طاعه الوالدين ومنافعها

[زياد-الوافي]

السلام عليكم ورحمة الله وبركاته
كيف الحالكم ي زقرت :good2: قلت اشاركم بسالفه
صارت لي شخصيا ولو انها قصيرة لكن فيها حكمة من
طاعه الوالدين الله يعيننا على برهم ان شاء الله
ومهما سوينا لهم ماوصلنا لـلي سووه لنا ابد

والسالفه هذي قديمه شوي وحنى يا الشباب فينا
عجله وتسرع ولا نفكر بالامور بجديه
وصلت للمدينه المنوره بحكم اننا كل عطله نروح لجماعتنا هناك
واقاربنا وقابلت خوياي الي هناك وتعشيت معهم
ثم قالوا نبي نطلع للحناكيه
الحناكيه منطقه تبعد عن المدينه ب 150 كيلو تقريبا
لهم مزرعه هناك قالوا بنفطر ونستانس لاننا مانشوفك الا
بالسنه مره قلت تم معكم الا و الوالدة يوم جيت امشي قالت
تعال نبيك تودينا للحرم يايمه يابنت الحلال انا بمشي
قالت ابد والله ماتروح لين توديني الحرم اصلي فيه
دقيت على خوياي وتعذرت منهم قالوا نستناك وانا كرهت المشوار
من اوله رحت للحرم وصليت وعينت من الله خير وانا احط راسي وارقد
ولاصحيت الا على الساعه 9 الصبح الا على اكثر من 20 مكالمه
والجوال يدق وانا ارد الا واحد من الربع قال تخبر خويانا الي طلعوا
للحناكيه قلت ايه وش بهم قال صار عليهم حادث وهم يجي لهم 5
الا وانا البس ثوبي وعلى المستشفى وانا اجي الا 2 سلموا منهم
والباقين اخذو حوالي 7 شهور بالمستشفى كسور وحالتهم حاله
فقع معهم كفر وهم يمشون 220 ووقتها السياره وكاله
والحمد لله ماحصل بالحادث وفيات
وهذا عيبنا يا الشباب لاشفنا السياره وكاله مانفكر
وبعد هذي القصة لاقالت الوالده مابيك تروح والله اني اجلس
لاني عارف وراء طاعتها خيره من ربي

اتمنى القصة اعجبتكم واعذرونا على الاطاله حسيت
اني شايب عمره70 :D
لكن مع الوقت تشوف دروس والجاهل الي مايستفيد منها

اخوكم =زياد الوافي

[سحاب نجد راعي شقراء]

انت صادق يالغالي الوالدين وطاعتهم فيها البركه ومدام امك بالدنيا طع شوري خلها بعيونك وبوك بعد لا تنساه ورضاهم من رضا رب العالمين ولا تقل لهم افن الله اكبر
خل اعلمك بالسالفه هذي حاصله لي انا طال عمرك
فيه صديق لي سمعته يوم وهو يكلم امه ويقولها مااقدر لا تحرجيني مع الرجاجيل يايمه قلت وش السالفه قال ان امي تقول رح توسط لولد فلانه تقول ان امه جايه لامي وتقول خلي ولدك يطلع ولدي من السجن انهم ماسكينه يفحط قلت الي تبيه امك سوه قالي يبو نوره انا امس مطلع واحد من عيال الجيران نفس القضيه قلت سو الي تبيه امك طع شوري وهو ماشاء الله عليه كل ما يبي شي يفتح الله له باب وقلت تراك تبي تحسف بعدين ترا توفيقك الي انت فيه من الله ثم من برك بمك
وبعد ثلاث سنوات توفت امه وسبحان الله صارت اموره تنتكس وكل ما بغا شي مايحصل الا بالتعب ثمن قالي يوم من الايام يبو نوره كلمتك ترن في اذني قلت وشي قال يومك تقول ترا توفيقك من الله ثم من امك - وااتحدا تشوف واحد بار بمه وبوه ويشتكي من ضيق العيش الله اكبر من قبل ومن بعد

[زياد-الوافي]

انت صادق يالغالي الوالدين وطاعتهم فيها البركه ومدام امك بالدنيا طع شوري خلها بعيونك وبوك بعد لا تنساه ورضاهم من رضا رب العالمين ولا تقل لهم افن الله اكبر
خل اعلمك بالسالفه هذي حاصله لي انا طال عمرك
فيه صديق لي سمعته يوم وهو يكلم امه ويقولها مااقدر لا تحرجيني مع الرجاجيل يايمه قلت وش السالفه قال ان امي تقول رح توسط لولد فلانه تقول ان امه جايه لامي وتقول خلي ولدك يطلع ولدي من السجن انهم ماسكينه يفحط قلت الي تبيه امك سوه قالي يبو نوره انا امس مطلع واحد من عيال الجيران نفس القضيه قلت سو الي تبيه امك طع شوري وهو ماشاء الله عليه كل ما يبي شي يفتح الله له باب وقلت تراك تبي تحسف بعدين ترا توفيقك الي انت فيه من الله ثم من برك بمك
وبعد ثلاث سنوات توفت امه وسبحان الله صارت اموره تنتكس وكل ما بغا شي مايحصل الا بالتعب ثمن قالي يوم من الايام يبو نوره كلمتك ترن في اذني قلت وشي قال يومك تقول ترا توفيقك من الله ثم من امك - وااتحدا تشوف واحد بار بمه وبوه ويشتكي من ضيق العيش الله اكبر من قبل ومن بعد



الله يبيض وجهكك على الرد الجميل
وبذي انك صادق التوفيق انه يجي من برهم
والله يوفقنا وياكـ يا الغالي

[Al3rands]

الله يرحم الجميع

[اليامي قطر]

جزااااك الله خيررر

لكن عندي مشكله مع الوالدين الله يهديهم

بينهم مشاكل وكل واحد يتكلم على الثاني وانا الضحيه بينهم

بحكم اني الكبير كلهم يجوني الاب يقول امك وامك

والام من هنا ابوك وابوك

خربت الاخلاق معي والله حتى النفسيه صارت نفسيه شايب :mad: :mad:

[زياد-الوافي]

جزااااك الله خيررر

لكن عندي مشكله مع الوالدين الله يهديهم

بينهم مشاكل وكل واحد يتكلم على الثاني وانا الضحيه بينهم

بحكم اني الكبير كلهم يجوني الاب يقول امك وامك

والام من هنا ابوك وابوك

خربت الاخلاق معي والله حتى النفسيه صارت نفسيه شايب :mad: :mad:


الله يكون بالعون وهذي لابد تصير مع اي واحد
لكن عليك تذكرهم بالعمر الي قضوه سوى
ولاتقصر في حق واحد فيهم
وحاول تقول للوالده لاتسبين ابوي وان سبته سو نفسك زعلان وامش
وسو العكس مع الوالد يمكن تنفع :D

[اليامي قطر]

الله يكون بالعون وهذي لابد تصير مع اي واحد
لكن عليك تذكرهم بالعمر الي قضوه سوى
ولاتقصر في حق واحد فيهم
وحاول تقول للوالده لاتسبين ابوي وان سبته سو نفسك زعلان وامش
وسو العكس مع الوالد يمكن تنفع :D

الله يعطيك العافيه

ويججزاك خيرررر