وشرايكم بهذه العزبة؟؟؟؟؟

[ينبوع الصحراء]

السلام عليكم

كيف حالكم...

وشرايكم بهذه العزبة

https://instagram.com/p/wTKu4MvIFI/?taken-by=alsonidy


هل السعر مناسب؟ وهل اذا جمعتها بنفسي كان السعر أرخص؟

سعرها 528


مع العلم خبرتي في أمور لوازم البر غير كبيرة



وشكراً..................ز

[asdkl]

السلام عليكم
انا اشوفها غاليه واجد لو تجمعها انت احسن لك

[ينبوع الصحراء]

السلام عليكم
انا اشوفها غاليه واجد لو تجمعها انت احسن لك

كم تفرق من ناحية السعر تقريباً؟

[جموول]

فاشله وغير مفيدة جهزها بنفسك أحسن من محلات الأواني المنزلية تحصل الجوده أحسن والشنطه اشترها اكبر

[ينبوع الصحراء]

طيب الي ما له خلق يجهزها بنفسه وش يسوي ههههههههههههههه

[عاشق الاتحاد]

أللي ما له خلق
يشتريه بما هي
تري في علمك رحلات البر يبيلها الصبر
وابو خلق ضيق خليه في المدينه
رحلات البر تتنازل عن اشياء كثيرة من حياة المدينه

[أبو شيري]

هذي العزبه موجوده لدي واخذتها من السنيدي بس شنطه وانا اخترت ما احتاجه ولا كلفت 220 ريال وهي عزبه استخدمها للشقق والفنادق بالسفر فقط

السنيدي لديه نوعين من القماش لهذه العزبه
الاصدار القديم 55 ريال وهي جيده جدا
والاصدار الحديث القماش افضل وأجود ب 98 ريال

وهناك عزب من محلات اخرى مثل عروق الشمال وغيره ب 50 ريال وكلها تؤدي الغرض وممكن اجود بالسحابات ومضاف فيها من الداخل عازل وقماش بلاستيكي قابل للغسل مثلا


عموما أنصحك تأخذ الشنطه لوحده من أي نوع
تضيف عليها دله وبراد وحافظه بيالات لوحدها وفنايل لوحدها وعلب قهوة وشاي وبيز وذرايه صغيره مع راس دافور كوفيا او تيرا او موقد عنكبوت

راح احسبها لك بشي تقريبي حسب ما أتذكر

شنطه العزبه 55 ريال
راس من كوفيا 90 ريال
دله السندي ألمينوم 35 ريال
ملقمة قهوة ما تتعدى 15 ريال او استيل ب 25 ريال
أبريق أستيل من النوع العريض عشان العزبه غير مرتفعه ب 40 ريال
شنطه بيالات ب 10 ريال
شنطه فناجيل ب 10 ريال تضعها داخل الملقمه
علب صغيره قهوة وشاهي على ريالين وثلاثه
ذرايه تكون مع العزبه للحاجه ب 10 ريال
بيز 1 ريال
علب الغاز ذوات الاستخدام الواحد معروف سعرها 7 ريال و 12 ريال


وعليك الحساب

[خليل909]

العزبه غاليه ولاتستاهل السعر اذا انت رجال تبي توفر جمعها على مزاجك تطلع بنص القيمه واذا انت رجال تقول مالي خلق اجمعها اشترها بالسعر هذا وريح نفسك وانا شريت شنطة السنيدي كامله وندمت عليها لان اغراظها مخيسه وطشيت الدله والابريق والدافور وشريت غيرهن الدافور حاطين صيني ودله كأنها بلاستك

[فرخ قطا]

ماتنفع ابد غااليه بالحييل

انت اشر شنطه

واثثه ع مزاجك

[ينبوع الصحراء]

شكراً للردود

الظاهر أنا بجمعها بنفسي

[البانيلي]

السلام عليكم

اخوي خذ بس الشنطة والذرا والباقي من محلات الاواني شي اصلي
وعلى عينك الشنطة مهي غالية وبس الا متعدية الغلا

[أبومحمدالشهري]

مثل ما قالوا بقية الإخوان خذ الشنطة لحالها من أي محل كشتات

وحط فيها الأشياء التي تحتاجها أنت والضرورية ، وأتوقع راح توفر مايقل عن 150 ريال ، وأشياء تستفيد منها

[الصيادالمليح]

أنا مع اللي ينصحون بأنك تجهزها بنفسك

لأنك تجهزها على حسب متطلباتك الشخصية و احتياجك لاغراض معينة

فعن نفسي جهزت شنطة عزبة متكاملة .. ما كلفتني الشيء الكثير لأني اشتريت معظم أغراضها و تجهيزاتها من سوق الصواريخ بجدة و باقل من نصف سعر السوق بعد مداولات و تكسير ومكاسرة في السعر مع البائعين .. وهنا تكمن المتعة في تجهيز الشنطة

[ابو عمر النوح]

حياك الله أخوي الغالي
رأيي ان كانك ما بعد اشتريتها فلا تفكر بشرائها
و مثل ما قالوا لك الشباب جهز شنطة بنفسك
أما ان كانك اشتريتها خلاص فاستعملها ما لك الا خشمك و لو كان أعوج

و ممكن كل ما بين فترة و فترة تغير اللي ما يعجبك منها

و هذي بعض النصائح لشراء شنطة المعاميل
1. الدافور لا تشتري الا أصلي
2. بالنسبة للغاز اشتر من الدبات الزرق و احرص على الأصلي و لي تعبئة الغاز و أصلي أيضا و تراها أوفر لك بكثير من الدبات المستهلكة و ترا فيه وصلات توصل بين الدبة الكبيرة و دوافير الكوفيا أو البريموس الصغار
3. بالنسبة لبريق الشاهي و الملقمة احرص تكون فتحة الغطاء واسعة ليسهل عليك تنظيفها بيدك
4. العروة تكون حديد عشان ما تتأثر بالضو( النار ) أو ان كان عليها بلاستيك اكسره لأنه لو احتر من الضو و لمسته يلصق في يدك و يكون أشد حرارة

و فيه غيرها كثير و لكن ما ودي أطول عليكم بكثر الكلام

[asdkl]

طيب الي ما له خلق يجهزها بنفسه وش يسوي ههههههههههههههه


افااااا مالك خلق واسمك ينبوع الصحراء

ما يدخل منتدي مكشات احد ماله خلق
قم زين عزبتك انت واحد من الرجال

[خالد الخطير]

اذا ماشريت للان فانصحك بالتالي :

١- شنطة تانزا مبطنة من الداخل واختر المقاس المناسب لك
٢- موقد كوفيا الكوري والافضل قمر كوفيا او الاكسبديشن
٣- شنطة لحفظ الكاسات والفناجيل
٤- دلو يتسفط علشان تغسل فيه الكاسات والفناجيل وماياخذ مساحه
٥- اذا راعي حطب خذلك شاخوف كوفيا الي داخله صيخ تحميه لان ناره افضل
٦- اذا راعي حطب خذلك ملقاط
٧- ذرا لصد الهوا "حسب مقاس شنطتك" يصلح للحطب وكذلك للموقد

وانصحك اذا انت بالرياض تمر برق الحيا او البريه وتاخذهن من هناك لان شناط السندي للاسف ماهي مبطنه

الباقي اقرب محل اواني وخذ :

١- كاسات
٢- فناجيل
٣- دلة والافضل العساف ستيل علشان ماتهجر
٤- ابريق واختر المقاس الي يناسبك
٥- ملقمة "قمقوم" علشان تطبخ فيها القهوه واختر المقاس المناسب للدله
٦- علبه لحفظ التمر
٧- خلبة للدله "ليفة" علشان الهيل واي شي ماينزل بالفنجال وتكون صافيه
٨ - علب صغيره لحفظ القهوه ، و الهيل ، والقرنفل ، و الشاي ، والسكر و تلاقيها برضو عند برق الحيا ملبسه وجاهزه
٩- بيز او بيق "قطعة قماش تحمي يدك اذا تمسك الدله والابريق

طبعاً انا اكتفيت بذكر الاساسيات ، والكماليات حسب ذوقك

[مطول صبري]

مثل ما قالو الاخوان جهزه بنفسك وبشي الي يعجبك واخذ اصلي لك ولزمن

[ينبوع الصحراء]

شكرا للجميع


بالنسبة للدافور وش تنصحوني؟؟؟؟؟؟؟؟؟؟؟؟

[خالد الخطير]

شكرا للجميع


بالنسبة للدافور وش تنصحوني؟؟؟؟؟؟؟؟؟؟؟؟

دافور للقهوه والشاي ؟!

عندك خيارين من شركة كوفيا :

1/ moonwalker : شربوشه صغير لكن ناره قوية
2/ expedition : شربوشه كبير

يجي منهن مقاسين لليات ، مقاس 30 سم و 60 سم ، واحرص على 60 سم لانه كل ما طال اللي افضل لبعده عن مصدر النار

والصناعه كوريه

وبالذات المواقد خلك بالاصلي والمعروف وابتعد عن الخطر والبضاعه التعبانه

موقد كوفيا لي طويل moonwalker بـ ٢٠٥ ريال من موقع مكشاتي

http://mikshati.com//catalog-details-موقد%20مون%20وولكر%20لي%20طويل%20كوفيا%20KB-0211G-L-679-214.html

موقد كوفيا لي طويل expedition بـ ٢٢٥ من موقع مكشاتي

http://mikshati.com//catalog-details-موقد%20اكسبيديشن%20لي%20طويل%20كوفيا%20TKB-N9703-L-664-214.html

ومكشاتي هو وكيل كوفيا

[ينبوع الصحراء]

أخوي خالد الخطير

موقد كوفيا،، يركب عليه الدبات اللي لونها أزرق، أوالدبات له نوعية محددة فقط؟؟؟؟؟؟؟؟

[خالد الخطير]

أخوي خالد الخطير

موقد كوفيا،، يركب عليه الدبات اللي لونها أزرق، أوالدبات له نوعية محددة فقط؟؟؟؟؟؟؟؟

في الاصل يركب عليه دبات الاستخدام الواحد فقط !!

ولكن اخونا سرهيد رهم لي موجود عند المحلات البريه تقدر عن طريقه تشبك مواقد العناكب على الدبات معادة التعبئة "الدبات الزرقاء"

وكذلك يوجد توصيله لونها برتقالي عند السنيدي وكذلك تلقاها عند المحلات البريه تقدر عن طريقها تركب لي العنكبون على الدبه مباشره عن طريق هالوصله

مع اني شخصياً موقف العمل على الدبات الزرقاء وماشتغل الا على دبات الاستخدام الواحد

[ينبوع الصحراء]

في الاصل يركب عليه دبات الاستخدام الواحد فقط !!

ولكن اخونا سرهيد رهم لي موجود عند المحلات البريه تقدر عن طريقه تشبك مواقد العناكب على الدبات معادة التعبئة "الدبات الزرقاء"

وكذلك يوجد توصيله لونها برتقالي عند السنيدي وكذلك تلقاها عند المحلات البريه تقدر عن طريقها تركب لي العنكبون على الدبه مباشره عن طريق هالوصله

مع اني شخصياً موقف العمل على الدبات الزرقاء وماشتغل الا على دبات الاستخدام الواحد

شكرا حبيبي


طيب ينفع هالموقد مع قدر الضغط أو لا؟ وهل يحتاج قاعدة لقدر الضغط؟؟؟

[ابو عبدالله 911]

نصيحه ابعد عن السنيدي وتلقاء اغراضك بنص السعر عند محلات الاواني

[ينبوع الصحراء]

نصيحه ابعد عن السنيدي وتلقاء اغراضك بنص السعر عند محلات الاواني

شكراً اخوي

[ينبوع الصحراء]

السؤال هل موقد كوفيا expedition جيد مع قدور الضغط وهل يحتاج قاعدة للقدر أم أنه يتحمل قدر الضغط؟

[خشكاري]

حياك الله أخوي الغالي
رأيي ان كانك ما بعد اشتريتها فلا تفكر بشرائها
و مثل ما قالوا لك الشباب جهز شنطة بنفسك
أما ان كانك اشتريتها خلاص فاستعملها ما لك الا خشمك و لو كان أعوج

و ممكن كل ما بين فترة و فترة تغير اللي ما يعجبك منها

و هذي بعض النصائح لشراء شنطة المعاميل
1. الدافور لا تشتري الا أصلي
2. بالنسبة للغاز اشتر من الدبات الزرق و احرص على الأصلي و لي تعبئة الغاز و أصلي أيضا و تراها أوفر لك بكثير من الدبات المستهلكة و ترا فيه وصلات توصل بين الدبة الكبيرة و دوافير الكوفيا أو البريموس الصغار
3. بالنسبة لبريق الشاهي و الملقمة احرص تكون فتحة الغطاء واسعة ليسهل عليك تنظيفها بيدك
4. العروة تكون حديد عشان ما تتأثر بالضو( النار ) أو ان كان عليها بلاستيك اكسره لأنه لو احتر من الضو و لمسته يلصق في يدك و يكون أشد حرارة

و فيه غيرها كثير و لكن ما ودي أطول عليكم بكثر الكلام

كفيت ووفيت ونصائح مهمه الله يجزاك خير

[خشكاري]

اذا ماشريت للان فانصحك بالتالي :

١- شنطة تانزا مبطنة من الداخل واختر المقاس المناسب لك
٢- موقد كوفيا الكوري والافضل قمر كوفيا او الاكسبديشن
٣- شنطة لحفظ الكاسات والفناجيل
٤- دلو يتسفط علشان تغسل فيه الكاسات والفناجيل وماياخذ مساحه
٥- اذا راعي حطب خذلك شاخوف كوفيا الي داخله صيخ تحميه لان ناره افضل
٦- اذا راعي حطب خذلك ملقاط
٧- ذرا لصد الهوا "حسب مقاس شنطتك" يصلح للحطب وكذلك للموقد

وانصحك اذا انت بالرياض تمر برق الحيا او البريه وتاخذهن من هناك لان شناط السندي للاسف ماهي مبطنه

الباقي اقرب محل اواني وخذ :

١- كاسات
٢- فناجيل
٣- دلة والافضل العساف ستيل علشان ماتهجر
٤- ابريق واختر المقاس الي يناسبك
٥- ملقمة "قمقوم" علشان تطبخ فيها القهوه واختر المقاس المناسب للدله
٦- علبه لحفظ التمر
٧- خلبة للدله "ليفة" علشان الهيل واي شي ماينزل بالفنجال وتكون صافيه
٨ - علب صغيره لحفظ القهوه ، و الهيل ، والقرنفل ، و الشاي ، والسكر و تلاقيها برضو عند برق الحيا ملبسه وجاهزه
٩- بيز او بيق "قطعة قماش تحمي يدك اذا تمسك الدله والابريق

طبعاً انا اكتفيت بذكر الاساسيات ، والكماليات حسب ذوقك

بيض الله وجهك عز الله افدتني كثير

[قرناس نجد]

طعني وانا اخوك اشتر التنزاني ثم اشتر المعاميل لحالها لان الموجوده بالصوره ما يعطونك شي اصلي

[alss7ap]

العزبه ..يا ينبوع تبي شوي صبر و وشوي بحث
انا عزبتي صغيره جمعتها من كل محلات الكشته الي بالرياض السنيدي والرمايه ...وبرق الحيا ..والكشاته وتعمير دبي ...وهي يوم تشوفها تقول صغيره من محل واحد تاخذاها ...لكني نقيت كل شي على كيفي والحجم الي أبيه خاصه اني ماحب القراشيع الواجد والثقيله

اما العزبه الي انت حاطها ...يمكن تفعك بشكل مؤقت بس بعد فتره راح تغيرها ليش لأنك راح تكتشف العيوب والنواقص فيها ..يعني الموقد الي حاطينه أي كلام ...البريق والدله والقمقوم حجمهن ممكن ماراح يناسبنك الخ ...الخ

مع ذلك غاليه ...وبالنسبه للسعر ما أقولك لو تجمعها انت راح تكون ارخص ...يمكن العكس .ً...لكن الهدف مهو السعر بقدر الجوده والحاجه ، إيضاً نسيت مكملات للعزبه راح تطري عليك يمكن ناسيها الحين ...مثل الفرشه المناسبه ..والمراكي المناسبه لحاجتك ومثل جركل الماء الخ ...

المهم دور على راحتك لاتستعجل ...ولاتتعقد ....ترى الأمور سهلات ومزاج ....