تجربتي الأولى في عالم التصوير و اعلن (التحدي) فيها بالصور. [الأرشيف]

جنتلـ

07/01/2007, 06:43 PM

بسم الله الرحمن الرحيم

مرحبا وسهلا بالاخوة الكرام

اولا هذه تجربتي الاولى في التصوير بالكاميرات الديجتال اول كنت اذا بغيت اصور استخدم الجوال :(
وثانيا مافيه (تحدي) هذه الكلمة حطيتها عشان تشاركون وتعطوني ارائكم في الصور بكل صدق وامانة
لان النقد البناء هو سر التطور مثل ما انتم عارفين المهم مالكم بالطويله بخليكم مع الصور وعطوني رايكم لاهنتم:

الصورة الأولى :

http://www.mekshat.com/pix/upload/images25/mk6835_img_0345-palacegate.jpg

الصورة الثانية :

http://www.mekshat.com/pix/upload/images25/mk6835_img_0303-gropathl.jpg

الصورة الثالثة :

http://www.mekshat.com/pix/upload/images25/mk6835_img_0159-nar.jpg

الصورة الرابعة :

http://www.mekshat.com/pix/upload/images25/mk6835_img_0126-macrotree.jpg

الصورة الخامسة :

http://www.mekshat.com/pix/upload/images25/mk6835_img_0034-jamr22.jpg

كروكي

07/01/2007, 06:56 PM

الصور جبده
بس تصدق اني بغيت اخش التحدي

جنتلـ

07/01/2007, 06:59 PM

يسلمك ربي اخوي كروكي على المشاركة
ههههه قلنا مافيه تحدي لسه انا مبتدئ في التصويرر

وياليت تقولي اي الصور الي اعجبتك اكثر ؟

تقبل تحياتي

مسافر1

07/01/2007, 07:14 PM

تسلم أخي .
الصور بحق رائعة ..
وإن كانت الأولى غير مكشاتية ..
وإن كانت تلك بدايات فكيف بالنهايات .. ؟

كروكي

07/01/2007, 07:22 PM

كلها جميله وعتقد افضلها الي مع الغروب

ملاعب الريح

07/01/2007, 07:33 PM

بدايه في قمة الروعه أخوي كشميري وإلى الأمام

(ملاعب الريح)

جنتلـ

07/01/2007, 07:43 PM

مشرفنا المسافر الغالي مرورك وسام على صدري وتعقيبك من ذهب
الصورة الاولى بحكم اني طالع للبر وحصلت المكان هذا في مزرعة والتقطت له صورة فا اعتبرته ضمن الصور وآسف.

كروكي تسلم يالغالي وردك الاجمل.

اخوي العزيز ملاعب الريح الف تحية لك وان شاء الله نتقدم بي نقدكم البناء

تحياتي لكم اخوكم
الكشميري

ابو درع

07/01/2007, 07:55 PM

مبدع
مشاء الله عيني عليك زي التلق هذ ونت على اولك

جنتلـ

07/01/2007, 08:04 PM

وكمان ابو درع الغالي داخل الموضوع ومشارك مش معقوول

يسلم لي راسك يا ابو درع قولوا مشاء الله يا ناس

<< كنه صدق عمره هههههههههههه

ياسر الصيخان

08/01/2007, 02:06 AM

صور رائعة
تسلم ياغالي وننتظر جديدك

عمار السفينه

08/01/2007, 02:21 AM

السلام عليكم

ماشاء الله تبارك الله

صور رااائعه

ورى ماتشتري كميره

هذي اعجبتني بقوه
http://www.mekshat.com/pix/upload/images25/mk6835_img_0303-gropathl.jpg

ابوهتون

08/01/2007, 02:29 AM

ما شاء الله صور جميله..وخصوصا الثانيه...

جنتلـ

08/01/2007, 06:05 PM

حياك الله اخوي almaghoool

وابشر ان شاء الله بكل جديد

الباحث_الصغير

08/01/2007, 10:47 PM

صفاء ونقاء وانتقاء وابداع ماشاء الله عليك

أخوك / الباحث الصغير

مقدور

08/01/2007, 10:51 PM

مبدع اخوي الكشميري

وبصراحه الاضاءه في الصور ممتازه

وابدعت في صورة الغروب شكلك ناوي تحدى نفل :d

طارق

08/01/2007, 10:55 PM

ماشاء الله تبارك الله
هاذي البداية وشلون لو صرت محترف وش تبي تسوي
بصراحة الصورة الثانية روووعة والاولى كذلك
وتقبل تحياتي اخوك طارق

مهراس

08/01/2007, 11:02 PM

السلام عليكم ورحمة الله وبركاته

الصوره الأولى تطلب حرش وهي أحسن الصور، الصوره الرابعه اغمض الصور ,اكيد انك كنت تبغى تصور الأغصان ولكنك ما ظبطت الزوم، بدايه حلوه وفقك الله، والله الله باللقطات الزينه في طلعاتك.

مهراس.

الدبوس

08/01/2007, 11:07 PM

الصورة الأخيرة خاثره الله ينجينا وأياك وكل مسلم من عذاب النار . . ولكن ودنا نعرف نوع الكاميرا وما أدراك ما الكاميرا (ملقوف) .

العنبري1

08/01/2007, 11:10 PM

ما شاء الله

الله يعطيك العافية على هالصور الجميلة

وخصوصا الصورة الثانية

اتمنى لك التوفيق

تقبل تحياتي

الجماجمي

08/01/2007, 11:36 PM

عندي صو احسن منها ولكن ماعرف ارفقها واضعها في الموقع علمني وتحداك ( طبعا بون زعل ) فنحن اخوان

سرّاوي

09/01/2007, 08:50 AM

السلام عليكم اخوي الكشميري
بصراحة تصوير رائع وخاصة الصورة الثانية ولكن الصورة الرابعة لك عليها شوي
وبصراحة اعتبر فن التصوير موهبة واعتقد ان عندك هذي الموهبة ماشالله عليك واتمنى لك التوفيق وننتظر ابداعاتك
تقبل تحياتي

SilverSniper

09/01/2007, 10:25 AM

يبدو لي أن مصوراً محترفاً يبدأ طريقه من هنا.. صور جميلة ورائعة.. ما هو نوع الكاميرا التي تستخدمها؟؟.
اسمح لي أن أبدي بعض الملاحظات على الصور..
الصورة الأولى..
صورة جميلة وتطويق رائع.. ولكن التعريض زائد.. صغر فتحة العدسة أو استخدم سرعة غالق أعلى.
الصورة الثانية..
سيلويت رائع. ألوان أخاذة.. لكن تجنب الميلان في الأفق.
الصورة الثالثة..
صورة معبرة.. لكن تحتاج إلى زيادة تشبيع الألوان.. حاول في المرات القادمة عدم اقتطاع موضوع الصورة.. اترك النار كاملة في الصورة.. تظل محاولة ممتازة.
الصورة الرابعة..
عند تصوير الماكرو.. حاول جعل الفوكس يدوياً حتى تتمكن من ضبط الفوكس على نقطة الجمال في الموضوع.. أو النقطة التي تود أنت ابرازها وليس ما تريد الكاميرا ابرازه.
الصورة الخامسة..
ممتازة ورائعة بحق.. زيادة التشبع ستخدمها ولكنها رائعة هكذا..
بالتوفيق وإلى الأمام.. تحياتي

جنتلـ

09/01/2007, 11:19 AM

خراب السفينة حياك الله نورتنا

انا الصور هذي ملتقطها بكاميرتي الجديدة اشتريته قبل عيد الاضحى الي فات بيوم

عزيزي ابو هتون مشاركة هي الاجمل

تحياتي لكم

الكـاسـر

09/01/2007, 12:18 PM

ما شاء الله تصويرك احترافي وجميل

مداوي

09/01/2007, 12:35 PM

صور جميله جدا وبدايه قويه
موفق انشاء الله

جنتلـ

09/01/2007, 12:56 PM

تسلم لي والله اخونا الباحث على ردك

اخوي مقدور احرجتني بس عاد اتحدى المبدع نفل هذي يبيله شووي ههههههه

عيناوي

09/01/2007, 05:37 PM

حبيبي الكشميري
لبى اناملك يا شيخ..وش هالصور الطيبه؟
هذا وانت مبتدئ..ياخي كان ما قلت انك مبتدئ ترا العيون بتصير عليك هههههههههههه

عاد انا احتريك ترفع صورك واشوفها عقب الكرف الي سويته لك ههههههههه..تستاهل حبيبي التعب دام هذا انتاجك

بالنسبه للنقد مثل ما ذكرت هو اولا واخيرا في مصلحة المصور لا شك..وملاحظاتي بعضها ذكرها الغالي سيلفر لكن لا هان ازيد بكم كلمه
صورتك الاولى رغم كونها غير مكشاتيه لكن حازت على اعجابي جدا..تركيز اللون جميل فيه جدا و اتخيلها تصوير بانوراما بتطلع عجيبه!!
الصوره الثانيه حلوه لكن ليتك كملت الصوره من فوق(اللهب)
اما محاولتك في المايكرو جيده لكن الصوره محتاجه شغل(انت فيها ركزت على الاغصان والي يناظرها يبي يشوف الموتر) ومن هالمنطلق ما حققت الي تريده...

هذا الي عندي طال عمرك وفالك التوووووووووووفيق حبيبي
اترقب جديدك

جنتلـ

09/01/2007, 06:19 PM

اخوي طارق ان شاء الله اسوي اكثر وتعجبكم
تشجيعكم وتفاعلكم ونقدكم دافع كبير لاي شخص

تحياتي لك اخوي مهراس ولنقدك الصورة الرابعة مثل ماقلت وقالوا الاخوان ماطلعت بالشكل المطلوب مثل ما انت عارف اليد قصيرة والعين بصيرة لكن ان شاء الله مع الوقت نحاول نجتهد ونعدل

اخوي الجمامجمي بالطبع مافيه زعل بالعكس هذا تشجيع لي ولك وباقي الاعضاء الكرام
اما بخصوص كيفية اضافة صورة انا توي متعلم عليها وهي انك بعد ماتفتح موضوع جديد تحصل فوق ايقونة مكتوب فيها الصور وتدخل عليها وتستعرض الصورة الي بتحملها على الموقع وبعد ذلك تظغط تحميل وبعد مايخلص تنسخ الرابط وتدرجه في موضوعك. ان شاء الله اكون بينة لك الصورة وانا بنتظار صورك..

جنتلـ

09/01/2007, 10:13 PM

وعليكم السلام اخوي سرَاوي
تسلم حبيبي ان شاء الله الموهبة تكون احتراف

SilverSniper الغالي تعقيبك اعتبره توجيهات ونصايح من أخ كبير لأخ صغير
نوع الكاميرا هي Canon S3 IS
ان شاء الله الصور القادمة اطبق فيها أرشاداتك وباقي الاعضاء

الكاسر بدري علينا كلمة احتراف لكن ان شاء الله حبه حبه :)

مداوي مشكور والله والقادم اقوى بأذن الله.

ربيق

09/01/2007, 10:22 PM

ماشاء الله

الظاهر إن الصور الليلية تستهويك

على كل حال
ملاحظتي
على زوايا الصور
يبيلها
تطوير أكثر
وإذا فيه ترشيح
ارشح الصورة الثانية
تمنياتي لك بالتوفيق

الحي يحييك

09/01/2007, 10:35 PM

مبدع واالله الكشميري ....ومثل ماقالو الاخوان اذا هذي اول تجربه وش عاااد ؟؟؟؟ماشاء الله والله يوفقك....

ولاتنسى فيه دروس ابحث عنها في النت عن فن التصوير سوف تزيدك ابداعا ...

واعجبتني هذه,,,
http://www.mekshat.com/pix/upload/images25/mk6835_img_0034-jamr22.jpg

جنتلـ

10/01/2007, 12:21 AM

الغالي عينـــــــــاوي اخيرا عقبت على الموضوع وانا انتظرك من زمان قلت الله يستر وهقنا وطار ههههههه اجل برايك اقول اني محترف وابعد العيون ؟ ههههههه

وبصراحة انت ماقصرت والله كفيت ووفيت ومثل ماقلت واخوي سلفر وباقي الاعضاء بخصوص بعض الصور لكن مثلك عارف زين اني عرفت وين الزوم بالكاميرا ههههه

لكن اوعدكم ان شاء الله القادم احلى واجمل بفضل الله ثم فضلكم.

ابو شكاع

10/01/2007, 01:00 AM

ماشاء الله عليك
صور روعة
خصوصا الأولى والثانية والأخيرة
ننتظر جديدك

عيناوي

10/01/2007, 01:02 AM

يزيد غلاك حبيبي
وان شاء الله فالك ما يخيب

بعدين وش دعوه باطير؟ وين باطير له؟
احد بمكشات ويطير عنه..افا بس!
لا ابشرك ناشب لك ههههههههه

جنتلـ

10/01/2007, 11:44 AM

اخوي ربيق كلامك صحيح ابشر بالي يرضيك

الحي يحييك والميت يزيدك غبن عز الله انك حي بنصايحك وارائك ياليت نحصل الدروس الي تقول عليها في فن التصوير بالنت لو تعرف روابط الله لايهينك تفيدني وتفيد غيري ياغالي

هويدي

10/01/2007, 01:01 PM

ماشاء الله عليك مبدع

وكل الصور حلوه بس اكثر شي اعجبتني هاذي

http://www.mekshat.com/pix/upload/images25/mk6835_img_0303-gropathl.jpg

جنتلـ

10/01/2007, 03:22 PM

ابو شكاع سلمت يالغلا انت الأروع في مشاركتك

عيناوي لا بس على بالي هههههههه
انتظر مني رسالة لك :cool:

جنتلـ

10/01/2007, 05:52 PM

هويدي طلتك تكفيني ماقصرت يالغلا

الكونترولCONTROL

10/01/2007, 05:57 PM

الصور رائعة ما عدا الثاثة و الرباعة و الخامسة غير واضحة أبدا !!!
لا تقول وش خليت !!! رحلة الألف ميل تبدأ بخطوة
========================================

عيناوي

10/01/2007, 09:33 PM

احتريك يا بعدي

بالنسبه للدروس الي ذكر الحي يحييك...انا بعد في بالي لكن خبرك الان وقت اختبارات وانا في حالة استنفار ههههههههههه
ان شاء الله عقب الاختبارات بأتفرغ لكم شغله منها هالدروس ولا يهمك لك نصيب منها

:)

إمرؤا القيس

11/01/2007, 12:25 AM

ماشاء الله يا الكشميري

فعلاً صور تستحق عليها الشكر

بارك الله فيك

اخوك

إمرؤا القيس

جنتلـ

11/01/2007, 11:20 AM

الكونترولcontrol الغالي لا بالله هذا شي يفرحني ودليل على مصداقيتك وصراحتك يكفيني لو صورة وحده تعجبك يابعدي

عيناوي ماقصرت بالاول تقصر بالتالي شد حيلك اجل بالاختبارات هههههههه

إمرؤا القيس وبارك الله فيك وبالموجودين حقيقة جميع الاعضاء زي العسل لاهنتوا.

برق شقراء

11/01/2007, 02:04 PM

الله يصلحك يا الكشميري
لو تشوفني وأنا أقرى -فيه تحدي-!!!
لا وهذي تجربته الأولى!!!
جايك أمشي 1000000/ كم في الساعة (صح إني ما عندك أحد في التصوير)
ويوم دخلت!!!:eek:
أشوف الرجال سحبني على وجهي وقال ما فيه تحدي
والله يا أني تحطمت بس حلوة الجرة ( 1/0)
بس صراحة صورة الضو خيالية
الله يوفقك ويكتبلك كل الخير
أخوك / برق شقراء...

نجم حفرالباطن

11/01/2007, 06:17 PM

بصراحه وبدون مجامله في قمة الروعه ولو انك ماقلت انها من تصويرك لا قلت انها في الفوتوشوب عاملينها
افضل شى بصراحه الغروب

حنش

11/01/2007, 10:01 PM

...

عوآآآآفــــــــــــــ :)ـــــــــي

...

..

جنتلـ

12/01/2007, 09:02 PM

حياك الله اخوي برق شقراء شدعوة يالغلا ماقصد اسحب ولا شي بس وضحت انا السبب هو تشجيعكم لي .. والحمد لله ان الصور اعجبتك وهي فعلا من تصويري.

نجمنا الغالي حفر الباطن سلمت يالغلا عاد فوتوشب مره وحده انا الحين يالله عرفت اسوي إطار وهو من فضل الله ثم فضل شروحات بعض الاغضاء هنا.

الضاري

12/01/2007, 11:17 PM

مشاء الله

صور جميله خصوصا وقت الغروب

( برى بحرى)

12/01/2007, 11:51 PM

راح اعطيك رأيى بكل صراحه ولا تزعل

راح ابتدأ من الصوره

الخامسه - ليش ما طلعت نهايه النار من فوق ؟؟؟؟

الرابعه - الغصن الصغير فوكس ووالغصن الكبير خارج الفوكس والخلفيه للجيب ماله داعى المفروض بدون الجيب بالخلف

الثالثه - مهزوزه(( اقصد النار )) المفروض تزيد من الايزوا وتزيد من سرعه الشتر

الثانيه - تحفه فنيه من جميع النواحى

الاولى - انا ما احب التصوير المعمارى سامحنى ولكن جدا جميله وراقيه

ارجوا انك ما تزعل من كلامى

وتسلم ايدك وعدستك على التصوير وقواك الله

جنتلـ

13/01/2007, 12:13 AM

الله يعافيك اخوي حنش تسلم

الضاري الله يخليك ويرضى عليك مشكور على المشاركة

بري وبحري تأكد ماراح ازعل دام الهدف النقد البناء ولا كان مانزلت الصور على المنتدى
لكن بحكم انه تجربتي الاولى في التصوير فا لذلك تنقصني الكثير من الخبرات. لكن ان شاء الله نتفاداها في المستقبل.