المساعد الشخصي الرقمي

مشاهدة النسخة كاملة : مالحل للغبار ؟


الوافي99
09/01/2007, 02:22 PM
السلام عليكم

انا معي باترول صالون Sgl 99 ومن مده بسيطه لاحظت غبار يدخل من الباب الخلفي (الشنطه) وخاصه اذا مشيت على ريغى فما الحل لهذا الغبار مع العلم اني مركب شريط لاصق من سنه الي شكله مثل الاسفنج.

وشكرا.
مدور ربيع
09/01/2007, 09:38 PM
الحل ... انك تدبلهم يعني تركب شريط لاصق مرتين !!

واحد متقدم ,, والثاني متأخر ,, يعني واحد على الحافه ,, والثاني داخل شووي

وانشالله ماتشووف غبار


وعلى فكررررة اي موتر فيه ابواب خلفيه ,, لازم يدخل غبار .. والسبب ؟؟؟؟

السبب الاقفال اللي في الباب ,, فيها مجال لاادخال الغبار ,, بالرغم من وجود العازل

النصيحه .. ركز على موضع الاقفال ,, وشفلها حل اسفنجي .. واكرر اسفنجي
الطير المهاجر
10/01/2007, 09:59 AM
السلام عليكم

اخوي الغبار اذا تبي يروح وترتاح وسيارتك نظيفة

ركب الجلد الاصلية هذي الاسفنج الي انت مركب خربوطة مثل مايقولون

هذي فايدتها ماتتجاوز 10%

انا كان عندي شيروكي 91 مركب له جلد اصلية وحتى تنسيم الهوا اذا كنت على الطريق يقل كثير

تحياتي
الوافي99
10/01/2007, 02:02 PM
مشكور اخوي مدور الربيع وجاري التجربه

اخوي الطير المهاجر شكرا لمرورك ونصيحك ابي اجرب التدبيل والا الكوي آخر شيء اجل جلدة الباب الصغير بـ300 ريال كوي بمعنى الكلمه

وشكرا لكم مره اخرى.
جهام القصيم
10/01/2007, 02:13 PM
يالطيب خذ العلم الاوكاد اذا بغيت تطلع عن الزفلت (القار) سكر فتحات التهوية الي في اخر السيارة وراء الي على الجوانب سكرة بالصق شطرطون يكون اصلي على شان ما يطير من الهواء وتأكد من تنظيف السيارة من الغبار القديم الي في سقف السيارة 0
ولا تنسى الدعاء
الوافي99
10/01/2007, 10:35 PM
هلا اخوي جهام القصيم انا مركب شراع للشنطه داخل الديكور للحفاظ على الشنطه من خدش الحطب والغبار بس البلاء من البيبان اللي وراء

وشكرا لمرورك