عطل ومشكلة كود p0303 powertrain cylinder 3 misfire detected

[ysf_tm]

السلام عليكم ورحمة الله وبركاته ,,

اليوم الصبح بشغل السياره الا وحسيت فيها رجه وظهرت اشارة المكينه فحصت كمبيوتر متوفر عندي

وظهر لي هذا الكود p0303 powertrain cylinder 3 misfire detected

اللي فهمته انه فيه سلندر رقم 3 متعطل لكن وش نوع العطل لا اعلم , وكان بالسابق عندي مشكله بتشغيل السياره لما تكون حاره بعد مشوار طويل وموجوده المشكله ع الرابط التالي
http://www.mekshat.com/vb/showthread.php?t=683356

يمكن يكون فيه علاقة بينهم مع العلم اني مغير البواجي من 4 شهور تقريباً



انا ماحبيت اتسرع واروح الورش ويعطوني من فلسفتهم الزايده حاب اخذ مشورتكم كلن ع حسب

خبرته او يمكن صادفته هالمشكله


تقديري لكم

[ابوطارش]

البوجي 3 مايعطي شراره

[اابو مياس]

السلام عليكم اخوي ابدئ بالاسهل غير البوجي رقم ثلاثه واذا ماشتغل شيك علئ الكويل طبعا كل كويل له فيش عند فك الفيش تلاحظ الماكينه تتغير بالصوت وترتعش والا لا اذا تتغير معناته كويس اذا فكيت الفيش وماتغير شي معناته خربان عشان ماتتخسر كويل علئ الفاضي بدل كويل رقم 3 باخر اذا ركبت الكويل وخلصت افصل الفيش حقه ولاحظ تغير بالماكينه او علئ وضعها اذا ماضبطت معك احتمال من البخاخ رقم 3 عطلان او البلف عندك واقف

[ysf_tm]

يعطيكم العافيه وماقصرتوا

ابو مياس انا كل شي فهمته منك ؟ الا البلف وش تقصد بلف وشو ؟ وين مكانه وش عمله ؟

لاهنت

[ms662]

البلف داخل غطاء المكينه العلوي

[اابو مياس]

هلا اخوي ان شاء الله ماتوصل المشكله عندك للبلف احتمال كبير يكون كويل والا بوجي
وياطويل العمر البلف يكون براس الماكينه يعني تحتاج تفك راس الماكينه والميكانيكي الشاطر يعمل كل الي يقدر بطرقه الخاصه قبل لايفك الراس واذا مانفع الله يعينك على فك الراس ولاتستعجل علئ فك الراس روح لميكانيكي واثنين وثلاثه وخمسه قبل لاتفك الراس

[ysf_tm]

لاهنتم جميع ,,

امس استجد معي جديد وظهور تشك انجن وكود جديد اللي هو

p2189 - powertrain System Too Lean at Idle bank2


??

[1824]

وش هي السيارة اول وكيف بدت المشكلة ومتى وكم صارلها وهل معى المشي في ضعف ولا بس في الوقوف وهل فيه ريحه من الشكمان زيد وصف المشكلة بالتوفيق لك

[ysf_tm]

حياك الله اخوي

السيارة كابريس 6 سلندر وصارلها فتره تقريبا من اسبوعين او اكثر ؟

وقبل فتره كان ظهر معي كود P0303 , p0101

والآن الكود هذا مستمر معي ع طول وامس بالتحديد ثالث مره يطلع معي


,,

[خالد الفووزان]

رمز العطل P0303
1.عطل البوجي رقم 3
2. وصخ او عطل في البخاخ رقم 3
3.عطل في كويل رقم 3.
4.مشكلة في توصيل الكهرب للبخاخ 3 .
5.مشكلة في توصيل كهرب لكويل رقم 3 .
6.ضغط السلندر رقم 3 غير كافي ( ضعيف ).
7.ضغط بنزين غير صحيح .
8.تنسيم هواء الشفط من الثلاجة .

رمز العطل P0101
1.عطل في حساس MAF
2.تنسيم هواء الشفط من الثلاجة .
3. وصخ في حساس MAF
4.مشكلة في توصيل الكهرب للحساس .

رمز العطل P2189
اعتقد اذا حليت مشكلة الاكواد الاثثنين اللي فوق ممكن يختفي لان اسبابه الرمز هذا كثيرة توصل الی 15 سبب فا جرب تحل المشكلتين اللي فوق و ممكن تختفي P2189 .


غير او نظف الاسهل ثم الاصعب عشان ما تتعب و لا تخسر فلوسك .

هذا و الله اعلم

[ysf_tm]

يعطيك العافيه اخوي خالد

جاري البحث عن ورشة محترمه تقبل حل هالامور من غير مزايده او مكابره
خصوصا بعد ماتعرض عليهم حل للمشكله يحسسك انك اهنته ويبدا يتفلسف على مخك


قواك الله