حراره لاند كروزر وش تنصحوني يالغالين

[سحاب نجد راعي شقراء]

السلام عليكم ورحمه الله وبركاته

يالغالين انا عندي لاندكروزرجي اكس ار ترتفع حرارته بشكل كبير وسريع جدا خص الا وقفت عند الاشاره طبعن مع المكيف ولا سكرت المكيف تنزل شوي وبعد المشوارالا وقفت السياره وطفيتها اسمع الاديتر يطبخ يعني يغلي اخليه يبرد وفتح الاديتر القاه ناقص ونا ماليه قبل ساعه
هل هو من الاديتر يبي تغيير
هل هو من المروحه الخارجيه حقه اديترالمكيف لاني مركب تجاريه

ولا وش البلا يالغالين

انا سامع فيه اديتر المنيو هو زين وش تنصحوني جعل والديكم للجنه

[ابوخلف..]

شيك على الراديتر وعلى طرمبة الماء
عموما الحرارة لها اسباب كثيرة
لكن حاول ان مايلحقه حرارة

[SGL]

تأكد من كلتش المروحة

[علوش1]

او وجه الاديتر يمكن يكون متسكر من الاوساخ او الغبار من جهة الشبك

[ابوراكان تبوك]

دام الماء ينقص اكيد فيه تهريب

بالنسبه لمروحة المكيف تأكد أنها شغالة ونظامها ماتشتغل على طول تشتغل فقط أثناء تشغيل الكبروسر وتفصل معه واذا ما اشتغلت معك افحص فيشها بلمة اختبار او بطريقتك
انا كانت ماتشتغل بموتري وفصلت فيشها وشبكت فيها ماطور الهواء ههههههه لانه ماكان عندي لمبة المهم وجدت فيوز المروحة محروق وهو يجي في زاوية علبة الفيوزات يمين بالعلبة اللي خلف البطارية
ركبت الفيوز حقها واشتغلت المروحة وراحت الحراره

عموما لالالازم تتأكد من الاديتر اذا برد الموتر استخدم كشاف قوي وافحص الاغطية البلاستيكية اللي فوق واللي تحت مع حوافها لانها كبس وغالبا التهريب من هذه الاماكن
+
غطاء الاديتر اي مشكلة فيه يلعب في الحرارة ويبخر الماء اذا الاديتر سليم غيره وشوف

[almo3jl]

الله يعينك على مابلاك

اولا:حسب ماذكرت انك مركب مروحه تجاري يعني اتوقع انك أجبت على سؤالك ان مشكلتك هي تركيب مروحه تجاري ارجع ركب اصيله واتوقع بتنتهي المشكله هذا طبعا اذا ماكنت تشتكي من الحراره قبل تركيب الروحه التجاري

ثانيا: اذا ماضبط الحل الاول لأنك ماذكرت اذا الموتر يحتر او لا قبل تركب المروحه التجاري يعني اذا ماكنت تشتكي من الحراره وظهورها فقط بعد تغيير المروحه هذا يعني اكيد منها

ثالثا : ان كنت تشتكي من الحراره قبل تغيير المروحه طبعا على حسب وصفك ان الحراره مع المكيف واذا طفيته تنزل شوي هذا من الراديتر اذا رصتين غيره اربع رصات او أبدا بتصييخ الراديتر يمكن فيه انسداد على شان ماتدفع فلوس عالفاضي

رابعا: اذا الحراره تتعدى النص وتثبت مع خط هذا بلف الحراره قافل

خامسا: حسب كلامك ان المويه تنقص بالراديتر بما انك تشتكي من الحراره بكل الأحوال اذا تعدا النص راح يفور ويرجع المويه للقربه والقربه تهربه لبرا فينقص مويه لاكن هنا ابي اعرف ان كنت مغير الراديتر تجاري او اي نوع غير الوكاله تكون المشكله فيه لان غطا الوكاله الاصلي يركب على الراديتر بس يكون قصير مايوصل للرقبه ويسكرها بالكامل فعند الضغط يصير حراره وتبخير ويرجع عن طريق الغطا للقربه وعن طريقها تهرب لبرا او العكس الاراديتر اصلي والغطا تجاري فيتم تهريب المويه عن طريق الغطا وان كان الراديتر اصلي والغطا اصلي يمكن يكون من جلده غطا القربه يجي تحت غطا القربه جلده او ربله عليها علامه >pp< لما تسكر الغطا حطها كانك تضبط ساعه على ٩

وان حبيت تعرف غطا الراديتر خربان او مايوصل الرقبه ويسكرها صح لما تطفئ الموتر سواء بار او حار اضغط بيدك على الخرطوش الي فوق تسمع صوت تنسيم من الغطا ان كان اصلي يعني الراديتر تجاري ارجع ركب اصلي لو تشليح وان كان الغطا تجاري غيره وركب اصلي وانتبه الغطا يجي عليه رقم لازم تركب نفسه

اما اذا من الراس ماعندي خبره فيه ميه بالميه

[ابو فهد...]

رديتر الجي اكس احسن رديتر شيك على كلتش المروحه

[aklubiam]

غير غطاء الراديتر وماجاك عندي.

[احمد النزهه]

ركب بلف حرارة باترول كبليتر وشف حرارته وماء رديتر بترومين اخضر
وشف النتيجة
94

[متقاعد مبكر]

نصيحه اختبر الراس اذا الحراره بهذه الطريقه
طريقة اختبار راس المكينه
عب الديتر ماء وشغل السياره واللديتر مفتوح بدون غطاء اذا طلع الماء مثل النافوره من اللديتر بتكون المشكله من الراس

[اسهيل]

اخوي شف كلتش المروحه