المساعد الشخصي الرقمي

مشاهدة النسخة كاملة : فيدونا فالباترول قبل ما ابيعه


lD7ooml
19/08/2015, 10:03 PM
السلام عليكم ورحمة الله وبركاته
عندي باترول 93 من يوم شريته للحين وانا من ورشه لورشه خراباته ما تنتهي ما ادري الباترول حقي لحاله ولا كل الباتروات كذا ورحة لورشة ابو صالح وقالو قفل الورشه (والحين ابي ورشه تفهم فالباترول فالرياااض)
ms662
19/08/2015, 10:28 PM
شف المواضيع المثبته
اول موضوع
lD7ooml
19/08/2015, 10:32 PM
المحرك الافضل رحته اليوم وقالولي ما نقدر نصلحه !!!
آآآبو سعود
20/08/2015, 04:16 AM
اورشة المحرك اﻻفضل ماعندهم سالفه .
ﻻكن انت وش مشكلة موترك بالضبط
يزيد 999
20/08/2015, 04:23 AM
أذكر الله يارجال
سيارات 2014 تحصلهن ماليات الورش مابالك ب 93
طبيعي تبي تلاحق وراه
وسع صدرك وعطنا مشكلتك
lD7ooml
20/08/2015, 03:46 PM
المكيف اذا اشتغل يطلع صوت سير وحار الي يقول الشداد والي يقول السير مقطوع ومدري من الصادق فيهم. والمشكله الثانيه اذا طفيت السياره كأن المكينه تبي تشتغل لحالها ترتعش مع ان الموتر طافي المشكله هذي اذا طفيت السياره
يزيد 999
20/08/2015, 04:45 PM
المشكلة الأولى غير السير والشداد ودام فيه صوت فمعناته الشداد خربان وقطع السير لأنه مهب موزون صح لكن قبل كل شي خله يشيك الفريون والفيوزات كانهن تمام فأنت غير الشداد والسير وإن شاء الله يضبط
طبعا رح للكهربائي اللي قالك من الشداد أو السير وقف عنده وهو يفكهن وجب له القطع اللي يبي إن ظبط الحمد لله وإذا لا فخله يرجع الشداد والسير القديم والجدد اللي شريتهن رجعهن لقطع الغيار
أما المشكلة الثانية فهي من دعسة الكربريتر معلقة أو يبيلك تنظيف وبالعادة تكون المشكلة إنك تطفي السيارة ثم تحس الموتر يرج وكنه يبي يشتغل من حاله يبيلك توزنه خذ سكروب مربع وزد عليه وكأنك ماعرفت له مر أقرب ورشة وخله يوزن لك الدعسة خله يضبط عداد الضغط ال rpm بين الثلاث والأربع شرطات وإن شاء الله يضبط وترا وزنة الكربريتر عبارة عن مسمار تشده شوي وتسمع صوت ال rpm ارتفع يعني وأنت واقف ولا دقيقة حتى
وإن مازان فأنت نظف الكربريتر والله يسهل أمورك
majed1111
20/08/2015, 08:03 PM
ورشة الثنيان في صناعية الدائري
انا العربي
20/08/2015, 09:01 PM
المكيف اذا اشتغل يطلع صوت سير وحار الي يقول الشداد والي يقول السير مقطوع ومدري من الصادق فيهم. والمشكله الثانيه اذا طفيت السياره كأن المكينه تبي تشتغل لحالها ترتعش مع ان الموتر طافي المشكله هذي اذا طفيت السياره

الحين تبي تبيع الموتر عشان هالمشكلتين!!! والمشكلتين عاااديه
السيارات الجديده ماليه الورش وشف المنتديات والمواضيع اللي تكتب كل يوم
عن مشكلة

شكلك ماعندك صبر :D الا موترك اقل السيارات مشاكل كنوع وموديل


غيرها كلها الشداد والسير وريح راسك منها والرجفه كبليتر نظفه ووزنه
الصخري
21/08/2015, 05:52 AM
اذا طفيت السيارة والمكينة فيها رجه
يبي لها وزن ديلكو بس لا يازنه الا واحد متخصص ووزنه بجهاز موجود عند بعض الورش.
واحرص علی تصليحه لانه يكسر العامود بسبب رجوع المكينة
lD7ooml
22/08/2015, 07:43 PM
طيب وين موقع ورشة الثنيان احتمال اروحلهم
ALBDRANE
23/08/2015, 09:36 PM
الصراحه من عنوان الموضوع توقعت شي صعب طلع السالفه سير ! الله المستعان
الوسم
24/08/2015, 01:24 AM
ابد أحسن شيء انك تبيعه قبل يشق مخباتك

بع بع بع

نصيييييييحه

بعه
lD7ooml
24/08/2015, 11:01 PM
افهمو الموضوع اقصد ان خراباته كثيره والمشكلتين هذي توها جت والله وعلم وش الخراب الجاي ههههههه
شاق النفد
25/08/2015, 08:13 PM
شاري موترعمره فوق 20 سنه ماتبيه يلعبك بالخرابات؟؟؟؟