وش الحل مع الكلاب اعزكم الله

[رعود الحجاز]

السلام عليكم ورحمة الله وبركاته

ياخوان انا مشكلتي مع الكلاب اعزكم الله

عندي بالمزرعه فيه كلاب صغيره ( مقدر استغني عنها بعد الله لحماية الحلال والطيور من ابا الحصين وغيره )

وكل ليلة تجيك كلاب داشره وتسهر معها وفله وقلة حيا

الى هنا كل شي تمام

بس انها تحوس المزرعه وتحفر عن جذور الشجر
وتجيب الجيفه الميته اعزكم الله وترميها بالمزرعة !
لاعاد هذا ماينسكت عليه
حاولت اني اطردها وتروح ولكن احصلها باليوم الثاني
عددها فوق الخمسة كلاب ، وانا خايف انها تعود على الحلال وتاكله
هذي كلاب ضاله وينخاف منها
من الطرق الي جات ببالي اني احط لها سم ولكن بتاكله الكلاب الي عندي
والشي الثاني فكرت اني اقتلها ولكن اسمع كثير يقول القتل حرام !
طيب والحل !!

استفسار اخير : سمعت ان السلاح الي ترمي فيه الكلب او ابا الحصين ماعاد ينفع ويفقد تصويبه :D
وش رايكم انتم بهالخرافه صدق ولا خرافات

[سلطا]

السلام عليكم ورحمة الله

الحل
اشبك الكلاب الي عندك حول شبك الطيور

وسسم للكلاب الي تجي
عندك

[ناصح]

السلام عليكم ورحمة الله

الحل
اشبك الكلاب الي عندك حول شبك الطيور

وسسم للكلاب الي تجي
عندك

كلام سليم

لكن من الأصل عندك مشكلة في تدريبها

المفروض الكلاب التي عندك تطرد كل غريب حتى من الكلاب الأخرى

[ذيب الفقارة]

هههههههههههههههههه

والله وانا اخوك خرافة

عندنا ما يحبون احد يرمي الحمام ( قديم )

ولذلك كانوا يقولون لنا أن الحمام ( لطم ) يعني

البندق اللي ترمي بها الحمام ما عاد تصيد

تحياتي

[تزبطي]

..........

[تزبطي]

كﻻبك داشره ههههههه امزح عليك

بس غريبه اخبر الكلب الحراسه مايخلي شي يجي مكانه لو كﻻب زيه

الحل خذ كﻻبك وارمها بعيد وحط كلب مدرب
او درب لك جرو بطريقه كويسه


الحل الثاني اربط كﻻبك بحبل طويل اشوي يسمح لها بالحركه وحط السم بعيد بحيث ماتوصل له

ترا الكﻻب الظاله تنقل امراض خطيره جدا منها السعار الله يستر عليك

وموفق

[خليل909]

افادوك الاخوان ولاكن سالفة ان السلاح الي ترمي فيه الكلاب يفقد صوابه هذي خرافه مالها اي صحه

[رعود الحجاز]

بيض الله وجيهكم ماقصرتو

[رفيق الأمل]

وعليكم السلام ورحمة الله وبركاته



اخي الكريم النقطة الحلوة اترك عنك تفكير السلاح فهم حيوانات بهائم لا علم فيهم ولا شي

ان الكلاب اعزنا الله التي عندك اعتقد انك حاطهم في المزرعة منذ كانوا جراوه وياليتك لو حاطهم في شبك من كان عمرهم شهرين ونصف الي 10 شهور وهم في الشبك بعدين راح يطردون اي دخيل حتى لو كان كلب اخر راح يطردونه ومن المعروف بأن الكلاب يحددون منطقة خاصة لهم فأنا لدي كلاب حراسة يحرسون الحلال من اغنام وطيور ودجاجه وغيرهم وكل هذا نفس ماذكرته لك ولله الحمد

[ناصح]

وعليكم السلام ورحمة الله وبركاته

اخي الكريم النقطة الحلوة اترك عنك تفكير السلاح فهم حيوانات بهائم لا علم فيهم ولا شي

ان الكلاب اعزنا الله التي عندك اعتقد انك حاطهم في المزرعة منذ كانوا جراوه وياليتك لو حاطهم في شبك من كان عمرهم شهرين ونصف الي 10 شهور وهم في الشبك بعدين راح يطردون اي دخيل حتى لو كان كلب اخر راح يطردونه ومن المعروف بأن الكلاب يحددون منطقة خاصة لهم فأنا لدي كلاب حراسة يحرسون الحلال من اغنام وطيور ودجاجه وغيرهم وكل هذا نفس ماذكرته لك ولله الحمد


كلام سليم
:good:
ياليت فضلا لا أمرا تفرد موضوع عن
طريقة تربية كلاب الحراسة
بحيث تحرس من كل دخيل
ولا تعتدي على الحلال سواء غنم أو دواجن

بارك الله فيك

[باوزير]

اعوذ بالله سهر و قلة حيا

وين الهيئة عنهم

ههههههههه

اربط كلابك ليلة و سمم الكلاب الشاردة

[رعود الحجاز]

^ لا وابشرك فيه حمل وابناء غير شرعيين :D

شكرا اخوي الناصح افدتني بالطريقه وان شاء الله بطبقها

[FJ3230]

اطردهم مرة مرتين
مانفع دواهم الشوزن

[نمر شهبة]

انتبهه وانا اخوك من الكلاب الداشره والدرباويه

احيانا يجيبون الشبهه وانتبه لكلابك لا يتعاطون

معهم الجيف ويدمنون عليها

وبعدين الله يعينك على الشراب والادمان

والتسكع الى الفجر في المزرعه

ترا الوضع خطير جدا

عندي اقتراح شوف لك كلب طيب

من احد المزارع اللي جنبكم ينصحهم

وان شاء الله خيررررر

قول خلك من تدليع الكلاب ما بقي غير الكلاااااااب تدلع

عليك ب





















































السلاح الاحراش

امحط الكلب لين اماعيه تخرج من ..................

اجل ايش بقيتم للنمور العربيه اذا تدلعون

الكلااااب

[سلطا]

اذا على التدريب
خذه جرو وحطه في شبك ولاحد يجيه الا انت والراعي

شربه من لبن الغنم الي عندك عشان يتعود عليها

طريقتي انا
احط للجرو الي عندي بيض ني وخليه ياكلها والبيض الني فتامينات
والحين كبر الحمار

تتخيل اذا شاف غريب ينبح ومن القهر يعض الشبك

[ورد الربيع]

اولا نصيحة لوجه الله لا تقتل كلب
فالكلب يبقى كلب والناس تبي الاجر
ولنتذكر جميعا المرأة التي سقت كلبا
فغفر لها ودخلت الجنة .
الحل شف ماهو سم الحل اذا عندك
شوزن وفشق ناعم :D
يعني 9 او 7 ونص شوزن وتطردهن
بالموتر واذا ابعدن مسافة كافية بحيث
ان الطلقة ماتخترق مقفا الذيخ يعني
ابقدرها لك 100 متر عطهن كم طلق
بس وهن مقفيات تراه يبي يبلش بمقفاه
من حرارة الحلبي يلكعه لكع مثل الكي
ولا يضره لو تسويها مرتين انس انهن يعودن
واي كلب يرمى وينسه الفشق تلقاه لو سمع
صوت شكمان يقبع تقل مطيور من الخوف
اما الكلب فيبقى كلب وابن كلب ما يترك تجميع
الولايش والجيف لانها فطرة الا بعض الكلاب
المثقفة والواعية :D
امزح اقصد الكلاب اللي اكلهن كل يوم ماهو تجوعه
وتبيه مايجيب ولايش وجيف اكيد بيضطر ولا يموت
عند الضرورة تحل المحرمات استغفر الله اهههههه

[gnoobe]

:D:D:D:D:D:D كان الله في عونك

[الشيخ الظريف]

ابحث لك عن الضبع ولو صغير واتركه يوم بالمزرعه ما رايح تلاقي كلب واحد

[رعود الحجاز]

لاهنتم على النصايح اليوم محطتها بالسكتون الهواء اصابات في مناطق غير حساسه بحيث يحس بلهيب الرصاصه ولايموت :D
لكن المشكله بعد نص ساعه احصلها ترجع مره ثانيه :(


الشيخ الظريف : الضبع وين احصله ولو حصلته يعني ماياكل الحلال والطيور والدجاج ؟ مش ممكن

[ابو صقر ٧٧٧]

سكر ابواب المزرعه او سكر الفتحات اللي تدخل منها الحصانيه والكلابه الله يكرمك ( او تضرب الكلاب الدخيله على المزرعه مره مرتين لين يخافون من المزرعه > بس هل يجوز او لا ماعندي خلفيه ) علمنا وش يصير معك

[الشيخ الظريف]

اوضع الضبع داخل قفص حديدي ولكن المشكله ان كلابك ستهرب معها