسعار هذه المحلات طالت الكثير من مرتادي محلات اللاوازم وتكمن هذه المعاناة في السعر المرتفع مع سوء في الجودة
حقيقة ملموسة نعاني منها ويجب على اصحاب هذه المحلات اعادة النظر فيها
هذا الموضوع طرح لعل الله يخفف عن المسلمين في هذا الجانب ثم ليكون رسالة للمحلات لعلهم يعيدون للنظر في الاسعار

[الصيادالمليح]

السبب الرئيسي هو أن الريال السعودي فاقد قيمته اقتصاديا مقارنة ببقية العملات

ولهذا نلاقي أن الاسعار ارتفعت علينا بشكل كبير في بقية السلع

الأسعار أرتفعت و الراتب مثل ما هو تغير

ارتفع سعر البترول و التجار رفعوا الاسعار و قالوا البترول ارتفع
أنخفض سعر البترول و التجار رفعوا الاسعار و قالوا البترول أنخفض

هذا هو الاقتصاد السعودي و تداعيات الريال و انخفاض قيمته الاقتصادية تداوليا

فلحد يجي و يقول ان الاسعار مرتفعة .. الريال هو اللي انخفض سعره

[خالد الخطير]

السبب الرئيسي هو أن الريال السعودي فاقد قيمته اقتصاديا مقارنة ببقية العملات

ولهذا نلاقي أن الاسعار ارتفعت علينا بشكل كبير في بقية السلع

الأسعار أرتفعت و الراتب مثل ما هو تغير

ارتفع سعر البترول و التجار رفعوا الاسعار و قالوا البترول ارتفع
أنخفض سعر البترول و التجار رفعوا الاسعار و قالوا البترول أنخفض

هذا هو الاقتصاد السعودي و تداعيات الريال و انخفاض قيمته الاقتصادية تداوليا

فلحد يجي و يقول ان الاسعار مرتفعة .. الريال هو اللي انخفض سعره

البترول ارتفع ورفعو التجار !!

البترول انخفض ورفعو التجار !!

هذي اصعب عملية رياضيات :D

قل بالعربي التجار رافعين رافعين الله لا يعوق بشر :)

[وادي الصحراء]

يعني بالنهاية اللي يتحكم بالسوق التجار وليس العرض والطلب

[وادي الصحراء]

السبب الرئيسي هو أن الريال السعودي فاقد قيمته اقتصاديا مقارنة ببقية العملات

ولهذا نلاقي أن الاسعار ارتفعت علينا بشكل كبير في بقية السلع

الأسعار أرتفعت و الراتب مثل ما هو تغير

ارتفع سعر البترول و التجار رفعوا الاسعار و قالوا البترول ارتفع
أنخفض سعر البترول و التجار رفعوا الاسعار و قالوا البترول أنخفض

هذا هو الاقتصاد السعودي و تداعيات الريال و انخفاض قيمته الاقتصادية تداوليا

فلحد يجي و يقول ان الاسعار مرتفعة .. الريال هو اللي انخفض سعره


احس انك ابعدث شوي
كماليات مرتفع اسعارها بسبب التجار
وش علاقة البترول
خصوصا وان معظمها ردئية الجودة وتصنع اما محليا او بالصين

[جبل غرابة]

السلام عليكم ورحمة الله وبركاته ،
مثل ما ذكروا الاخوان اختر العدة بنفسك ، وحسب احتياجك .
وأضيف :
أحرص على الأباريق الأصلية .
وأضف في الشنطة ( مبخرة صغيرة ) وعلبه للعود أو المبثوث أو حتى جاوني .
وطيب الله فالكم جميعاً ..

[مطر وسم]

90% من اغراض البر تقدر تاخذها من خارج محلات الرحلات البريه ويمكن احسن جوده وبأقل سعر
تخيلو شريت العام اغراض كامله من محلات البر يوم سعرتها برى لقيت فرق كبير بالاسعار ( الفرق طلع 420ريال )


ودمتم سالمين

[خالد الخطير]

90% من اغراض البر تقدر تاخذها من خارج محلات الرحلات البريه ويمكن احسن جوده وبأقل سعر
تخيلو شريت العام اغراض كامله من محلات البر يوم سعرتها برى لقيت فرق كبير بالاسعار ( الفرق طلع 420ريال )


ودمتم سالمين

ياسلام عليك

انا فقط اخذ من المحلات البريه الدوافير والمواقد الاصليه ذات الجوده فقط !!

وكذلك الشناط المبطنه ويكون شغل مضبوط ميه الميه

غيرها كلها من محلات الاواني لانها ارخص واكثر تنوع بالجوده