مشكله بالفتك .. ساعدونا الله يجزاكم الجنه

[بايسن حار]

السلام عليكم

يخوان معي فتك 2007 تماتيك
جيت من مشوار 500 كيلو
لما وقفت شوي والموتر شغال
نزل عداد الكمبروسر الى حتى الصفر وطفى الموتر
واشغله ويطفي كررتها عشرين مره
وأحيانا اشغله وادعس بنزين عشان مايطفي إلا واسمع صوت انفجار بسيط قريب حول خرطوش الفلتر
وكل مادعست بنزين اسمع هالصوت من نفس المكان
فصلت البطاريه نص ساعه وضبط الموتر وكملت المشوار بشكل طبيعي جداً
والان له شهر اخر حلاوه ((بس مارحت عليه مشاوير طويله))
مع العلم ان لمبة الفحص مالها طاري أبداً

افتونا لاهنتوا
المشكله مخوفتني بالحيل

[hmooody55]

يفيدونك اصحاب الخبرة ان شاء الله


تم الإرسال بواسطة iPhone بإستخدام Tapatalk

[كايد]

اتوقع المنظم .....
.نشامى مكشات مايقصرون بإذن الله

[روق الرياض]

وعليك السلام نفس المشكله صارت معنا وفصلنا البطاريه ومشاء الحال وبعدها تقريبن بشهر رجع نفس الوضع وطلعت المشكله من حساس الهواء حق الدعسه الي في الخرطوش بس تراه غالي حوالي ٢٥٠٠ وكاله بس اخذ حق مكسيمه وشكرا

[بايسن حار]

وشلون حساس الهوا حق الدعسه :D ؟؟
حساس الهوا لحال
وحساس الدعسه لحاله

ولاهنت بكم اخذتوا حق المكسيما

[F34666]

السلام عليكم ورحمة الله هذا طال عمرك من المنضم حق القربة جديد 1500 ويمكن ينفع معه التنظيف

[العطاوي a511]

الحساس نظفه ببخاخ اكترونيات ولاتنسى تفصل البطاريه وافحص خرطوش الهواء موترك قديم واتوقع فيه تنسيم او قطع

[بايسن حار]

الحساس نظفه ببخاخ اكترونيات ولاتنسى تفصل البطاريه وافحص خرطوش الهواء موترك قديم واتوقع فيه تنسيم او قطع

ما اتوقع فيه تنسيم
لأن الموتر الان له شهر مافيه شي
بس اخاف ترجع المشكله

[بايسن حار]

تم تغيير طرمبة البنزين بجديده من الوكاله بـ 270 ريال وانحلت المشكله واختفت كل الاعراض
طبعاً السابقه قد انقطعت عليها البنزين اكثر من مره
واذا احتمت تفصل
شكراً لكم