لا حاجة للبطارية الاضافية بوجهة نظري القاصرة

[ورد الربيع]

السلام عليكم ورحمة الله وبركاته
احبتي في الله اني لكم ناصح
جميع رفقائي في الطلعات معهم بطاريات اضافية
وخذ يا خساير والمشكلة فترة مغير بطارية واثنين مع بعض
اخيكم مركب ثلاجة الرماية 45 لتر تصرف 42 وات والبطارية
هانكوك 80 امبير صافي ولا احتجت للاضافية اخلي الموتر
الليل كله والبطارية على 2 تحت الصفر فرار طبعا اقوم الفجر
القى اللمبة الخضراء طافية والحمراء والعة وهذا طبيعي لان
الثلاجة عند اطفاء السيارة بالكثير ساعتين وتطفي الخضراء
وتبقى الحمراء يعني الثلاجة حسب مافهمت فيها حساس
يمنع استهلاك البطارية كاملة فاقوم ادق الموتر ويشتغل
بس للاحاطة ما اشغل تيربو الثلاجة الاخضر للاسفل الا وانا
ماشي بالسيا0رة وحالات قليلة لانه يستهلك الماطور حق الثلاجة
النقطة الهامة ترا درجة 2 تحت الصفر كافية لحفظ اللحوم
ومجربه مايحتااج فليش لازم 10 و15 تحت الصفر كذا الماء
جامد ولا تقدر تشربه علما ان 2 تحت الصفر يجمد الماء ..
النقطة الهامة ليش البطارية الاضافية دايم تفضي !!
البعض يقول مركب ايكوم ولمبات والخ
اللمبة بالكثير 8 وات وتشغلها 5 او 6 ساعات بالكثير والايكوم
ما اذكر كلمت به كثير والسيارة ظافية فهو يستهلك اكثر من الثلاجة
من واقع تجربة راسل به ساعة وشوف كيف تضعف البطارية
والامر سهل خذ معك بطارية صغيرة للطوارئ ومنها للسمان تشغل
عليها الجهاز وريح مخك هذي وجهة نظر لكن لا مانع من النقد
ابي يجاوبون الخبراء اللي فاهمين ليش من اول نركب اضافية
وثبت ان الثلاجة ماتبرد صح الا على الاساسية وهلحين رجعت
الناس تغير السلك على الاضافية ابي جواب كل ما سألت واحد يقول
خلها على الاساسية ! يعني الاضافية اصبحت حق لمبة وايكوم !
ومعرض نفسي للخساير والالتماسات والبعض مركبها بالجهة المقابلة
القزوز !!!! ولا يدري ان الوكالة ابعدت البطارية في ابعد نقطة خوفا
من شي لا تحمد عقباه .
السؤال لماذا اغلب المنادين بالبطارية خالاضافية سابقا يبونها للثلاجة
وباقي الاجهزة واليوم رجعوا سلكوالثلاجة على الاساسية
وسؤال ثاني لماذا الثلاجة تبرد زيادة على الاساسية !
دعوة للنقاش فقط لا اكثر

[XRAY MAN]

أنا حاط عليها الثلاجه وللمبات والآيكوم ومحول الكهرباء

طبعاً غريبه تشتغل عندك ساعتين عقب ماتطفي السياره بعدين تفصل أنا تاخذ 6 ساعات تقريبا ماشاء الله تبارك الله طبعاً إذا كانت -2 قبل تطفا مايجي الفجر إلا هي فوق 5 درجات وكل شيء محتر وإذا فيه لحم أما أعدم عليك الثلاجه ونزل الدم تحت أو خرب اللحم إذا تأخرت عليه وبكذا البطاريه الإحتياطيه تعطيك مدة تشغيل أطول ودرجة حراره أقل بكثير وهاذي فايده رقم واحد

الفايده الثانيه عشان ليا صرت في ديره حتى الآيكوم تصيح فيه لين يبح حلقك ماحدن يسمعك ماتنشفط البطاريه وأجي أدق سلف وماهنا كهرباء وأقعد بها في البر


وسلامتك

[mohdabusaleh]

حبيبنا

أولاً البطارية الاضافية هي أمان بعد الله في عدم نقص الطاقة لتشغيل السيارة

ثانياً تقدير جدوى تركيبها يختلف باحتياج شخص عن آخر

فمثلاً استخدامي لها في مكتب عقار صندقة ولا أروع وكفتني غثا الماطور وتعبئته وصيانته و قلق سرقته

وغير استخدامها في البر للثلاجات والأجهزة والاضاءه تستخدم وانت متطمن لعلمك بأن هناك الأساسية لا تمس

أما تركيبها بدون الحاجة لها او تواجد بديل أكيد ما تقدر تحللها


عموما هي أصبحت من متطلبات المكشاتي اليوم ولا غنى عنها لو في أقل استهلاك


وفقكم الله

[ابوحسام9]

البطاريه الاإضافيه لاغنى عنها لراع البر وخصوص الشخص الي يروح
سياره واحده

[ابوريناد1979]

كلامك مقنع جدا واضم صوتي لك

خصوصا مع لمبات الليد الجديد ماتصرف شي عالبطارية

طبعا الناس تخاف البطارية تفضى ولاعاد تقوم السياره وهذي حلها بسيط تشتري بنك الطاقة (باور بانك) اللي معه اشتراك سياره واحرص تكون نوعيتة جيدة

http://im49.gulfup.com/Do5nS1.jpg

وتستفيد منه باشياء ثانيه بدون خساير تمديدات و صيانه كل فتره خصوصا مع غلاء البطاريات الحين .

طبعا كلامي هذا لغالبية الكشاته ولكن فيه ناس استخداماتهم عالية مثل اللي بيشبك عليها تلفزون ولمبات كثيره وثلاجة هذا يحتاج لها فعلا.

[أبو شيري]

البطاريه الأضافيه مهمه جداً ولا تستطيع الاستغناء عنها لا ببنك الطاقه ولا غيره
للشخص يطلع البر بستمرار حتى لو ما تستخدم الثلاجه عليها
يكفي أنك تشغل لمبات ليد ثلاث اربع وشواحن جوالات بدون ما تقوم تشغل السياره
ولا تهتم خلصت البطاريه اشتغلت السياره ما اشتغلت

شخصياً اطلع مخيم عند حلال وشابك اربع لمبات ليد بتسليك واحد موزعه
وحده داخل الخيمه وثنتين للجلسه برا وواحده عند الغسيل كل ليله مجرد تجي العصر تقرب السياره وتشبك السلك من المغرب ولا تفصله الا الفجر ولا تفكر تقوم تشغل السياره نهائي لان الاساسيه للسياره فقط
لذلك فالأضافيه حسب حاجتك يالشخص

اما بنك الطاقه الذي وضع صورته ابو ريناد فهو لا يعتمد عليه بجميع انواعها عن تجربه شخصيه
قد يشغل السياره لك مره ومرتين ولكن تحتاجه يوم ولن يشغلها وصارت معي مرتين مع انه مشحون فل
ونصيحه لو تكثر عليه دق سلف لو ما اشتغلت السياره فهو ينفجر بسرعه

اما من يقول ان البطاريه الاضافيه خساير فهي ليس كذلك
تركيب البطاريه الاضافيه ما يتعدى 500 ريال
كلها كرسي بطاريه ب 50 ريال
منظم ب 300
وشغل اليد من 100 الى 150


ليس شرط ان تمدد من الاضافيه الى السلف لتشغيل السياره
اما اذا لديك شغلات اخرى فهو بحقه

[moath2700]

لاحاجه ابدا ابدا لبطاريه اضافيه فاللبطاريه عيوب كثيره ومشاكل واغلب الاشخاص اللي ركبوا بطاريه اضافيه وجربوها توقفوا عن تركيبها..

لانه بعد سنه راح تضطرتركب كل سنه بطاريتين بطاريبه اساسيه وبطاريه اضافيه وهذا مكلف لان عمر البطاريه سنه واحده فقط وقد تمتد لسنه وكم شهر وهذا مكلف

...ومن ناحية تجربه عزلت على تركيب البطاريه الاضافيه واكتفيت ببطارية البلد الاساسيه وتركيب عليها جميع التكاميل

واشتريت شاحن امريكي ذوو جوده ممتازه جدا جدا وليس نفس الصيني اللي في الامارات وله الان معي اكثر من اربع سنوات وعملي جدا جدا وتستيطع ان تشغل عليه لمبات وتشحن جوال وغيره ويحتفظ بالشحن لاكثر من خمس شهور وكد شغلت به حراثه ومن مميزاته يبقى معك طول العمر وايضا يسوي لك اشتراك عند فراغ البطاريه وذو جوده عاليه وتستطيع شحنه بواسطة السياره او بواسطة كهرب البيت ..والتجربه خير برهان





واسم الشاحن ويطلب من امريكا booster pac وسعره تقريبا 800 ريال ....


انا لا اطلبه ولاعرف اطلبه ...مداخلتي شور فقط وللفائده

[moath2700]

وهذا هو نفس الاشتراك او الشاحن اللي معي


http://car-battery-charger-review.to...ac-review.html

[أبو شيري]

واشتريت شاحن امريكي ذوو جوده ممتازه جدا جدا وليس نفس الصيني اللي في الامارات وله الان معي اكثر من اربع سنوات وعملي جدا جدا وتستيطع ان تشغل عليه لمبات وتشحن جوال وغيره ويحتفظ بالشحن لاكثر من خمس شهور وكد شغلت به حراثه ومن مميزاته يبقى معك طول العمر وايضا يسوي لك اشتراك عند فراغ البطاريه وذو جوده عاليه وتستطيع شحنه بواسطة السياره او بواسطة كهرب البيت ..والتجربه خير برهان





واسم الشاحن ويطلب من امريكا booster pac وسعره تقريبا 800 ريال ....


انا لا اطلبه ولاعرف اطلبه ...مداخلتي شور فقط وللفائده

تقصد شاحن بوستر باك

وهنا موضوع فيه اختلاف عليه تابع الموضوع كامل فيه نوعين

http://www.mekshat.com/vb/showthread.php?t=219700

كذلك للاطلاع
http://www.mekshat.com/vb/showthread.php?t=597118


ولكن معلومه يعرفها الجميع
مافيه بطاريه تخزن كهرباء تعيش طويلاً مهما كانت الصناعه
جميع البطاريات والشواحن ينقص عمرها الافتراضي مع الاستخدام

لذلك لا مانع كل سنتين أخذ بطاريه جديده 80 أمبير بحدود 240 ريال مع الرجيع واستخدم بطاريه جديده وقويه
ولا أخذ بطاريه ب 800 او 1000 وسنتين ومنتهيه
اللي دفعته بالشاحن ابو 800 او بطاريه اوبتيما فوق 1000 قسمه على كل سنتين بحدود 250

[علي العساف]

حنا مع الخيل يا شقراء نركب كل شي بالسيارة ونشتري كل شي للبر ونشتري كل اللي نشوفه مع اخويانا

من وجهة نظري البطارية الواحدة تقوم بالغرض وزود واكثر امان وتنظيم للكهرب واقل تكلفه والابتعاد عن الالتماسات ايضا
فقط قصر الثلاجه قبل النوم اما اللمبات فهي ما تصرف ابد والكنود غالبا طافي فما لها داعي ابد ابد وشكرا

[هاوي الجكس]

بالنسبه للي عنده ثلاجه ويبي افياش كهرب يلزمه بطارية مافيها كلام

لكن اللي يبي يركب لمبات فقط مايحتاج

وجهه نظر

[أبوصالح9]

ولا يحتاج بطارية ولا خساير

ركب بطارية اكبر امبير من بطارية السيارة ونم

وللاحتياط خذ جهاز بوستر باك وحط راسك بالدرج مثل هذا

http://store2.up-00.com/2015-08/143935140311.jpg (http://www.up-00.com/)

معي ثلاجة وجهاز ولمبات ومحول ولا عمري فكرت اركب بطارية اضافية ولله الحمد

[ابوحسام9]

ولا يحتاج بطارية ولا خساير

ركب بطارية اكبر امبير من بطارية السيارة ونم

وللاحتياط خذ جهاز بوستر باك وحط راسك بالدرج مثل هذا

http://store2.up-00.com/2015-08/143935140311.jpg (http://www.up-00.com/)

معي ثلاجة وجهاز ولمبات ومحول ولا عمري فكرت اركب بطارية اضافية ولله الحمد

يعطيك العافيه وين نحصله وايش صناعته وكم سعره

[أبو شيري]

شاحن بوستر باك

جميع الأنواع



هنـــــــــــــا (http://www.amazon.com/s/ref=nb_sb_noss?url=search-alias%3Daps&field-keywords=booster+pac)

[أبوصالح9]

يعطيك العافيه وين نحصله وايش صناعته وكم سعره



البطارية امريكية والتجميع صيني - وتلقاه عند المرباع بعنيزة

[الذئب الاليف]

وعليكم السلام ورحمة الله وبركاته



قبل سنه ركبت بطارية اضافية وبعد مضي 9 شهور ضعفة الاضافية واحيانا استعمل الاساسية للثلاجة والانارة

واخيرا استشرة اهل الخبرة الذين جربو البطارية الجافة وتوكلت على الله وركبة بطارية جافة مكان الاساسية .

الي ركب البطارية عطاني ضمان سنتينن من المحل وماشاء الله تمام التمام

تشتغل الثلاجة عشر ساعات مع الاناره والحمدلله

وتم الغاء الاضافية والاستفاده من مكانها بماطور هواء

[العمده 999]

اضم صوتي لصوتك

انا مان بموتري بطاريتين واذا جيت اغير البطارية اغير الثنتين ملهن وشف عاد كم الحساب
المهم رح وجدعت البطارية الثانية ونقلت الظفيرة على البطارية الاساسية
وخذ تثليييييييييييييج الثلاجة واذا وقفت عند محل البطاريات قلت ركب وحده
وحسيت فرق من ناحية المادة ومن ناحية تبريد وتثليج الثلاجة
ومن وجهة نظري انها طهبله زيااااااااااااااااااااااادة مامنها فايدة
ومعي البطارية المتنقلة الخضراء والحمد لله مكفيتني ..
وكثير من اخوياي انصحهم انهم لا يركبون بطارية ثانية
تسليك وغثا وصرف فلوس على لمبة وحتى الثلاجة ماتقومها

وهذي تجربتي مع البطاريتين

[مجالس الرجال]

البطارية الإضافية اذا مهب تشتغل دايركت مع الأساسية فعمره قصير لو بموتري اقدر احط بمكان الأساسية بطارية سعة 150 امبير حطيت وكنسلت الإضافية

[ابوراكان تبوك]

السلام عليكم ورحمة الله وبركاته
احبتي في الله اني لكم ناصح
جميع رفقائي في الطلعات معهم بطاريات اضافية
وخذ يا خساير والمشكلة فترة مغير بطارية واثنين مع بعض
اخيكم مركب ثلاجة الرماية 45 لتر تصرف 42 وات والبطارية
هانكوك 80 امبير صافي ولا احتجت للاضافية اخلي الموتر
الليل كله والبطارية على 2 تحت الصفر فرار طبعا اقوم الفجر
القى اللمبة الخضراء طافية والحمراء والعة وهذا طبيعي لان
الثلاجة عند اطفاء السيارة بالكثير ساعتين وتطفي الخضراء
وتبقى الحمراء يعني الثلاجة حسب مافهمت فيها حساس
يمنع استهلاك البطارية كاملة فاقوم ادق الموتر ويشتغل
بس للاحاطة ما اشغل تيربو الثلاجة الاخضر للاسفل الا وانا
ماشي بالسيا0رة وحالات قليلة لانه يستهلك الماطور حق الثلاجة
النقطة الهامة ترا درجة 2 تحت الصفر كافية لحفظ اللحوم
ومجربه مايحتااج فليش لازم 10 و15 تحت الصفر كذا الماء
جامد ولا تقدر تشربه علما ان 2 تحت الصفر يجمد الماء ..
النقطة الهامة ليش البطارية الاضافية دايم تفضي !!
البعض يقول مركب ايكوم ولمبات والخ
اللمبة بالكثير 8 وات وتشغلها 5 او 6 ساعات بالكثير والايكوم
ما اذكر كلمت به كثير والسيارة ظافية فهو يستهلك اكثر من الثلاجة
من واقع تجربة راسل به ساعة وشوف كيف تضعف البطارية
والامر سهل خذ معك بطارية صغيرة للطوارئ ومنها للسمان تشغل
عليها الجهاز وريح مخك هذي وجهة نظر لكن لا مانع من النقد
ابي يجاوبون الخبراء اللي فاهمين ليش من اول نركب اضافية
وثبت ان الثلاجة ماتبرد صح الا على الاساسية وهلحين رجعت
الناس تغير السلك على الاضافية ابي جواب كل ما سألت واحد يقول
خلها على الاساسية ! يعني الاضافية اصبحت حق لمبة وايكوم !
ومعرض نفسي للخساير والالتماسات والبعض مركبها بالجهة المقابلة
القزوز !!!! ولا يدري ان الوكالة ابعدت البطارية في ابعد نقطة خوفا
من شي لا تحمد عقباه .
السؤال لماذا اغلب المنادين بالبطارية خالاضافية سابقا يبونها للثلاجة
وباقي الاجهزة واليوم رجعوا سلكوالثلاجة على الاساسية
وسؤال ثاني لماذا الثلاجة تبرد زيادة على الاساسية !
دعوة للنقاش فقط لا اكثر

طيب بطارية الجيب الربع من 2009 وتحت كلها مقابل الكزوز ما اتوقع هذا سبب


لكن بالنسبة للبطارية الاضافية خلني اكون صادق معك

انت بتركبها ومتردد :D



بطارية هانكوك او اي بطارية اكترونية تموت فجأة ولا تقبل شحن

بالنسبة لي والله ما ارتاح للموتر في البر بدون بطارية اضافية مع انه اغراضها كلها عندي لكن للحين ماركبتها كل يوم بكره :)
وغرضي من البطارية الاضافية احتياط فقط لاغير ولاني راعي ثلاجات

البطارية او اي شي يقطع السيارة مهم جداااااااااااا يكون معك اسبير

ياشينها في البر ماحولك احد وتدق سلف وتنقطع بطارية والموتر تماتيك خصوصا الجيوب العائلية التالية
لاتتطمن للبطارية اذا انت تطلع الحالك بدون سيارة اخرى بعيد وتنام برا
احيانا تنسى لمبة او ينتهي عمر البطارية مع الاستهلاك وخصوصا الالكترونية مهما كان نوعها بالنسبة مستحيييييييييييييييييييل اركبها على موتر بر وافضل بطارية قاومت معي باقادر التعبئة وبعدها FB لاتتعداهم اذا انت راعي طلعات

[بربنجي]

يا الربع
ما عطيتونا الهرجه
ناس تقول ركب وناس تقول لا تركب
ناس تقول تعمل التماس وناس تقول ما تعمل التماس
ناس تقول خذ شاحن بطارية جاهز وناس تقول ما يصلح
وناس تقول بطارية جافه كويسه

جيرتونا
بالمناسبة اذا ابي بطارية فقط احتياط لتشغيل السياره بالبر فقط اذا لا قدر الله خربت او تعطلت او فضت البطارية لاي سبب وش الافضل
ممكن اشتري بطارية عادية جديدة واشحنها واحطها بالسياره وهل تصلح ولا ما تصلح بمعنى انه لازم تكون راكبه اما انك تشتريها وتحطها بالسياره ممكن تخلص الشحن الي فيها بفتره بسيطه
او اخذ معي شاحن نوعيه ممتازه مشحون بالبيت

اكرر نبيها لاهم حاجه بخصوص البطارية بالبر اذا لا قدر الله تعطلت بطارية السياره لاي سبب
اقلها تنسى لمبه مولعه بالنهار ما تنتبه لها

الله يحفظنا واياكم وجميع المسلمين ....

[كولوكولو]

انا صراحه اشتريت شاحن متنقل مع اشتراك للسياره بقدره عاليه
وهي الان تحت التجربه
تقدر تسوي اشتراك لبطاريات 12فولت و24فولت ( مرفق كيبلين )
وفيها مدخل ولاعه وفيها يو اس بي وتختار الفولت اللي تبي من 5 الى 19 فولت
ولمبه ليد بالجنب مع فلشر وكشاف بالامام ليد

[عرنان الشمال]

بالنسبة لي
أنا ضد تسليك اسلاك كهربائية إضافيه للسيارة (( تعمل مشاكل ))
خل كل شي زي وكالته

[ورد الربيع]

اشكر على الجميع على الرد واثراء الموضوع

[ورد الربيع]

طيب بطارية الجيب الربع من 2009 وتحت كلها مقابل الكزوز ما اتوقع هذا سبب


لكن بالنسبة للبطارية الاضافية خلني اكون صادق معك

انت بتركبها ومتردد :D



بطارية هانكوك او اي بطارية اكترونية تموت فجأة ولا تقبل شحن

بالنسبة لي والله ما ارتاح للموتر في البر بدون بطارية اضافية مع انه اغراضها كلها عندي لكن للحين ماركبتها كل يوم بكره :)
وغرضي من البطارية الاضافية احتياط فقط لاغير ولاني راعي ثلاجات

البطارية او اي شي يقطع السيارة مهم جداااااااااااا يكون معك اسبير

ياشينها في البر ماحولك احد وتدق سلف وتنقطع بطارية والموتر تماتيك خصوصا الجيوب العائلية التالية
لاتتطمن للبطارية اذا انت تطلع الحالك بدون سيارة اخرى بعيد وتنام برا
احيانا تنسى لمبة او ينتهي عمر البطارية مع الاستهلاك وخصوصا الالكترونية مهما كان نوعها بالنسبة مستحيييييييييييييييييييل اركبها على موتر بر وافضل بطارية قاومت معي باقادر التعبئة وبعدها FB لاتتعداهم اذا انت راعي طلعات

اهلا بك
اما متردد صحيح بل وشلت الفكرة نهائي لسبب
فيه واحد من العيال مركب منظم يا رفيق الدرب او مثله على سكويا
ومشغل ثلاجة والله يعوضه خير الموتر احترقت مالمكينة واسلاكها كان موقفه جنب الطريق
وركب مع واحد معزومين بالبر على عشا يقول فيه ثنين لاحقيننا ووصفت لهم يصفطون موتر
عند سيارتي ويركب مع خويه يوم جو الموتر الا الدخان مع الكبوت وكسروا الزجاج وبالكاد طفوه بالتراب :D
ولكن بداية الحريق من المنظم يقولون مولع نار المهم
الرجال غير كمبيوتر واسلاك وخراطيش وتمديدات وزجاج امامي وعد واغلط وصبغ !
النقطة الثانية انا مركب بطارية 90 امبير كورية والموتر بعد يوم ادقه ويشتغل من اول دقة سلف
لكن اللمبة الحمراء عرفت السبب هي توضح ان الثلاجة فصلت للاكتفاء وتشتغل بالتناوب يعني
شي طبيعي ومعي شاحن بور 125000 mah يشغل البطارية فورا مجرد ماتشبكه
وانا الى الان ماحد جاوبني ليش التبريد على الاساسية افضل من الاضافية !
ولماذا الناس بدأو يلغون سلك الثلاجة ويرجعونه على الاساسية بل بعضهم شال الاضافية بجذورها
وركب بطارية 100 امبير تشتغل يوم 24 ساعة عليها الثلاجة ولا احلى منها من اول دقة سلف ماتحس
بضعف البطارية

[ورد الربيع]

ابي رد علمي ماهو بس تعصب تراها بطارية !!
والحاجة الثانية مريت افضل
شخص يركب بطارية اضافية بالقصيم ومعروف
وقال لي حرفيا ماهناك فايدة السحة هي التمرة
لا الاضافية تحصل قوتها مثل الاساسية ونصحني
اركب بطارية 90 او 100 امبير وافلح بنصيحته
ركبتها لي ثلاث شهور واشغل لمبات عدد ثنين من المغرب
لين انام 11 ليلا او 12 والثلاجة شغالةواقوم الفجر ادق الموتر والله ماكأني
مشغل ثلاجة عليه والشاحن ماخذه احتياط وجربته على جمس
يوكن بطاريته نايمة ومن اول نقرة سلف واللي يقول ما يؤدي
غرض انصحه يتاكد من جهازه لانه له عمر افتراضي 3000 شحنة
يعني ممكن ان الجهاز ماهو جديد او اماراتي مضروب
مجربه من 6 شهور اشبك عليه جوالاتي ثنين واخوياي وخذ ياشحن
ثلاث ايام ما نحتاج نشحنه وارجع للبيت باقي به النصف
واللمبة اللي فيه تشتغل 36 ساعة تشغيل متواصل واللي ماجرب
يجرب النوع اللي رقمه 125000 الف لا تاخذ اقل من كذا اهم شي تستخدمه
على الاقل كل اسبوع مرة ولا تشحنه لين يفرغ شحنه
وهو صغير كبر كف اليد منه انواع اببض واسود باخضر وله عدة مقاسات
اللي عندي المعروف اخر اصدار 200 امبير 125000 الف عز الله انه يسد والتجربة خير
برهان شوفوا المقاطع واسألوا اللي معهم الكل يثني مالقيت من يسبه وهو يغني عن
الكبار اللي ب 800 ريال او اكثر الحقيقة اعجبني اول ماشريته حطيته بالشاحن 14ساعة
وفلل بعد 3 ساعات وزودت 11 ساعة من واقع نصيحة مجرب حتى تاخذ البطارية سعتها
وبعدها شغلت اللمبة وخليته من الساعة 8 الصباح الين ثاني يوم المغرب وطفيته واللمبة
شغالة ماضعفت !!

[ابوراكان تبوك]

اهلا بك
اما متردد صحيح بل وشلت الفكرة نهائي لسبب
فيه واحد من العيال مركب منظم يا رفيق الدرب او مثله على سكويا
ومشغل ثلاجة والله يعوضه خير الموتر احترقت مالمكينة واسلاكها كان موقفه جنب الطريق
وركب مع واحد معزومين بالبر على عشا يقول فيه ثنين لاحقيننا ووصفت لهم يصفطون موتر
عند سيارتي ويركب مع خويه يوم جو الموتر الا الدخان مع الكبوت وكسروا الزجاج وبالكاد طفوه بالتراب :D
ولكن بداية الحريق من المنظم يقولون مولع نار المهم
الرجال غير كمبيوتر واسلاك وخراطيش وتمديدات وزجاج امامي وعد واغلط وصبغ !
النقطة الثانية انا مركب بطارية 90 امبير كورية والموتر بعد يوم ادقه ويشتغل من اول دقة سلف
لكن اللمبة الحمراء عرفت السبب هي توضح ان الثلاجة فصلت للاكتفاء وتشتغل بالتناوب يعني
شي طبيعي ومعي شاحن بور 125000 mah يشغل البطارية فورا مجرد ماتشبكه
وانا الى الان ماحد جاوبني ليش التبريد على الاساسية افضل من الاضافية !
ولماذا الناس بدأو يلغون سلك الثلاجة ويرجعونه على الاساسية بل بعضهم شال الاضافية بجذورها
وركب بطارية 100 امبير تشتغل يوم 24 ساعة عليها الثلاجة ولا احلى منها من اول دقة سلف ماتحس
بضعف البطارية

اول مره اسمع انه منظم رفيق الدرب احترق قد يكون السبب في التسليك او عدم تركيب فيوزات للحماية

بالنسبة للتبريد يحكمه قوة السلك وطوله كل ماقصر يكون أفضل

[Mohammed5d]

بالنسبه مركب بطاريه اضافيه ومن افضل مايكون سواء للثلاجة او اي اضافات كهربائيه
البطاريه الاضافيه اعتبرها شي مهم وليس تكميلي

[برج الرياض 1]

السلام عليكم ورحمه الله
نصحية عند تركيب البطارية الاضافية خلها لوحدها دون ما تدخل في كهرباء السياره

[سقم المعادي 1]

كان معي موتر و مركب له بطارية اضافيه و عليها :
- 7 لمبات ليد
- ايكوم
- محول الكهرب

لكن اكتشفت بعد تركيبها انها فوق حاجتي والسبب في التالي:

- الايكوم نادراً ما استخدمه خصوصاً بوقتنا الحالي الواتساب وغيره تغنيك من بربسه الاسلاك والاناتل الا في الاماكن المقطوعه نهائياً ونادر ما اجيها

- لمبات الليد ماتصرف لدرجه اني كنت اشغل 7 لمبات فسقه و تقعد اربع او خمس ساعات تشتغل اللمبات بكامل قوتها .. لذلك ماتحتاج بطارية اضافيه عشان لمبه تصرف 4 واط !

- محول الكهرب خذ لك شيء على الولاعه يشتغل يسد الحاجه

و اذا انتهى الموسم و صرت ما استخدم البطارية الاضافيه نهائياً تجلس مثل قلتها ولا يجي الموسم اللي بعده الا وبها ضعف و تضطر لتغييرها بعد فتره

لذلك بالنسبه لي انا و ممكن فيه ناس مثلي قد يقنعهم كلامي .. أشوفها فوق الحاجة و تكاليف مالها داعي

احد ايجابيات البطارية :
حصل لي موقف وهو أني اهملت البطارية الاساسيه و كنت بشغل الموتر ما اشتغل و كنت بعيد و الوقت ظهر بعز القيض و قفلت معي .. تذكرت اني مركب منظم رفيق الدرب واخبر فيه زر يقولون يسوي اشتراك و ضغطته و دقيت سلف اشتغل الموتر

لكن تقدر تتلافى الموقف هذا بتغيير بطاريتك الاساسيه اولاً بأول .. ولا تركب ايسي ديلكو لأني اللي قطعت بي ايسي ديلكو وتوها تتم السنه والموتر يشتغل يومي لكن قدر الله ,, بعدها غيرتها بهانكوك و جلست سنتين

الآن معي بموتري الحالي ما احتاج بطارية اضافيه , فقط تركيب لمبات ليد على بطاريه الوكاله و تبديل بطاريه الوكاله من 80 امبير الى 105