سبحان من حط المخاليق بقسام

[عجيبان]

السلام عليكم
اخواني انا عندي قصيده كتبتها قبل شهر وانا مسافر من الطايف الى الرياض وحبيت اشاركها معكم وان كان فيه اي خلل بالقاف او الوزن او المعنى ياليت يكون فيه نقد يفيدني بالمستقبل

واقول فيها


سبحان من حط المخاليق بقسام
مافيه قسمً يتفق مع نديده
قسمً مع جنه ورضوان و انعام
قسمً بوسط النار يشرب صديده
يالله تجعلنا تحت عرشك اقيام
واجعل جهنم من عبادك بعيده
المؤمنين الي مع الجوع صيام
الي عسف نفسه ولوهي عنيده
يوم القيامه قرب والناس نيام
ماحدً تجهز لرحيل وشديده
كم واحدً راحت حياته توهام
اوهمه شيطانه حياةً سعيده
قد قالها بندر قبل عدة اعوام
من كان مع ربه حباله جويده
والموت حق وكل من عاش مادام
مادام غير الي صفاته حميده
والصبر زين ولو مع الصبر ماضام
مايخلف الصابر سوات الضميده
واحذر تخاوي لك من الناس شتام
لادارت ضروف الزمان العنيده
لاهو يجيب الخير للحق ماقام
جعله يموت وكلمته في وريده
والطيب لوينباع بالسوق ويسام
جعل الذي سامه سنينه مديده

وسلامتكم جميع
طبعً سبب القصيده كنت مشغل شريط لبندر ابن سرور ، وفي احد قصايده جا هاذا البيت ويقول فيه
حبله يورد طيبات المواريد
لاصار مع ربه حباله جويده
وانا اخذت معنى البيت اكثر من نصه

[أبوعبدالرحمن99]

صح لسانك ،
مشاركة طيبة ،
و محاولة جيدة كبداية ،
هناك بعض الملاحظات في الوزن ،
و طريقة تناول الموضوع تقليدية عادية ،
اتمنى ان تحرص مستقبلا على طرح تراكيب و افكار جديدة ،
الملاحظات لا تقلل من قيمة النص و لكن اوردناها حسب طلبك،
تحياتي

[عجيبان]

صح لسانك ،
مشاركة طيبة ،
و محاولة جيدة كبداية ،
هناك بعض الملاحظات في الوزن ،
و طريقة تناول الموضوع تقليدية عادية ،
اتمنى ان تحرص مستقبلا على طرح تراكيب و افكار جديدة ،
الملاحظات لا تقلل من قيمة النص و لكن اوردناها حسب طلبك،
تحياتي

صح بدنك وجعلني ماخلى منك يالغالي
ياليت لو توضح لي وين المشاكل بالوزن والتصحيح لها

[أبوعبدالرحمن99]

سبحان من حط المخاليق باقسام
مافيه قسمً يتفق مع نديده
قسمً معــ(ــه) جنه ورضوان و انعام
قسمً بوسط النار يشرب صديده
يالله تجعلنا تحت عرشك اقيام
واجعل جهنم من عبادك بعيده
المؤمنين الي مع الجوع صيام
اللي عسف نفسه ولوهي عنيده
يوم القيامه (قرب) والناس نيام
ماحدً تجهز للرحيل وشديده
كم واحدً راحت حياته توهام
اوهمه شيطانه حياةً سعيده
قد قالها بندر قبل عدة اعوام
من كان مع ربه حباله جويده
والموت حق وكل من عاش مادام
مادام غير الي صفاته حميده
والصبر زين ولو مع الصبر ماضام
مايخلف الصابر سوات الضميده
واحذر تخاوي لك من الناس شتام
لادارت ضروف الزمان العنيده
لاهو يجيب الخير للحق ماقام
جعله يموت وكلمته في وريده
والطيب لوينباع بالسوق ويسام
جعل الذي سامه سنينه مديده




لفظة )قَرْب( بالسكون غير شائعة الاستخدام و بالشدة تكسر الوزن .

[عجيبان]

قسمً معا جنه ورضوان وانعام

بالنسبه للي انكتب فوق هاذا غلط املائي

[عدم الانحياز]

وعليكم السلام ورحمة الله وبركاته
وصح لسانك ياعجيبان والله يعطيك العافية
والحقيقة انا قريت القصيدة واعجبتني واشوف انها حلوه خاصة وان كلامك بطلب النقد
يدل على الحاجة للدعم المعنوي لرفع الثقة بالنص المطروح وليس بالنفس واللي اظن ان
ملاحظاته مجرد اختلاف لهجات ما تعيبة و(معه) اشوف انها افضل من (معا) بحسب
وجهة نظري وتراي اكتب وانا خجل لأني اجد عندي انا الكثير من الاخطاء في احوال كثيره
والخطا مستدرك هذا ما حبيت ان اشارك به - وهو حسب امكانياتي المتواضعه اللي والله ما
تقارن بحال من الاحوال مع الامكانيات العالية لخوي الفاضل ومشرفنا القدير ابو عبدالرحمن
فهو استاذ ونتعلم منه .
دمت سالمين

[عجيبان]

وعليكم السلام ورحمة الله وبركاته
وصح لسانك ياعجيبان والله يعطيك العافية
والحقيقة انا قريت القصيدة واعجبتني واشوف انها حلوه خاصة وان كلامك بطلب النقد
يدل على الحاجة للدعم المعنوي لرفع الثقة بالنص المطروح وليس بالنفس واللي اظن ان
ملاحظاته مجرد اختلاف لهجات ما تعيبة و(معه) اشوف انها افضل من (معا) بحسب
وجهة نظري وتراي اكتب وانا خجل لأني اجد عندي انا الكثير من الاخطاء في احوال كثيره
والخطا مستدرك هذا ما حبيت ان اشارك به - وهو حسب امكانياتي المتواضعه اللي والله ما
تقارن بحال من الاحوال مع الامكانيات العالية لخوي الفاضل ومشرفنا القدير ابو عبدالرحمن
فهو استاذ ونتعلم منه .
دمت سالمين

الله يطول عمرك اخوي الغالي وصح بدنك
اشكرك على كل ماقلته جعلني ماخلى منكم يامشرفينا

[أبوعبدالرحمن99]

اذا كنت تتعلم مني يا ابو حمد اجل انا ممن اتعلم ؟؟:D
بارك الله فيك يا عجيبان على تقبل النقد و ما قصرت يا ابو حمد على المداخلة الطيبة ، و شكرا للجميع على المرور و الحضور و المشاهدة .