مشكله في التاهو 2011

[فهودي707]

السلام عليكم ورحمه الله وبركاته
يعطيك الف الف عافيه على المنتدى الرائع

عندي مشكله بالسياره ومني عارف لها
قبل شهر تقريبا بدت معي المشكله
كانت امشي بالسياره وفي قدامي اشاره وكنت امشي تقريبا 70
وفجى وانا وتوني بوقف الا طفى الموتر فجاء لحاله شغلت السياره اشتغلت ومشيت
ونفس اليوم بالليل صارت نفس المشكله
ثاني يوم الصباح وديتها الورشه قال لي عندك منظم الريس يبي له تنظيف وبرمجه وتنظيف الثروتل
وغير لي بواجي واسلاك بواجي
والريس يرتفع خفيف وينزل مدري وش فيه
ودعسه البنزين فيها مثل الرجه فوق 100 تختفي

وبعد شهر من الصيانه رجعت تطفي مره اخره مره واحده طفت السياره فقط
وانا اريد منكم من منكم صارت معه هالمشكله؟
ناس تقول الطرمبه البنزين ؟
لو الطبرمبه ماتشتغل السياره الين تبرد ؟
واكون شاكر لكم كثير
بوعبدالله

[الحربي 591]

اذا مولع لمبه في الطبلون افحصها... وجيب الكود لي اذا ما عليك امر

اذا ماهو مولع شي عز الله بتدخل في متاهات كثييره... وانت بعد لا تستعجل

المهم ابيك توصف الطفيه هل تحس السياره تنكتم ثم تطفي؟
ولا تطفي مثل يوم تلف السوتش.؟

[فهودي707]

لا الطبلون مافيه ولا لمبه شغله عندي كل شي اوكي
الطفيه طال وانا امشي اقل من 80 وقريب بمسك بريك وبوقف عند الاشاره تطفي السياره ارجع السلف واشغل السياره تتشغل على طوال وامشي

حتى يوم تطفي السياره ماتشتغل العلامات حق الطبلون انه السياره طفت احس الدلسكون ثقيل اشغل السياره تمشي اوكي

[الحربي 591]

لا الطبلون مافيه ولا لمبه شغله عندي كل شي اوكي
الطفيه طال وانا امشي اقل من 80 وقريب بمسك بريك وبوقف عند الاشاره تطفي السياره ارجع السلف واشغل السياره تتشغل على طوال وامشي

حتى يوم تطفي السياره ماتشتغل العلامات حق الطبلون انه السياره طفت احس الدلسكون ثقيل اشغل السياره تمشي اوكي

هقوتي ان ما يوصلها بنزين.... دام انك ما تحس فيها.....

تجربه بسيطه سويها اذا انت فاضي :D ولا خذ التاهو حقي وعطني تاهوك وانا اجرب :) :D :D

اذا ولعت لمبه البنزين روح اقرب محطه وخذ جركل وعبيه بنزين
ولا تعبي السياره... و لفلف لين ما تطفي اذا نفس الطفيه...

الظاهر انها هي من الطرمبه او شي حولها

ان كانها تكتم وتطفي الثروتل والفلتر وحساس الهواء مشتبه فيهم

[1824]

غير فلتر الهواء ونظف حساس الهواء بمنظف الكترونيات وافصل البطارية قبل الشغل وركبها بعد ما تخلص وجرب وان شاء الله خير بالتوفيق لك

[عبقري91]

احس الشغله شغلة بنزين افحص بالله ضغط الطرمبه حق النزين. شغلته سهله. من عند المكينه كنه بلف حق الكفر او حق بريون السياره. يعلمك ضغطها صعبف ولا. لا واذا فيها مشكله لاتغيرها غير الصفايه وبعدين افحص. يمكن الصفايه وصخه. انا كل ست شهور اغيرها الاقيها مليانه وصخه
والمشكله الثانيه حساس الدعسه
والشباب يفيدونك انشاء الله.

[1824]

ضعف الطرمبة بالعكس ما يطلع بالوقوف يطلع بالمشي وهو حسب كلامه انه مافي مشكلة اثناء القيادة

المشكلة عن التوقف وحساس الهواء احد العوامل المسؤولة عن إبقاء المحرك عاملا اذا فلتر الهواء ما قد تغير يتوصخ الحساس وتصير المشكلة عشان كذا نبدا بتغير فلتر الهواء وتنظيف حساس الهواء ويسمونه بعضه قربه الهواء حساس الماف او الماس

وبعدها نشوف وش يصير بالتوفيق لك

[فهودي707]

مشكورين والله يعطيك الف الف عافيه
وان شاء الله بمر قطع الغيار وبشتري فلتر هواء وبنظف الحساس الهواء
وبعطيك وش اخر الاخبار
وان شاء الله في ميزان حسناتكم ياارب

[وطن العزة]

حتى يوم تطفي السياره ماتشتغل العلامات حق الطبلون انه السياره طفت احس الدلسكون ثقيل اشغل السياره تمشي اوكي


هذي طفية كهرب شيك على أصابع البطارية يمكن مرتخيه أو متأكسده

[فهودي707]

البطاريه توني قبل لاتصير المشكله بيوم غيرتها جديده
وثاني يوم طفت السياره علي والاصابع جديده مافيها اكسده

[فهودي707]

احد يعرف ورشه بالدمام كويسه وتعامل كويس
لاني مريت على كذا ورشه مافي احد فاهم كل واحد يالف من راسه
اذا في ورشه يوصف لي الورشه وين بالدمام او يرسل لي رقمه خاص واكون شاكر له كثير
ابي ناس فاهمه في الامريكي

[الثائر]

صارت معي قبل
احد الكويلات فيه خلل