رايكم بالعزبه (تجديد)+فضفضه

[يا نسيم الليل]

السلام عليكم
اخواني وانا اتجول بالشيخ قوقل
وجدت عزبه حلوه وفكرتها جميله
ابي رايكم وين تنباع او محل يفصلها
لان عزبتي جار عليها الزمن هههههه 7 سنين تزيد وتنقص شوي
وابي رايكم بالصوره تحت وانا من زمان مارحت للسوق وش الزين والجديد
واذا فيه روابط لمواضيع قبل اسعفوني

http://www.alghat.com/showthread.php?t=10904

وين بحصلها وتصلح للقهوه والشاهي ودي اجدد العزبه كامله انصحوني بالنوع الزين

ثاني شي بفضفض لكم يا اخوان انا استفدت منكم كثير
والمنتدى له قريب السنتين طاااافي ما ادري وش السبب
منتدى مكشات ماعاد هو مثل اول للاسف

[دغيم1]

وعليكم السلام ورحمة الله وبركاته
حياك الله أخوي
مثل هذه العزبة تجدها لدى جميع المحلات التي تبيع أدوات الرحلات
قديمك نديمك لو الجديد أغناك
لاتفرط في عزبتك القديمة
تحياتي
اخوك / ابوفيصل

[فتى الوادي]

كان عندي وحدة مثلها .. عيبها أنها خشب وثقيلة ... والخشب يتأثر بالموية ... وثقيلة .. كما انها مساحتها صغيرة نوعا ما ..

[يا نسيم الليل]

ابو فيصل لزوم التجديد والتغيير
فتى الوادي ما يمدي افصلها ع مزاجي ولا اكنسل الفكره

[أبو شيري]

خذ بنصيحة مشرفنا دغيم

قديمك نديمك لو الجديد أغناك


فقط جدد الشنطه بأخرى جديده اذا هي منتهيه

أما اللي بالصورة ماتنفع لاعزبه ولا فرشه ولا مركا

خذ لك صندوق خشب وأرتك عليه لن تصبر دقيقه

[alss7ap]

أيضا لاتعطيك حرية بالحركه فيه تجبرك على وضع واحد العزبه إذا ماهي قدامك وتحركها على كيفك ...تبعدهاا وتقربها ...وكل شوي تفطن عليك شغله ماراح تاخذ راحتك وهي جمبك ...وتمركى عليها بعد ماتاخذ راحتك حتى المرك تحتاج تحركه على راحتك اما بالطريقه هذي صعبه ....الزبده غير مريحه من وجة نظري .

[تزبطي]

هذي اسمها عزبة خبول
ههههه

واللي مخترعها شكله زعﻻن هاك اليوم

يا انه اخذن العزبه وناسي الفرشه او ماخذ فرشته وناسي العزبه او ماشال المركى
ههههه
وقفلت معه ولزقهن في بعض بس الله يستر ﻻ يروح للبر وينسي المعاميل ههه


معليش طولتها شوي

بس الزبده انها ماتصلح اﻻ لراعي الدنات والتريﻻت رجال طرقي منفرد

وشكرا

[مريقب العيفار]

كان عندي وحدة مثلها .. عيبها أنها خشب وثقيلة ... والخشب يتأثر بالموية ... وثقيلة .. كما انها مساحتها صغيرة نوعا ما ..


نفس كلام اخوي
كانت عندي مثلها واحلتها على التقاعد

[الرحال2222]

كانت عاجبتني لما شفتها بالنت بس لما شفتها على الطبيعه مع احد الاصدقا غظيت النظر عنها
ياخي ثقيله تكسر الظهرخشب

[يا نسيم الليل]

لا هنتو كنسلناها اجل الله يعطيكم العافيه

[قناص الوعول]

ممتازه لعدة القهوه والشاي وهي مركا فرشه شنطة عزبه ثلاثه في واحد تحصلها في محل برق الحيا والسنيدي والبرية