تصويت ( البنادق الهوائيه) والمميزات

[مبّهر الدله]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

صـباحح / مسساء الـورد

يالذيابه محتاج شوركم

معي قامو 27 بس ماش كنها ماجزت ليه لان الزناد بلاستيك بسرعه ينكسر والوزنيه تخرب وماش احس تقوول مسدس ابوريالين 😂✌️

الششاهد محتاج شوركم ابيعها ولا لا
ولو بعتها متحير بين ديانا وفايروخ
بس احس الديانا حديد وصبوره تبرد التسسبد :D
اما الفايروخ مدري اخاف تكون بلاستيك زي القامو

وتنصحوني القوه 27 او كم اشتري ابيها لكل شي للطيور الكبار وصغار والاوادم :D:eek:
ووش رايكم بالهستان
بترك لكم التصويت فوق 📎
الله يحمينا وياكم
بتوفيق الله ورعايته
بوراكان

[مبّهر الدله]

شسمه ماعرف اسوي استفتاء نكتفي بتعليقات

[شمالي و الهوا غربي]

صراحة كل السواكتين الجدد مثل بعض في
الجودة حتئ لو كان مكتوب الماني فايروخ او ديانيا
القطع صيني، لاتهمك

[أبو بارعه]

وعليكم السلام ورحمة الله وبركاته

من جانب تجربتي فأنا جربت الصيني وجربت الفايرخ وجربت اللديانا وجربت الأسباني..

الدرجه الأولى فالصوب والصبر الديانا

بعدها تجي الصيني برضه طيبه

وبعدها الأسباني هاه وسط

أما الفايرخ الصراحه مره مضروبه وناس ماتجلس معهم شهر غير يصرفونها
بالنسبه لي ومن طابع تجربتي خذ ديانا ..

إن كان غير دخل وسمان خذ 27

أما إن كان ترمي أيضاً قمري وحجل خذ 35

أما أوادم خذ 80ههههه

[مبّهر الدله]

هههههههههههههههههههههههههههههههههههههههههههههههههه هههههههههههههههههههههههہ ه��

ربي يسعدك بوبارعه بإنتظار ردود الاخوه

[فارس المصارير]

عندي ساكتون اسبانية نوريكا ٢٥ قديمة مره بصراحة افضلها من الماغنيوم ٣٥٠
تطرح حمام البري والبلدي وخفيفه
الماغنيوم عندي راكنها للاوادم ههههه

امس جربت ديانا ٣٤ بصراحة ممتازة وتصويبها حلو وخفيفه

انصحك تدور ديانا اصغر من ال ٣٤ بشوي
بتضبط معك
والسلام عليكم

[ارثمس]

نصيحة خذلك فايروخ ٣٠ او ٣٥ الالماني افضل شي

[أ ب و ح س ن]

انصحك لله لا تقرب الهستان والله انها قمامه وحرام فيها ريالين كانت عندي وبعتها. فيها عيب مصنعي اتوقع في الحلزونات مستحيل تصيب لا بنيشان ولا دربيل ولا تجي الطلقات جنب بعض. اتركها وحذر منها كل من تعرف. عندك الماقنوم ممتاازه ولا أعرف الفايروخ الا من صيتها

[.ابو هاجر]

الجامو ممتازه من كل النواحي
وللي رغبني فيها اكثر خفتها تصلح للعيال وصويبه
اما الفايروخ والديانا من اول ما عرفتها ثقيلتن ما تنبزا وغير كذا جميعها ممتازات

[كاتم الشكوى]

خذ فايروخ للطيور الصغار 27وللطيور الكبار خذ 80
تسمع بالعلاج
الفايروخ علاج
وانصحك تشتري من الوكيل الرميح حتى تسلم من الغش

[mshdd]

بالنسبة للهاتسان ابعد عنها وكلامي عن تجربة
والديانا طيبة والاسباني ايضا لابأس فيه
اما الفايروخ فـ سعره ما يناسب جودته الحالية لأن والله أعلم ان الشركات كلها صارت مضروبة
الأسباني جبت فيه 9 قمريات من مسافات مختلفة وصراحة ما توقعت انها ممتازة لهدرجة من ناحية الدقة
اما الديانا لو تبي الضب تجيبه لك خصوصا الماغنوم ولكن الماغنوم يبغى لها رجال صبور وتدريب مستمر
عموماً الله يسهل امرك وبالتوفيق لك .

[ارثمس]

يقولون تبي تحيره خيره هههههههههههه الله يوفق الجميع

[khaled074]

انا من عشاق الاسبانيات :D:D

عندي 27 وعندي الهانتر 1250

ما اخذتهن الا بعد ما حددت حاجتي

بتقول لي ليه ما اخذت الديانا

الديانا مسكته 85 وتحت

لكن وجهت نظر لي وشخصيه الديانا 35 تعادلها في الاسبانيات 27 بالنسبه لي
وبدون ما ارجع للمواصفات الفنيه للثنتين
واتوقع السبب (للجديدة) بانها ماعاد هي الالمانيه اللي عليها الكلام الأوله
صارت تجميع مثل البلدوزر كتربيلر الالماني وارد الصين
هذي وجهة نظري ممكن اني مصيب او مخطي ،،، بكيفي وانا وفالي

من ناحيه القوة
الألمانيات تشكل 85٪ من قوة الأسبانيات
التركيات من كانت معه ومحافظ عليها
(( وهذي اي سلاح ))
شرط ما تمدها من يمناك ليسراك
لو كان اخوك
راح تبقى لك وتوالفها وتفهمها
التركيات جودتها جدا ممتازه حسب علمي
وانا ما استخدمتهن
لكن اعطيك مختصر تجارب الاخوان
الساكتون الألمانيه اذا حصلت قديمة ونظيفه لو كانت غاليه ماهي خساره من أي حجم
الاسبانيات المستعمله ما انصحك فيها لانه ماتضمن اجزاءها
لكن الجديده توكل على الله لكن ولانها قويه يبي لك تلاحظ الوزن فيها كل 200 او 300 طلقه
واتوقع ولانهم غيروا نوع معدن الوزنيه وهو المسمار اللي يرفع وينزل اختلف كثير عن اول
بالنسبة للي عندي اغير وزنتها من 30 متر تقريبا الى 5 أمتار والحمدلله ما اختلفت معي
وازيدك من الشعر بيت يرمي بها الصغير والكبير
التركيات طيبات ومسكتهن حلوه واذا حطيت خدك على خدها تنسى وش تبي ترمي
وانا ما جربتهن

[FJ USA]

زبدة السواكتين الهوائيه فايروخ ٣٥ وروح لاهلك