افيدوني بخصوص تركيب بالون على جمس سييرا ورفع الوجهية

[abdullahbader]

السلام عليكم ورحمة الله وبركاته

انا معي جمس سييرا غمارة 2013

وودي اركب عليه كفرات بالون وقالوا لي انه يحك بالرفرف لازم ترفعه 2 سانتي

وما ادري ارفعه كعكات ولا كيف فياليت تفيدوني بمحل او ورشة كويسة بالكعكات

[AL-OTAIBI]

زين ما اخترت ، البالون افضل كفر للبر و النفود و الوعر. وانصحك بماكسس ٩٠٠. بس ترا البالون يبيله مساعدات صاحية. لانه مع الوقت يضعف المساعد البلد مع الرجة خصوصاً بالجموس. دايم تمر علي جموس جديدة مركبة بالون والكفرات تناقز لحالها فوق و تحت من ضعف المساعد. انصحك بالمساعدات الاسترالية بالامام. بالنسبة للحك يفيدونك الشباب.

[شيخ بني تميم]

نصيحتي ركب مساعدات بلستين امامي وتقدر ترفعها إلئ٣ سنتي

[اليامي قطر]

بسيطه

غير الطيات الى طيات استراليه رفيعه وقاسيه

واذا مالقيت طيات ركب كعكات اصليه ويرتفع

[الحربي 591]

من غير انه يحك.....يكون سريع انقلاب

[أبوبسام 0104]

أنا معي سييرا وعليه بالون نوع مالوان ومركب مساعدات بلستين 5100أماميه فقط
أذكريوم أغيرفلتر القيرعندمهندس سعودي شاب استشرته بالبالون وقالي نصيحتي قبل تركب بالون ركب مبرد قير لأن البالون ثقيل على الموتر ويحتاج عزم من السياره وبالتالي ترتفع حرارة القير فالأفضل تركب مبرد وأخذت بشوره وركبت مبرد كندي كبير سعة 40الف وحده
الشاهد البالون يعطي السييرا رزه وهذي ميزته
أما سلبياته ومن خلال استخدامي لسنتين
رجه بالموتر مع بداية الممشى لما تكون السياره واقفه خمس سااعات
فكك موتري من الرجه مع إني مسوي ترصيص أرضي
خرب علي الركب العلويه والسفليه واضطريت اغير المقصات لأن الركب العلويه ماتجي لحالها
مع هذا كله لازلت مركبهن لأنهن بإختصار فتنه.

[موسى السويدان]

انصحك لاتركب يالون لاني كنت مركب بالون وطبيت في شوي موية في الدائري وزحف غير الرجه اللي بتضيق صدرك

[اليامي قطر]

خرب علي الركب العلويه والسفليه واضطريت اغير المقصات لأن الركب العلويه ماتجي لحالها
مع هذا كله لازلت مركبهن لأنهن بإختصار فتنه.

لالا يابوبسام عاد هذي كلها ترجع للاستخدام والمطبات اللي فالشوارع

اشدعوا من البالون !! حتى كفرات البلد نفس الشي

[شاق النفد]

اخس كفر هو البالون ثقيل ويعدم الدودة وانواع الرجة والتنسيم والرساوة صفر

تصلح لموتر طول عمره في الخلا ولا يلمس القار