الحل يا راعين الباترول

[آآآبو سعود]

السﻻم عليكم .
يا اخوان باترول 93 كبليتر . السياره تطفي فجأه وانا امشي او اذا لفيت وانا ماشي خصوصا يسار مدري وش علتها .

ﻻتبخلون علينا اللي قد مرت عليه او عنده خبره . جزاكم الله خير

[الحميضاني]

السلام عليكم
اخوي تطفي على طول ولا بس اذا تركت دواسه البانزين

[آآآبو سعود]

ﻻ تطفي حق وانا داعس على اﻻبنص

[Alvedrale]

طيب تستغل على طول ولا تاخذ وقت وتشتغل بعدها ..

اذا تاخذ وقت وبعدها تشتغل احتمال من الديلكو ....

[الحميضاني]

اخوي ما تطفي الا ان البانزين ما يوصل او الكهرباء يفصل شغل السياره وحرك اسلاك الديلكو واسلاك الكويل يمكن تحصل شي وفيه فيش الديلكو يجي من هوز الراديتر شيك عليه

[SGL]

شيك على فيش الكربريتر وعلى فيش بوبينا الديلكو وسلك الكويل مثل سلك البوجي

[آآآبو سعود]

شيكت على اسﻻك البواجي وسلك الديلكو ﻻكن برجع اشيك عليها . والكبليتر جديد ﻻكن بشوف اﻻسﻻك

[آآآبو سعود]

واذا طفت ماتشتغل على طول ادق عليه بالقوه يشتغل مع اﻻبنص واذا اشتغل طلع كربون اسود

[كهرووب]

غير الصفاية ( فلتر البنزين )

[آآآبو سعود]

غيرت الصفايه البارح بنفسي وكنه سلك البارح واليوم رجعت حالته

[هواوي بس]

اخوي كان عندي نفس المشكله وكانت العله عندي الشاكوك حق الديلكو يمكن تكون نفس المشكله

[Sniper 2015]

عندك التانكي فيه وصخ لازم تنظفه لانك ركبت صفايه ومشى للين وصل الوصخ الصفايه وورجعت علتها والا شف الصفايه وش بداخلها للتأكيد على كلامي

[SGL]

أحيان يكون السبب من عوامة الكربريتر ويشرق الموتر ماذكرتها لك في ردي السابق عشان ماألخبطك وتتسرع وتفكه ويلعب فيه المهندس
حاليآ شيك على ليات البنزين يمكن فيه واحد منهم منقطع وعلى أصابع البطارية والأسلاك الموصله في إصباع الموجب

[آآآبو سعود]

مساكم الله بالخير جميعآ وبيض الله وجيهكم على التفاعل الغير مستغرب منكم .

وديته اخصائي كبليتر وفك الكبليتر ونظفه وحصل الكويل يهرب زيت وغيرت الكويل مع البليتين .
والموتر من العصر امشي عليه مافيه خﻻف سوا اشتغاله ماهو بصافي فيه رجه خفيفه (تفتفه) .
ﻻكن عاد هو السبب كان الكبليتر وﻻ الكويل الله اعلم ونقول ان شاء الله انه سلك

[عبقري91]

مشاء الله. الله ييسر امرك. وامر كل مسلم. زين حصلت المشكله.

[الكارثة]

حصلت معايه وكان السبب الكربيتر

[آآآبو سعود]

رجعت المشكله . مشيت من الخرج يوم اقبلت على الرياض وهي ترجع له . الحل معه

[آآآبو سعود]

يافرحه ماتمت ههههههههه.
يالربع كان فيه اخصائي باترول محرب سوا بالخرج وﻻ الرياض دلوني عليه

[اليوسف2012]

اخوي افحص المبرد حق الكويل تلقاها بجنب الكويل بيضاء مستطيله


ثاني شي افحص الفيش اللي طالع من الديلكو راح تلقاه فوق خرطوش الماء الفوقي تفقده هل هو يوصل الكهرباء مضبوط


ثالث شي السلك اللي طالع من الكويل و رايح باتجاه الديلكو ممكن يكون قصير ومع اللف يسار اعتقد انه يتحرك من مكانه

امر اخير مهم معرفة ان المشكله انقطاع كهرب او بنزين تعتمد عليك انت بالضبط
انت لازم تلاحظ انبير الضغط مضبوط
مثلا و انت تمشي 40 و طفى فجاء خل عينك لعداد الضغط لحظة الطفية وشوف العداد هل هو على الصفر اذا كان على الصفر فالمشكلة بكهرباء الكويل والديلكو
اما اذا كان العداد شغال حتى تقف السيارة ويصير صفر المشكلة تكون انقطاع من البنزين

[آآآبو سعود]

العداد يكون شغال وﻻ ينزل للصفر لين يقف الموتر .
والموتر يطفي حتى وانا على سرعة 100 ينتع ويطفي واذا دبلت للابنص يرجع ينتع ويشتغل ويمشي .
واذا طفى وقفت ادق عليه تقول مشرق يشتغل ويطفي وارجع ادق يشتغل ويطلع كربون اسود كثيف ويسلك شوي وترجع له الحاله

[آآآبو سعود]

اليوسف بشيك على اللي انت قلت

[اليوسف2012]

اخوي الغالي انا اللي اقصده عداد ضغط المكينه
وليس عداد السرعه

[آآآبو سعود]

وانا اقصد عداد الضغط اكيد

[اليوسف2012]

اذا تكون المشكلة عندك انقطاع بنزين
تفقد ليات البنزين كلها واهم شي الليات اللي داخلة بوسط التانكي
ممكن فيها تنسيم

[مدينتي املج]

السلام عليكم الاخوان اللي سبقوني ماقصرو كلن ادلى بدلوه.
انا اقترح عليك فحص البنزين سواء طرنمبة ضخ البنزين او الليات او احتمال العوامه اللي داخل الكاربريتر تقفل مع الحركه هذا اذا كانت المشكله ف الوقود
تحياتي لك وفقك الله لكل خير ،،،،،،،

[آآآبو سعود]

[SIZE="5"]مساء الخير جميعآ وﻻهنتوا
اليوم مريت ورشة الحبيشي ابو عبدالله وشافه وقال كبليتر وارسلني على باكستاني اخصائي كبليتر شايب على كﻻمه له 50 سنه خبره بالسيارات [
قلب السياره وقال المشكله باﻻبره حقت الكبليتر .
المهم الرجال غير اﻻبره ونصحني باﻻبره حقت الددسن وركبها وغير بواجي تايوتا وعطاني ضمان شهر وبكره ان شاء بمسك فيه خط واجرب ونقول ان شاء الله يضبط ./SIZE]

[اليوسف2012]

الله يسهل امورك دنيا وآخره

[آآآبو سعود]

الله يجزاك الجنه ياليوسف انت ومن يقراء

[الوسم]

بشرنا ؟؟؟؟

عساه زان ؟؟؟

[آآآبو سعود]

لحد اﻻن اموره زينه رحت الرياض ورجعت ماﻻحظت عليه شي غير ان صرفية البنزين خفت بشكل ملحوظ .
ﻻكن اشتغاله ماهو على نقره واول مايشتغل يطلع كربون خفيف اسود

[الوسم]

لحد اﻻن اموره زينه رحت الرياض ورجعت ماﻻحظت عليه شي غير ان صرفية البنزين خفت بشكل ملحوظ .
ﻻكن اشتغاله ماهو على نقره واول مايشتغل يطلع كربون خفيف اسود
شكرا على الرد وأسأل الله أنه يبتل ولا عاد يخرب أبدا

[آآآبو سعود]

ورجعت المشكله ... وفكوا الكبليتر وغير ابرة العوامه وﻻ صلح وفكوا الديلكو ونظفوه وغير البويبينه والشاكوش وﻻ صلح !!
ومريت واحد يقول احتمال من الدقمه تقطع كهرب وش رأيكم ي آخوان

[ددسن الشرقيه]

افحص عند كهرباء متخصص قد تكون الدقمه تقطع كهرب

وتكون مشكله بسطيه

[SGL]

أخوي سبق وذكرتلك في رد سابق إصباع الموجب تكون معه أسلاك نحيفه مشتركه معه تابعه لكتاوت ولسلف وأشياء أخرى شيك عليهن زين والحل الأخر روح عند الكويل تلقى جنبه أو فوقه قطعه بيضاء مستطيله نسميها المبرد أو العظمه هذي القطعة في أطرافها صمولتين مقاس8وفي كل صاموله مشبوك سلك أبيك توصل سلك كهرب بين الصمولتين واربطه زين وجرب موترك ﻻتنسى توصل سلك من الصاموله إلى الصاموله الأخرى

[الوسم]

تبي العلم يا أبو سعود !!!

إذا تأكدت إن المشكله كهرب

فما لك غير أنك تشيل الديلكو العادي وتركب ألكتروني

والله أعلم

وأرجع وأقول لك ... تأكد إن العلله كهرب قبل ما تخسر

[بلحارث]

والله اعلم المشكلة كهرباء ماهي بنزين واعتقد انها من احد الافياش او بالفعل هناك مشكلة في المقاومة (العظمه ) كما ذكر احد الزملاء

[آآآبو سعود]

[QUOTE=sgl;10540130]أخوي سبق وذكرتلك في رد سابق إصباع الموجب تكون معه أسلاك نحيفه مشتركه معه تابعه لكتاوت ولسلف وأشياء أخرى شيك عليهن زين والحل الأخر روح عند الكويل تلقى جنبه أو فوقه قطعه بيضاء مستطيله نسميها المبرد أو العظمه هذي القطعة في أطرافها صمولتين مقاس8وفي كل صاموله مشبوك سلك أبيك توصل سلك كهرب بين الصمولتين واربطه زين وجرب موترك ﻻتنسى توصل سلك من الصاموله إلى الصاموله الأخرى[/
QUOTE]

شيكت عليها جميع اﻻسﻻك اللي طالعه من الموجب . والعضمه مغيرها مع الكويل . ﻻكن السلك اللي اوصله من البطاريه واربطه بين الصامولتين

[آآآبو سعود]

تبي العلم يا أبو سعود !!!

إذا تأكدت إن المشكله كهرب

فما لك غير أنك تشيل الديلكو العادي وتركب ألكتروني

والله أعلم

وأرجع وأقول لك ... تأكد إن العلله كهرب قبل ما تخسر

خلني اتأكد بس والله ﻻ احذفه طول يدي هههههههه
وﻻهنت على التوجيه

[آآآبو سعود]

بس يالربع احساسي يقول العله من الكبليتر ﻻن الموتر مايطفي على طول تقول قطع كهرب الموتر يكتم ويتفتف لين يطفي واحيانا اذا دبلت له الابنص قبل يقف يكمل ويمشي ويصفي ﻻكن بسوي السلك للعظمه ويسهل الله .

استفسار كبليتر نيكي كم سعره جديد ووين احصله انا بالخرج جميع قطع نيسان ماحصلته

[salih100]

المشكله عندك من الكلبريتر لانك تقول يطلع دخان اسود كثيف وهذا يعني انه يشرق بالبنزين الى ان يمتلي وبعدها يطفى الموتر
وانت تقعد تشغل وتدعس الابنص للخير ويشتغل وهذي سوات الكلبريتر

[salih100]

ركب كلبريتر التيما نفس الموديل وبتدعيلي صرفيه اخف ولكن العزم يضعف شوي

[ateeq7]

اهلين يا طويل العمر انا عندي باترول 97 كاربريتر و كنت اعاني من الدخان الاسود فترة بس عملة تصفيه وسيرفس كامل بلكات فلاتر كويل ويرات بلاكات كندنسر كهرباء وفحمة الديلكو مع غطاء الديلكو و الحمد لله قلة كثير مع ان سيارتي مش ماشيه كثير 215 الف كم
انا من كلامك و شرحك للمشكله بتطفي سؤال لو سمحت السيارة لم تنتع او تطفي تترتر مع دوست البترول تفرقع مع نفضه ولا تكتم كان مطفي المحرك من المفتاح و ترجع تشتغل مع مناتع
اولاعندي شك في البترول لازم تعرف شيء نظام الكربريتريعتمد على شفط البترول و ليس مثل الانجكتر ضخ البترول و اكثر شي يعطل او ينرفز الكربريتر او يزعله هي دخول الهواء مع البترول في الكربريتر فيدخل عند الفالفات او الصبابات يخربط مخ تشغيل المحرك و انته تقول لم تلف على السياره جهة اليسار تيجيها الحاله لازم تشوف الخزان ممكن شيء واقع فيه او ان البترول لم يتحرك على جه يبعد عن مكان شفط البترول فيدخل الهواء مكان البترول
يعني انته احساسك الداخلي وخصوصا بعد العشره مع السياره هل تحس انه السيارة تريد بترول او تريد كهرباء وقت التنتيع
اتبع جميع الهوزات من الخزان حتى المحرك هل يوجد تسريب بترول منها و شوق التنصيخ للخزان هل يحصر الهواء و قت ما اطفي السيارة افتح غطاء الخزان هل يوجد هواء صوت واضح و نصيحه اذا يوجد هوزات للبترول مهتراءه غيرها باصلي نيسان لاتشتري الهوزات التجاري بالمتر ما تعمر كثير تنشف سرعه وترجع تسرب و دخل هواء مع البترول الرايح للكربريتر

ثانيا الكهرباء اذا تتاخر تشغيل السيارة شيك على البلكات لا تغيرها اذا جديدة ركبها في الوايرات و خلها على بدي المحرك و خل حد يدق سلف اذا يوجد شراره قويه الموضوع الكهرباء استبعده في الوقت الحالي

[آآآبو سعود]

اشكر جميع من شارك بالموضوع بيض الله وجيهكم جميعآ .

تم عمل جميع ما تم ذكره ولم تحل المشكله . اﻻ بعد يومين تم تغير الكبليتر والحمد لله اﻻمور لحد اﻻن تمام وجاري اﻻستخدام للتأكد ان المشكله انحلت ان شاء الله