تفليت القير , ماركيز 2002

[أبـو زهـرهـ]

السلام عليكم
مساكم الله بالخير
أنا معي ماركيز 2002 عندي مشكله بالقير اللي هي في الطلوع القوي القير يفلت ويشبك يفلت ويشبك وإذا حطيته بـD1 مايفلت أبدا
او إذا جيت اقوم السياره بحيث لو خطيتها بالدي ودعست وفكيت الدعسه ودعست مره ثانيه يفصل ويشبك علطول

السياره أسافر عليها و ومع عقبة الهدى ماتقول شي بس في الطلوع تفصل وتشبك
والزيت ممتاز ومغيره قبل يمكن سنه مع الفلتر

مافيه علامه في السياره سواء مكينه او قير

بحثت بالموقع لقيت إنه من الممكن يكون الفلتر طايح من محله

القير تغييراته ماشاء الله من دون نتعه حتى في الزحمه او من البي للدي ومن دون تأخير

مريت كثير من الورش كلهم توظيب توظيب وأنا متأكد إن المشكله ياحساسات يافلتر

أنا إنـ شاء الله بغير الفلتر قريب بس أبي نصايحكم إذا أحد قد مرت عليه مشكلة زي مشكلتي

والله يوفق الجميع لما يحبة ويرضاهـ

[أبونجم]

السلام عليك ورحمة الله .

عندي نفس مشكلتك .
كأنك تتكلم عن سيارتي .
طبعا سيارتي باثفايندر 2005 .

وكل المهندسين أجمعوا على التوضيب وأقل قيمه للتوضيب 5500 .
والله المستعان .

[أبـو زهـرهـ]

وعليك السلام
طيب قد جربت تغير الفلتر ولا لا
أنا أقول لاتوظب نهائيا لان المشكله بسيطه شغلت حساس او فلتر أكيد
أنا بغير الفلتر قريب وارد لكم خبر باللي يسير

[أبونجم]

الله يحفظك .
غير فلتر وغيرت زيت .

والمشكله مازالت قائمه . وفيه مكنيكي نصحني أني لا أوضب القير .
يقول أمش عليه لين يجاوب وغيره من التشليح .

[أبـو زهـرهـ]

الله يعينك
أجل الشغله شغلت حساسات
بجرب اغير الفلتر والزيت وارد لك خبر

[1824]

عند وقت الطلوع والنزول الشديدين يجب استعمال زر الاوفر درايف عادتا موجود في جانب القير لكي لا يحتر القير من كثرة التغيرات وكذلك المحرك يتعبه كثرة التعشيق اثناء الطلوع او النزول ويسمى زر السحب والجيوب والجموس

وهذا موضوع مفصل عن هذي المشكلة

http://www.mekshat.com/vb/showthread.php?p=10526850#post10526850

[أبـو زهـرهـ]

انا معك ذب أستعمل الاوفر درايف في العقبات
لاكن في الطلعات اللي يفصل فيها القير سواء أستعملته أو لا مايفرق برضوا يفصل
يعطيك العافيه

[عقووول]

اخوي اوزن عصا القير لانه يشبك بين الدي وال ان

رح لميكانيكي وقله يوزن العصا ب 30

لان قيرك سليم مافيه نتعه ولا يفوت بالخط