لا للعصبيه والتحيز افضل الثلاجات

[مدرب الطير]

السلام عليكم ورحمة الله وبركاته

صبحكم الله بالخير ... مساكم الله بالخير
كلن على دخوله

نقاش عادي يالربع نبي ناس مجربه
افضل ثلاجة من حيث قلة سحب الكهرب وقوة العزل والتثليج وقلة الخرابات وافضل كمبروسر

لا يهم السعر اهم شي تكون سحبها للكهرب قليل


الله يوفقكم ما نبي تحديات نبي نستفيد ونفيد

[أبومحمدالشهري]

صعب جدا الحياد ، لأن كل واحد بيمدح ثلاجته من واقع تجربته ولا أحد يلومه

يعني مثلا فيه ثلاجات ولا أحلى منها في التجميد والتبريد لكن أسعارها العاليه تجبر الناس تبتعد عن شرائها

فيبحثوا عن أقل منها جودة وسعر لشرائها بس أتوقع ماراح تعيش مثل الأصلي

أنا الآن لي أسبوع أرغب بشراء وحده ومحتار جدا بالثلاجات ، أوقات يردني عن الشراء السعر ومرات ثانية يردني الجودة

لكن فيها أسماء لثلاجات ممتازة من ضوء إطلاعي على مواضيع لشباب مجربينها

1_ ويكو ، وكيلها السنيدي
2_ ARB , وكيلها الرماية
3_ إفاكوول ، وكيلها الحمدان أو الحميدان

هذة بالنسبة للثلاجات الموجودة حاليا بالسوق وغير مقطوعة ، لأن فيه الممتاز المقطوع مثل الطمره والإنجل القديمة

وعندك أسماء صينية جديدة ويمدحونها الشباب أيضا مثل

1_ سونيكو ايسترن
2_ ثلاجة الرماية الصينية
3_ كوداما
4_ راكو ، وكيلها الراشد


وغيرها كثير صيني لكن هذا المشهور منها ، وأنا لما قلت صيني معناته الصناعة والكمبرسور صيني

[ابوحسام9]

السلام عليكم
يعطيك العافيه اخوي مدرب الطير على طرح مثل الموضوع هذا لنستفيد
ونفيد
حسب تجربتي المتواضعه الدرجه الاولى
ثلاجة الهدف جنوب افريقيه مقاس 40
بعدها تجي الويكو وخاصه ام فرار

[ابوراكان تبوك]

الردين اللي فوق عطوك الزبدة

وفعلا مثلا فيه شخص جرب نوع ثلاجه وحده وسلكت معه اكيد لاشاوره احد بيمدحها
ويكو وعرب تقريبا من اشهر الثلاجات

حتى لو ركزت انت ع الارقام الموجوده ع الثلاجات
تلقى مثلا ثلاجه سحبها قليل وتبرد لكن العزل سيء والعكس
رأي المجرب + الاخذ بالارقام + الجوده هي اللي تحدد لك ماذا تريد

[ذيب المغاره]

السلام عليكم ورحمة الله وبركاته
من خلال التجربه لثلاجة الويكو ام فرار
التبريد ممتاز وكذالك سحب الكهرب لكن العزل ردئ
وهذه وجه نظر

[أبومحمدالشهري]

ياشباب من جرب ويكو cf 50

لاهنتم يعطينا مميزاتها وعيوبها