سؤال بارك الله فيكم فايروخ 80

[ريان.]

السلام عليكم ورحمة الله وبركاته

اخواني
ان شاء الله مقبل على شراء ساكتون فايروخ 80
وانا تحديدا من حايل
واقرب شي لي الرياض - القصيم
وسمعت مافيه فرع للرميح الا بالرياض ؟ مادري عن هالمعلومه
استفساري عن الترخيص كم يبغى له على مايطلع يعني يطول او لا ؟
كم ياخذ يوم تقريبا وهل يسلموني الساكتون واجيهم اخذ الترخيص او العكس يخلونها عندهم لين يطلع الترخيص
وياليت اخر شيء اذا كان الرميح بس بالرياض ياليت تكفون تدلوني على الفرع الي يبيع ساكتون فايروخ 80 لان يقولون فيه اكثر من فرع بالرياض
وبيض الله وجيهكم

[رعودالخيل]

عندك فرع بحي النسيم على شارع الاربعين وعندك فرع الرئيسي امام ملعب الملز هاذا اللي اعرفه من فروعهم وبخصوص الساكتون تشتريها من عندهم وتخليها اسبوعين بلكثير وتجي وتستلم الساكتون والترخيص وانصحك لا تجي لرياض الا وانت مكلمهم لان يمكن ما تحصل عندهم قد صارت معي قعدوا فتره لين جابوها واذا على رقمهم تحصله بقوقل ابحث عنهم تحصله وشكرا.

[خالد الخطير]

الي اعرفه ان بالرياض فرعين فقط كما تفضل اخوي رعود الخيل

اما المناطق الثانيه ماعرف عنها شي

اليوم ان شاء الله امرهم واجيب لك رقمهم علشان تتواصل معهم وتاخذ التفاصيل من روسهم

[كاتم الشكوى]

فيه ببريدة
وفيه بالزلفي
وليا اشتريته هات معك صور صغيرة وعلم صاحب المحل يرسله لك لياطلعت رخصته وتاصلك وانت بحايل ...يرسله اما بزاجل او غيره

[خالد الخطير]

مريتهم اليوم وجبت لك ارقامهم مع الاسعار

حتى تستفسر اي استفسار يطري على بالك

http://store2.up-00.com/2015-08/144023575491.jpg

[خوي الذيب2010]

ماتاخذها الا ورخصتها معها. ويبي لك اسبوع الى اسبوعين.

هذا فرع بريده انا سالهم بنفسي وشكرا

[خالد الخطير]

ماتاخذها الا ورخصتها معها. ويبي لك اسبوع الى اسبوعين.

هذا فرع بريده انا سالهم بنفسي وشكرا

الي بالرياض فرعين

فرع النسيم 4 ايام وتاخذها

فرع الملز 2 يوم وتاخذها

لان فرع النسيم يرفع اوراقع للملز الي هو الفرع الرئيسي

[الحربي حاتم]

الأسعار للمقاس الصغير ، مقاس 5.5 بكم الفايروخ 80 .

[ارثمس]

1800 ريال كلهن ال4,5 و 5,5