الكذب في سوق الطيور بالديره

[هبوب]

الطير صايد حباره الطير صايد كروان الطير يجي على الملوح الطير صايد ديك حبشي ال اخرة هكذا يكذبون على الناس حتى يكسبون ولو بالحرام والكذب حيث حصل كذا مره وان استرجع الزبون الطيور اليهم وبالقوة حيث الطيور الذي اشتراها منهم لاتقدر تصيد ولا حمامه واقول للزبون احذر من سوق الديره حيث المحلات يبالغون اولا بالسعر ثم يكذبون على الزبون بالطيور وتوسير وما ادراك ما التوسير احذرو احذروا تحياااتي

[هاوي تحدي]

الله يعطيك العافيه

[عاشق الخط]

ص د ق ت

[ولـد الدوادمي]

بيض الله وجهك وانخوك وافي والله

السوق انشدني انا عنه والله من التلاعب والله يكفينى الشر

[عيناوي]

مافيه سوق ما يكذب
نفوسا ضعيفه والله يبعدهم عننا

لا تشتري الا من ثقه!!
حتى لو انك في افضل واشهر سوق..ترا اصابع اليد ماهيب سوا يا اخوك

[تربل999]

الله يرحم والديك

ونصيحا

لا تشتري الا طير شايفه على هداد

تقبلو تحياتي

[طارق الحربي]

كل السوق نصابين الا ماندر

بعض المحلات البلا من صبيان المعزب وبعضهم البلا من المعزب نفسه

والمشكله انهم يحاولون يخربون على بعض بسب المحلات الثانيه

اما الاسعار حاول لا تشتري الا من الحراج اذا كنت تبخص الطيور زين اما اذا كنت خايف ان يطلع في الطير شي اشتر من محل عشان متى مابغيت ترجعه

اذكر لك قصه

انا ورجال شرواك ولا يهونون السامعين شرا له حر مثلوث ب 5 الاف من محل طبعا المحل فيه الصبي بس قلت للصبي تشرط لي الامراض قال ايه اذا فيه شي رجعه وكلمنا معزبه بالتلفون وقال نفس الكلام طبعا حنا مادفعنا كل المبلغ لاني اعرف الصبي ويوم اخذناه ومشينا دق علي يقول اذا فيه شي رجعه بكره الصبح مع العلم اني شاريه اخر العشا قلت مهو مشكله المهم الطير طلع فيه قلاع والصبح رجعناه رفض الصبي يقول ماعندي فلوس طيب والفولس اللي امس مسلمك قال حولتها للمعزب كلمت المعزب قال القلاع مهو مرض بعدين انت مافحصت الطير والبيع مهو لعبه تشتري وترجع قلت اللي بين لي ان الطير فيه قلاع العلف يوم علفته المهم قال مافيه ترجيع بأسلوب سوقي جدا طبعا انا قلت للصبي ما اعرف الا انت ترجع فلوسي قال ماعندي احتكمنا لشايب السوق اللي هو ابن منيس القحطاني قال رجعوا فلوسه الصبي قال حط الطير عندي ابيعه واعطيك الفلوس ومن بكره دق علي وقال تعال خذ فلوسك مع العلم ان الطير قعد عنده شهرين ما بيع واخرتها بيع ب 3000 ريال :)

الشهاده تنقال لا تاخذ الا من ابن خرعان ولا ابو علي الشايب والا من ابن منيس شخصيا لا تاخذ من صبيه

بسسسسسسس


تحياتي

[القـــناص]

اخوي اذا كنت ناوي تشتري

طير افتك من السوق دور عند

اخوياك ولا تشتري شي الا انت خابره...

[اسبوع]

يامن شراله من حلاله عله المشكله مافيخ فواتير ولاشهادات صحيه ولارقابه من اي جهه رسميه

[<عاشق الصمان>]

الله يرحم والديك

ونصيحا

لا تشتري الا طير شايفه على هداد

تقبلو تحياتي

[المري]

الله يهديهم ويرزقهم الرزق الحلال.. امين

سوق الطيره معروف عند دول الخليج واذا اخربت سمعته مشكله كبيره.

اخوكم - المري

[اسبوع]

العاشق الولهان لفيافي الصمان انتبه ونبه للشرطيه الجهلآ الي مداهم قريب نظره قصيره محدوده

[قلب شاهين]

والله ياخواني انا ما اشتري الطير على الفاضي أنا أذا كان الطير غالي ويستاهل اقوله نطلع انا وياك المدعى ونهد الطير ونشوف طياره اذا عجبني اشتريه واذا ماعجبني ماراح اشتريه ،،

[ذيب أرهابي]

النصب في كل مكان لكن الله المستعان رح لحراج السيارات تشوف العجب العجاب رح لحراج بن قاسم تشوف الي اعجب ، رح لسوق الحمام تشوف الطوام الله المستعان خلك حذر في مشتراك وخلك حذر في بيعك ، بالعربي خلك شكاك القانون لا يحمي المغفلين ، في زمن الرسول صلى الله عليه وسلم وذلك أن النبي صلى الله عليه وسلم مر على صُبرة طعام فأدخل يده فيها فنالت أصابعه بللاً. فقال: { ما هذا يا صاحب الطعام؟ } قال: أصابته السماء يا رسول الله. قال: { أفلا جعلته فوق الطعام كي يراه الناس من غش فليس مني } وفي رواية: { من غشنا فليس منا } وفي رواية: { ليس منا من غشنا } [رواه مسلم]
وفقك الباري