خوف المثالي بندقٍ له مكيله ...الحل....ردم....حله...د/ناصر العلي...كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز موجه لحبيبنا الذي اصبح هالايام سيافا للغطاوي


غطوه وجتكم يالدواهي ذليله=خوف الذي بالقتل مابه مرافه
خوف المثالي بندقه لو يكيله= تلحق قصِّي اللغز رغم المسافه
تقول ياهالعود حالي عليله=هذا المثالي هقوتي مااطافه
كم غطوةٍ قبلي لفت مستحيله= ولسان حاله قال عندي تلافه
قولْ وفعلْ منْوقعْ طلقه قتيله=هذي وذي مهما تماوَه تخافه
عذروبه بدع القاف شحٍ مسيله=مبطي ومبطي عن بديعٍ يحافه
لغزي عن اللي له مهامٍ جليله=لو كان عينك عاجزه عن مشافه
قايم وكلٍ جانيٍ من حصيله=مع لعبة بالحرف سهل انكشافه
لاصار وسطه يابو فايز يذيله=بالعين لاشفته موكد تعافه
عدة حروفه لانقاطٍ يشيله= وليانقلب ياهي تخالف وصافه


مع التحية لابو فايز ولا ينسى هالبيت

عذروبه بدع القاف شحٍ مسيله=مبطي ومبطي عن بديعٍ يحافه

مع تحيات ابو ماجد

منتديات مكشات . خيمة الالغاز

[ابوماريا]

ياحبي لك يانور المنتدى
والله أعطيتنا اكثر مما نستحق
بيض الله وجهك يالغالي اليوم ودوم
وصح السانك ملايين على هالابيات الرائعه
ماشاء الله عليك
وبالنسبه لهذا البيت
عذروبه بدع القاف شحٍ مسيله=مبطي ومبطي عن بديعٍ يحافه
أنا قايلك منذ مبطي ان قول بيت عندي كقلع ضرس والله يسامح اللي كتب عند معرفي شاعر الغاز ويرفع قدره
لأنني أعاني عند كتابة أبيات شعريه رغم انها تجي معي بعض الأوقات لاكن بصعوبة
عسى الله يسهل الامور

بارك الله فيك يابو ماجد
وجاري التفكير بالمزيون

[ابو ماجد 2]

ياحبي لك يانور المنتدى
والله أعطيتنا اكثر مما نستحق
بيض الله وجهك يالغالي اليوم ودوم
وصح السانك ملايين على هالابيات الرائعه
ماشاء الله عليك
وبالنسبه لهذا البيت
عذروبه بدع القاف شحٍ مسيله=مبطي ومبطي عن بديعٍ يحافه
أنا قايلك منذ مبطي ان قول بيت عندي كقلع ضرس والله يسامح اللي كتب عند معرفي شاعر الغاز ويرفع قدره
لأنني أعاني عند كتابة أبيات شعريه رغم انها تجي معي بعض الأوقات لاكن بصعوبة
عسى الله يسهل الامور

بارك الله فيك يابو ماجد
وجاري التفكير بالمزيون


ياهلا ومليون هلا
ياهلا بالمثالي
بالعكس ماقلته عن حقك قصر لكن عشمي بغض الطرف ومجاملة العود
وقول الشعر
يقول الفرزدق: "تمر علي الساعة و قلع ضرس من أضراسي أهون علي من قول بيت شعر
هذا قول الفرزدق فماذا نقول نحن
لكن هذا مايمنع انتظار لغزك بشغف
شرفتنا يالغالي ودائما نتشرف بحضورك وبمراميعك

[ابوماريا]

محاوله قبل النوم

سلم
اي لا حروب ولا مشاحنات

سمل
ملس

[ف ف]

صح الله لسانك


رميعه للمشاركه
فالغازك يصعب علينا القراءة دون ترك بصمه بها تقديرا لك ولامثالك
واحيانا الرمي يبعد لكن تحملونا


وش رايك ب عهد

[راعي الجيب2]

وعليكم السلام ورحمة الله وبركاته

ما شاء الله احييك على التدفق السلس بالابيات ويستاهل المرسلله الابيات
رمعه \ روح الكائن الحي وتصبح بعد ذهاب الحرف الثاني رحو وهي معناها الرحا والمثل يقول دارت الرحا عليه يعني امر ينعاف وبعكسها تصبح حور ودمت سالم وغانم يابو ماجد

[ابو ماجد 2]

[SIZE="6"][الاخوة الافاضل
الرد من الجوال ولي عوده بالرد كل حده
لغزنا لايزال طليق/SIZE]

[ابوماريا]

عدل

علد / نبات شجيري ذو اشواك ينبت بالصحراء

[ابو ماجد 2]

عدل

علد / نبات شجيري ذو اشواك ينبت بالصحراء


صباح الخير يابو فايز
ولعلي ازيده بيت لتضييق الخناق عليه ويشرح البيت الاخير
عقب القسا لين وجده الدليله= في بطن معجم مايبي له كلافه
ومتي ماتواجدت عند الجهاز الحقته باللغز

[ابو ماجد 2]

محاوله قبل النوم

سلم
اي لا حروب ولا مشاحنات

سمل
ملس


ياهلابك يابو فايز
وصبحك الله بالخير
مالك لوى يالغالي
وتخالف وصافه قصدي تكاد تكون نقيضه

[ابو ماجد 2]

صح الله لسانك


رميعه للمشاركه
فالغازك يصعب علينا القراءة دون ترك بصمه بها تقديرا لك ولامثالك
واحيانا الرمي يبعد لكن تحملونا

وش رايك ب عهد

ياهلابك يابو ثامر
صبحك الله بالخير
صح بدنك والف شكر لكلمات التحفيز
واللغز يالغالي لم يعرض الا لنتشرف بالتواصل معك
مالك لوى يالغالي
وانتظر زيادة اللغز ليتحدد المطلوب اكثر

[ابو ماجد 2]

وعليكم السلام ورحمة الله وبركاته

ما شاء الله احييك على التدفق السلس بالابيات ويستاهل المرسلله الابيات
رمعه \ روح الكائن الحي وتصبح بعد ذهاب الحرف الثاني رحو وهي معناها الرحا والمثل يقول دارت الرحا عليه يعني امر ينعاف وبعكسها تصبح حور ودمت سالم وغانم يابو ماجد

ياهلا ويامليون هلا
صباح الخير
الف شكر لكلماتك الطيبه والمحفزه
الرمعه مالك لوى يالغالي

[ابو ماجد 2]

اليكم زيادة لمحاصرته اكثر


غطوه وجتكم يالدواهي ذليله=خوف الذي بالقتل مابه مرافه
خوف المثالي بندقه لو يكيله= تلحق قصِّي اللغز رغم المسافه
تقول ياهالعود حالي عليله=هذا المثالي هقوتي مااطافه
كم غطوةٍ قبلي لفت مستحيله= ولسان حاله قال عندي تلافه
قولْ وفعلْ منْوقعْ طلقه قتيله=هذي وذي مهما تماوَه تخافه
عذروبه بدع القاف شحٍ مسيله=مبطي ومبطي عن بديعٍ يحافه
لغزي عن اللي له مهامٍ جليله=لو كان عينك عاجزه عن مشافه
قايم وكلٍ جانيٍ من حصيله=مع لعبة بالحرف سهل انكشافه
لاصار وسطه يابو فايز يذيله=بالعين لاشفته موكد تعافه
عدة حروفه لانقاطٍ يشيله= وليانقلب ياهي تخالف وصافه
عقب القسا لين وجده الدليله= في بطن معجم مايبي له كلافه
فريد جنس ماتلاقي مثيله=وليانقلب بديارنا اول نِوافه
وقتٍ مضى واليوم ماثل بديله=دوره تلاشى عننا ياحسافه


البيت الاخير اعني فيه قلب اسمه

[ابو ماجد 2]

ابو فايز
ههههههههههههههه
ماصارت الزياده بيت
ماعليش الفضوه تلعب دور

[راعي الجيب2]

مشكور على الاضافه طرت علي رمعه سبة الزيادة
الرمعه \ عام وتصبح عما ون عكسته يصبح ماع اي عقب القسا لان .

[ابو ماجد 2]

مشكور على الاضافه طرت علي رمعه سبة الزيادة
الرمعه \ عام وتصبح عما ون عكسته يصبح ماع اي عقب القسا لان .


هلابك يالغالي
مالك لوي
وعقب القسا لان
اي ان صفة مااعنيه قاسي واذا عكسته اصبح مخالف فيكون لين نسبيا

[عدم الانحياز]

وعليكم السلام ورحمة الله وبركاته
منبع الابداع والامتاع القدوة ابو ماجد
صح لسانك ودامتك حياتك غني وقوي على طاعة الله
ويستاهل المثالي الطيب كله شروى اخواني
مرور تقدير واشادة - وان تهيا رمعة ماذخرناها
دمت بخير

[ابو ماجد 2]

وعليكم السلام ورحمة الله وبركاته
منبع الابداع والامتاع القدوة ابو ماجد
صح لسانك ودامتك حياتك غني وقوي على طاعة الله
ويستاهل المثالي الطيب كله شروى اخواني
مرور تقدير واشادة - وان تهيا رمعة ماذخرناها
دمت بخير


ياصباح الخير يابو حمد
الابداع والامتاع عندكم ينابيعه الله لايحرمنا مددها
صح بدنك واشركك الله في دعائك
وزادك الله تالقا
شرفني مرورك العطر وكلماتك الطيبه

[ابوماريا]

ابو فايز
ههههههههههههههه
ماصارت الزياده بيت
ماعليش الفضوه تلعب دور



هههههههه
زادك الله عافيه أيها المبدع

لغزك هذا حتى وانا نايم أفكر فيه
لاكن يجيبه الله
والبوارديه واجد ماشاء الله عليهم
ماراح يتركونه

[ابو ماجد 2]

هههههههه
زادك الله عافيه أيها المبدع

لغزك هذا حتى وانا نايم أفكر فيه
لاكن يجيبه الله
والبوارديه واجد ماشاء الله عليهم
ماراح يتركونه


هلا بالمثالي
الله يحييك
عاد هالنوعيه من الالغاز هن اللي كانن مايعوقن معك

[ابوماريا]

جاري التفكير يالغالي
لا يطري عليك حله
ههههههه

[ابوماريا]

لحد
لدح
دحل

اااااااااااا

[نجم القوافي]

لحد
لدح
دحل

اااااااااااا

http://z511yw.blu.livefilestore.com/y1pR1SLwVTeovChkgBGqqHmmuK0LD2FTyGWtxbv6kmg7T0tU-Pr2T_4Q7MRr49hdOdv_djCyzixNaNf3mEZpjRHsg/%D8%B3%D9%84%D9%85%D8%AA%20%D9%8A%D8%AF%D8%A7%D9%8 3%5B1%5D.gif

وصح لسانك يازعيم
غالى وأسندت على غالي
ومشاء الله عليك يابو ماريا
معك يالغالي وبانتظار الزعيم

[ابو ماجد 2]

لحد
لدح
دحل

اااااااااااا


رمعه طيبه ولو اني ماعرف معنى لدح
لكني وجدته بالمعجم الرجل الذي لايفي بالوعود
الرمعه كما قلت طيبه لكن مااعنيه متفرد بالوصف لامثيل له
بينما اللحد موجود بكل قبر وبكل ديره واللحد تراه قبل ان يوضع فيه الميت

[ابو ماجد 2]

http://z511yw.blu.livefilestore.com/y1pR1SLwVTeovChkgBGqqHmmuK0LD2FTyGWtxbv6kmg7T0tU-Pr2T_4Q7MRr49hdOdv_djCyzixNaNf3mEZpjRHsg/%D8%B3%D9%84%D9%85%D8%AA%20%D9%8A%D8%AF%D8%A7%D9%8 3%5B1%5D.gif

وصح لسانك يازعيم
غالى وأسندت على غالي
ومشاء الله عليك يابو ماريا
معك يالغالي وبانتظار الزعيم


صح بدنك يانجمنا المحبوب
رمعه طيبه وما يجي منك ومن ابو فايز الا الطيب
لكن مااعنيه لاثاني له في وصافه متفرد بكل ماتعنيه الكلمه

[ابو ماجد 2]

اليكم زيادة وان شاء الله مابعدها الا الذباحه


غطوه وجتكم يالدواهي ذليله=خوف الذي بالقتل مابه مرافه
خوف المثالي بندقه لو يكيله= تلحق قصِّي اللغز رغم المسافه
تقول ياهالعود حالي عليله=هذا المثالي هقوتي مااطافه
كم غطوةٍ قبلي لفت مستحيله= ولسان حاله قال عندي تلافه
قولْ وفعلْ منْوقعْ طلقه قتيله=هذي وذي مهما تماوَه تخافه
عذروبه بدع القاف شحٍ مسيله=مبطي ومبطي عن بديعٍ يحافه
لغزي عن اللي له مهامٍ جليله=لو كان عينك عاجزه عن مشافه
بمهمته آمنت لو ماأجي له=بكتاب ربي يابن الاجواد وافه
قايم وكلٍ جانيٍ من حصيله=مع لعبة بالحرف سهل انكشافه
لاصار وسطه يابو فايز يذيله=بالعين لاشفته موكد تعافه
عدة حروفه لانقاطٍ يشيله= وليانقلب ياهي تخالف وصافه
عقب القسا لين وجده الدليله= في بطن معجم مايبي له كلافه
فريد جنس ماتلاقي مثيله=وليانقلب بديارنا اول نِوافه
وقتٍ مضى واليوم ماثل بديله=دوره تلاشى عننا ياحسافه


البيت الاخير اعني فيه قلب اسمه

[ناصر العلي]

وعليكم السلام ورحمة الله وبركاته

صح لسانك ياأبوماجد

وبيض الله وجهك

وغالي ومسند على غالي

مايصير

ردم

مدر

رمد

[مسيرs]

وعليكم السلام ورحمة الله وبركاته

صح لسانك ياأبوماجد

وبيض الله وجهك

وغالي ومسند على غالي

مايصير

ردم

مدر

رمد
يسعد مساك ياامام
ماعندي الا التطفل على رمعت الوحش واعجبتني كثرا
من يريد كسب الرهان فعليه السير مع ايو علي وله دور فعال في استقرار السوق

[ابو ماجد 2]

وعليكم السلام ورحمة الله وبركاته

صح لسانك ياأبوماجد

وبيض الله وجهك

وغالي ومسند على غالي

مايصير

ردم

مدر

رمد


هاللغز ذبحن عيا ينحل مغطته لكن الحمدلله
انقذتن من لايمغط اكثر
كنت متوقع بعد مادرجت هالبيت انه سينحل

بمهمته آمنت لو ماأجي له .. بكتاب ربي يابن الاجواد وافه
كفووووووووووو كفوووووووووووووو كفوووووو
نعم
ردم
واعني به ردم ذو القرنين
والف شكر لكل من مر فقد كانت مراميعهم قريبه واخص ابو فايز
شرح اللغز

غطوه وجتكم يالدواهي ذليله=خوف الذي بالقتل مابه مرافه
خوف المثالي بندقه لو يكيله= تلحق قصِّي اللغز رغم المسافه
تقول ياهالعود حالي عليله=هذا المثالي هقوتي مااطافه
كم غطوةٍ قبلي لفت مستحيله= ولسان حاله قال عندي تلافه
قولْ وفعلْ منْوقعْ طلقه قتيله=هذي وذي مهما تماوَه تخافه
عذروبه بدع القاف شحٍ مسيله=مبطي ومبطي عن بديعٍ يحافه
اشاده بحبيبنا ابو فايز والتنويه بمهارته بتفكيك الالغاز
ولاينسى ابو فايز البيت اللي يحثه على تشنيف آذاننا ببديعه
لغزي عن اللي له مهامٍ جليله=لو كان عينك عاجزه عن مشافه
نعم مهماته صد جوج وماجوج
بمهمته آمنت لو ماأجي له .. بكتاب ربي يابن الاجواد وافه
هذا هو البيت الذي اضفته ولعله هو ماقرب رمعته اكثر

قايم وكلٍ جانيٍ من حصيله=مع لعبة بالحرف سهل انكشافه
الكل جنا من حصيله بصدهم عنا
لاصار وسطه يابو فايز يذيله=بالعين لاشفته موكد تعافه
هنا يصبح رمد والرمد يصيب العين وتصبح العين مقززه لشدة حمارها وتكون الصديد حواليها
عدة حروفه لانقاطٍ يشيله= وليانقلب ياهي تخالف وصافه
القلب مدر والمدر الطين المتماسك
عقب القسا لين وجده الدليله= في بطن معجم مايبي له كلافه
نعم بطل ماهو قاسي مكوناته الحديد اصبح طين ومعنى مدر نوهت انها فصيحه
فريد جنس ماتلاقي مثيله=وليانقلب بديارنا اول نِوافه
فريد لامثيل له وليانقلب كنا اول نشيد البيوت من الطين
وقتٍ مضى واليوم ماثل بديله=دوره تلاشى عننا ياحسافه

[ابو ماجد 2]

يسعد مساك ياامام
ماعندي الا التطفل على رمعت الوحش واعجبتني كثرا
من يريد كسب الرهان فعليه السير مع ايو علي وله دور فعال في استقرار السوق

تاييد موفق
بيض الله وجيهكم جميعا
واللغز يبدو اني لاويه فوق اللزوم لكن البيت الذي الحقته اخيرا خففه

[ابوماريا]

ياسلام عليك يابو ماجد
مبدع مبدع مبدع

ومليوووووون كفووووووووو
يابو علي
ريحتني الله يريح بالك
تحياتي لكم