المساعد الشخصي الرقمي

مشاهدة النسخة كاملة : عمود الدينمو اليوكن هل يمكن اصلاحه ؟


ابوالقعقاع
15/08/2015, 08:56 PM
السلام عليكم ورحمة الله وبركاته
مساكم وصباحكم خير ومعزهً

السياره يوكن سعودي 2001

المشكلهً تعطل الدينمو وقامت اللمبات
تشر وعداد البطاريه بعد مافك البنقالي
الدينمو قال عمود الدينمو ضارب اللي هو
اخره النحاسي اللي يركب عليه الفحمات

الان السوال

هل يمكن تغيره ؟

وإذا الاجابه نعم أي مكان بالرياض ؟

وكم سعر الجديد والمستعمل ؟
حسب ماسمعت غالي المأخوذ

انتظر إجابتكم

،
ابوالقعقاع
16/08/2015, 04:29 AM
المشاهدات ٤٤ ولا احد رد ؟!!!؟
المميـز
16/08/2015, 11:14 AM
:

لاتعتمد على كلام كهربائي واحد .. جرب غيره لين يجتمعون على الخلل بالضبط
وبالنسبه لاسعار القطع اسأل عن اصلي السوق بمحلات قطع الغيار لعله يكون بسعر مناسب وجديد افضل من المستعمل

؛
ابوالقعقاع
16/08/2015, 12:59 PM
المميز

بيض الله وجهك . . . كلامك صحيح وتأكد إنه محروق من الداخل

تجربتي المهمه مع الدينمو للأهميه

دينمو اليوكن غالي جداً فوق 1000 ريال أقل نوعية الصيني ب380 ريال

رحت لصناعية بالدينمو وبحثت عن تصليح الدينمو ومن ورشه الى ورشه
لين جيت لي شايب فلسطيني ابن حلال دلني على ورشه شرق صناعية
القديمه وحصلت كذا ورش مخصصه لدينموات والسلف

الخلاصه

فكو قلب الدينمو القديم المحروق ( العمود ) وحطيت
واحد جديد وخرطوه لي وكلفني 150 ريال وشغل يد 100 ريال
والان ماشاء الله تبارك الله

اذا قال لكم البنقالي أو أبويمن خربان قولوا ماعليه هاااات
الدينمو وعلى الصناعية تجديد ووفروا لكم حدود 800 ريال

بالتوفيق

.
عبقري91
16/08/2015, 06:53 PM
اليوم شريته ب٦٥٠ امريكي ايسي ديلكو. وتركبه بيدك او عند اقرب محل ب٥٠
ابوراكان تبوك
16/08/2015, 08:44 PM
اذا اللي رايح عندك مكان الفحمات ينخرط العمود او تدور عند الكهربائيين عمود مستخدم

المهم ان القلب غير محروق ( اقصد سلك النحاسات الملفوفه )