الكرونه

[عمرين العمري]

السلام عليكم ورحمة الله وبركاته
إخوتي الكرام
عندي صوت ونه في الجهة الأمامية من الدفرنس الأمامي والميكانيكي قال أنها كرونه ولكن قال تستحمل امشي عليها فإيش نصيحتكم أصبر عليها لين يزيد الصوت أو أوضب دفرنس أو أشتري مستعمل من التشليح وهل في حل يزيل الصوت وكم تكلفني هذي الأشياء
سيارتي لاندكروزر فكسار غير اتوماتيك موديل 1996 دفع رباعي مستمر
شورتكم الله يبارك لكم

[الدرع الاخضر]

حط شحم في الكارونة بمقدار بيالتين شاي وكذلك زيت الدفرنس العادي وخذلك مشوار وبعد المشوار فك السرة العلوية وشف وضع الزيت هل زاد أو نقص إن زاد فرغ الزيادة وإن كان ناص زود له زيت

[SGL]

ممكن يكون الصوت من العمود وممكن يكون من رمان الهوب تأكد ولا تستعجل

[almo3jl]

صبر لاتستعجل لاشحم ولا موز ولا خشب روح الوكاله قله ابي زيت معالج احتكاك الدفرنس انا مادري وش نوع موترك اذا ماحصلته روح الجميح وخذ واحد انتبه بس واحد ولا تحط اي شي ثاني معاه الزيت ولا شحم علبه صغيره سعرها تقريبا مايتعدى ٢٥ ريال لاكنها تفعل العجب ان كان في البدايه ان شاء الله راح تسوي شغل معاك

للمعلومية مايبان مفعولها الا بمن أسبوعين الى شهر يعني يمكن مايتغير شي لمده اسبوعين اصبر عليها لشهر ولا تحط شي معاها او بعدها

[خيال وبروق]

يمكن يكون من رمان الهوب
انا كان يطلع صوت واذا لفيت يختفي وكذالك رجه على سرعه ٧٠
رفعت الكفر الامامي وكانت تتحرك الكفر غير مستقره
وغيرت رمانات الهوب وانحلت المشكله

[فياض الربيع]

اذا كانت الكارونه خذها مني ماينفع توظيب ولا تركيب جديده
مافيه احد يوزنها لاحد يكذب عليك لازم دفرنس نظيف من التشليح
وتعطيه الرجيع