مشكلتي مع حرارة الفتك

[وجه النهار]

اخواني الأعزاء
السلاه عليكم ورحمة الله وبركاته
معي باترول فتك صالون 2008
فيه مشكله بالحرارة ترتفع لين النص أو أقل شوي
مع المكيف لا صار الموتر واقف
وأول ما أمشي تنزل الحرارة وترجع طبيعي تحت الربع
فكيت البلف وكان ع كلام المكانيكي قافل
(خفت المشكلة شوي) بس ما زالت موجودة
مع العلم إن الإديتر لم اسوي فيه أي شي
من تسييخ وتنظيف
ولم أغير غطاء الاديتر
أرجوا من اللي عنده خبره بهـ الشي
أن يفيدنا مأجورا
وإن كان فيه محل متخصص يدلنا عليه
مع العلم أن مكان السيارة بريدة

[ابوشعيل97]

حياك الله نفس المشكله الي عندي بس انا زايد عليك ان عزم الموتر ضعييف مرره

[وجه النهار]

حياك الله نفس المشكله الي عندي بس انا زايد عليك ان عزم الموتر ضعييف مرره


الله يعينك
شاكراَ لك المرور على موضوعي
وبنتظار من يفيدناااا
وفق الله الجميع لكل ما يحب ويرضى

[ms662]

نفس مشكلتك بالضبط
فاصرت اذا باوقف انتظر والمكيف شغال ادعس للموتر واخلي الضغط على واحد ونص فصارت الحراره اعلى من الثلث بشي بسيط

[أبو الوليد 14]

اخوي اذا توصلت لحل لهالمشكلة ...
ياليت ترد لنا وش سويت بالموتر الله لا يهينك

[م.سعيد]

ابدأ بالاسهل..
غير غطا الرديتر اذا فيه تنسيم والماء ينقص..
صيخ الرديتر لانه لابد مع الوقت تتسكر بعض المواسير الداخلية ولو جزئياً.. اعتبرها صيانة وقائية

[ابوسند9]

وعليكم السلام
اخوي دام البلف قافل على كلام المهندس المفترض ركبت جديد واصلي ,,
اي سيارة با العالم بدون بلغ مع الممشى الحراره على الخط الاخر
وكل ما استمريت با الوقوف بالزحمات توصل H ,لذا رجع البلف وان شاء الله تضبط
واذا رجعت البلف واذا ما زبطة الحراره ,فا لازم تسوي تصييخ للاديتر ,,لان خلايا تبريد اديتر الفتك ضيقه با الحيل وتتسكر من اي شي ومنها شيك على طرمبة الماء
وااللى تبي الزبده دامك من بريدة ,,اطلع مع الشارع التجاري وجهك جنوب ,, وقبل ما ينتهي الشارع ب 50 متر شوف محل السيف للاديتر على يدك اليسار ,, المحل اللي قبل السيف اي ملاصق للسيف فيه هندي فنان واعتقد اسم الورشة العمري يعلمك وش المشكله ويكشف على التماتيك, ودامك ما قد سويت صيانه انصحك مر التويجري لقطع الغيار وهو جنب المحل واشتر طبلات اديتر اعلى واسفل ,من شان ما يجي يوم لا قدر الله وتنفجر عليك احد الطبلات ,ويالله جب السطحه رد السطحه

[hamido]

تاكد من المراوح حقة الاديتر شغالات كل السرعتين ولا لا ايضا تماتيك المروحه شيك عليه وهل الماء الي كان فيه اخضر ولا عادي

[aklubiam]

مراوح وسوي تسييخ راديتر رجع البلف.

[وجه النهار]

بارك الله في جميع من شارك وأبدا رأيه
وبإذن الله نبي نسيخ الإديتر
وإن شاء الله تكون النتايج طيبة
اسأل الله الكريم أن لا يريكم مكروه

[السليطين]

خذ الكلام الاكيد باذن الله ...



اولا صيخ الاديتر . واذا مانفع ...

اوزن الديلكو ...





الفتك لايتعدى هذين السببين ....



اسأل مجرب ولا تسال طبيب

[وجه النهار]

خذ الكلام الاكيد باذن الله ...



اولا صيخ الاديتر . واذا مانفع ...

اوزن الديلكو ...





الفتك لايتعدى هذين السببين ....



اسأل مجرب ولا تسال طبيب


بيص الله وجهك يالذيب
ع المعومااات
بارك الله فيك

[عصاقيل الدخله]

نفس المشكله مع خويي عنده فتك
مثل ما قالوا الشباب وتـأكد من الكاور حق المروحق القطعه اللي تحت ترى غالبا تطيح ويضيع الهواء

ملاحظه تحت التجربه // حاليا طالبين له مراوح كهرب من برى وبنركب له اديتر جمس بعد ما سوينا بحث عميق بالموضوع وتوصلنا لنتائج ممتازه
وبالتوفيق للجميع

[السيل يدربي]

اذا السيارة واقفة تطلع الحرارة كثير واذا مشيت نزلة الحرارة فلمشكة عندك ضعف فى كمية الهواء المارة من خلال الاديتر فلا يستغفلونك اهل الورش وكل واحد يقولك نظف وغير واوزن ومن هالكلام الفاضى فلحل ونا اخوك شيك بنفسك هل مراوح التبريد شغالة لاانة اذا تعطلت واحدة فهواء المسحوب يدخل من خلال المروح الواقفة ولا يمر من خلال الاديتر وبتالى الحراة تطلع اذا السيارة واقفة او تمشى ببطى ها الكلام ينطبق على السيارات التى لايوجد بها مروحة على العامود مثل السيارات الامريكية وتكون المراوح داخلية كذلك تاكد من تماتيك المروحة والصاجات تكون مركبة صح لكى لاتضيع الهواء او تسحب هواء دون ان يمر من خلال الاديتر وسلامتك

[hamido]

اذا السيارة واقفة تطلع الحرارة كثير واذا مشيت نزلة الحرارة فلمشكة عندك ضعف فى كمية الهواء المارة من خلال الاديتر فلا يستغفلونك اهل الورش وكل واحد يقولك نظف وغير واوزن ومن هالكلام الفاضى فلحل ونا اخوك شيك بنفسك هل مراوح التبريد شغالة لاانة اذا تعطلت واحدة فهواء المسحوب يدخل من خلال المروح الواقفة ولا يمر من خلال الاديتر وبتالى الحراة تطلع اذا السيارة واقفة او تمشى ببطى ها الكلام ينطبق على السيارات التى لايوجد بها مروحة على العامود مثل السيارات الامريكية وتكون المراوح داخلية كذلك تاكد من تماتيك المروحة والصاجات تكون مركبة صح لكى لاتضيع الهواء او تسحب هواء دون ان يمر من خلال الاديتر وسلامتك

غير صحيح وانا اخوك انه مايرفع اذا كان حنا نقوله يبداء بالاسهل بعد التشييك على المراوح لان الاديتر متسكره بعض مواصيره فاعتبر انك تمشي بنص اديتر وهواء العاده الي كان يبرده مايلحق لان دورة الماء قصرت واما بالنسبة لوزن الديلكو اذا كان معك فتك قصر عليه وجرب ترتفع ولا لا

[السيل يدربي]

غير صحيح وانا اخوك انه مايرفع اذا كان حنا نقوله يبداء بالاسهل بعد التشييك على المراوح لان الاديتر متسكره بعض مواصيره فاعتبر انك تمشي بنص اديتر وهواء العاده الي كان يبرده مايلحق لان دورة الماء قصرت واما بالنسبة لوزن الديلكو اذا كان معك فتك قصر عليه وجرب ترتفع ولا لا

عذرا اخوى ماهو الغير صحيح لكى اتمكن من التصحيح باالنسبة للاديتر اذا بعض المواسير متسكرة فاالحرارة تطلع سواء واقف او ماشى لان الرجال يقول الحرارة تطلع اذا المكيف شغال والسيارة واقفة وسلامتك

[احمد النزهه]

ركب بلف حرارة ديزل تويوتا موديل 2002 وشف الحرارة

[hamido]

ماهب شرط اذا كانت بعض المواصير متسكره يرتفع فقط مع السرعه والوقفه مع المكيف اما الي يرتفع دايم هذا اديتره متسكر اغلبه والمسأله سهله ولا هي خساره وبالنسبه للديلكو يرفع الحراره اذا كان قاصر ...طبعا الديلكو مايفحصه الاواحد متخصص باترولات لانه ماهب كلن يعرفله كذالك قد تكون نقص تهويه مثل ماتفضلت

[cz527]

هل الموتر تشم فيه ريح بنزين خصوصا وقت الظهر؟

[ms662]

هل الموتر تشم فيه ريح بنزين خصوصا وقت الظهر؟
عندي نفس مشكلة الرجال واظهر ريحة بنزين

[cz527]

عندي نفس مشكلة الرجال واظهر ريحة بنزين

البلا من ريحة البنزين
مع وقت الظهر خصوصا عند ارتفاع درجة الحرارة يبدا البنزين يتبخر و هذا شي طبيعي
المشكلة بالفتك من اللي اللي تحت الفحامة يطلع البخار و ينحشر داخل الكبوت خصوصا
اثناء الزحمات و الوقوف الطويل فيكتم المحرك و يرفع درجة حرارة السيارة و تلاحظ الشي
هذا خلال الوقوف لمدة20دقيقة تقريبا و كذلك له دور برفع الحرارة اثناء المشي لكنه بسيط
جدا لدخول الهواء بسرعة اكبر من الامام فالبتالي يسهل خروج البخار من الكبوت.
الحل
فيه لي سميك تحت الفحامة و هي العلبة السودا اللي بين فلتر الهوا و الاديتر
اللي هذا متفرع منه لي صغير مدري وين يروح ولا علينا منه
اللي كبير مايجي طوله 20سم نهايته مفتوحة و داخل الكبوت فيلزم احضار توصيلة
بلاستيك او حديد مقاس اللي و توصيلها بلي اخر بطول 1متر و 20سم او 30 بالكثير
و من ثم سحبه للاسفل بين الاديتر و الفحامة الى ان يصل الشاص من الجهة الخارجية
و من ثم ثنيه من جهة الصدام الى ان يصل الطرف الايسر للصدام من الداخل
و تثبيت اللي لكي يقوم بطرد البخار خارج الكبوت و يكون للخارج بعيدا عن القزوز

طبعا قد يكون الخلل من احد ليات البنزين المهترية و اللتي يتبخر منها البنزين
او من القزوز بسبب التنسيم و تسرب نواتج الاحتراق داخل الكبوت لكونها حارة
و كذلك بسبب ثاني اكسيد الكربون الذي سوف يكتم المحرك