غالي و طلبْة بسيطة يا عديم الانحياز (أسير)..الحل..الكلتش..حله..عدم الانحياز..كفو

[أبوعبدالرحمن99]

السلام عليكم و رحمة الله و بركاته







لكن صدقني انك خطير - واشوف لك عدد من الرمعات كما انك سبق ان حليت لغز
وهذي كلها عناصر تصب في حق مطالبتك بلغز في الخيمة خاصة وان لك سوابق من فترة
دمت بخير

نزولا عند رغبة اخونا و شاعرنا ابو احمد اليكم هذه المحاولة المتواضعة





بالخصوص ان السوابق للرضا منكم تحوز
ما طلبت الشي كايد يا عديم الانحياز
شفّنا باللي يصافح ذوقك و قافه يفوز
بالحفاوة عند مثلك و الغلا به فاز فاز
استلم لغزٍ خْفيّف و التشدّد ما يجوز
كود في شيٍ وجوده يلزمه للاجتياز
ورع ما له بالغرام و شفت من عشّق يروز
بالقسى معه يْتعامل لجل يورث له نجاز
مختبي في حضن بنتن للهواوي زود عوز
بنت في درب المحبة تخدم بكل امتياز





















وسلامتكم

[أبوعبدالرحمن99]

اعذرونا الدخول من الجوال و نعتذر عن أخطاء التنسيق إن وجدت لأن مربع الحوار صغير و لا يظهر كامل النص .

[ابو ماجد 2]

آسر القلوب
صح لسانك الى ملا نهايه
يازينك ويازين ماسقت
والشكر لابو حمد اللي طلع لنا هالدره
محاوله ولو انها مازالت السكره ببديعك وما بعد جت الفكره
يمكن
بطاقة الشحن والرقم السري

http://shfanews.net/images/stories/a1/a0/n1/f1/f77.jpg

[أبوعبدالرحمن99]

الحمد لله سلم اللغز ،
و لو ان هالمتصفح يبي يتعبني ، كل ما اكتب مشاركة يكررها مرتين و غير امسح أحدهما ، و تسجيل دخول و تأكيد ما باقي الا يحلفني :D

صح بدنك يا ابو ماجد و البديع وجودك و منكم نتعلم ،،
و الرمعة ما لك لوا ،
تحياتي.

[أبوعبدالرحمن99]

الحمد لله سلم اللغز ،
و لو ان هالمتصفح يبي يتعبني ، كل ما اكتب مشاركة يكررها مرتين و غير امسح أحدهما ، و تسجيل دخول و تأكيد ما باقي الا يحلفني :D

صح بدنك يا ابو ماجد و البديع وجودك و منكم نتعلم ،،
و الرمعة ما لك لوا ،
تحياتي.

[عدم الانحياز]

وعليكم السلام و رحمة الله و بركاته

الله يرفع قدرك اخوي الغالي ابو عبدالرحمن وما تطلعي لثمار فكرك الا لقيمتها العالية على نفسي
ومادام يالحبيب انك بتطاوعنا فالمطامع فيك والله كثيرة :D
وهالمحاولة المتواضعه ابد ابد خلك على مثلها وخياتها وجزاك الله خير:good2:
ومن واقع تجربه فخبري بك ما تحب شعر الغزل او اللي به كلمات صلفه لكن انت اللي جبت كلمة هواوي واخيك قلبه مثل القرطاسه مع كل هبت نسيم تطير:D
تقبل مزاحي وتقبل ابياتي المتواضعه امام قامة شخصك الكريم


دندني ياطبلة الشغل المرتب به رجوز
واشنفي اذان من يطلب لك اللحن ارتجاز
والعبي لعب الطرب ماهو بلعبٍ به نقوز
واسمري ليلك هدو نوْرك سرجٍ بقاز
يااسير اشكر جنابك واستلمته لاتهوز
احذر التلميح وشبك ماسلا قلبي يهاز
خوفتي يكفخ وكنه كورة شوتت ببوز
اوكما فرخ الحمامه شافه المقرود باز
ياحلو ذا القاف كنه بالحلى فل وروز
بالذهب والماس والله مثلكم وزنه يراز
طاب كيفي ذا الصباح وظنتي ما به جهوز
لكنن والله تجمل ساعده طيب الجهاز























دمت بخير

[عدم الانحياز]

ابو عبدالرحمن
صح لسانك وسلم فكرك مرار وتكرار
طرى علي لو انها الساعه وعقاربها
دمت بخير

[راعي الجيب2]

هالله هالله سعد منهو ابمرماعه يفـوز \\\ حرفنـه بالقـاف والحبـك ابتقديـر امتيـاز

علنـا نقضب طريـقـة ورمـعتنـا تجـوز \\\ ويا عسى ما ناقع اليوم في درب الغراز

رمعتي هي الدبل عـل لرضـاكم تحوز \\\ وكان ماهـو هو ناخذ مع الفكر احتراز

يا اسير النور والقاف لايصير محجوز \\\ اظهـر ادررك وحـنا انتحـراكـم ابعـاز

ونشكر اللي اظهر الكنز من بين الكنوز \\\ العـزيـز اللـي يلقّـب عديـم الانحيـاز

[ناصر العلي]

وعليكم السلام ورحمة الله وبركاته

صح لسانك ياابوعبدالرحمن

وغالي ومسند على غالي

مايصير

النادوس

بوسط البندقية

يقسي على قمع الفشقة

[أبوعبدالرحمن99]

الله الله الله ،
صح لسانك يا ابو حمد و ما فيك حيلة و شهادتي فيك مجروحة ،
أما بخصوص الفاظ الغزل في اللغز فربما وردت للتورية .

و اما رفضي لهذا النوع او الغرض من الشعر فهو احترام لسياسة المنتدى و من باب الأمانة ، و إلا فالشعر كلام كغيره من الكلام ، حسنه حسن و قبيحه قبيح و اذا خلا من المحضورات الشرعية فلا بأس به .
الرمعة ما لك لوا
تحياتي .

[أبوعبدالرحمن99]

هالله هالله سعد منهو ابمرماعه يفـوز \\\ حرفنـه بالقـاف والحبـك ابتقديـر امتيـاز

علنـا نقضب طريـقـة ورمـعتنـا تجـوز \\\ ويا عسى ما ناقع اليوم في درب الغراز

رمعتي هي الدبل عـل لرضـاكم تحوز \\\ وكان ماهـو هو ناخذ مع الفكر احتراز

يا اسير النور والقاف لايصير محجوز \\\ اظهـر ادررك وحـنا انتحـراكـم ابعـاز

ونشكر اللي اظهر الكنز من بين الكنوز \\\ العـزيـز اللـي يلقّـب عديـم الانحيـاز

صح لسانك يالغالي ،

مجاراة بديعة ، و لو ما يجي من اللغز الا هالمداخلات الطيبة لكفى،
الرمعة طيبة ،
و لكن ما صابت المطلوب ،
تحياتي

[أبوعبدالرحمن99]

وعليكم السلام ورحمة الله وبركاته

صح لسانك ياابوعبدالرحمن

وغالي ومسند على غالي

مايصير

النادوس

بوسط البندقية

يقسي على قمع الفشقة


حياك الله يا ابو علي ، و صح بدنك ،
و اللغز سلم هالمرة ، و بانتظار رمعتك القادمة ،
تحياتي .

[ف ف]

الدريل والريشه
بعد صح الله لسانك ملاييين

[أبوعبدالرحمن99]

توضيح :
ركزوا على البيت الثالث ،
و البيت الرابع فيه كلمة اذا لم يتم قراءتها بطريقة معينة تكسر وزن البيت

[أبوعبدالرحمن99]

الدريل والريشه
بعد صح الله لسانك ملاييين

صح بدنك ، و الرمعة ما لك لوا .
تحياتي.

[ف ف]

خذ هالشطحه
الختم والاسطمبه
احيانا نضرب الختم بقوه علشان يوضح ههههه

[أبوعبدالرحمن99]

خذ هالشطحه
الختم والاسطمبه
احيانا نضرب الختم بقوه علشان يوضح ههههه

الرمعة ما لك لوا ، و راجع الردود السابقة ،
اطيب تحية.

[ابوماريا]

ماشاء الله تبارك الله
صح السانك ملايين يابو عبد الرحمن
وبيض الله وجهك على هالإبداع

غالي ومسند على غالي ويستاهل ابو احمد كل خير

وش رأيك ( الكود)

دمت بخير

[النبهاني]

وعليكم السلام والرحمه
صح لسانك ملايين يابوعبدالرحمن
وصح لسان مجارينك
حقيقه طرب ماهو اي كلام
محاوله مضلعه
موس البرايه

[أبوعبدالرحمن99]

صح الله بدنك و وجهك ابيض يا ابو فايز ،
و الكود سبقك عليه ابو ماجد و ما لكم لوا ،
صح بدنك يا ابو سالم،
تشرفت بمرورك و ما لك لوا في موس البراية
مطلوبنا يعامل بقسوة ،
اقرب رامع الى الآن راع الجيب ،
و اعذرونا على الرد الجماعي لتفادي مشكلة تكرار المشاركة
تحياتي .

[ابوماريا]

ونش سيارة
لمحبي القنص و البران

[عدم الانحياز]

ابوعبدالرحمن
انا سبق ان استخدمت الجوال في الردود ولتفادي تكرار الرد - عليك بالدخول الى
مربع الوضع المتطور مباشرة وعدم الرد من مربع الرد اللي في الصفحة الاولى ومن
ثم ضغطة واحدة بعد كنابة الرد وانتظر قليلاً - مجرب - حاول لعل وعسى
دمت بخير

[أبوعبدالرحمن99]

ما وصلت للمطلوب للحين يا ابو فايز ،
فيه كلمة في اللغز لو قريتها صح ينحل معك و لو قريتها غلط تكسر الوزن ،
و عليها تم بناء الفكرة ،
و مثلك شاعر و ما تخفاه هالامور ،
تحياتي .

[أبوعبدالرحمن99]

شكرا على النصيحة يا ابو حمد ، جاري التجربة……

شكرا جزيلا ،،
طريقة ناجحة ،،
تسلم يا غالي

[ناصر العلي]

أبوعبدالرحمن

الله يمسيك بالخير ومن حضر

ويش قولك بـ

http://www.rsxinternational.org/roadsafetyresearch/images/airbags.jpg

أو

http://www2.0zz0.com/2012/12/12/22/235170907.jpg

[أبوعبدالرحمن99]

حياك الله يا ابو علي ، و شكرا على التواجد و التفاعل ،
ما بعد وصلت للكلمة مفتاح الحل ،
دمت موفقا .

[النبهاني]

طيب يابو عبدالرحمن
مايصير البستم
وتراي غشيم بالميكانيكا

[أبوعبدالرحمن99]

البستم ما لك لوا يا ابو سالم و القسوة المقصودة تعامل مباشر ،للتوضيح .
راجع الردود و ابحث عن لفظة معينة في أحد الابيات،
و شكرا

[عدم الانحياز]

ابو عبدالرحمن
وش قلت بالحراثه والمحراث - في خاطري من الضحى
دمت بخير

[ذيب الفقارة]

صح لسانك مشرفنا القدير

أبو عبد الرحمن

.....................

انقطع افيوز قلبي من جمال الأبيات

يمكن الفيوز أو الفاز

مدري مدري مدري

تحياتي

[أبوعبدالرحمن99]

الرمعة ما لك لوا يا ابو حمد ،،
مرحبا يا حيا الله الذيب ،
هلا بمشرفنا الغالي ابو عدنان ،
تشوفت بحضورك و الرمعة خيرها بغيرها ،
تحياتي .

[النبهاني]

طيب يابو عبدالرحمن
عصى الاشاره
( الغماز )

[أبوعبدالرحمن99]

عصا الاشارة لازم تكون حنيّن معه ،:D
هذا تتعامل معه بنوع من القسوة ،
لا تباعد ،
اطيب تحية.

[ف ف]

مساء الخير

وش قولك بالهاند بريك ...نضغط عليه بقووه
ومايتبعه من هوب وسفايف بالبريك

[أبوعبدالرحمن99]

الهاند بريك ترجمتها فرامل اليد ، و هذي تسحبها ما تضغطها ،
الا اذا قصدك انها صارت من تالي دعاسة ،
لكن المفردة المطلوبة ما بعد وصلت لها ، و لو انك قريب ،
انتظر القاتلة .

[أبوعبدالرحمن99]

خلوني اروح اكتب تطبيق الحل على اللغز ،
عن اذنكم .:D

[ف ف]

هههههه الله يسعدك تلميح مابعده ولا قبله

مير العقول محجره

الفكر يحوم حول البريك .. والسيارات الامريكيه فيها الجلنط بالرجل يكون ع اليسار
والياباني يكون باليد يسحب

[ف ف]

بعض الشباب يطلع صوت بالكنداسه بالكزوز مدري وشلون اوصل الرمعه ههه

[أبوعبدالرحمن99]

هه تقريبا وصلت ،
حول البريك اللي بالرجل
لكن ما هو في الامريكي غالبا. :D

[عدم الانحياز]

ابو عبدالرحمن
شكلك تورطت - لا تدعي علي
ما بقي الا تقول الكلتش
جهز اللغز الثاني يالغالي - لا تتأخر بالانتظار
دمت بخير

[أبوعبدالرحمن99]

ابو عبدالرحمن
شكلك تورطت - لا تدعي علي
ما بقي الا تقول الكلتش
جهز اللغز الثاني يالغالي - لا تتأخر بالانتظار
دمت بخير







نعم المطلوب هو الكلتش ( القابض) و الكلمة المقصودة هي (عشّق) بتشديد الشين من التعشيق -تبديل السرعات- و السائق يدعس عليه برجله اليسار ، فأي قسوة اكثر من كذا؟؟:D
و طبعا الكلمة بدون التشديد تكسر وزن الابيات و لا يستقيم الوزن الا بالتشديد او استبدالها بكلمة (يعشَق)و هذه لا نريدها،
و هذا ما المحت له في البيت الثالث:
- التشدد اللي يحصل فيه الاجتياز-
و أما ما ورد من عبارات الغرام و الهواوي و المحبة فهي لصرف الانتباه فقط ، و البنت المقصودة هي السيارة و تخدم في الدروب كلها بامتياز ،
اتمنى يكون اللغز جاز لكم و نعتذر اذا كان غير وارد ،
مع التحية و التقدير للجميع .

[ف ف]

صح لسانك وافي وافي

ولغز كايف بيض الله ووجهك

[ابوماريا]

سلمت يابو عبد الرحمن
وبيض الله وجهك يالغالي
زين وما يجي منك الا الزين

ومليووووون كفوووووووو
يابو حمد

[عدم الانحياز]

سلمت يابو عبد الرحمن
وبيض الله وجهك يالغالي
زين وما يجي منك الا الزين

ومليووووون كفوووووووو
يابو حمد



لاهنت يالمثالي وهذا من حسن ذاتك
ولكنك فهمت غلط يالغالي
الحل ليس عندي الحل عند صاحب اللغز
اخوي الخلوق اسير النور

[أبوعبدالرحمن99]

انا مع ابو فايز و اقول كفووو يا ابو حمد ،
و مشاركتك تشهد لك بوجود الحل فيها ،
و هذا حق من حقوقك ،
فلا تتنازل عنه !
تحياتي.

[عدم الانحياز]

انا مع ابو فايز و اقول كفووو يا ابو حمد ،
و مشاركتك تشهد لك بوجود الحل فيها ،
و هذا حق من حقوقك ،
فلا تتنازل عنه !
تحياتي.


شكرا لك ولن ادعي ما ليس لي لغزك وحليته منك ولك
ولو لي حق ما خليته اخوي ابوعبدالرحمن - الموضوع منتهي
دمت بخير

[ذيب الفقارة]

كفوووووووووووو كفووووووووووووو كفوووووووووووووو

أخي الغالي

عدم الانحياز

الحل هو كما ذكرت :

كلتش

وصح لسانك ملايين شاعرنا ومشرفنا القدير

أسير النور

تحياتي