شاعر الخيمة >>>>>>>>> >>>>>>>>> >>>>>>>>> [الأرشيف] - الصفحة 2

عدم الانحياز

09/09/2015, 11:34 PM

ججل الحديد الان في التو والحال
ويجاب سيبويه ايضا هو الان
ويحط في رجله ويربط ولو صال
نحتاج له من شان نبتل في الالحان
مادام طط ودد وجج تنقز بالاقوال
ملزوم يحضرنا ولو كان ما كان
ججل : تعني قيد

خوي المطاليق.

10/09/2015, 01:01 AM

انشهد انه لو لفى شاف الاهوال
حقٍ حقيق وما تبون يتنفذ

ماودنا نعمي بصعبات الاقوال
خل السلاسه من محانيه تنفذ

بن عويف

10/09/2015, 01:02 AM

انتهيت وربـي انـــي انتهيت
انتهيت وجبت حـل المعضــله
انتهيت وخاب منهو به هقيت
انتهيت وجبت A فـ المســـأله
انتهيت اليوم وارتحت وصفيت
انتهيت ولا حصلي مشكله
بندر محمد بن عويف

بن عويف

10/09/2015, 01:07 AM

افا يا ذا العلم

سبقنا للقاف غارنا

ما علاه
فذ لا منك بغيته فاللزوم
يقضي اللازم وللعلم التزم
العديم اللي نشا بين القروم
لن ترى عينك مثل عزمهعزم

ام الدجيجات

10/09/2015, 01:15 AM

انتهيت وربـي انـــي انتهيت
انتهيت وجبت حـل المعضــله
انتهيت وخاب منهو به هقيت
انتهيت وجبت A فـ المســـأله
انتهيت اليوم وارتحت وصفيت
انتهيت ولا حصلي مشكله
بندر محمد بن عويف

كويس يابن عويف جبت ( A ) أهنيك :D:D

عدم الانحياز

10/09/2015, 03:54 AM

زم زم كل ما زم يهضم
والغشيم يسج واتلاته بتك
القفى مذموم يهلكها قضم
الحساني واجهن منه الفتك
الصداقه تشتكي معه الفضم
سوء ظن يتجه به للهتك

ابو البر

10/09/2015, 09:41 AM

تكفا بهاذا الوقت ما عاد يكفي
ماعاد يكفي كود تدهن سيوره

هاذا زمان المال تعطي وترخي
يكفيك عن كل الوساطات شوره

بن عويف

10/09/2015, 01:56 PM

رهن الاشارة لامرك يا مليك
للوغى لذات من دون الوطن
كلنا رهن الاشاره نحتريك
ولا يهمك نعق بوّار ن رطن
لك جنودن دون منهو ينتخيك
لو سهوم اللي غدر دينه سطن
كلنا درعن فـ وجه اللي يحيك
كم حريب اقدامنا لراسه وطن

بندر محمد بن عويف

عدم الانحياز

10/09/2015, 02:59 PM

طنش علوم تجعل العقل ماسور
بقوال جاك يجيك واخذه وهاته
لوح بها عالي وعالي ورى السور
ناب البعير الصدق ما هي لاهاته

خوي المطاليق.

10/09/2015, 03:53 PM

تهوى عيوني شوف مزن السحايب
واحس بحساس يغيب بالاعوام

واسج لا شفت الثعول العسايب
شوف السيول ينسي هموم الايام

احمدالدمام

10/09/2015, 04:05 PM

اما عطاك الله فلا الخلق تغنيك
لحدن يلوم المجالس ولحد يندبها
شربك بكفك وطعمها الحلو يرويك
وشلك ولارجالاً تفتل شواربها

بن عويف

10/09/2015, 04:22 PM

هات البشاير هاتها في عجاله
هات العلوم اللي تنومس وعجل
عجل ترا ما يحتمل للأجاله
حيث ان وضعي له زمان متأجل
بين المحاني علم ما جا مجاله
ودي اقوله مار منه متوجل
لك صاحبن ياما من التعزير جاله
ما كنه الا فالعقايب مسجل
مبداه واضح وان حكى بـ ارتجاله
ولا يقبل اللي لا تحاكى يدجل

بندر محمد بن عويف

احمدالدمام

10/09/2015, 04:36 PM

جلسة غضاء ضمت حبايب واصحاب
وفيها اجتمع من من نوده ونغليه
دارت سواليف المشايخ والاحباب
وجمر الغضاء يذكر الحال ماضيه

عدم الانحياز

10/09/2015, 05:00 PM

يهيض نضح النقو في مجلس الطيب
كل عنى بالزين طيبه وطابه
يجمع على الجلاس ربع التجاريب
الي على الغيِاب ما تقول جابه
اصغرهم اللي بالقرامه كما الذيب
ولا فيهم صغيرٍ سوات الذيابه

عدم الانحياز

11/09/2015, 02:33 AM

بهيم الليل ابا اسري به ويسري به
يزين لي غموضه واقنعه من عندي الاشعار
تبادلنا المصالح هاض شعري جيت اغني به
اوصفه ويشجعني يزين قبته بانوار

احمدالدمام

11/09/2015, 03:02 AM

ارقى سنود وعانق الجدي وسهيل
وحلق وحقق بالحقايق حقوقك
وارشف من ادلال تبهر من الهيل
كيف الرجال الي نسبهم عروقك

عدم الانحياز

11/09/2015, 05:31 AM

ق ك بداية قبلة وكعبة
واحب اللعبة الصعبة
ولااطري قيلت التعبة
افك الريق بالاذكار
اصبح والصباح بخير
يجي عجل ولا تاخير
عسى البارح بدون شخير
يا وين الدله ام بهار

ابو البر

11/09/2015, 10:55 AM

ارجوك افهم واعتبر واحفظ الدار
حولك دول قد دمرت دارها دار

حافظ على نعمتك بمجهر ومنظار
ترا الخطر بيجيك من ابنك البار

احمدالدمام

11/09/2015, 12:48 PM

ارتقي للمعالي وابذل المستحيل
واجتهد بالمساعي وخل عنك المحال
لا تثبــط عزومك ثم تصبح ذليــل
واسلك دروب عزك كل ماجى مجال

عدم الانحياز

11/09/2015, 01:46 PM

اللي له الهمه تذوده فوق فوق
روحه تسايرها وعشقتها القمم
دايم يجيب المقديه كلمة بذوق
هذا يسمى المعتلي راي الشمم

عدم الانحياز

11/09/2015, 04:34 PM

ممشاك لا تغفله عن زود تمحيص
وانق الخوي حزه وينقاك حزات
وعليك بالجزله ولا تبذل رخيص
ثوبك صنيع ايديك هتولٍ وبزات

احمدالدمام

11/09/2015, 05:47 PM

اترك امورً تشغلك عن قرايبك
وصل الرحم معلقً عند باريه
وابعد عن اقوام تعدد معايبك
وسدد وقارب بين بايع وشاريه

عدم الانحياز

11/09/2015, 09:09 PM

يهم الفتى ينوي وجا للعزايم فرق
تكز السانفي عز واللي هفا به دون
ترى الورق فضه والحمامه تسمى ورق
ورايك براسك والله اللي عطاك عيون

احمدالدمام

11/09/2015, 10:43 PM

ونفس الفتى مجبولة ببذرة الخير
تثمر مع الأيام وتوتي ثمرها
تزيدها الطاعة بضعف المعايير
ويخضر عوده من منابع مطرها

ابو البر

12/09/2015, 12:40 AM

هام في دنيا عريضه بعد ما عمه كرب
حالته صارت حزينه راس ماله عالمتن

كل ذا من حصد يده يوم كون له حزب
ما درا ان التحزب ما يجيب الا الفتن

أبوعبدالرحمن99

12/09/2015, 10:35 AM

تناول جديد البدع في لهفة و في صمت،،
يسر الخواطر نظمهم يوم يبنونه ،،
قروم على الميقاف اكرم بهم و انعمت ،،
و لا منهم اللي يقصر القاف من دونه .

عدم الانحياز

12/09/2015, 11:01 AM

تناول جديد البدع في لهفة و في صمت،،
يسر الخواطر نظمهم يوم يبنونه ،،
قروم على الميقاف اكرم بهم و انعمت ،،
و لا منهم اللي يقصر القاف من دونه .

نهلنا مناهل نضحهم بالحلا والسمت
تتالى تقول اني على الطيب مسنونه
وما دمت ياجوي فانا دايمه لك دمت
ادلل شعورك باجمل القاف ولحونه

احمدالدمام

12/09/2015, 01:35 PM

نهاية الاسبوع كانت اليمة
راحت بها ارواح وزادت بها جراح
يالله ترحم كل نفس كريمة
وتجبر مصاب الأمة بفقد من راح

عدم الانحياز

12/09/2015, 07:07 PM

احق الناس في قلبك تراعي شفها مناها
تهين المال لرضاها مع الغالي ولو دمك
تلاطفها بمنطوقك وتفرح صيد مشهاها
حنون زان مضواها هذيك امك هذيك امك

احمدالدمام

12/09/2015, 07:30 PM

مكاسب وقتك الحاضر
خلاصة بذل مجهودك
تعب عمرك رضاء ربك
دعاك وصالح اعمالك
وتدبيرً من المولى
سبب دنياك ووجودك
فسبحان الذي اوجدك
وصورك وبناء عودك
والهم نفسك التقوى
اله الكون معبودك

عدم الانحياز

12/09/2015, 08:09 PM

دكت هواجيس مع الليل تاخذ بي
واتابع مراسيلي بها الجمل والوحده
ولا من خذيت شوي تعود مناديبي
توصي فوادي خل همك وسط لحده

عدم الانحياز

12/09/2015, 09:12 PM

دهرت الضو ابي طبخة يركدها وزن وقياس
خوي يتعب خياره ردي ما يسوم الكيف
تقربها جعل يمناه ما تعطب ولا به باس
وضبط دلة شقرى تحلق بي وكني طيف

عدم الانحياز

13/09/2015, 05:59 AM

يفوح البن بنه ينطح القادم مع المدخال
ولا منه قطع يبشر بهيل الهند عاده جاي
ومسمار مكيله بالغلى نرخص من اجله مال
بفنجال يشوق وصبه اللي انعته بنخاي
عسى الله يحفظه من كل سو وجعل حاله عال
عسى التوفيق يبرم له عساه موفق بالراي

عدم الانحياز

13/09/2015, 06:10 AM

ايا واحد عليك المتكل فرد وسبحانك
اهيم بقربك وتقصر بي افعالي عن المأمول
ولا لي غير الوذ برحمتك يارب رحمانك
تلطف بي وتجعلني ضعيفك بالعفو مشمول

ابو البر

13/09/2015, 10:37 AM

ول ياللي ما تحب أبها ولاجده
وانت ما عمرك عنيت وزرتها

انت مثل اللي يدور للحلا مده
يوم شاف الحلا قال ما شفتها

احمدالدمام

13/09/2015, 11:59 PM

هادي طبع نجمه سطع ينضر لغد
ويحاكي الحاضر ويثبت وتاده
شعله وفي فن الامارة توقد
جود لجام الخيل واسرج جياده
اعددت مايرهب عدوك من الجند
يامجيش جيشه بقوة عتاده
تدافعت ابيات نضمي توافد
بتاريخ ال مكتوم يقدح زناده
بوح القريحة للحقايق تمجد
سك السيوف وسلته من غماده
من وين ما وجهت فكري تجدد
معنى القوافي تستقيم لمراده
جال الشعور بكل علم تردد
بشرى لشعبه وقابلاً للزيادة
الطيب عز وله حروفي تعدد
يامخلص النية لرفعة بلاده
قدت المسيرة صوب فعلاً يخلد
سر الطموح ومخرجات الإرادة
اريج عطرك منبعه روضة الورد
بذر الشيوخ الماضية وامتداده
مد البحور وجزرها بك توحد
ونظمت من محار بحره قلادة
وقدمتها للشيخ مع خالص الود
وشعري تشرف في شيوخ الريادة
وصلاة ربي على شفيعي محمد
الهاشمي المصطفى من عباده

عجيبان

14/09/2015, 07:49 AM

دهرً مضى ياعصام وشلون ينعاد
وشلون ماضي هالليالي نعيده
ماغير نصبر والليالي بعداد
مايخلف الصابر عواقب حميده

ابو البر

14/09/2015, 01:33 PM

دهرً مضى ياعصام وشلون ينعاد

وشلون ماضي هالليالي نعيده
ماغير نصبر والليالي بعداد

مايخلف الصابر عواقب حميده

ارحب مليون / وين الغيبات

دهان الفكس ما يشفي اذا منه دهاك زكام
ترى الأسباب من ربي وربي حط لك اسباب

يبيلك سمر وتشبه وبطن الرجل يم الحام
ودف الجسم وتمرق بثوم وزيت وبجلباب:p

عجيبان

15/09/2015, 12:14 AM

ارحب مليون / وين الغيبات

دهان الفكس ما يشفي اذا منه دهاك زكام
ترى الأسباب من ربي وربي حط لك اسباب

يبيلك سمر وتشبه وبطن الرجل يم الحام
ودف الجسم وتمرق بثوم وزيت وبجلباب:p

الله يبقيك يالغالي
تعرف مشاغل الحياة وانت خابر

عجيبان

15/09/2015, 12:23 AM

ابدا بذكر الواحد الي عليه العرب يشكون
رفيع المكانه و العرب دوم يدعونه
له الناس بتشد الرحال وفي منى يلفون
تبي رحمةً ماهي مع الناس مزبونه

عدم الانحياز

15/09/2015, 05:50 AM

نهارك اللي يبتدى يبدا معه يوم جديد
جدد معه ما زان مِنك وجنب اللي شانها
انظم حياتك بالدرر وتحصل العقد الفريد
تلقا جماله زينك لو ما تلامس دانها

عدم الانحياز

15/09/2015, 04:58 PM

هاج الظلام ويطرد النور للغرب
واليوم شاب وصفحة له بتطوى
يالله عسى مضمونه رضاك يالرب
واغفر لنا الزلات عمد وخطوى

خوي المطاليق.

16/09/2015, 02:41 AM

طوى صباح اليوم ماهاج بالامس
وعيال عودك مثل ابوهم بالاوصاف

يالله يـاللي تعلم الـسر والـهـمس
تغفر لعبدك لالفى فوق الاكتاف

عدم الانحياز

16/09/2015, 08:36 AM

افاخت افكاري جديدات والرمس
وابني على ما جال في خاطري قاف
مير البلا دايم وانا خاطري عمس
بلاي قل الزاد ذا مزودي جاف

عدم الانحياز

16/09/2015, 08:45 AM

اف من الدنيا وويلي عليها
عجزت اوازن بين عشقي وزهدي
مره على اللذات وافدي فديها
ومره لها الحقران واقول حدي

ابو البر

17/09/2015, 12:52 PM

ديم الفرح يالله ياوالي
ديم الفرح بقلوبنا ديمه

الكل متوحد مع الوالي
والدين ترفعنا تعاليمه

خوي المطاليق.

17/09/2015, 03:54 PM

مهما تكاتف علي اشغال
لابد ذا الموقع ازوره

ماتقضي اشغالنا يارجال
مير الموازن يجي دوره

ابو البر

18/09/2015, 10:44 AM

رهن البطاقه عند مجهول ممنوع
ياما وياما ضاعت بطايق احوال

لاتبتدي بالدين في اي مشروع
غيرك خبيث بحسن نيتك يحتال

احمدالدمام

18/09/2015, 06:21 PM

الحقايق تسابق وللمراجل نجوم
تعتلي للمعالي في علوم الرجال
والمعاني تعانق من عليها يدوم
وتستقر الحقيقة في جواب السؤوال
حرك ابيات شعري من يعرف السلوم
حافل بالحفاوة فاهم للمقال
جامع للجمايل مثل حر يحوم
شاملاً للمحاسن باهي بالجمال
بحر علمه تشبع من فياض العلوم
مبصراً بالبصيرة صابراً كالجمال
نور الله دربك ياقوي العزوم
يابن عواص جنسك ما يهاب النزال
يامحمد عرفتك جاهزاً للزوم
شيخ شامخ وشامل شاهق كالجبال
كم و كم كان سعيك في وفاق الخصوم
يتسم بالتفاهم ولم شمل الوصال
هبتك يالموفق برد وضل وغيوم
ينتعش من مطرها من يهجر الجدال

عجيبان

18/09/2015, 06:33 PM

الي يبي من حلو الايام يصبر
بعد الصبر لابد يلقى علاجه
مافيه كسر الى مع الوقت يجبر
دوم الحياء ياتيك بعد العجاجه

احمدالدمام

18/09/2015, 11:29 PM

جهادنا في نصرة الحق والدين
ووقفاتنا محلا ومطيب ثماره
نلبي الفزعة وندك الميادين
ولنا الشرف في حشمة الجار جاره

خوي المطاليق.

19/09/2015, 02:02 PM

ارهق حزم سلمان جمع المعادين
وامسى كما كابوس يكتم عليهم

يالله ميل له كفوف الموازين
وانصر ملكنا وادحر الي عداهم

ابو البر

19/09/2015, 06:49 PM

همن جديد على قلبي تولاني
كل ما قلت بنسى جاني التالي

الله اللي خلق لي من تبلاني
مبتلا في حياتي وحدي لحالي

ليت منهو جرحني ثم خلاني
يبتعد عن دروبي والله الوالي

احمدالدمام

20/09/2015, 12:34 AM

ليت البشر فيهم علامات ووسوم
حتى نميز طيب الساس وارداه
وكلاًعطاه الله من الخيرمقسوم
احداً خطاه السو واحداً تعداه

ابو البر

20/09/2015, 01:04 PM

اه من نقش الجروح اللي شفت
نقشها يدمي فؤادي من جديد

ساح فوق الخد دمعه وانشفت
من حرها تقطع قلوبن لو حديد

احمدالدمام

20/09/2015, 08:08 PM

يدرك العاقل مقام الطيبين
ويرتكي للحمل ويشد الوثاق
هم سلاح ينفعك دنياً ودين
وهم قناديل التلاحم والوفاق

ابو البر

20/09/2015, 08:25 PM

اقبلت قبل وهلل ثم بش
اجمع احساسك وقبل راسها

انتفض عند الملاقا ثم نش
دعوتن منها يعادل باسها

الوحيده ما نوتلك اي غش
جنتك تحت وطي اقدامها

احمدالدمام

20/09/2015, 09:23 PM

هلل الحجاج بالبيت الحرام
وكبرو ولبو حفاة محرمين
وتركو دنياً مصيره للحطام
ونهجو سنة رسول المسلمين

ابو البر

21/09/2015, 12:10 AM

هلل الحجاج بالبيت الحرام
وكبرو ولبو حفاة محرمين
وتركو دنياً مصيره للحطام
ونهجو سنة رسول المسلمين

صادوه
وصح لسانك
ولاكن
ما اقبل ما اقبل
جب وحده ثانيه
بحرف (الها والألف )
او اللي بيجي بعدك بيجيبها
ههههههه

احمدالدمام

21/09/2015, 12:30 AM

هاذي لاجل عينك يابو البر والبحر
جيتك على مركب سفينة وملاح
منك السماح وعادتك تقبل العذر
وانت الطبيب الي يسموك جراح

ابو البر

21/09/2015, 10:03 AM

احب فيك الصدق والكر والفر
لنك لبحر الشعر كبتن وملاح

نقفي اذا شفنا عيونك بها شر;)
ومادام عدلته ترا الحطب طاح

أبوعبدالرحمن99

21/09/2015, 10:54 AM

أحسنت ياللي تنظم القاف بالكيف
دايم على مشهاك تارد عدوده
للضيف ريف و للعدو صاطي السيف
تحمي ثراك و تنتخي عن حدوده

احمدالدمام

21/09/2015, 11:35 PM

دهن عود وعنبر وردً وكادي
وريحة فاحت من المسك الثمين
بانتصار صقور جيشً من بلادي
قادهم سلمان بالحزم السمين

ابو البر

22/09/2015, 12:41 AM

ينتصر للحق سلمان القيادي
نصرتن للدين والحق المبين

منتصر للجار وحدود البلادي
وكلمة التوحيد رايه باليمين

احمدالدمام

22/09/2015, 12:57 AM

من واجبي اشيد اشد وانشد
للشامل الي يستحق الاشادة
شيخ الشيوخ الي طبع بصمته جد
محمد بن راشد يجيد القيادة

ابو البر

23/09/2015, 10:52 AM

دهر حج الناس محفوف المخاطر
والسفر ياخذ شهورعلى الجمال

كان قطاع الطرق تحكم معابر
والطرق مره وعوره او رمال

خوي المطاليق.

23/09/2015, 03:49 PM

مالي ومال الناس راضي وزعلان
محدٍ ترى يرضي جموع الخلايق

لاسرت مرضي خالقي رب الاكوان
وامي وابوي انسى بقيّ العلايق

احمدالدمام

23/09/2015, 11:34 PM

ينتصر للحق سلمان القيادي
نصرتن للدين والحق المبين

منتصر للجار وحدود البلادي
وكلمة التوحيد رايه باليمين
اخوي ابو البر المعذرة عن عدم الالتزام الغير مقصود بقافيتك السابقة
واليك التصحيح

ينسان ربي يوم افكر بنسياك
في ماقفً كل الملا تجتمع فيه
حبوك كل الناس والله حياك
ياصورة للخير بإجمل معانيه
يمسلحه بالصبر عن ضيم دنياك
ماخاب من خاوى الصبر في بلاويه
لك الدعا منا من قلوب تفداك
ينزلك بالجنه ويرحمك ندعيه
يالله لك نرفع كفوف طلبناك
تقبل دعانا ولمي الخير تجريه
وتغفر لها في ماقف ً يوم لقياك
ويا زارعً للخير بالخير تجزيه

احمدالدمام

24/09/2015, 12:35 AM

يقلقك من يرسل رسايل على الخاص
ويطلبك تقصد فيه بعض القصايد
وما ينتشل بعض البشر كود غواص
وان كان لك عوده فلانيب عايد

ابو البر

24/09/2015, 01:03 AM

اخوي ابو البر المعذرة عن عدم الالتزام الغير مقصود بقافيتك السابقة
واليك التصحيح

ينسان ربي يوم افكر بنسياك
في ماقفً كل الملا تجتمع فيه
حبوك كل الناس والله حياك
ياصورة للخير بإجمل معانيه
يمسلحه بالصبر عن ضيم دنياك
ماخاب من خاوى الصبر في بلاويه
لك الدعا منا من قلوب تفداك
ينزلك بالجنه ويرحمك ندعيه
يالله لك نرفع كفوف طلبناك
تقبل دعانا ولمي الخير تجريه
وتغفر لها في ماقف ً يوم لقياك
ويا زارعً للخير بالخير تجزيه
العفو اخي احمد انت كنت صح والى الأن .
القافيه كان فيها غلط حيث اني كتبتها سهوا ( اليمن ) وليس ( اليمين ) فخاطبت المشرف ابو عبد الرحمن وطلبت منه التعديل وما قصر .
وصح لسانك في الحالتين .

احمدالدمام

27/09/2015, 12:04 AM

يد بيد نحمي الدار وندحر
المرجفين المعتدين الطواغيت
وعين على منبع هل الخبث والشر
اهل البدع نسل المجوس العفاريت

ابو البر

30/09/2015, 02:14 AM

استراحة محارب سموها عدم تركيز ههه

بن كلثم

30/09/2015, 08:27 AM

‏يامسقي ن عمري المريين والكدري
ياجعل عين المعادي ماتوﻻكم
طقيت صدري واذا طقيت لك صدري
ماكل يوم ن وصدري بيتوﻻكم

أبوعبدالرحمن99

30/09/2015, 10:37 AM

صباح الخير للجميع ،

القافية ياء و تاء ،،
نرجو الالتزام ،،
شكرا لكم .

ابو البر

01/10/2015, 04:11 AM

يتوه فكرك بين هاذي وهاذيك
والوقت يمضي برق منا ومنا

واللي بذكر الله يذن يناديك
ماهوب بمثل اللي تمايل وغنا

سبحان ربي يسره لك وهاديك
أمن وأمان ومسجدن في وطنا

احمدالدمام

01/10/2015, 10:07 AM

قوافي ( أم نهار )

01/10/2015, 10:23 AM

نادت لك العليا بشخصك ولبيت
لانك من الي يعشقون المعالي
اسير يارمز الوفاء ذايع الصيت
حييت يابو عبدالرحمن ياعز غالي
نظمت لك شعراً يترجمه كم بيت
ياليتها توفي حقوق الرجالي
والا انت سايرت المراجل وعديت
ووصلت للقمه ولابه جدالي
ماشاء الله لا قوة الا بالله
اشكركم اخواني على إثراء الخيمه بجميل نضمكم
يستاهل مشرفنا الفاضل ابو عبد الرحمن ..
.الشكر الجزيل لجميع شعراء الخيمه لتواجدهم وحضورهم القيم..
تحياتي وتقديري واحترامي
....تم تقييم الموضوع بدرع التميز ....

ابو البر

01/10/2015, 12:49 PM

لي مدتن ما شفت زولك وطاريك
عذرك معك واقول يالله تجيبه

ياما بغيبك قمت واقف أحاكيك
كنك معي بالبيت ما فيه غيبه

أبوعبدالرحمن99

01/10/2015, 07:37 PM

بهذا الود و الطيبة ملكتوني
و لا صرت اقدر اوفيكم و لا اسدد

غلاكم ساكنن بالقلب و عيوني
و ما هو بالعدد محصور و محدد

احمدالدمام

01/10/2015, 08:20 PM

ددب دودوب دب قرع وايقاع وانذار
صوت الطبول بساحة العز تسخين
خوض المعارك يخالطه بعض الأخطار
ونهايته فخراً ونصراً وتمكين

ابو البر

02/10/2015, 02:01 AM

ينعم عليك الله بالخير والرزق
وانته تطبل طول ليلك بزيرك

لف الأصابع بالشطرطون واللزق
عشان يسمع قو طارك قصيرك
هههه
ربي فكني من (ددب)

احمدالدمام

02/10/2015, 11:06 AM

ركع وقام الليل وطول بالسجود
في طاعة يرجي بها وجه ربه
وتضرع لباريه والعمر محدود
انه ينور في سماء الخير دربه

ابو البر

04/10/2015, 11:43 AM

بها كل الصفات الوافيه ويزيدها التقليل
شموخ ن يلفت العالم قاصيها ودانيها

سعوديه اذا منك ذكرت العلم والتعليم
يهز الكون طاريها حجاب وسترعاليها

احمدالدمام

04/10/2015, 03:47 PM

هالني هبت هبايب هالبلد
في ادارتها ملفات العباد
نافذة للمعتدي الي جحد
وباب يفتح للحجيج وللجهاد
صامد شعبه جسوراً متحد
ساعداً يبني واصبع للزناد

عابر الموج

04/10/2015, 11:20 PM

ادبح ويركض الطيرجي على هون ورا خشوفا بالشفاء شلعني
اقفن وخلني على الحزم مغبون الله يكويهن مثل ماكوني
لامحزما معيه ولاسيف مسنون يالله انك تبعد الهم عني

احمدالدمام

05/10/2015, 08:11 AM

نيتك يا الغافل ركوب ومطية
تفتحلك ابواب السعد في خطاويك
وقسمتك من رب الخلايق عطية
ورزقاً كتب لك لاتضنه بيخطيك
لا زادت الحسنات تمحى الخطية
والله على درب السعادة يقديك

ابو البر

06/10/2015, 12:32 AM

يكفي أشاره يابعد حيي وميتي
من يدين ن ما تعلت غير لي

لعثم لساني يوم رحتي ثم جيتي
دبرت الله ما تحرم حل لي

احمدالدمام

06/10/2015, 12:56 AM

ليتني اعرف جواب للسؤوال
كان ماجاوزت درب المستحيل
المحال الي يعدونه محال
جهز جيوشه وأذن بالرحيل

ابو البر

06/10/2015, 01:22 PM

يلعب الأطفال والنيه بريه
غير لعب اللي تعلم بالحياه

لعبت المحتال تلعنه البريه
والحذر منه تشوفه بالجباه

ابو البر

07/10/2015, 10:46 AM

اه عيب الأه مره مع مر
اسبابها حي ن وميت ظميره

يظلم عباد الله لامن تأمر
ماخاف من ربه على مستجيره

الخوف خلا الناس منه تذمر
طاغي ويد الظلم دايم قصيره

احمدالدمام

08/10/2015, 08:04 PM

رهبت اللحضة تجلت بالصدف
في مسارات الحياة الفانية
حدد الخطة وصوب للهدف
اجتهد بالسعي لخطوة ثانية

ابو البر

10/10/2015, 11:41 AM

هبت هبوب النصر في كل ميدان
والشعب متوحد بني عم وأخوان

والجيش له سطوه وقوه ونيران
دك الطواغي دك و السلم عنوان

احمدالدمام

10/10/2015, 02:12 PM

ان طعت شوري لاتجابه بالأفكار
خط الخطط وارسم مسارك بتفكير
اسلك طريق يجنبك مصدر النار
واخذ الحذر قبل تسوقك معاذير
واصبر وصابر حتى لوصار ماصار
دروس درس الأمس مكسب وتنوير
ترى الخسارة لا تجلت بالأعمار
وما دونها تبديل وضع وتغيير
حقيقة الأحداث مكسب وتذكار
وحوادث الايام علم وتذكير
بادر شويرك بالأمر قبل تختار
وانصت لراي تعتقد فيه تدبير
وريح تجي من باب صكه بمسمار
ترتاح لا قلت عليك المخاسير
اختارلك من جملة الناس بيطار
بلسم ومصل يجبر العضم تجبير

ابو البر

12/10/2015, 10:23 AM

يرسم خطط تدمير في كل الأوطان
وشب الفتن من وسط صنعاء للبنان

كون جيوش الشر وأحزاب شيطان
أسس مذاهب دجل واوهام وأوثان

هرج المجوسي كذب وغادر وخوان
من عهد رستم لين خاميني وبرهان

نسي المجوسي معركة جيش نعمان
وأن العرب نعمان في عهد سلمان

احمدالدمام

12/10/2015, 04:35 PM

ان كان للدمع مجرى من مجاريها
اوكان للحزن ليل من لياليها
فقد توحد في احداقنا الم
من الوداع وداع الدمع داعيها
ان يرحم الله نفساً ساقها قدر
لحسن خاتمة اضفت لواليها
و يوسع الله قبراً ضم مدرسة
جادت بخير علوم من معانيها

خوي المطاليق.

15/10/2015, 10:59 AM

هانت وقرب اليوم يا مصفصف للايام
والراس مشغولٍ كنه في غرفة قياده

اطرد بذكر الله جمع مجموعٍ بالاوهام
والي كتب ربي تاخذه مير الركاده

احمدالدمام

18/10/2015, 09:09 PM

دهور ماضيه فاتت عصور بسالف الأيام
شواهدهم حضارتهم ورموز اطلال ذكراهم
تترجم حسن سيرتهم نضال سطرته اعلام
سماهم سابقة بالخير وسهمهم بقلب مرماهم

ابو البر

30/10/2015, 03:35 PM

همك تعيش الجو ياخوك وحدك
شوف اللذي كلمك ما عنه فكه

فكر وهوجس قبل طرحك ومدك
لني رجعت اليوم وبيدي بلكه
تولم ههههه

احمدالدمام

30/10/2015, 04:39 PM

كهل نشب بمطارد اهل المواعيد
سباك ونجاراً يرمم بداره
وسقالة المبنى شدها ليلة العيد
والمسائلة طالت بغير اختياره

احمدالدمام

30/10/2015, 09:57 PM

كهل نشب بمطارد اهل المواعيد
سباك ونجاراً يرمم بداره
وسقالة قد شدها ليلة العيد
والمسائلة طالت بغير اختياره
( المعذرة على التكرار بسبب تعديل الشطر الثاني )

ابو البر

31/10/2015, 07:43 PM

رهن الأشاره لو تبي ابني البيت
عطني مخطط فلتك ثم دفعه

وان كان عندك بيت بهد لك بيت
مثلي مثل غيري تعلم بجمعه

احمدالدمام

31/10/2015, 09:59 PM

عهداً علينا حفظ بيته من سنين
خدمة شرف في بردها في سمومه
الي تشفى بموطني بالميادين
في نشرة الأخبار قويت عزومة
صح الصحيح وصادق الصدق تبقين
مصيونة ومحفوظة ومحشومة

ابو البر

01/11/2015, 01:33 PM

مهما تفرعن من عبث في وطنا
يبقا بذيله داخل الجحرمسجون

ولا بد من يوم ن ولو واق قمنا
نقبره وسط الجحر مادام مجنون

ابو البر

01/11/2015, 01:48 PM

مهما حصل من قول ما هو بتطمين
اخاف لك تخطيط من غير تفكير :mad:

اشوف لك نزوات شكه وتخمين
يومك تقول الكهل وانواع تبرير:eek:

اما تشوف الزين بالعقل وتزين
وللا تراني بكشف السر للغير:(

شايب مخرف انتظر منك تطمين
حالا ومعك اليوم من غير تأخي:fر

ابو البر

04/11/2015, 11:13 AM

يكذب ويكتب لي حروفن بقرطاس
واراعي العشره وخوفي من الله

يهمني لاصار في قلبه احساس
ولا همني مادام كاذب وعله

امشي معه بالدرب والعقل حساس
يالله تصبرني على رفقة له

احاول الغفران واقول لاباس
لاجل الضعوف اللي بحلقي تتله
ابو البر
مكشات

احمدالدمام

07/11/2015, 11:19 PM

له في فنون المعرفة بالتفاصيل
موسوعة بعلم السنن والفريضة
يسوق فنجال ( ن ) مشبع من الهيل
تشفى بها نفس الكبود المريضه
ديوان مدهال ( ن ) لخير الرجاجيل
الي لهم صفحة صفات عريضه

ابو البر

14/11/2015, 10:05 AM

ظهور الحق للظالم
ما يمنعه عن ظلمه
ولو واضح وضوح الشمس
تبقى بعينه الظلمه

طلع بالخاطر المكسور
قصايد والسبب حلمه
حسافه كان لك
((صاحب))
ولا هو قد هالكلمه

ابو البر

26/12/2015, 10:49 AM

مهما تحاول تجتنب عشرة الناس
لا بد ما تذيك واقع...... وحاصل

مره تجي حذفه ومرات بالفاس
اتجيك من اقرب قريب(ن) وفاصل

هون مكان الجرح بحساس لاباس
وان كنت عاقل لا توقف وواصل

احمدالدمام

02/01/2016, 12:20 AM

صل من وصل واقطع رفيق المصالح
وادمح وسامح زلة الصاحب البار
لاتصير مثل الخيل عجلا ً وجامح
ولا تطفي الشمعة ولا تشعل النار
والليل فيه نجوم لو كان كالح
تهدي مواقعها نديمين الأسفار

احمدالدمام

02/01/2016, 04:50 PM

صل من وصل واقطع رفيق المصالح
وادمح وسامح زلة الصاحب البار
لاتصير مثل الخيل عجل وجامح
ولاتطفي الشمعة ولا تشعل النار
والليل فيه نجوم لو كان كالح
تهدي مواقعها نديمين الأسفار
والبحر فيه الدر ولو صار مالح
والإرض باطنها جواهر بالأحجار
خلك نزيه ودايم الدوم صالح
وجنب طريق الفحش والعيب والعار
البس لباس الطيب لبس المشالح
شده على متنك يغطيك بوقار

قوافي ( أم نهار )

03/01/2016, 07:07 AM

ماشاء الله
جزيل الشكر اخواني الافاضل لتواصلكم بالخيمه واتحافنا بمافاضت به قريحتكم ،،وحقيقة اصبح موضوع شاعر الخيمة مجله ابداعية رائعه تعاد قراءتها مرارا وتكرارا دون ملل والفضل بعد الله يعود لمشرفنا الفاضل ابو عبد الرحمن بطرح الموضوع ولكم اخواني الكرام شعراء الخيمة..
تحياتي وتقديري واحترامي

ابو البر

21/01/2016, 01:15 PM

رمي الكلام اللي على غير تفكير
يجرح قلوب اهل البراأه بسكين

ارفق وحاول تعطي الأمر تفسير
يمكن يكون اللي مواجهك مسكين

احمدالدمام

23/01/2016, 10:49 PM

ينحبس بالنفس تفسير المسار
والله اعلم في نوايا العالمين
سيرك ربي ولا بيدك خيار
وحلت ارحالك وعدتو سالمين
ومن تعلى قلعة دونه جدار
يبشر بنصر يسر المسلمين

ابو البر

25/01/2016, 08:04 AM

ينعم الله علينا من يمين ويسار
عالي الشان ربي ورب العالمين
صخر العلم سبحانه في عقول خيار
واتبعنا الدين سنه وحنا سالمين
من بنا بالعلم جيل مثل من يبني جدار
سرنفسه ودينه ثم سر المسلمين;)

احمدالدمام

25/01/2016, 11:06 PM

ينسان ربي يوم افكر بنسياك
في ماقف كل الملا تجتمع فيه
حبوك كل الناس والله حياك
ياصورة للخير بأجمل معانيه
يامسلحة بالصبر عن ضيم دنياك
ماخاب من خاوى الصبر في بلاويه
لك الدعاء منا من قلوب تفداك
ينزلك بالجنه ويرحمك ندعيه
يالله لك نرفع كفوف طلبناك
تقبل دعانا ولمي الخير تجريه
وتغفرلها في ماقف يوم لقياك
ويا زارع للخير بالخير تجزيه

ابو البر

30/01/2016, 10:53 AM

يهنا عيوني شوفة الثلج منثور
على الجبال وفوق رملا جميله

يعكس شعاع الشمس الوان بلور
يشرح صدور اهل القلوب العليله

احمدالدمام

30/01/2016, 01:02 PM

له في فنون المعرفة بالتفاصيل
موسعة بعلم السنن والفريضة
يسوق فنجال ( ن ) مشبع من الهيل
تشفى بها نفس الكبود المريضه
ديوان مدهال ( ن ) لخير الرجاجيل
الي لهم صفحة صفات عريضه

سحاب نجد راعي شقراء

08/02/2016, 08:10 PM

هذي عند خسارتي للاسهم موووبطي

الغرشه الي تحوي الطيب كسوره

ماباقي الا ريحه الطيب منثور

الطيب فاح وعطر الجو يانوره

وكلن فرحبه ونا من الوقت مقهور

عمري سفينه والدهر غبه بحوره

ونا اشهد انلي خاطرن دوم مكسور

الله يجازي راعي الشورفي شوره

عطاني شورن ماتعدابي السور

سحاب نجد راعي شقراء

ابو البر

09/02/2016, 07:41 AM

ظهر حق الصبور اللي تصبر لاخر التعتيم
ظهور الحق مثل الصبح لاشعشع دفا نوره

جمع كل الصفات اللي تصفح صاحب التعليم
تفضل أشرح الصوره ووقع بسفل الصوره

احمدالدمام

09/02/2016, 11:29 AM

رهيبة لحضة ضمت ضياء ضوك وضل رضاك
وتنفست السعد ساعة وعسى الساعات تسعدني
عظيمة صدفة ساقت يميناً تنتظر يمناك
بلا ميعاد عاد وجاد وقربني وابعدني
جميلة جملة الأبداع من مجناك الى مجناك
ابي وعد وعهد منك تودع ثم تواعدني

خوي المطاليق.

29/02/2016, 02:18 AM

دنيا العجب فيها ترليون عله
فاثنين ضرب اثنين تربيع خمسه

و الناتج الي لاح بيروح كله
لامن ذكرت الله بصوتن وهمسه

ذكر الولي يجلي همومن مهله
وايضا صلاة الفرض صبحن ودمسه

ابو البر

02/03/2016, 10:12 AM

دنيا العجب فيها ترليون عله
فاثنين ضرب اثنين تربيع خمسه

و الناتج الي لاح بيروح كله
لامن ذكرت الله بصوتن وهمسه

ذكر الولي يجلي همومن مهله
وايضا صلاة الفرض صبحن ودمسه

مانقبل ما نقبل يا خوي المطاليق ههههههه
وفديتك
القافيه لازم تبتدي با أخر حروف اللي قبلك
خلك على اخر حرفين لآحمد الدمام اللي هي ( النون والياء ) .

خوي المطاليق.

03/03/2016, 03:49 PM

عدني تراها اربع لو انك تمعنت
وانا تركت..الرابع الي مطرف

ان كان ماترضيك كل شي الا انت
ابشر وانا صاحي وماني مخرف

هذي بدلها اربع على القاف لاهنت
هذي عوضها وانت صرف وحرف

أبوعبدالرحمن99

04/03/2016, 03:01 PM

عدني تراها اربع لو انك تمعنتوانا تركت..الرابع الي مطرفان كان ماترضيك كل شي الا انتابشر وانا صاحي وماني مخرفهذي بدلها اربع على القاف لاهنتهذي عوضها وانت صرف وحرف،رفيعين المقام و صحت الالسن مع الابدان ،،،،تواجدكم كفو و اللي ينومسكم يشرفني ،،، انا قلبي لكم حاضر لو اني غبت بعض احيان،،،و ليت الحرف كل الوقت يحضرني و يسعفني

احمدالدمام

04/03/2016, 09:00 PM

نيشن على قلب الهدف بالرماية
وصوب على كبد الحقيقة صوابك
يحميك رباً كافلك بالحماية
وضّمن عنوين الرسالة جوابك

ابو البر

10/03/2016, 09:53 PM

حزنت اليوم مثل الطفل ولولا صاحبي بنهار
لأني شفت كم للفقر حصاد وجوع ليل نهار

اشوف اكوام فوق اكوام لحوم وطولها انهار
ولاحدن قدر و فكر ولاحدن خاف من قهار

غريبه ديرتي والله تفاخر بالجهل وجهار
ولاخافت من المولى ولاشافت جياع اقطار

احمدالدمام

12/03/2016, 10:13 PM

أرم الحزن وانفظ غبار الهزيمة
وشد الوثاق بما تحقق من اصرار
بعض المواقف لو بدتلك اليمة
حكمة لمن حكمه دروس ً وتذكار
لا تكترث لأهل القلوب السقيمة
جولة طغات الوقت والوقت دوار
أرتاح من نعت الديار الحميمة
ديرتك خيره شامل امصار واديار

خوي المطاليق.

15/03/2016, 06:13 PM

ارفق على التحكيم لاصار ماصار
وانصح الا من شفت فيها ظليمه

الحق مثل السيف للظلم بتار
والحق يرضي فالنوايا السليمه

والله على كل البشر فوق قهار
لا بد ما نخشى جميعا جحيمه

احمدالدمام

16/03/2016, 09:52 AM

مهارت الأسلوب في كل الأحوال
تضفي على جو الحوار القناعة
وتوضح الصورة ويسكن به البال
وتمنح مساحات النقاش اتساعة
الشمس اكبر ان تغطى بغربال
واوسع مدى يوصل ضياه وشعاعه

خوي المطاليق.

17/03/2016, 01:20 PM

عهد الوفي حبله للاحفاد ممدود
كالخيمه الي ثبتوها بالاطناب

ولا الردي عهده مع الناس محدود
حده على مقفاك ثم صكة الباب

احمدالدمام

17/03/2016, 10:44 PM

ابشر بخير وعز وتحيق احلام
وتيسير ياوجه السعد في حياتك
ان قاله الله تسمع العلم قدام
يا ساعي بالخير جتك امنياتك
بعض الأمور تتطلب اصرار واقدام
واستشعر الصبر الجميل بصفاتك
وواصل طريق البذل تعزيز واسهام
وترى العزم وقود قوتك وذاتك

خوي المطاليق.

20/03/2016, 05:32 PM

تكبر مع الانسان عدة اماني
مهما يحققها يدور على الزود

يا نفس لو نرخي لمثلك عناني
سقتي على درب الهوى كل منقود

احمدالدمام

20/03/2016, 09:21 PM

ودك اليا جاد الشعور وتجدد
مضمون مخزون الفكر والحصيله
صلو على خير البريه محمد
نبينا فضله يورث فضيله

خوي المطاليق.

25/03/2016, 06:22 PM

لهيب الشمس لااشتدت كثير الناس مايسلم
الا يا ضعف بني ادم و لا يدري مدامه زين

فما بال البشر بالنار ليل(ن) لونها و اظلم
الا يا الله تاجرنا ليامن حان يوم الدين

احمدالدمام

26/03/2016, 03:16 PM

ينحبس بالنفس تفسير المسار
والله اعلم في نوايا العالمين
سيرك ربي ولا بيدك خيار
وحلت ارحالك وعدتو سالمين
ومن تعلى قلعة دونه جدار
يبشر بنصر يسر المسلمين
وقتنا هذا جمود ً وانكسار
وانكماش ً وارتدادً مستبين
هبت رياح التقشف والغبار
وهاجت ابار الموارد والثمين
مخرجات مواجهة كله دمار
انبشت بمواجها حقد ً دفين
الغموض المختفي خلف الستار
ينكشف معناه بعين المبصرين

ابو البر

31/03/2016, 11:01 AM

ينام العقل بعض احيان وبعض احيان متنبه
يجيه الليل مثل الحلم ونومه زاد عن حده

عيون الراس مثل الكاس لاكن عقله مسبه
غدا كنه صريع الموت وباح السر من سده

يجيه الداء بعد الداء ...مقدر جاه من ربه
ولا له غير رب الكون علاجه ذكر و يسده

احمدالدمام

01/04/2016, 01:02 AM

دهر يمر وما بدهرك محاصيل
مادام ماخلدت ذكرك بالأحسان
ونور مسارات الخطاوي بقنديل
وانهل من السيرة بنبراس الأيمان

ابو البر

04/04/2016, 10:46 AM

ان كنت تسألني عن الهم وشلون
اقول ياحلوه على شيل همك

اشيل هم اللي بعد دوم يشكون
واشيل حتى حمل خالك وعمك

ان كنت تبغا الصدق ياعز مزيون
يكفي صباح الخير لاجات منك
:)

احمدالدمام

04/04/2016, 07:29 PM

نكيل ونوفي كيلنا للقرايب
والله يجملنا بوجه المواجيب
سلم ً لنا مع ربعنا والحبايب
مانقبل التقصير في حضرة الطيب

ابو البر

04/04/2016, 08:32 PM

يبست عروق الكف من مدها لك
وشلون ما تسمح تراها فشل لك

انا كان بالخاطر وفي وقفتي شك
شوف اللذي يغليك حطه محلك

لاتنحرج من ناس تلعب بعقلك
وادعي عليك اقول جني نفر بك
:D

احمدالدمام

04/04/2016, 11:07 PM

كني اشوف دموع عينك هماليل
والدمع مثل السيل فوق الخدودي
تحن للي فات مشتاق بالحيل
والشوق للذكرى تعدى الحدودي

عدم الانحياز

13/07/2016, 08:29 AM

.
.
دياجير الظلام اللي تعتم شعلة .... الشمعه
تجيها حزت الاشراق تجلى حلكةٍ .... فيها
...............
...............
وتبقى شمعة الآمال فوق الرف .. ابولمعه
ورغم ان نورها طافي لها لمسه وتضفيها
...............
...............
امان وخطوة الواثق تفائل كل ذي . جمعه
منصه للطموح ولومة العذال ...... تنفيها
.

عدم الانحياز

14/07/2016, 10:12 PM

.
.
هات المعاميل اضبط الكيف موزون
وادع الرفيق اللي له القلب . مدهال
...............
...............
دله فواد(ن) يشكي الضيق محزون
يمكن . تبدل .. نظرة الهم .. بالفال
.

عدم الانحياز

17/07/2016, 06:01 PM

.
.
الحافظ الله يامرك بذل . الاسباب
ومنها حروفٍ باول اليوم واتلاه
.
.
ايات واذكار دلنا سيد . الاحباب
والخير كل الخير فعله وما املاه
.
.
صلى عليه الله صب . . صباب
من خلقة الدنيا وللوقت . . باتلاه
.

احمدالدمام

18/07/2016, 02:31 AM

اهيم في جو التواصل والأحسان
ونفسي على طعم الأخوة شفوقه
والقلب ممافيه مشتاق ولهان
تدافعت والشوق يحيي عروقه

عدم الانحياز

18/07/2016, 08:22 AM

قهوة فكر ما هي .. بصب . . وفناجيل
والكل منها . . . كيف والله . . . نحبة
.
.
مكشات يجمعنا .. علوم . . ورجاجيل
خيمة . قصايد .. بالدرر . . زان غبه
.
.
وفي شاعر الخيمة تزين . . التساجيل
صفحه نجومٍ شف فضاها . رحب به
.
.
يلي بعيدٍ . غرب . هات . . التعاليل
ويجيك من عندي . رياض . . تطبه

أبوعبدالرحمن99

19/07/2016, 12:18 AM

الله الله ،،، سطر ،، به شوق لمداعب حروف القصيدة ،، و مواصل شعور الغلا للوفيين ،، سطر ،، يستاهلون اللي حضر و الفقيدة ،، كلا و ماجوبه على الراس و العين ،،سطر ،، يا ليت من هالتقنية و الحديدة ،، في يد مشاعرنا تجي طوع و تلين

احمدالدمام

19/07/2016, 12:26 AM

بهر دلال الكيف وصف المعاميل
واركه على جمر الغضاء ووقد النار
في روضة غرقت من النو والسيل
والي بجعبك لا تكنه من اشعار

احمدالدمام

19/07/2016, 12:31 AM

المعذره استاذي ابوعبدالرحمن لم انتبه لمشاركتك

أبوعبدالرحمن99

19/07/2016, 12:48 AM

اره من جم الجزيل المنتقى يا غالي ،، لا يهمك منهو الأول على الترتيبي .ان حضر قافك لشاعر أو حضر للتالي ،، كلنا في راس واحد مثل عيني ذيبي

احمدالدمام

19/07/2016, 01:27 AM

بيت الشعر يبنى من احساس شاعر
ويبلور الفكره على كيف ما جات
وتوافد الأبيات لحطة مشاعر
نفحة خيال تمر في بعض الأوقات

عدم الانحياز

19/07/2016, 08:54 PM

هذه المشاركة تحتوي على محتوى مخفي

احمدالدمام

19/07/2016, 11:22 PM

نيشن على قلب الهدف بالرماية
وصوب على كبد الحقيقة صوابك
يحميك رباً كافلك بالحماية
وضّمن عنوين الرسالة جوابك

عدم الانحياز

21/07/2016, 06:33 AM

بكل اوقاتي اللي تمضي اذكر . جوهر الازمان
واجهز له عساي اضمن يجي موزون يالقيسي
بكب الديرة . ابغي قفر . ما دجات به . الغنمان
وما يفرس يصيد اللي رعت ما تحتري الكيسي
على وقت(ن) يزين الجو وانسى كومة الاحزان
مع خوة مطاليق . وبعيد(ن) من غثى . الفيسي

احمدالدمام

21/07/2016, 08:31 AM

سيل الحيا يروي الضما ينعش الحي
يسقي فياضً في رياضً بعيده
ينعش به الطارش على ضفة المي
ويجدد الذكرى بالحظة سعيده
ويرمي همومه بين هاذي وهاذي
يالله طلبتك خير خيرك تعيده

عدم الانحياز

22/07/2016, 12:10 AM

دهاليز الفكر في دار غربة من ترك الاوطان
تنقض شوقه اللي من صغر سنه . ويربى به
.
.
يهوجس عله يلاقي عبق ما فات . . والخلان
وطموحه يسنده في نيل ما غرب . ليحظى به

احمدالدمام

22/07/2016, 02:30 AM

بهجة بالنفس يحييها طموح
جعلها تجلي جمود الأنكسار
ضمدت بعض المواجع والجروح
وعبدت درب السعادة بإختصار

عدم الانحياز

22/07/2016, 01:59 PM

ارص الهم فوق الهم وقول ياقلبي . . لا تهتم
تراك العبد . للي كن تحقق . رغبته . ويكون
.
.
خلق خلقه . وصرفهم بشمس . وليلهم . معتم
على الوزنه على اللحظة وكلٍ مرزقه من لون

أبوعبدالرحمن99

22/07/2016, 02:45 PM

ون الخفوق لشوفة الذود و الضان ،،
و الزبد في داخل صميلن مخضّض
و ظل الشجر يشفي عليلن و تعبان ،،
شاقي و جسمه من عناها مرضّض

:D

عدم الانحياز

22/07/2016, 03:37 PM

مداخلة انتحارية في لحظة :mad::mad::mad: بل :hot::hot:

ضض . انهت البيتين ضروسك . بدنا
بضاحك من الفيسات صورتك طربان
ظنك . . عسير . وبالغصب . . يبعدنا
ما تدري ان خير الشغل وقت عمسان
المشرف . بترغيب . الاعضاء .. يدَنا
وشوف . منهم . من تمناك . . بحلان

وفي الاخير هذي نهاية التوهق
:j
المشرفين ما يمزح معهم مالك الا
:burnout2:

أبوعبدالرحمن99

22/07/2016, 04:24 PM

هههه ،، أعضاء مجرمين ،، ما يوقفهم شي ،،، و ما يصعب عليهم شي ،، صح لسانك ،، و كفووو .

احمدالدمام

23/07/2016, 12:26 AM

انا اشهد انك لاجزل الشعر مندوب

وبدعك فريد و بالمعاني ملايا
رشفت فنجان على الكيف مصبوب
يقعد عماس الرأس بأرض خلايا
جاوزت في وصفك محب ومحبوب
وثارت فشقها باشتعال الشظايا
جملك ربي يابيض الوجه باسلوب
به من بلاغة متعبين المطايا

عدم الانحياز

23/07/2016, 01:50 PM

ياسعد عينه واطيب الحظ . حاديه
اللي يفارق مجلس القيل . والقال
يفرد جناحه وابعد الشوف . يمديه
وقته على كيفيه خدم وسعة البال

صويب البرق

23/07/2016, 07:13 PM

البرق لامـن شلع بأقصى الشمال ولاح
ومن الصبح عنـدك أزيب عجّها ينبث

وجـاك الخبر من شماله هبّت الأرياح
وسـاق الكسير ورفيف البرق ما يلبث

قبل الفجر يستطر سامر على وضاح
ثم جاك وقع الصدوق يسيل مايشبث

احمدالدمام

24/07/2016, 03:34 AM

بث الفرح مع السعادة وترتاح
وتنزاح عن نفسك هموم ثقيلة
وسدل ستار الحزن عن ماضي راح
ووقد شموع الأنس وشعلل فتيلة

عدم الانحياز

24/07/2016, 10:07 PM

لهت منا قلوبٍ عن هل الشام . . ومذابحهم
لحق من كان من قبل الشوام وقبلهم .واجد
خنوع وذلة ويخدع ربيض الناس واقبحهم
سليم الفطرة اللي خمس يومه جابها ساجد

احمدالدمام

25/07/2016, 01:15 AM

جدد بنا يالي رفيع جلاله
حماس نخوة خوة الناس للناس
يالي عبادك آمنه في ظلاله
انصر جنود الحق من كل الأجناس

صويب البرق

25/07/2016, 06:25 AM

اسى حال العرب بالشام تفنن في دنسها ايران
مجازر في هل السنه سبب كثرت عداة الدين

مابين الشيعه وبشار على داعش جمع طغيان
سببها من قرص صدام ظهر سمّه خفى نابين

احمدالدمام

25/07/2016, 08:57 AM

صويب البرق

28/07/2016, 01:53 PM

يـنـوح الـصـقر وعـيونه الـسود ضـامها
يــرى سـلـمه أقـفـى والـعـرب بـنـظامها

غــدى طـيـبهم وسـلـومهم عـادة الـبدو
بــيـوت الـشـعر كـفّـت عـلـيهم مـقـامها

لاشـافو شـنى الدار بعرب وألا من دهر
عـلى الـزمل شـدّو بـالصبح عن ظلامها

ومـع الـوسم بـرقه لاشلع ساقو الدبش
هـــي الـمـال والـصـفره لـبـنها طـعـامها

ويوم أن خلط نسل السواكن مع النجد
وزاعــم خـدمـها فــوق خـدمة عـمامها

ونـهـر الـبـداوه خـالـطه بـحـر وأهـمجه
يـالين الـعرب فـي شـك حـتى سـلامها

عـلـى هـرجـة الـنـسوان مـنـها تـباغضو
وقــلّــة مـجـالـسـها الــرجـال بـعـدامـها

وكــثــر الـمـجـالـس لـلـعـواني رجـالـهـا
وزاد الــتــدهـور بــالـتـطـور وهــامــهـا

زمـان الـعرب فـي شـهوة الـنت غـارقه
غـــدى رأيـهـا الـعـام الـصـغير إعـلامـها

أشـوف العجب يوم العرب دينهم غدى
كـثـر مــن نـزه نـفسه حـسين إسـلامها

وأنـاظـر وأنــا بـالـنفس ظـالـم بـغفلتي
عـسـى الله يـغـفر لــي ذنـوبـي تـمـامها

ويـرحـم لـنـا أمـوات افـتقدنا وجـودها
بــوسـط الـقـبـور الله يــرحـم عـظـامها

ألا يالله أنـصـر جـنـدنا وأهـلـك الـعداء
جـنوب الـبلاد ووسـطها وأكـف شـامها

احمدالدمام

29/07/2016, 05:53 AM

خوي المطاليق.

30/07/2016, 02:00 PM

ادق من كثر الهواجيس موال
عله مع السالين يكتب مكاني

احاول اشغل عنه فكري ولا زال
كل مابغيت انساه غصبن حداني

لاخاطري يسلا ولا زانت الحال
رحنا مع الاقدار شرق ويماني

لكن مع كثر المراويح تنهال
تنحل عقدة ثابته بالمحاني

الصبر طب البعد والبعد قتال
والله يكافي شر تال الزماني

عدم الانحياز

30/07/2016, 08:12 PM

ني العنى يصلب على المر والضيم

وراعي الشويه شور ينجح سواهـا

طـوْل سبيـر الوعـل حاديه تصميـم

ومـن لا يقـور الصيد يخنز شواهــا

بيـن العجـل والريض وزنات فهْيـم

ماجـا علـى وقتـه فهو لك دواهــــا

.

احمدالدمام

31/07/2016, 02:34 AM

هانت وزانت واستقامت ظروفك
واصبحت عقب الهم ياخوي فرحان
احمد آله ابعد اليوم خوفك
ومن بعد منتب ضامى صرت رويان

خوي المطاليق.

01/08/2016, 02:13 PM

ان كان يلي عن صلاتك تخليت
مومن على نفسك تراها مصيبه

اصحى ترى الدنيا ليالي وثم ليت
ما تنفعك لا من تصالا لهيبه

واعلم ترى الخلاق يامن تماديت
له رحمةٍ تاسع شبابٍ و شيبه

احمدالدمام

02/08/2016, 02:38 AM

بهر دلال الكيف وصف المعاميل
واركه على جمر الغضاء ووقد النار
في روضة غصت من النو والسيل
والي بفكرك لا تكنه من اشعار

صويب البرق

02/08/2016, 08:34 PM

ارضى نصيبك واحمد الله ماجاك
رزق البشر من هو تمنّاه يشقيه

ليتك تمنى يحفظ الله مـأعـطـاك
ماتفقد أغلى شي من بعد ناسيه

عدم الانحياز

03/08/2016, 12:13 PM

يهون الهين براس المهونه جرها ثم هان

وذاك الطيْب يـروح يتنـدح والثناء يــردح

يجيـه الثناء غصـبٍ ولا هو مطلبه ولهان

ولكن طيب غيره من فعوله تجبره للمـدح

سحاب نجد راعي شقراء

03/08/2016, 07:52 PM

عدم الانحياز

03/08/2016, 09:16 PM

بعض السكوت ابلغ من كتاب تفسير

وبعض الكلام يصبح على القلب عله

وحفض كلامك لا تسبب على البير

وخل الدلوياصاحبي في محله

من يارد بيشرب ولاهي مخاسير

وحفض لسانك لا يجي منه زله

ترا البشرماترحمه بالمعاذير

ولو يرفع الرايات محدن فطله

وخل الرجا بالي الا قال بيصير

وحفض صلاتك علها لك مضله

سحاب نجد

http://upload.hawamer.com/show/PZ21HSVOTPY8Y281LPY32E8XYPH13E_get-2-2009-u7pqk5ld.gif
http://upload.hawamer.com/show/RLURLNFNUKCK8NVGRBQXYNSPVT5UKU_QLOOB_4.gif
http://upload.hawamer.com/d.php?hash=8FPXEHZ63GUJYYVB6WT28FZIRQQS7F
ياهلا وغلا ملاييييييييييييين يالعود ويالله ان تحييه
وش هالخطوة المباركه - صح لسانك واعتلا شانك وسلم فكرك - ما ازين
من المشاركة الا حضور راعيها زانت حياتك والله يمتع بك وترى حنا
طمعين في الزود ولا تكلف ابد يكفينا في كل مرة بيتين
http://www.mekshat.com/vb/mwaextraedit6/extra/77.gif

عدم الانحياز

03/08/2016, 09:30 PM

دحومٍ تارد الحوض وتوطي خفها وسطـه

وترفع راسها كنها تماري داعيٍ بالصـوت

تنومس يوم شاف الفعْل شال عقاله وقطه

وقام يلاعب شعورة عكـز مرٍ ومر يشـوت

عدم الانحياز

04/08/2016, 04:56 PM

.
.

انا برجي الله وارجي اللي قراء يرجيه

عـلى الموذي اللي من جنوبٍ ويكبتهــا

ولا انسى شريكٍ شاركه واختفى بالتيـه

حريــص عـلـى الفتنـه ببـذرة وينبتهـــا

http://upload.hawamer.com/d.php?hash=26OZOF77M17LYNMJOVYU8B7IUICCC8

قوافي ( أم نهار )

05/08/2016, 04:34 AM

السلام عليكم ورحمة الله وبركاته
اشكر المشرف ابو عبد الرحمن99 على طرح :
شاعر الخيمة
موضوع تميز بالقافيه وعطاء الشعراء ..
نظم متجدد وجميل يشكر عليه كل من شارك بقلمه وما جادت به قريحته من إخواني الافاضل ..
تثبيت الموضوع لا يعني توقفه بقدر الحرص على استمراريته وإتحاف القارئ بالعزف على اوتار من نظم شاعر الخيمه..
الشكر موصول لابو عبد الرحمن99 ولشعرائنا الكرام ولكل من سطر حرفا ومازلنا ننتظر المزيد ..
دمتم بحفظ الله
تحياتي وتقديري واحترامي

عدم الانحياز

06/08/2016, 09:38 AM

هاك مفتاح المضمن دق سلفه

شـيـك السائـل وفـللـه بـوقـــود

نــاويٍ قـلبـي يـغـرد يـم ولـفـه

قـفر ذيبٍ ما عشق جوه رقـود

http://upload.hawamer.com/d.php?hash=26OZOF77M17LYNMJOVYU8B7IUICCC8

احمدالدمام

06/08/2016, 12:17 PM

ودي استرسل بنظم طاب فنه
ووصف الغدران وطراف النفود
وصوت نسناس الهواء لاهب كنه
يعزف الألحان في حضرة رعود

أبوعبدالرحمن99

07/08/2016, 12:57 AM

وقفة احترام و تقدير لهذا الإبداع و التألق ،، أرى بعض المداخلات لم تقتصر على البيت أو البيتين ،، بل تجاوزته إلى مرحلة القصيدة ،، شكرا لكم على هذا التفاعل الجميل ،، بكم نرتقي ،، فدمتم في عطاء.

عدم الانحياز

07/08/2016, 05:33 AM

ودادك صبه لعـد الحنان اللي سقتك صغيـر

وذاقت من غلاك المــر تعطي روحها فـدوه

ترى دينك كبير ولا تقول انك عطيت اكثير

ولو هي فوق ظهرك تنقله بالروحه وغدوه

http://upload.hawamer.com/d.php?hash=26OZOF77M17LYNMJOVYU8B7IUICCC8

احمدالدمام

08/08/2016, 01:55 AM

وهلت من عيون المغترب دمعة .. وله وغياب
وهام بحب موطنه الأصيل .. وزاد به شوقه
يبي يرجع لداره رحلة ذهابٍ .. ما بعدها إياب
مناه يقبل اترابه .. وضمة ارض معشوقه

خوي المطاليق.

08/08/2016, 09:16 AM

قهاوي بعض خلق الله تبهر من عروض الناس
قدوعه غيبه ويسلى على طاري نميمتها

الا ما كنك تحاسب ولا تلقى عظيم الباس
اذا ماتستحي فافعل ولومي في مجالسها

احمدالدمام

09/08/2016, 08:51 AM

هاك الزمان الي جمع صفوة اصحاب
في رفقة مضمونه الطيب موجود
ولى وكلٍ صك من دونه الباب
احدً رحل والبعض حاضر ومفقود

احمدالدمام

09/08/2016, 02:38 PM

عهدً علي والعهد وعدً وميثاق
ولابد نوفي بالوعد دون تأخير
اني لاطرز ساحة الوصل باعناق
واصبر ولو شحت دروب ومشاوير

سحاب نجد راعي شقراء

09/08/2016, 06:03 PM

الله يرفع قدرك عند ربك ياعدم الانحياز

الا ابرقت شفنا اللواهب ونيران

ولا ارعدت ترتج دار العباده

ثنتين وجتمعونقيضن ونقضان

ماعونهن واحد وحلون شرابه

سحاب

عدم الانحياز

10/08/2016, 11:54 AM

وانت كذلك عمي ابو نوره جعل ربي ما يخلي منك والطيبين شرواك

يروح الرايح وتبقى علومه بين خـلــق الله

ويكسبها مع التوفيق من يذكر وهو صالح

عسى غيبي وغيب اللي قراها يخدم الملله

عساها بيض في الميزان يِزهم قيل يافالح

احمدالدمام

11/08/2016, 11:38 AM

لحمة وطن تبني حضارات وامجاد
وتحيي اراضي ريحته ريحة التين
يدً بيد .. وساعد . وحزم وقاد
وتسفر ميادين وتزهر بساتين

عدم الانحياز

13/08/2016, 07:39 PM

ينب الطيب راع الطيب دولي

ولو ظرفه على ما قيل شاقي

امــور مـثبتـه فـعـلٍ وقـولــي

وعينه للمراجل دربها راقـي

http://upload.hawamer.com/d.php?hash=26OZOF77M17LYNMJOVYU8B7IUICCC8

احمدالدمام

13/08/2016, 11:01 PM

قيّل يبي يرتاح من قسوة الحر
والشمس تطبع في زوايا جبينه
الجو قاسي والخلاء ارضه اغبر
وشبه الجزيره نار يطبخ طحينه

احمدالدمام

14/08/2016, 09:48 AM

دهاني احساس يرافق خيالي
وماهي غريبة ماعرضلي من احساس
نفسي وكلي ثروتي مع عيالي
فدوة لأرضً صيتها يرفع الراس

عدم الانحياز

14/08/2016, 09:09 PM

اسعـــد الوقـت فكـــره . . . . . تجبـر الـقــاف مـنـــي
واضبـط اللحن حكــره . . . . . مــن سمعـه بـيغنــــي
يجـعل الامـس بكــــره . . . . . يــم مـاضيه حــنـــــي
راجعه عقـب سكــــره . . . . . ثــم بــــدا بالتمنــــــي
وكــر الطـير وكــــــره . . . . . فــي هــدوده يـثـنـــي

http://upload.hawamer.com/d.php?hash=26OZOF77M17LYNMJOVYU8B7IUICCC8

احمدالدمام

15/08/2016, 12:32 AM

نيتك يالغافل ركوب ومطية
تفتح لك ابواب السعد في خطاويك
استغفر الله عن دروب الخطية
واخلص له النية بصدق ويعطيك

عدم الانحياز

16/08/2016, 07:23 PM

.
.
.

يدين الشاعر بـزيـن العطاء للي منحـه شـعــور

وهيض ما كمن طي الخفى واحساسة الشاعــر

عسى الله يجزي اللي هيض المكنون دار النور

ولـو انـه يمسـك يــوم حـســك صـلـوه الساعـر

ولكنه تـجمـل يـوم حــدك تـجـلـب الـمـنـثـــــور

وعـقـب منول المنعـور تـسكـن لحـظة النـاعــر

http://upload.hawamer.com/d.php?hash=26OZOF77M17LYNMJOVYU8B7IUICCC8

احمدالدمام

16/08/2016, 10:35 PM

عرى التقوى تمسك به .. وتسلك بك مسار النور
وتجلد بالصبر وما خاب .. من يبلى وهو صابر
ولا تنعت زمانك يوم .. ولو يصلاك بالتنور
دياجير الظلام دروب .. تعبد دربك العابر

قوافي ( أم نهار )

17/08/2016, 08:33 AM

شعراء خيمة القصائد الكرام
السلام عليكم ورحمة الله وبركاته
فضلا لا امرا عند طرح الابيات ارجو مراعات شروط الخيمه وما يمنع طرحه..
تحياتي وتقديري واحترامي

صويب البرق

17/08/2016, 03:31 PM

بـرد الشمـال وصـوتها بالشبابيك
عقب المطر لاصاب وأقفى كسيره

حزّه بـهـا فـراق الغضي والتهاليك
في قلب عاشق يـوم قفّى عشيره

خوي المطاليق.

17/08/2016, 10:06 PM

رهط ٍتسلل للعنى غادي الشوف
كنه معه بندق زعيم المجره

لو يفزع ايرانك ويلحقك لاروف
بتموت وانت الحد طاويك حره

صويب البرق

22/08/2016, 09:10 PM

رهبة البارق علـى خطف البصر حـزّة ضياه
وصورة المزن بـ ظلام الليل وثعوله سكيب

منظر بـ عين الشقـاوي قلبه بـ شوفه مناه
مع خوي صافي على جوّه كذا يبغى تصيب

احمدالدمام

25/08/2016, 09:37 PM

يبقى الوفاء بقلوب الأجواد موجود
يزيد مع طول الزمان وسنينه
ويحمل حنين الشوق والود ممدود
في جوف متشبع وداد وسكينه

صويب البرق

09/11/2016, 12:13 AM

نهنى على شوف الطبيعه والأمطار
ولامن مضت تشفق عليها الطواري

ماكـل مايشـوق النظر ينذكر سـار
وماكـل شـايق هـاضـني كنت داري

احمدالدمام

09/11/2016, 04:10 PM

ريحانة احيت بريح الحياء روح
ودارت رحى روح تحرى حياها
وصبح تنفس بالهناء وبريت اجروح
ودانت وردت ودمدمت دمع ماها

سحاب نجد راعي شقراء

10/11/2016, 11:35 PM

الاابرقت شفنا الواهب ونيران
ولا ارعدت ترتج دار العباده

ثنتين وجتمعو نقيضن ونقضان
ماعونهن واحد وحلون شرابه

سحاب نجد-راعي شقراء

صويب البرق

23/11/2016, 05:37 AM

بهـارهـا الـدله مـع الناس معـروف
وبـهـار قـلـبـي غـايبـاً مـاتـحقق

أسج والخـاطر كسر جوّه الشـوف
طال المحل والغصن مات وتشقق

احمدالدمام

26/11/2016, 11:31 PM

ققلك شي مايخطر على بالك
تراك اسرفت بالتبذير باموالك
شويت خوف من الله اذ تبغى
يبارك لك بما اعطاك وبعيالك

صويب البرق

01/01/2017, 04:48 PM

لك مدةن ياضيف غايب عن العين
حتى الخبر مالك ذكر فيه مكشات

باقي رجاء واليـوم سته وعشرين
بالمربعانيه عقب مـ الـوسم فـات

خوي المطاليق.

09/01/2017, 08:55 AM

اترك على المعبود همك و بلواك
واعبـد ولا تشرك و تلقى جـزاها

وان صابتك ضيقه فلا تقلب شواك
خيره من الرحمن واسـمع خبـاها

امـا تصَبر و الصبر مـابه اشـواك
يمحي ذنـوب المومن الي جـباها

و امـا تلـها عن فرايضك و رجـاك
نفسك ورى الطاعات تلقى خطاها

بالاولـه و الثـانيه كـل مـا جـاك
خيره من الـرزاق مـابه سـواهـا