عنوان محل صيانة السلاح

[JARAH]

السلام عليكم
ألي يعرف موقع محل النواش لصيانة السلاح الي في الرياض ياليت يزودنا فية !!
سويت بحث لقيت ناس تقول في السويدي وناس تقول في الدخل المحدود ..

[ارثمس]

عليكم السلام ورحمة الله وبركاته تبي العلم الوكاد ونا خوك فيه محل بسوق الزل بالرياض اسمه الشايقي تكرم عند الحمامات كلن يعرفه باكستاني شايب ويحبه قلبك رخيص ولا يهمه مرخص ولا لا

[طويلب]

تكفون يا شباب عطونا احداثية المحل او توصيف ادق. لاني بجي من خارج الرياض ونا ما ادل زين

[ارثمس]

الوصف تجي مع طريق الملك فهد اللي عليه المملكة والفيصلية وتتجه جنوب لين يجيك مخرج قصر الحكم تجيك اشاره لف يسار بعده ابتل اترك اول اشاره طوالي الاشاره الثانيه لف يسار تمشي لين يجونك حقين البشوت على يسارك الشايقي على يمينك بينك وبينه شبك حديد اسأل اي محل يدلك عليه

[طويلب]

الوصف تجي مع طريق الملك فهد اللي عليه المملكة والفيصلية وتتجه جنوب لين يجيك مخرج قصر الحكم تجيك اشاره لف يسار بعده ابتل اترك اول اشاره طوالي الاشاره الثانيه لف يسار تمشي لين يجونك حقين البشوت على يسارك الشايقي على يمينك بينك وبينه شبك حديد اسأل اي محل يدلك عليه

بيض الله وجهك

[ارثمس]

ووجهك يالنشمي

[طويلب]

رحت له. باكستاني نصاااب رقم واحد. يكلمك من طرف خشممه و اسعاره غاليه. وديت له مسدس فكه قال يبغاله تصليح 250 شغل يد وماراخ اغير شي او ابدل قطع طيب وش المشكله يا صديق. قال مشكله داخل ! طيب وشي يرجع ويقول داخل مشكله ! قلت اجل تقلع. تبي تفك وتركب وتاخذ فلوس ونا مدري وش المشكله !!

[ارثمس]

طيب على كذا فيه سعوديين شيبان يصلحون السلاح بالقصيم تحديدا ببريدة بسوق الجردة ان وصلت بريده اسأل اي واحد يدلك على الجردة