يا اخوان ابي لي سكتون ياليت تعطوننا من خبراتكم

[Hrr155]

السلام عليكم

وش اخباركم عساكم بخير


يالربع انا عندي فايروخ 35 له ثلاث سنين ممتازه ولا به خلاف لكن به عيب الثقل مكرهن به خاصه مع هالشعبان
اهوجس اني اشتري فايروخ 27 اخف من ذي و وذفه واريح بالكسر لكن واحد من الربع قال لي وراه ماتشري لك اسبانيه الفيبر صراحه دخلت راسي الفكره لانه خفيفه مره لكن المشكله
جودته وش وضعه ؟
صيانته وقطعه متوفره ورخيصه ؟
وش المقاس اللي تنصحونن به ابي للدخل فقط
وكم سعره

الله يجزاكم خير واعذرون على كثر الأسئلة

[.ابو هاجر]

و عليكم السلام و رحمة الله و بركاته
الاسباني ممتاز وما يميزه اكثر وكيلة اقصد (الرماية) متوفر بكل خفس والقطع من تجربتي متوفرة الاسعار على حسب المقاس تبدا من 685 الى 1980
انصحك تاخذ الي ب1650 او ب1200 او ب1350

[Hrr155]

و عليكم السلام و رحمة الله و بركاته
الاسباني ممتاز وما يميزه اكثر وكيلة اقصد (الرماية) متوفر بكل خفس والقطع من تجربتي متوفرة الاسعار على حسب المقاس تبدا من 685 الى 1980
انصحك تاخذ الي ب1650 او ب1200 او ب1350

طيب اللي عند الرماية هل هي نوع واحد لكن مقاسات متعدده او انواع

[أبوحمد 505]

الدخل رمية قريب والصتم صغير 4.5

وخذلك ساكتون من الرماية فيبر من اللي قوتها متوسطة
وسعرها حلو في حدود الالف او اقل وضمان وقطع غيار وصيانة متوفرة

وفالك الشحم

[ابوراكان تبوك]

الاسبانيات اللي عند الرماية ممتازه ماعليها كلام

تصلح للدخل نوع اسمه شادو 1000 اعجبتني واشوف عليها سحب كثير لكن لم اجربها
بالنسبة للدخل يمشي معاه اي سكتون صغيرة 4.5 ولك الخيار فيه انواع ع 685
http://www.mekshat.com/pix/upload06/images/2014/08/mk92170_ttt.jpg

[Hrr155]

ابو حمد
ابو راكان

عافاكم الله

[خليل909]

أمس مريت محل الرمايه بحفرالباطن وحصلت عندهم ساكتون والله انها جازت لي خفيفه وحلوه ولاكن الجوده مدري عنها وسعرها رخيص ب835ريال وشفتها مع واحد من العيال الموسم الماضي نقنص سمان ماشاء الله ماتخطي ابداً ولاتقطع الصيده وبصراحه معي فايروخ 80 وقويه شوي على السمان ودي اخذ هذي ومتردد وحجمها 27خفيفه جداً

[المرسل9]

خذ اسبانيه 35 امس شاري وحده ب850 و27 ضعيفه ماتنفع

[جني صغير]

خذ اسبانيه فيبر

طبعا معي 85 وعاجبتني

وكل واحد وهواه

[أبو شيري]

هالحين معك فايروخ ألماني تروح تدور أسباني !!!!!!!

لا أدري لكن كما قال المثل لولا الأختلاف بالأذوقات لـ................


نصيحتي أمسك اللي عندك وكد ومد وفالك الشحم

[Hrr155]

الله يجزاكم خير ويعافيكم

[Hrr155]

هالحين معك فايروخ ألماني تروح تدور أسباني !!!!!!!

لا أدري لكن كما قال المثل لولا الأختلاف بالأذوقات لـ................


نصيحتي أمسك اللي عندك وكد ومد وفالك الشحم

هههههههههههه
ابو شيري اللي معي جودته ماشاءالله مضبوطه لكن اذا تصيدت به دخل تنتفهن وايضاً عليه ثقل ومتحسف اشري ثانيه بنفس قيمته قلت اشوف الاسبانيه ارخص واخف والالمانيه معي منا بايعه

جزاك الله خير

[نايف الشمال]

معي جامو 30لها سنتين فايبر والحمدلله ممتازه للان نفس قوتها ماشاء الله

[ارثمس]

عني نصيحة اخو انت مجرب الالماني ماورد مثل شي خذلك فايروخ ٢٧ او ٣٠ والافضل ٣٠ لان وزنها ٢.٥ كيلو مثل ٢٧ والثلاثين تفرق بالمسافه ٢٥ نتر

[مبّهر الدله]

والله غريبه
عندي شادو ١٠٠٠

قسم ودي ارميها بزباله وانتم بكرامه

المنشاف كل شوي يتغير وقطعها بلاستيك مره طاحت مني طيحه بسيطه وانكسر المنشاف رحت لفرعهم حولوني ع طريق التخصصي الزناد بلاستيك لو يطيح منك بحد هالشعبان او يضربه شي ربك يستر بعكس الفايروخ وديانا
وفوق ذا كله مالها تلبيسه زي فايروخ - ديانا

يعني لو يجيها شوي ماء من الشعيب تخرب عليك ودرت اليوم المحلات الرحلات من السنيدي لين المقناص دورت ماحصلت رحت لمحلات رحلات تفصيل قالو مانفصل تلبيسات
وباتسر بشتري ديانا يالبى الالماني ياشيخ

[مطر وسم]

فيه ديانا مقاس صغير (21 اعتقد) جربتها العام ممتازه للدخل فقط ماتقطعه خفيفه مره وذرفه فيبر اسود المشكله انها انسرقت مني

نصيحه لوجه الله لا تتعدا الديانا الالمانيه ترى الباقي صناعته رديه ولا يطول معك يتفكك بسرعه طبعا اكلمك من تجربه

وفق الله الجميع لما يحبه ويرضاه

[Hrr155]

الله يجزاكم خير
شكلنا بنحول للالماني

[حلال المشاكل]

جربت جميع الانواع تقريبا
غير الالماني لاتدور

[mshdd]

اتفق مع بعض الاخوان هنا بـ إقتراحهم عليك بالديانا فهي افضل ما في السوق خصوصاً الفترة الأخيرة وهذا من رأيي الشخصي
لكن اذا مصمل على الأسبانية وصيدك كله " دخل " فـ عندك قامو فورست وزنها 2.7 كغم وسعرها 950 ريال يعني خفيفة ودقيقة جداً لدرجة اي صتم من 10 قرين وتحت راح يمشي معك زي الحلاوة وكلامي عن تجربة لأنها معي ورميت فيها حدود 1000 طلقة وللحين ماشية معي تمام وصورتها نفس الي بتوقيعي البندق الخشب