مشاهدة النسخة كاملة : القارمن مايشتغل داخل السيارة ؟؟؟ الفزعة
mhm-191
03/08/2015, 02:48 PM
السلام عليكم ورحمة الله وبركاته
عندي قارمن C276 كان يشتغل في السيارة من كم سنة
وطلعت به للبر كم مره من شهر ماعاد يستقبل اقمار داخل السيارة
اذا نزلت اشتغل , او اذا ركبت اي سيارة ثانية يشتغل الا سيارتي ؟!!!!
وش علته .؟
سي سي
03/08/2015, 04:13 PM
هلابك اخوي
سؤال
انت مظلل القزاز الامامي
اذا كنت مظلل فهذا السبب الوحيد
وعليكم السلام ورحمة الله وبركاته
انت مركب عازل على الزجاج الأمامي ..؟؟
mhm-191
03/08/2015, 08:06 PM
اي نعم ، مظلل خفييف مره ، وجربت الجهاز في سياره مظلل الامام كاتم واشتغل ،
اذا على التظليل اقشعها ،،، مع العلم انه مهو عازل ، تظليله عاديه
الضرغام
04/08/2015, 03:17 PM
افادوك الاخوان في المنتدى عن السبب المتوقع للمشكلة
ننتظر منك الإجابة حول أذا كان بالفعل التظليل هو السبب
وهل انتهت المشكلة
أبو فراس
04/08/2015, 04:33 PM
السبب هو التضليل
شغله خارج السيارة لين يحمل الاقمار ويشتغل وبعدين دخله بالسيارة ولكن سوف يكون الاستقبال بطيئ
كان معي بالجيب ممتاز ولكن في الصالون لان فيه تضليل صار معي مثل ما صار معك
جرب وعلمنا
mhm-191
04/08/2015, 11:07 PM
باذن الله بجرب وافكها هاليومين ، ونعطيكم الخبر الاكيد لعله يفيد
سليل قروم
05/08/2015, 07:53 AM
نفس المشكلة كانت معاي وشلت التظليل الامامي العازل واشتغل
اما التضليل حق محلات الزينه مايأثر
mhm-191
09/08/2015, 01:40 AM
ابشركم عرفنا المشكله
اليوم كلمت دار موجه ورد علي رجال سعودي ،
وعلمته المشكله ، واول سوال سالني قال انت مركب MP3 عالكوايه ؟!
قلت اي ، قال هذي المشكله ،
وقلت تراني مظلل ، قال اذا ماهي عازل عادي ، اما اذا عازل بعد مايوصل ابراج
وشلت الام بي ثري وضبط الحمد لله ،
الضرغام
15/08/2015, 12:00 AM
mhm-191
شكراً لك لمتابعتك للموضوع
واطلاعنا على السبب
الله يبارك لك
مريقب العيفار
15/08/2015, 01:27 AM
تجربة نتمنى ان يستفيد منها الاخوان
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir