المساعد الشخصي الرقمي

مشاهدة النسخة كاملة : مني لبو فايز على بعد الاوطان...الحل...عصى سليمان...حله...النبهاني...كفو


عدم الانحياز
10/08/2015, 09:10 PM
بسم الله الرحمن الرحيم
السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة

.................................................. .................................................. .....
.................................................. .................................................. .....
مني لبو فايز على بعد الاوطان
ابيات شعرٍ بالتحايا غنيه
الصايد اللي يطرح الفود نيشان
في طلقة وحده تشوف المنية
يالله تعيذه من غثى كل فتان
يالله تبارك له حياته هنية
وذا الليل انا حضرت في مجلس زان
باعتى الدواهي كاشفين الكنية
وانشد عن اللي لا من انس ولا جان
وابطى بغيره يشتقي به حنيه
ورّى لهذا عن رفيقه ولا خان
ذلل عدوه وارتضى بالدنية
ويوم اكتمل ذا اللغز رديت من شان
اقول بنتٍ للمذكر قنيه
ذكْرّتها سهوٍ ولا هي بسيان
مير انتبه دقق ودور بنيه
اللي تسلط باكلها النهم جوعان
من صرفته كم دار صارت فنيه
.................................................. .................................................. .....


ودمــتــم سـالـمـيـن

ملاحظه يالاحباب : خلصت اللغز ودقق ولاي جاعل المطلوب بصيغة المذكر وهو مؤنث فقلت ابين ذلك باضافة بيتين اهون من الاعادة ولا تهونون
ابو ماجد 2
10/08/2015, 09:29 PM
ياسيد للشعر وعمه واميره
صح لسانكملايين
قمة واسندت على قمه
وابو فايز ماشاء الله اصبح رميع من طراز نادر
والقلوب شواهد كنت وضعت لغز اسندته اليه
لعلي اعرضه لاحقا
لغز كالعاده جزيل
لعلها الرسالة من عمر بن الخطاب رضي الله عنه الى ابي عبيده بتكليفه بقيادة الجيش وعزل خالد ابن الوليد
وابو عبيده اخفاها الى حين انتهاء المعركه
عدم الانحياز
10/08/2015, 09:42 PM
ياسيد للشعر وعمه واميره
صح لسانكملايين
قمة واسندت على قمه
وابو فايز ماشاء الله اصبح رميع من طراز نادر
والقلوب شواهد كنت وضعت لغز اسندته اليه
لعلي اعرضه لاحقا
لغز كالعاده جزيل
لعلها الرسالة من عمر بن الخطاب رضي الله عنه الى ابي عبيده بتكليفه بقيادة الجيش وعزل خالد ابن الوليد
وابو عبيده اخفاها الى حين انتهاء المعركه


حيا هلا بك يالقدرة
حبيبنا وزعيمنا ابوماجد ارفق على اخيك الله يرفع قدرك
والله اني اعلم اني ما اجي نقطه في بحرك الله يجعلك تبطي حي وقوي على طاعة الله
ويصح بدنك وكلك وما كل هذا الا من جودك ومدرستك
انا اشهد ان ابو فايز بدع بدع بدع ويستاهل شرواك ولا هو غريب الطيب منك لنا كلنا
اضفت بيت يالقدوه اخير لأني حسيت ان الابهام زايد ولكني وجدت مشاركتك فلم استطيع اغفالها
دمت بخير
النبهاني
10/08/2015, 09:57 PM
وعليكم السلام والرحمه
صح لسانك ملايين يابو أحمد
غالي والله واستدت على والله غالي
محاوله
عصا سيدنا سليمان عليه السلام وتسلطت عليها الارضه
ابوماريا
10/08/2015, 10:00 PM
ما أقول الا ماشاء الله لا قوة الا بالله
أبيات رائعة بروعة راعيها
صح السانك ملا اااااايين يالغالي
ورفع الله قدرك بالدارين
يعجز اللسان عن الشكر والتقدير
لاكن الطيب ماهو غريب من أهل الطيب

لا زلت استمتع بجمال الأبيات
ولي عودة إن شاء الله بعد التركيز والتمتع
عدم الانحياز
10/08/2015, 10:04 PM
وعليكم السلام والرحمه
صح لسانك ملايين يابو أحمد
غالي والله واستدت على والله غالي
محاوله
عصا سيدنا سليمان عليه السلام وتسلطت عليها الارضه






حياك وبياك وحيا ما جبت اخوي الفاضل ابو جار الله
يصح لسانك ويسلم فكرك ويعيش راسك وكلك
ما شاء الله وبارك يالغالي اصبت واحسنت

كفو كفو كفو كفو كفو كفو كفو كفو كفو كفو كفو كفو كفو
نعم اخوي الفاضل شاعرنا النبهاني الحل هو كما تفضلت
عصى سليمان عليه السلام
سلمت سلمت سلمت
كفو كفو كفو كفو كفو كفو كفو كفو كفو كفو كفو كفو كفو
دمت طيباً سالماً موفقاً وكل اخواني
عدم الانحياز
10/08/2015, 10:07 PM
ما أقول الا ماشاء الله لا قوة الا بالله
أبيات رائعة بروعة راعيها
صح السانك ملا اااااايين يالغالي
ورفع الله قدرك بالدارين
يعجز اللسان عن الشكر والتقدير
لاكن الطيب ماهو غريب من أهل الطيب
لا زلت استمتع بجمال الأبيات
ولي عودة إن شاء الله بعد التركيز والتمتع


حيا هلا تردف هلا ومهلا
الله يبارك بك يالمثالي والروعه وجودك يالغالي
يصح بدنك وكلك يالامير وانت في نظري تستاهل اكثر واكثر لكن الجود من الموجود بدون تكلف
متعتك هي المنى والغاية وكل اخواني
دمت بخير
مسيرs
10/08/2015, 10:11 PM
ماشاء الله تبارك الله وين رحت باللغز كيف جابها النبيه زادكما الله فطنة
ابوماريا
10/08/2015, 10:14 PM
قبلة عبدالله بن حذافه
لقيصر الروم
ااااااا
ابوماريا
10/08/2015, 10:15 PM
قبلة عبدالله بن حذافه
لرأس قيصر الروم
ااااااا
ابوماريا
10/08/2015, 10:19 PM
سلمت يابو احمد
وبيض الله وجهك يامبدع

ومليووووون كفووووووووو
يابو رجالله
عدم الانحياز
10/08/2015, 10:23 PM
ماشاء الله تبارك الله وين رحت باللغز كيف جابها النبيه زادكما الله فطنة


هلا بك يالحبيب
ابومعاذ انا ما قلت اعتى الدواهي
الله يتفضل عليك بمسرات الدنيا والاخرة رضه منه سبحانه ورضى لك
دمت بخير
عدم الانحياز
10/08/2015, 10:24 PM
سلمت يابو احمد
وبيض الله وجهك يامبدع
ومليووووون كفووووووووو
يابو رجالله

وسلمت سلامة الدارين يالغالي
ووجهك ابيض ونورك يسعى بين يديك دنيا وآخرة
دمت بخير