المساعد الشخصي الرقمي

مشاهدة النسخة كاملة : الـــــــقـــــــنـــــــاعــــــــــة


عدم الانحياز
08/08/2015, 03:09 PM
السلام عليكم ورحمة الله وبركاته
يسعد مساكم والصباح وكل الاوقات




من شكى الخطوة يجاوبه الكسير
اشري المشوار واعطيك الكسر
خابر رجلي ينشطها المسير
والثني ذا اليوم يمسرها مسر
افهم المقصود نفسك والعسير
من نظر فوقه يوردها العسر
الطمع مذموم والطامع اسير
في هوى نفسه شكى منها الاسر
من تناوش عاليٍ يصبح حسير
حمْض الحالي بمطعوم الحسر
اصبح المحصول خسرٍ للخسير
والجهد والوقت ضيعها خسر
الحكيم يوازن بقلب جسير
يدفن الهوة ويجسرها جسر







ودمتم سالمين
أبوعبدالرحمن99
08/08/2015, 08:08 PM
دمت سالما ،
و صح لسانك و سلم بنانك ،
إبداع و إمتاع ،
لا تحرمنا جديدك

دمت بكل ود .
عدم الانحياز
08/08/2015, 08:56 PM
دمت سالما ،
و صح لسانك و سلم بنانك ،
إبداع و إمتاع ،
لا تحرمنا جديدك
دمت بكل ود .

حياك يابو عبدالرحمن كل الهلا يالغالي
صح بدنك وسلم فكرك ابرك ما صار ما صاد شفك وجاز لك
لا حرمنا وجودك
دمت بخير
ابو البر
09/08/2015, 03:02 AM
انت مجنون
وجننتني بهالقصيده
انا اعترف لك
انك عطلت تفكيري وبرجع لهالقصيده
أجل تقول (حمْض الحالي )
وتبغاني اسكت
ابتسام ساهر
09/08/2015, 04:43 AM
وعليكم السلام ورحمة الله وبركاتة
الله يعطيك العافية
كلمات ولا احلي منها
عدم الانحياز
09/08/2015, 06:03 AM
انت مجنون
وجننتني بهالقصيده
انا اعترف لك
انك عطلت تفكيري وبرجع لهالقصيده
أجل تقول (حمْض الحالي )
وتبغاني اسكت


ياهلا بك اخوي ابو البر
ياخوي الله يكفينا شر الجنون والهبال
نكتب القصيد نبي زود الحكمة ما هوب سحكية في الدماغ ويتعطل التفكير:D
الله يحييك اخوي الفاضل واسعدني مرورك المميز كما يسعدني رجوعك في كل وقت:good2:
ولك الهلا والمهلا والسهلا وحمض الحالي هذي سالفة راعي العنب يوم ما طاله قال حامض
والعنب ما به البلا مير البلا من حسرة اللي ما طاله فذمه
دمت بخير
عدم الانحياز
09/08/2015, 06:06 AM
وعليكم السلام ورحمة الله وبركاتة
الله يعطيك العافية
كلمات ولا احلي منها


اهلا وسهلا اختي الفاضلة ابتسام ساهر
والله يعافيك - والاحلى اختي الفاضلة هو تكرمك بالمرور في ثنايا هذا المتصفح
كما اسعدني أن تكون او مشاركة لك في مكشات هي تعليقك المميز على ابياتي المتواضعه
دمتِ بخير