مشاهدة النسخة كاملة : مشكلتين بالسياره ارجو الافاده
hassan-55
02/08/2015, 05:18 PM
السلام عليكم ورحمة الله
الله يمسيكم بالخير جميع
فجأه ظهرت لي مشكلتين بوقت واحد تقريباً
الأولى/ صوت ونه بالمكينه اذا دعست بنزين تروح لاحظتها مع بداية تشغيل السياره بدون مكيف
الثانية/ المكيف كان ممتاز جداً وبارد ما كان يشتكي من شيء
الحين اشغل المكيف ممتاز وبارد امشي مسافه وبعدها يقلب حار " مروحه "
اطفي المكيف واشغله يبرد وبعدها يرجع نفس المشكله
علماً بأن السياره ماكانت تشتكي من شي ابد ما شاء الله نظيفه
امس فتحت الكبوت اشوف الكمبروسر يطلع صوت وانا داعس بنزين ( تك تك تك )
البكره تفتح وتقفل بسرعه مع دعس البنزين
اسأل الله التوفيق للجميع..
الوسم
02/08/2015, 06:07 PM
وش السيارة يا حسن ؟؟؟
وآخر صيانة متى ؟؟
ووش سويت في الصيانات الأخيرة من غيار وقطع وتغيير ؟؟
hassan-55
02/08/2015, 06:17 PM
وش السيارة يا حسن ؟؟؟
تويوتا كرولا 2006
بارك الله فيك
hassan-55
03/08/2015, 05:03 PM
..... للرفع.....
موتر 2008
03/08/2015, 05:34 PM
السلام عليكم ورحمة الله
و عليكم السلام و رحمة الله و بركاته
الله يمسيكم بالخير جميع
و يمسيك بالنور و العافية
الأولى/ صوت ونه بالمكينه اذا دعست بنزين تروح لاحظتها مع بداية تشغيل السياره بدون مكيف
هذي ما أقدر أفيدك فيها لكن يفيدونك الاخوان ..
الثانية/ المكيف كان ممتاز جداً وبارد ما كان يشتكي من شيء
الحين اشغل المكيف ممتاز وبارد امشي مسافه وبعدها يقلب حار " مروحه "
اطفي المكيف واشغله يبرد وبعدها يرجع نفس المشكله
علماً بأن السياره ماكانت تشتكي من شي ابد ما شاء الله نظيفه
امس فتحت الكبوت اشوف الكمبروسر يطلع صوت وانا داعس بنزين ( تك تك تك )
البكره تفتح وتقفل بسرعه مع دعس البنزين
بحسب خبرتي تحتاج زيت كمبروسر و تنظف بساتم الكمبروسر و تغير رمان بلي .
و ما يمنع إنك تشيك على المواسير ممكن يكون فيها تهريب و تشد سير المكيف و تغير
فلتر المكيف .
nayf01
03/08/2015, 05:39 PM
راجع البلبيسي الصناعية القديمة بالرياض
مختص بجميع المكيفات ويصلحها لكن الله يعينك غالي سعره وشغله مضمون
hassan-55
03/08/2015, 07:16 PM
الله يعطيكم العافية
قبل شوي طلعت مشوار قريب ووصلت البيت فتحت الكبوت قلت خل اختبر الدينمو
فصلت اصبع البطارية السالب ضعف صوت المكينه ثم طفى الموتر
اتوقع والله اعلم ان المشاكل اللي ذكرتها من الدينمو
الضاهر الصوت منه وحتى مولع حااار
ونا مسافر اخوي غسل المكينه وجاه مويا
السؤال / اغير الدينمو او اسوي له اصلاح فحمات وغيره
اذا الوضع سهل انا بأغير فحماته واذا في شي ثاني ياليت تذكرونه لي واذا صعب اوديه لحقين الدينموات
لا لقيت فرصه صلحته وابلغكم باللي يصير ان شاء الله
اسأل الله لكم التوفيق ..
الكارثة
06/08/2015, 12:20 PM
مرحبا عندك الفالف الكمبريسر اسمه AC Valve احتمال كبير يكون منه والدينمو صلحها تطلع عليك
ارخص وموفق ان شاء الله
hassan-55
06/08/2015, 10:52 PM
مرحبا عندك الفالف الكمبريسر اسمه AC Valve احتمال كبير يكون منه والدينمو صلحها تطلع عليك
ارخص وموفق ان شاء الله
بارك الله فيك
انا اليوم من الصبح وانا بالصناعيه لقيت لي كهربائي
مشكلتي مثل ما توقعت من الدينمو ضعييف ما يعبي صح
وكلف
فحمات دينمو اصليه ب 40
وبوبينا ب 225
والحمد لله ان الكتاوت سليم ولا كنت بأدفع 410 قيمت الكتاوت
وشغل يد كلف 60
الإجمالي 325 ريال
نقول ان شاء الله ضبط الموتر
ما قصرتو اخواني اللي حاولو المساعده اسأل الله التوفيق لكم..
الوسم
06/08/2015, 10:53 PM
السلام عليكم أخوي حسن
على وصفك للمشكلة
شيك على شدادات السيور والبكرات
وبعدين إرجع هنا وعلمنا وش يصير معك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir